ໃນອາທິດຜ່ານມາ, ລາຍການກະຈາຍສຽງພາກພາສາລາວ ສືບຕໍ່ຮັບຈົດໝາຍ, ອິແມວ ແລະ ໂທລະສັບຈາກຜູ້ຟັງລາວຫຼາຍຄົນ.ໃນຈົດໝາຍສົ່ງເຖິງລາຍການ, ຜູ້ຟັງສ່ວນຫລາຍສະແດງຄວາມຮູ້ສຶກເມື່ອໄດ້ຕິດຕາມຮັບຟັງ ແລະ ຊົມບັນດາຄໍລຳຊື່ງລາຍການອອກອາກາດໃນອາທິດຜ່ານມາ, ປະກອບຄຳເຫັນ ກໍ່ຄືຢາກຊອກຮູ້ບາງບັນຫາຊື່ງທ່ານຜູ້ຟັງສົນໃຈ.
 |
ທ່ານ ບຸນເພງ ຢູ່ ແຂວງ ຈຳປາສັກ ສົ່ງຈົດໝາຍມາຍັງລາຍການໂດຍເວົ້າວ່າ: ຂ້າພະເຈົ້າ ມັກຮັບຟັງ ແລະ ຊົມລາຍການ “ຊາຍຄາອາຊຽນ. ຜ່ານລາຍການນີ້ ຂ້າພະເຈົ້າມີຄວາມເຂົ້າໃຈຢ່າງຈະແຈ້ງບັນດາການເຄື່ອນໄຫວຂອງອົງການອາຊຽນ ກໍຄືຮູ້ຈັກຕື່ມອີກບາງຈຸດວັດທະນະທຳທີ່ເປັນເອກະລັກສະເພາະຂອງບັນດາປະເທດສະມາຊິກ ອາຊຽນ. ຫວ່າງແລ້ວນີ້ ລາຍການກະຈາຍສຽງພາກພາສາລາວ ໄດ້ອອກອາກາດບົດທີ່ພາດຫົວຂໍ້ວ່າ: “ລາວ: ສະຖານທີ່ທ່ອງທ່ຽວດຶງດູດນັກທ່ອງທ່ຽວ ຫວຽດນາມ” ແລະ ບົດ “ໄປເຟືອດ ອາຊຽນ” ໄດ້ສ້າງຄວາມປະທັບໃຈຫລາຍ. ຂ້າພະເຈົ້າຮູ້ສຶກເອກອ້າງທະນົງໃຈ ເພາະປະເທດລາວຂ້າພະເຈົ້ານັບມື້ນັບມີນັກທ່ອງທ່ຽວຕ່າງປະເທດມາຢ້ຽມຢາມເປັນຈຳນວນຫລາຍ, ພິເສດແມ່ນນັກທ່ອງທ່ຽວມາຈາກບັນດາປະເທດ ອາຊຽນ, ໃນນັ້ນມີນັກທ່ອງທ່ຽວຫວຽດນາມ ຫລາຍຄົນ.
ໃນອາທິດ, ລາຍການກະຈາຍສຽງພາກພາສາລາວ ໄດ້ຮັບຈົດໝາຍຈາກ ທ່ານ ບຸນເລີດ ຢູ່ ແຂວງ ຄຳມ່ວນ ໂດຍເວົ້າວ່າ: ຂ້າພະເຈົ້າ ເຄີຍຕິດຕາມຮັບຊົມຂ່າວຜ່ານຫນ້າເວັບ vovworld.vn ແລະ ໄດ້ຮູ້ຈັກວ່າ Vesak 2014 ຈະຖືກຈັດຂຶ້ນຢູ່ ວັດບາຍດີງ ຂອງຫວຽດນາມ. ຂ້າພະເຈົ້າບໍ່ທັນມີເງື່ອນໄຂໄປຢ້ຽມຢາມວັດແຫ່ງທີ່ລືຊື່ດັ່ງກ່າວເທື່ອ, ຫວັງວ່າ ລາຍການພາກພາສາລາວ ຊ່ວຍຂ້າພະເຈົ້າເຂົ້າໃຈກ່ຽວກັບປະຫວັດຄວາມເປັນມາຂອງວັດແຫ່ງນີ້ ກ່ອນທີ່ຂ້າພະເຈົ້າມີ ໂອກາດມາຢ້ຽມຢາມ.
