ໃນນັ້ນ, ທ່ານຜູ້ຟັງລາວຫລາຍຄົນໄດ້ສົ່ງອີແມວມາຍັງລາຍການດ້ວຍເນື້ອໃນ ຢາກຊອກຮູ້ກ່ຽວກັບບັນດາການເຄື່ອນໄຫວ ຫວຽດນາມ - ລາວ ໃນອາທິດຜ່ານມາ. ໃນລາຍການ “ໂອ້ລົມກັບເພື່ອນລາວ” ມື້ນີ້, ພວກເຮົາຂໍຄັດສະເໜີບາງເນື້ອໃນຈົດໝາຍ ແລະ ຕອບບາງຄຳຖາມເຊິ່ງທ່ານຜູ້ຟັງໄດ້ຝາກມາລາຍການ. ເຊີນທ່ານຕິດຕາມຮັບຟັງ.

ພິທີບູຊາເຈົ້າຊີວິດຮຸ່ງ

ເພື່ອນ ລໍຄຳໄຊ ວິພາວັນ ແລະ ເພື່ອນ ວິໄລສຸກ ວະລາດາບຸດ ໄດ້ສົ່ງອີແມວມາຫາລາຍການດ້ວຍເນື້ອໃນວ່າ: “ຂອບໃຈລາຍການພາກພາສາລາວ, ລະບົບກະຈາຍສຽງພາສາຕ່າງປະເທດ, VOV ໄດ້ແນະນຳໃຫ້ຂ້າພະເຈົ້າກ່ຽວກັບບັນດາສະຖານທີ່ທ່ອງທ່ຽວຢູ່ບັນດາແຂວງທາງພາກເໜືອ ຫວຽດນາມ, ພິເສດແມ່ນລາຍການທ່ອງທ່ຽວ ຫ້າລອງ ແລະ ການໄປທ່ອງທ່ຽວວິຫານຮຸ່ງ,  ຫວັງວ່າ ໃນການໄປຢ້ຽມຢາມຈະມາເຖິງຂອງຂ້າພະເຈົ້າ ແລະ ຄອບຄົວຈະມີຄວາມສະດວກ.”

ໃນຈົດໝາຍຝາກມາຍັງລາຍການ ເພື່ອນ ປານຸສອນ ຈິນດາວົງ ຢູ່ແຂວງ ບໍລິຄຳໄຊ ແລະ  ເພື່ອນ ເພັດສະຫວັນ ສົມສະນິດ ຢູ່ແຂວງ ອັດຕະປື ແບ່ງປັນວ່າ: “ພວກຂ້າພະເຈົ້າແມ່ນນັກສຶກສາລາວ ເຄີຍຮ່ຳຮຽນຢູ່ ຫວຽດນາມ. ແຕ່ລະເທື່ອ ເທື່ອໂອກາດປີໃໝ່ລາວວຽນມາ, ພວກຂ້າພະເຈົ້າພັດຄິດເຖິງໄລຍະທີ່ພວມຮ່ຳຮຽນ ແລະ ຕ້ອນຮັບປີໃໝ່ລາວຢູ່ ຫວຽດນາມ. ເຖິງວ່າຢູ່ໄກກັບຄອບຄົວ, ບ້ານເກີດເມືອງນອນກໍ່ຕາມ ແຕ່ພວກຂ້າພະເຈົ້າກໍ່ຍັງໄດ້ຮັບຄວາມເອົາໃຈໃສ່ເປັນພິເສດຈາກການນຳແຂວງ, ນະຄອນ, ຄູອາຈານ ແລະ ນັກສຶກສາ ຫວຽດນາມ ຢູ່ບ່ອນທີ່ພວກຂ້າພະເຈົ້າຮ່ຳຮຽນ. ພວກຂ້າພະເຈົ້າມີຄວາມປະທັບໃຈທີ່ສຸດກ່ຽວກັບບັນຍາກາດທີ່ຟົດຟື້ນມ່ວນຊື່ນໃນການຕ້ອນຮັບປີໃໝ່ລາວ ທີ່ໄດ້ຈັດຕັ້ງຢູ່ບາງມະຫາວິທະຍາໄລຂອງ ຫວຽດນາມ .

