(vovworld) – ໃນອາທິດຜ່ານມາ, ລາຍການພາກພາສາລາວ, ວິທະຍຸກະຈາຍສຽງຫວຽດນາມ, ໄດ້ຮັບໂທລະສັບ, ອີແມວ, ຈາກຜູ້ຟັງລາວ ທີ່ສົ່ງມາລາຍການໂດຍຢາກຊອກຮູ້ກ່ຽວກັບການພົວພັນຮ່ວມມືລະຫວ່າງ ຫວຽດນາມ - ລາວ. ນອກຈາກນັ້ນ, ທ່ານຜູ້ຟັງຍັງເອົາໃຈໃສ່ເຖິງບັນດາເຫດການພົ້ນເດັ່ນຂອງຫວຽດນາມ ໃນອາທິດຜ່ານມາ. ໃນລາຍການໂອ້ລົມກັບເພື່ອນລາວ ມື້ນີ້, ພວກເຮົາຂໍຄັດສະເໜີເນື້ອໃນຈົດໝາຍ ແລະ ຕອບບາງຄຳຖາມເຊິ່ງທ່ານຜູ້ຟັງໄດ້ຝາກມາລາຍການ.
ເພື່ອນ ມາລີວົງ, ນັກສຶກສາລາວ ພວມຮໍ່າຮຽນຢູ່ມະຫາວິທະຍາໄລຊັບພະວິຊາ ຫວຽດນາມ ສົ່ງອີແມວມາຍັງລາຍການໂດຍແບ່ງປັນວ່າ: ຂ້າພະເຂົ້າໄດ້ອ່ານ, ຟັງຂ່າວຜ່ານເວັບໄຊຂອງ VOV ເປັນປະຈຳ, ພິເສດແມ່ນເວັບໄຊ ພາສາລາວ, ຜ່ານບັນດາບົດຂຽນ, ພາບສາລະຄະດີ ແລະ ວິດີໂອໃນເວັບໄຊນີ້ ຂ້າພະເຈົ້າໄດ້ເຂົ້າໃຈກວ່າກ່ຽວກັບຊີວິດການເປັນຢູ່ຂອງຊາວຫວຽດນາມ. ຂໍອວຍພອນໃຫ້ VOV ນັບມື້ນັບພັດທະນາກວ່າອີກ.
ເພື່ອນ ສີສະມຸດ ຢູ່ແຂວງ ຈຳປະສັກ ສົ່ງອີແມວມາຍັງລາຍການໂດຍໃຫ້ຮູ້ວ່າ, ຂ້າພະເຈົ້າໄດ້ຕິດຕາມລາຍການຕອບຈົດໝາຍຂອງທ່ານຜູ້ຟັງຝາກມາລາຍການພາກພາສາລາວເປັນປະຈຳ, ຜ່ານລາຍການນີ້ ຂ້າພະເຈົ້າໄດ້ເຂົ້າໃຈກ່ຽວກັບຮີດຄອງປະເພນີ້ ກໍ່ຄືຊີວິດປະຈຳວັນຂອງຊາວຫວຽດນາມ ຫຼາຍກວ່າອີກ. ຂ້າພະເຈົ້າຂໍອວຍພອນໃຫ້ລາຍການນັບມື້ນັບພັດທະນາ
.jpg)
(ພິທີມອບທຶນສຶກສາຂອງລັດຖະບານຫວຽດນາມ
ໃຫ້ລູກຫລານຊາວຫວຽດນາມ ອາໄສຢູ່ ລາວ)
ເພື່ອນ ມີນາ ແກ້ວມາລີວົງ, ຢູ່ແຂວງ ບໍແກ້ວ ໄດ້ສົ່ງອີແມວ ມາລາຍການໂດຍຖາມວ່າ: ໃນອາທິດຜ່ານມາ, ຂ້າພະເຂົ້າໄດ້ຮູ້ຂ່າວວ່າ, ສະຖານທູດຫວຽດນາມ ປະຈຳລາວ ໄດ້ຕາງໜ້າໃຫ້ລັດຖະບານຫວຽດນາມ ມອບທຶນສຶກສາໃຫ້ບັນດານັກຮຽນຢູ່ລາວ. ຂ້າພະເຈົ້າຢາກຖາມວ່າ, ທຶນສຶກສານັ້ນ ໄດ້ສະຫງວນໃຫ້ສະເພາະນັກຮຽນເຊິ່ງເປັນຊາວຫວຽດນາມ ອາຢູ່ລາວເທົ່ານັ້ນບໍ່ ຫຼື ວ່າມອບໃຫ້ທັງນັກຮຽນລາວພ້ອມ? ບັນດາເປົ້າໝາຍຄືແນວໃດຈຶ່ງຈະໄດ້ຮັບທຶນສຶກສາດັ່ງກ່າວນັ້ນ?