ໃນຊຸມມື້ຕົ້ນລະດູບານໃຫມ່, ງານບຸນແມ່ນຈຸດວັດທະນະທຳ
ທີ່ຂາດບໍ່ໄດ້ສຳລັບປະຊາຊົນຫວຽດນາມ
ພາບ:internet
|
ທ່ານ ບຸນເລີດ ທີ່ຮັກແພງ. ກ່ອນນີ້ 1000 ປີ, ກຸງເກົ່າ ຮວາລື - ນີງບີ່ງ ຕິດພັນກັບພາລະກິດຂອງເຈົ້າຊີວິດ 3 ອົງ ໃນສະໄໝລາຊະວົງດີງ, ເລ ແລະ ລີ. ເຈົ້າຊີວິດ 3 ອົງດັ່ງກ່າວມີຄວາມເອົາໃຈໃສ່ທີ່ສຸດເຖິງສາສະຫນາພຸດ ແລະ ຖືສາສະຫນາພຸດເປັນສາສະຫນາຂອງຊາດ. ສະນັ້ນ ໄດ້ກໍ່ສ້າງວັດວາອາຮາມ ຫລາຍແຫ່ງ ຢູ່ ນີງບີ່ງ, ໃນນັ້ນ ມີວັດ ບາຍດີງ. ກຸ່ມວັດ ບາຍດີງ ລວມມີ: ເຂດວັດເດີມ ແລະ ເຂດວັດຫາກໍ່ໄດ້ຮັບການກໍ່ສ້າງໃຫມ່ໃນປີ 2003 . ວັດແຫ່ງນີ້ຖືກຕັ້ງຢູ່ເນີນພູ ຈ່າງອານ, ທາມກາງເຂດທີ່ມີຮ່ອມພູກວ້າງໃຫຍ່, ມີຫນອງ ແລະ ພູຫີນ, ຊື່ງຕັ້ງຢູ່ທາງທິດຕາເວັນຕົກຂອງກຸງເກົ່າ ຮວາລື. ເຂດວັດ ໃຫມ່ນີ້ໄດ້ຮັບການກໍ່ສ້າງຢ່າງໃຫຍ່ໂຕມະໂຫຖານ ແຕ່ເຕັມໄປດ້ວຍສີສັນທີ່ເປັນມູນເຊື້ອ. ເພາະສະນັ້ນ ວັດແຫ່ງນີ້ ກາຍເປັນສະຖານທີ່ທ່ອງທ່ຽວທີ່ລືຊື່. ວັດບາຍດີງ ໄດ້ຮັບການເຊີດຊູແມ່ນກຸ່ມວັດວາອາຮາມໃຫຍ່ກວ່າໝູ່ຢູ່ ອາຊີຕາເວັນອອກສຽງໃຕ້ ດ້ວຍ 8 ສະຖິຕິຄື: ມີພະພຸດທະຮູບຟອກຄຳໃຫຍ່ກວ່າໝູ່ຢູ່ ອາຊີ ດ້ວຍນ້ຳຫນັກ 100 ໂຕນ, ພະພຸດທະຮູບດ້ວຍທອງໃຫຍ່ກວ່າໝູ່ຢູ່ ອາຊີ ດ້ວຍນ້ຳຫນັກ 100 ໂຕນ, ລະຄັງທອງໃຫຍ່ກວ່າໝູ່ຢູ່ ຫວຽດນາມ ດ້ວຍນ້ຳຫນັກ 36 ໂຕນ, ແມ່ນວັດ ທີ່ກວ້າງກວ່າໝູ່ຢູ່ ຫວຽດນາມ ດ້ວຍເນືື້ອທີ່ 539 ເຮັກຕາ, ວັດທີ່ມີລະບຽງອໍລະຫັນຍາວກວ່າໝູ່ຢູ່ ອາຊີ ດ້ວຍຄວາມຍາວເກືອບ 3 ກິໂລແມັດ ແລະ ມີຮູບປັ້ນອໍລະຫັນຫລາຍຮູບກວ່າໝູ່ຢູ່ຫວຽດນາມ ລວມມີ 500 ອົງເຮັດດ້ວຍຫີນຂຽວ ມີຄວາມສູງ 2 ແມັດ, ວັດມີນ້ຳສ້າງເພັດໃຫຍ່ກວ່າໝູ່ຢູ່ຫວຽດນາມ, ວັດມີຈຳນວນຕົ້ນໂພຫລາຍກວ່າໝູ່ຢູ່ ຫວຽດນາມ ດ້ວຍ 100 ຕົ້ນ. ງານບຸນວັດບາຍດີງ ຖືກໄຂຂຶ້ນໃນວັນທີ 6 ເດືອນຈຽງ ແລະ ແກ່ຍາວຮອດໝົດເດືອນ 3 ໄລ່ຕາມຈັນທະປະຕິທິນ. ນອກຈາກເວລານັ້ນ ນັກທ່ອງທ່ຽວສາມາດມາຢ້ຽມຊົມໄດ້ ແຕ່ບໍ່ມີໂອກາດໄດ້ເຂົ້າຮ່ວມບັນດາລາຍການເຄື່ອນໄຫວວັດທະນະທຳຂອງງານບຸນ.