ນັກສຶກສາລາວພວມຮ່ຳຮຽນຢູ່ ຫວຽດນາມ ຈັດຕັ້ງບຸນປີໃໝ່

ເພື່ອນ ອານຸສິດ, ເພື່ອນ ແກ້ວດວງໃຈ ຢູ່ແຂວງ ຫລວງພະບາງ ແລະ ເພື່ອນ ອາມິນຕາ ຢູ່ແຂວງ ອັດຕະປຶ ໄດ້ສົ່ງອີແມວມາຍັງລາຍການ ດ້ວຍເນື້ອໃນຢາກຮູ້ແຈ້ງກ່ວາ ກ່ຽວກັບບັນດາການເຄື່ອນໄຫວພົ້ນເດັ່ນລະຫວ່າງ ຫວຽດນາມ ແລະ ລາວ ໃນອາທິດຜ່ານມາ.

ເພື່ອນ ອານຸສິດ, ເພື່ອນ ແກ້ວດວງໃຈ ແລະ ເພື່ອນ ອາມິນຕາ ທີ່ຮັກແພງ ! ຕອນບ່າຍວັນທີ 23 ເມສາ, ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ໂດຍທ່ານນາງ ຕ່ອງທິຟ໋ອງ ຮອງປະທານສະພາແຫ່ງຊາດ ຫວຽດນາມ ນຳໜ້າໄດ້ມີການພົບປະເຈລະຈາກັບຄະນະຜູ້ແທນສະພາແຫ່ງຊາດ ລາວ ໂດຍທ່ານພົນໂທ ແສງນວນ ໄຊຍະລາດ ຮອງປະທານສະພາແຫ່ງຊາດ ລາວ ເປັນຫົວໜ້າຄະນະ. ທີ່ການພົບປະເຈລະຈາ, 2 ຝ່າຍໄດ້ສຸມໃສ່ຕີລາຄາໝາກຜົນບັນດາການເຄື່ອນໄຫວຮ່ວມມືລະຫວ່າງ 2 ສະພາແຫ່ງຊາດໃນປີສາມັກຄີມິດຕະພາບ ຫວຽດນາມ - ລາວ 2017; ປຶກສາຫາລືກ່ຽວກັບທິດທາງການຮ່ວມມືລະຫວ່າງສະພາແຫ່ງຊາດ ຫວຽດນາມ ແລະ ລາວ ໃນໄລຍະຈະມາເຖິງ ແລະ ແລກປ່ຽນກ່ຽວກັບບົດຮຽນການເຄື່ອນໄຫວຂອງສະພາແຫ່ງຊາດແຕ່ລະປະເທດ. ກ່ຽວກັບທິດທາງການຮ່ວມມືໃນໄລຍະຈະມາເຖິງ, 2 ຝ່າຍເຫັນດີເປັນເອກະພາບຈະສືບຕໍ່ແລກປ່ຽນຄະນະຜູ້ແທນຂັ້ນສູງ 2 ສະພາແຫ່ງຊາດ 2 ປະເທດ, ປະຕິບັດບັນດາເນື້ອໃນໄດ້ຕົກລົງກັນ. 2 ຝ່າຍກໍ່ເຫັນດີເປັນເອກະສັນ ຈະສົມທົບກັນຕິດຕາມກວດກາຢ່າງແໜ້ນແຟ້ນການຜັນຂະຫຍາຍໂຄງການກໍ່ສ້າງສຳນັກງານສະພາແຫ່ງຊາດ ລາວ ຫລັງໃໝ່ ຮັບປະກັນຄຸນນະພາບ, ແມ່ນກິດຈະກຳທັນສະໄໝ, ເຕັມໄປດ້ວຍວັດທະນະທຳ ແລະ ສີສັນຊາດ, ສົມເປັນສັນຍາລັກຂອງນ້ຳໃຈມິດຕະພາບ ແລະ ຄວາມສາມັກຄີແບບພິເສດ ຫວຽດນາມ - ລາວ.

