ໃນອາທິດຜ່ານມາ, ພະແນກກະຈາຍສຽງບັນດາລາຍການພາກພາສາຕ່າງປະເທດ, ວິທະຍຸກະຈາຍສຽງ ຫວຽດນາມ ໄດ້ຮັບຈົດໝາຍ, ອີເມວ 425 ສະບັບ ແລະ ໂທລະສັບຫຼາຍສາຍ ຈາກທ່ານຜູ້ຟັງທີ່ມາຈາກ 36 ປະເທດ ແລະ ເຂດແຄ້ວນ. ໃນນັ້ນ, ລາຍການພາກພາສາລາວ ໄດ້ຮັບຈົດໝາຍ, ອີເມວ 22 ສະບັບຈາກທ່ານຜູ້ຟັງ.

ວັນທີ 30 ເມສາ 1975  ແມ່ນວັນປົດປ່ອຍພາກໃຕ້ຢ່າງສົມບູນ (ພາບເອກະສານ)

ໃນອາທິດຜ່ານມາ, ລາຍການພາກພາສາ ລາວ ໄດ້ຮັບຫຼາຍຈົດໝາຍ, ອີເມວ, ຄຳຕິຊົມ ເຊິ່ງທ່ານຜູ້ຟັງໄດ້ສົ່ງມາຫາລາຍການເນື້ອໃນແມ່ນ ອວຍພອນເນື່ອງໃນໂອກາດວັນປົດປ່ອຍພາກໃຕ້ ໂຮມປະເທດຊາດເປັນເອກະພາບຄື ວັນທີ 30 ເມສາ ແລະ ວັນກຳມະກອນສາກົນ ຄືວັນທີ 01 ພຶດສະພາ.

ເພື່ອນ ວົງຄຳ, ຢູ່ແຂວງ ຫົວພັນ ໄດ້ແບ່ງປັນດ້ວຍເນື້ອໃນທີ່ວ່າ: ວັນທີ 30 ເມສາ 1975, ໄຊຊະນະຍິ່ງໃຫຍ່ລະດູບານໃໝ ໄດ້ເຮັດໃຫ້ສົງຄາມຮຸກຮານ ແລະ ແອກປົກຄ້ອງຂອງລ່າເມືອງຂຶ້ນແບບໃໝ່ຂອງພວກຈັກກະພັດ ອາເມລິກາ ຢູ່ທາງພາກໃຕ້ ຫວຽດນາມ ຖືກປະລາໄຊ,  ປົດປ່ອຍພາກໃຕ້ຢ່າງສົມບູນ, ສິ້ນສຸດສົງຄາມກູ້ຊາດຍາວໄກ, ຫຍຸ້ງຍາກ ແລະ ຍິ່ງໃຫຍ່ທີ່ສຸດໃນປະຫວັດສາດຕ້ານສັດຕູ້ຜູ້ຮຸກຮານຂອງກອງທັບ ແລະ ປະຊາຊົນ ຫວຽດນາມ. ຂ້າພະເຈົ້າເຄົາລົບນ້ຳໃຈກ້າຫານຂອງຊາວ ຫວຽດນາມ. ປະຈຸບັນ, ຫວຽດນາມ ນັບມື້ນັບພັດທະນາ ແລະ ມີສຽງເວົ້າບົນເວທີສາກົນ. ເນື່ອງໃນໂອກາດນີ້, ຂ້າພະເຈົ້າຂໍອວຍພອນໃຫ້ ຫວຽດນາມ ເຕີບໃຫຍ່ຢ່າງບໍ່ຢຸດຢັ້ງ, ອວຍພອນໃຫ້ນ້ຳໃຈສາມັກຄີ ມິດຕະພາບແບບພິເສດ ລາວ - ຫວຽດນາມ ຍືນຍົງຄົງຕົວໄປຊົ່ວກາລະນານ.