ເພື່ຶອນ ມີນາ ແກ້ວມາລີວົງ ທີ່ຮັກແພງ, ວັນທີ 08/10 ຜ່ານມາ, ຢູ່ນະຄອນຫຼວງວຽງຈັນ, ສະຖານທູດຫວຽດນາມ ປະຈຳລາວ ໄດ້ຈັດພິທີມອບທຶນສຶກສາຂອງລັດຖະບານຫວຽດນາມ ໃຫ້ລູກຫລານຊາວຫວຽດນາມ ອາໄສຢູ່ ລາວ ປີ 2015. ນີ້ແມ່ນແຜນການຫັນສັນຍາຮ່ວມມືສອງຝ່າຍກ່ຽວກັບການສຶກສາ ບຳລຸງສ້າງລະຫວ່າງສອງລັດຖະບານ ລາວ ແລະ ຫວຽດນາມ ປີ 2015 ແລະ ແຜນການຮ່ວມມືການສຶກສາ ແລະ ພັດທະນາແຫລ່ງຊັບພະຍາກອນມະນຸດປີ 2015 ລະຫວ່າງສອງກະຊວງສຶກສາບຳລຸງສ້າງ ຫວຽດນາມ ແລະ ກະຊວງສຶກສາທິການ ແລະ ກິລາລາວ ໃຫ້ປະກົດຜົນເປັນຈິງ. ຕາມທ່ານ ຫງວຽນແມ້ງຮຸ່ງ, ເອກອັກຄະລັດຖະທູດ ຫວຽດນາມ ປະຈຳລາວ ແລ້ວ, ການມອບທຶນສຶກສາແມ່ນສະແດງໃຫ້ເຫັນຄວາມເອົາໃຈໃສ່ພິເສດຂອງພັກ, ລັດຖະບານ ແລະ ປະຊາຊົນສອງປະເທດ ສະຫງວນໃຫ້ແກ່ນັກຮຽນນັກສຶກສາ ຊາວຫວຽດນາມ ອາໄສຢູ່ ລາວເທົ່ານັ້ນ.
ເພື່ອນ ທິດາ ມາໄຊນະວົງ, ຢູ່ແຂວງ ຫົວພັນ ໄດ້ສົ່ງອີແມວ ມາລາຍການໂດຍຖາມວ່າ: ຂ້າພະເຈົ້າໄດ້ຍິນຂ່າວວ່າ ຫວຽດນາມ ພວມປະຕິບັດແຜນການຫັນລະບົບສົ່ງສັນຍານ ແລະ ກະຈາຍຄື້ນໂທລະພາບໜ້າດິນເປັນດີຈີຕອນ. ໂຄງການຫັນລະບົບສົ່ງສັນຍານ ແລະ ກະຈາຍຄື້ນໂທລະພາບໜ້າດິນເປັນດີຈີຕອນນີ້ມີຜົນປະໂຫຍດຄືແນວໃດ? ວິວັດການຫັນລະບົບສົ່ງສັນຍານ ແລະ ຈະຈາຍຄື້ນໜ້າດິນໂທລະພາບເປັນດີຈີຕອນຢູ່ຫວຽດນາມ ຄືແນວໃດ?