ກ່ອນໜ້ານັ້ນ, ວັນທີ 18 ເມສາ ຢູ່ຮ່າໂນ້ຍ, ທ່ານນາງລັດຖະມົນຕີກະຊວງສາທາລະນະສຸກ ຫວຽດນາມ ຫງວຽນທິກິມຕ໋ຽນ ໄດ້ໃຫ້ການຕ້ອນຮັບຄະນະຜູ້ແທນລາວ ໂດຍທ່ານຮອງລັດຖະມົນຕີກະຊວງສາທາລະນະສຸກ ລາວ ຄຳພອນ ພຸດທະວົງ ນຳໜ້າມາຊອກຮູ້ກ່ຽວກັບການປະກັນສຸຂະພາບ ແລະ ການເປັນເຈົ້າຕົນເອງດ້ານການເງິນໃນໂຮງໝໍຢູ່ ຫວຽດນາມ. ທີ່ການຕ້ອນຮັບ, ທ່ານນາງລັດຖະມົນຕີກະຊວງສາທາລະນະສຸກ ຫງວຽນທິກິມຕ໋ຽນ ໄດ້ແບ່ງປັນບັນດາຜົນງານດ້ານສາທາລະນະສຸກ ຊຶ່ງ ຫວຽດນາມ ບັນລຸໄດ້, ກໍ່ຄືບັນດາຄວາມຫຍຸ້ງຍາກ, ສິ່ງທ້າທາຍໃນການປ່ຽນແປງໃໝ່ດ້ານການເງິນ, ເປັນເຈົ້າຕົນເອງດ້ານການເງິນໂຮງໝໍໃນລະບົບປະກັນສຸຂະພາບ. ໃນໄລຍະຈະມາເຖິງ ຫວຽດນາມ ຈະປ່ຽນແປງໃໝ່ລະບົບສາທາລະນະສຸກຂັ້ນຮາກຖານ, ບັນດາສຸກສາລາຕາແສງ, ເມືອງ. ທ່ານນາງລັດຖະມົນຕີກະຊວງສາທາລະນະສຸກ ຫງວຽນທິກິມຕ໋ຽນ ກໍ່ສະແດງໃຫ້ເຫັນວ່າ ຫວຽດນາມ ພ້ອມແລ້ວທີ່ຈະແບ່ງປັນ ກໍ່ຄືຖອນຖອນບົດຮຽນກັບ ລາວ ໃນການປ່ຽນແປງໃໝ່ລະບົບສາທາລະນະສຸກ ແລະ ປາດຖະໜາວ່າ ລະບົບສາທາລະນະສຸກຂັ້ນຮາກຖານຂອງ ລາວ ຈະປະສົບຜົນສຳເລັດ.

ຕອນເຊົ້າວັນທີ 20 ເມສາ, ຢູ່ນະຄອນຫຼວງວຽງຈັນ, ກົມໃຫຍ່ເຕັກນິກ, ກະຊວງປ້ອງກັນປະເທດລາວໄດ້ຈັດຕັ້ງພິທີເປີດສະຫຼອງ ແລະ ມອບຮັບສູນຈຳລອງອົບຮົມການສູ້ຮົບ. ນີ້ແມ່ນຂອງຂວັນຈາກບໍລິສັດນຳໃຊ້ເຕັກນິກ ແລະ ຜະລິດ (Tecapro) ຈຳກັດຜູ້ດຽວ ສັງກັດກະຊວງປ້ອງກັນປະເທດຫວຽດນາມ ມອບໃຫ້ກົມໃຫຍ່ເຕັກນິກ, ກະຊວງປ້ອງກັນປະເທດລາວ. ສູນຈຳລອງອົບຮົບການສູ້ຮົບແມ່ນຜະລິດຕະພັນໂດຍບໍລິສັດ Tecapro ປະດິດສ້າງລວມມີລະບົບຈຳລອງອົບຮົມການສູ້ຮົບທະຫານບົກຄືຍິງປືນສັ້ນ K54, AK47, RPK, RPD, B41 ແລະ ປືນກຳລັງໄຟຂະໜາດ 12,7 mm…

ດັ່ງທີ່ກ່າວມາຂ້າງເທິງແມ່ນເນື້ອໃນຄຳເຫັນ ແລະ ຄຳຖາມຂອງຜູ້ຟັງບາງທ່ານທີ່ຝາກມາລາຍການ ໃນອາທິດຜ່ານມາ. ຖ້າຫາກຜູ້ຟັງ, ຜູ້ອ່ານທ່ານໃດ ມີຄວາມສົນໃຈຕໍ່ບັນຫາໃດໜຶ່ງ, ກໍ່ສາມາດຝາກຈົດໝາຍມາຍັງລາຍການຂອງພວກເຮົາໄດ້ເລີຍ ໂດຍຈ່າໜ້າຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼື ໂທລະສັບມາໂດຍກົງກໍ່ໄດ້ ຕາມເບີໂທ 0084.243.825.6631 ຫຼື ອີແມວ laovov5@gmail.com. ທ່ານຜູ້ຟັງກໍ່ສາມາດ Comment ໃນເວັບໄຊ vovworld.vn ຂອງພວກເຮົາ.