ສິ່ງທີ່ພວກຂ້າພະເຈົ້າກ່າວມາຂ້າງເທິງແມ່ນຂໍ້ມູນຂ່າວກ່ຽວກັບວັດບາຍດີງ, ຖ້າຫາກທ່ານມີໂອກາດມາຢ້ຽມຢາມວັດບາຍດີງ, ທ່ານສາມາດແວ່ຢາມເຂດທ່ອງທ່ຽວທີ່ລືຊື່ຈ່າງອານ ຫ່າງຈາກກຸງເກົ່າ ຮວາລື ປະມານ 3 ກິໂລແມັດ ແລະ ຫ່າງຈາກນະຄອນຫລວງ ຮ່າໂນ້ຍ 96 ກິໂລແມັດ.
ໃນຈົດໝາຍຝາກມາລາຍການ, ເພື່ອນບຸນເຮືອງ ຢູ່ ແຂວງ ວຽງຈັນ ເວົ້າວ່າ: ຂ້າພະເຈົ້າຮັບຟັງລາຍການກະຈາຍສຽງພາກພາສາລາວ ເປັນປະຈຳ ແລະ ໄດ້ຮູ້ຈັກວ່າ ໃນຍາມຕົ້ນລະດູບານໃຫມ່ ປະຊາຊົນຫວຽດນາມ ເຄີຍຈັດຕັ້ງງານບຸນຕ່າງໆມີ່ມ່ວນຊື່ນຄື: ງານບຸນວັດເຮືອງ, ງານບຸນ ອຽນຕື, ງານບຸນວັດແກວ.. ຂ້າພະເຈົ້າຢາກຮູ້ວ່າ: ຢູ່ຫວຽດນາມ ມີທັງໝົດເທົ່າໃດງານບຸນ.
ເພື່ອນບຸນເຮືອງ ທີ່ຮັກແພງ! ຕາມການສະຖິຕິ, ປະຈຸບັນ ທົ່ວປະເທດຫວຽດນາມ ມີເກືອບ 8000 ງານບຸນ, ໃນນັ້ນ ມີ 7039 ງານບຸນພື້ນເມືອງ, 332 ງານບຸນປະຫວັດສາດ, 544 ງານບຸນສາສະຫນາ, ສ່ວນຍັງເຫລືອແມ່ນງານບຸນອື່ນ. ພິເສດ ໃນຊຸມມື້ຕົ້ນລະດູບານໃຫມ່, ງານບຸນແມ່ນຈຸດວັດທະນະທຳທີ່ເປັນເອກະລັກສະເພາະທີ່ມີມາແຕ່ດົນນານແລ້ວ ແລະຂາດບໍ່ໄດ້ສຳລັບປະຊາຊົນຫວຽດນາມ. ງານບຸນຢູ່ແຕ່ລະທ້ອງຖິ່ນກໍ່ມີຈຸດພິເສດສະເພາະ, ມີສີສັນສະເພາະ ແລະ ເປັນເອກະລັກຂອງວັດທະນະທຳທ້ອງຖິ່ນ.
ທ່ານຜູ້ຟັງຜູ້ຊົມທີ່ເຄົາລົບ! ທີ່ກ່າວມາຂ້າງເທິງແມ່ນບາງຄຳເຫັນຊື່ງທ່ານຜູ້ຟັງໄດ້ຝາກມາລາຍການພາກສາລາວໃນອາທິດຜ່ານມາ. ລາຍການພາກພາສາລາວ ຂອບອົກຂອບໃຈພວກທ່ານທີ່ໄດ້ຕິດຕາມ, ສົ່ງຈົດໝາຍປະກອບຄຳເຫັນເຖິງລາຍການ. ຫວັງວ່າ ໃນໄລຍະຈະມາເຖິງ, ທ່ານຜູ້ຟັງຄົງຈະຝາກຈົດໝາຍມາຍັງລາຍການນັບມື້ນັບຫລາຍກວ່າ. ຂໍອວຍພອນທ່ານຜູ້ຟັງທຸກຄົນມີສຸຂະພາບເຂັ້ມແຂງ ແລະ ປະສົບຜົນສຳເລັດໃນວຽກງານຂອງຕົນ.
ທ່ານສາມາດຮັບຟັງ ແລະ ຊົມລາຍການຜ່ານຫນ້າເວັບ vovworld.vn ຫລື vov5.vn ແລະ ຢ່າລືມສົ່ງຈົດໝາຍໃຫ້ພວກຂ້າພະເຈົ້າຜ່ານທີ່ຢູ່: ລາຍການພາກພາສາລາວ- ວິທະຍຸກະຈາຍສຽງຫວຽດນາມ- 45 Ba Trieu, Ha Noi