ເພື່ອນ ທິດາ ມາໄຊນະວົງ ທີ່ຮັກແພງ, ໃນໄລຍະຜ່ານມາ, ທ່ານນາຍົກລັດຖະມົນຕີຫວຽດນາມ ໄດ້ອະນຸມັດຜ່ານແຜນຮ່າງຫັນລະບົບສົ່ງສັນຍານ ແລະ ກະຈາຍຄື້ນໂທລະພາບໜ້າດິນເປັນດີຈີຕອນຮອດປີ 2020. ເຊິ່ງຕາມນັ້ນແລ້ວ, ບັນດາຜູ້ຊົມຈະສາມາດຮັບຊົມບັນດາລາຍການໂທລະພາບດີຈີຕອນດ້ວຍເນື້ອໃນອຸດົມສົມບູນກວ່າ, ມີຄຸນນະພາບກວ່າ ແລະ ມີຫຼາຍລາຍການກວ່າເມື່ອທຽບໃສ່ໂທລະພາບທຳມະດາ. ຕາມແຜນຮ່າງເຊິ່ງນາຍົກລັດຖະມົນຕີໄດ້ເຊັນອະນຸມັດແລ້ວນັ້ນ, ວິວັດການຫັນລະບົບສົ່ງສັນຍານ ແລະ ຈາຍຄື້ນໂທລະພາບໜ້າດິນເປັນດີຈີຕອນຢູ່ຫວຽດນາມ ຈະມີ 4 ໄລຍະ: ໄລຍະທີ 1 ແມ່ນຜັນຂະຫຍາຍຢູ່ 5 ນະຄອນສູນກາງຄື ຮ່າໂນ້ຍ, ຫາຍຟ່ອງ, ນະຄອນໂຮ່ຈິມິນ, ເກີນເທີ, ນະຄອນດ່ານັ້ງ ໃຫ້ສຳເລັດໃນປີ 2015; ໄລຍະ 2: ຈະຜັນຂະຫຍາຍຢູ່ 26 ແຂວງໃນປີ 2016; ໄລຍະທີ 3 ຈະຜັນຂະຫຍາຍຢູ່ 18 ແຂວງໃນປີ 2018, ແລະ ສຸດທ້າຍແມ່ນໄລຍະທີ 4 ຈະຜັນຂະຫຍາຍຢູ່ບັນດາແຂວງ, ນະຄອນ ແລະ ທ້ອງຖິ່ນຍັງເຫຼືອໃນປີ 2020.
ດັ່ງທີ່ກ່າວມາຂ້າງເຖິງແມ່ນເນື້ອໃນຄຳຖາມຂອງຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ, ຫວັງວ່າ ທ່ານຜູ້ຟັງຈະສືບຕໍ່ຝາກຈົດໝາຍ, ອີແມວ ຫຼື ໂທລະສັບມາຫາລາຍການເພື່ອປະກອບຄຳເຫັນຊ່ວຍລາຍການຂອງພວກເຮົາໃຫ້ນັບມື້ນັບດີກວ່າເກົ່າ. ພວກເພື່ອນສາມາດຝາກຈົດໝາຍມາຍັງລາຍການໂດຍຈ່າໜ້າຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບໂດຍກົງກໍ່ໄດ້ຕາມເບີໂທ 0084.43.8256631 ຫຼື ສົ່ງອີແມວດ້ວຍລະຫັດ laovov@yahoo.com ຫຼື laovov5@gmail.com. ຂໍອວຍພອນໃຫ້ທ່ານຈົ່ງມີສຸຂະພາບເຂັ້ມແຂງ ແລະ ມີຄວາມຜາສຸກ.