ສ່ວນເພື່ອນ ຄຳພະສົງ ໄດ້ຂຽນຄຳຄິດເຫັນທາງ Facebook ຂອງລາຍການດ້ວຍເນື້ອໃນທີ່ວ່າ: ວັນທີ 01 ພຶດສະພາແມ່ນວັນກຳມະກອນສາກົນ, ວັນຕໍ່ສູ້ຂອງຊົນຊັ້ນກຳມະກອນ, ວັນພັກຜ່ອນ ແລະ ຍ້ອງຍໍກຳລັງ, ວັນບຸນຂອງກຳມະກອນ ແລະ ປະຊາຊົນຜູ້ອອກແຮງງານໃນທົ່ວໂລກ. ນີ້ກໍ່ແມ່ນວັນສະແດງໃຫ້ເຫັນນ້ຳໃຈສາມັກຄີມິດຕະພາບກັບຊົນຊັ້ນກຳມະກອນ ແລະ ປະຊາຊົນຜູ້ອອກແຮງງານໃນທົ່ວໂລກ, ພ້ອມກັນຕໍ່ສູ້ເພື່ອໄຊຊະນະຂອງສັນຕິພາບ, ເສລີພາບ, ປະຊາທິປະໄຕ ແລະ ຄວາມກ້າວໜ້າຂອງສັງຄົມ. ເນື່ອງໃນໂອກາດນີ້, ຂ້າພະເຈົ້າຂໍອວຍພອນໃຫ້ບັນດາພະນັກງານ, ລັດຖະກອນ VOV ມີວັນພັກການຢ່າງມີຄວາມໝາຍຫຼາຍຢ່າງ.

ເພື່ອນ ບຸນທະວີ ອິນທະວົງ, ຢູ່ນະຄອນຫຼວງ ວຽງຈັນ ໄດ້ສົ່ງອີເມວມາຫາລາຍການ, ແບ່ງປັນວ່າ: ໃນອາທິດຜ່ານມາ, ກອງເສນາທິການໃຫຍ່ກອງທັບປະຊາຊົນ ຫວຽດນາມ ແລະ ກອງເສນາທິການໃຫຍ່ກອງທັບປະຊາຊົນ ລາວ ໄດ້ຈັດພິທີເປີດສາຍຕິດຕໍ່ໂດຍຮັກສາຄວາມລັບຜ່ານສາຍໃຍແກ້ວໜ້າດິນລະຫວ່າງ ກະຊວງປ້ອງກັນປະເທດ ຫວຽດນາມ ແລະ ກະຊວງປ້ອງກັນຄວາມສະຫງົບ ລາວ. ເລື່ອງຜັນຂະຫຍາຍສາຍຕິດຕໍ່ໃໝ່ດັ່ງກ່າວແມ່ນສອດຄ່ອງກັບການກຳນົດທິດພັດທະນາຂອງສາຍພົວພັນຂອງ 2 ປະເທດ ແລະ ຕອບສະໜອງຄວາມກ້າວໜ້າຂອງເຕັກໂນໂລຊີຂໍ້ມູນຂ່າວສານ. ເມື່ອສາຍໃຍແກ້ວນຳເຂົ້າໃຊ້ການ ຈະປະກອບສ່ວນຍົກສູງວຽກງານການຕ່າງປະເທດປ້ອງກັນຊາດຂອງ 2 ປະເທດ; ຊຸກຍູ້ນ້ຳໃຈມິດຕະພາບ, ຄວາມສາມັກຄີ, ການຮ່ວມມືລະຫວ່າງ 2 ປະເທດ ຫວຽດນາມ - ລາວ ໃຫ້ນັບມື້ນັບພັດທະນາ.

ລາຍການພາກພາສາລາວ, VOV ຂໍຂອບໃຈບັນດາທ່ານຜູ້ຟັງໄດ້ສົ່ງຈົດໝາຍ, ອີເມວ ແລະ ໂທລະສັບມາຫາລາຍການ ເພື່ອແບ່ງປັນຄຳຄິດເຫັນກັບລາຍການ. ຫວັງວ່າ, ໃນໄລຍະຈະມາເຖິງ, ທາງລາຍການຈະໄດ້ຮັບຄຳເຫັນ, ຄຳຕິຊົມຈາກທ່ານຜູ້ຟັງຫຼາຍກວ່າອີກ ເພື່ອຊ່ວຍໃຫ້ລາຍການນັບມື້ນັບອຸດົມສົມບູນກວ່າ.

ທະເລ ຈ່າໂກ໋ ແມ່ນສະຖານທີ່ທ່ອງທ່ຽວມີຊື່ສຽງຂອງແຂວງ ກວາງນິງ (ພາບອີນເຕີອເນັດ)

ເພື່ອນ ພັນຄຳ ວິໄລຈິດ, ແຂວງ ສາວັນນະເຂດ ໄດ້ໂທລະສັບມາຫາລາຍການ ໃຫ້ຮູ້ວ່າ: ຂ້າພະເຈົ້າໄດ້ໄປທ່ອງທ່ຽວຢູ່ຫາດຊາຍທະເລບາງແຂວງຂອງ ຫວຽດນາມ, ຄື: ເຊິມເຊີນ, ຍາຈາງ ແລະ ຮະລອງ ແຂວງ ກວາງນິງ. ຂ້າພະເຈົ້າໄດ້ຮູ້ວ່າ, ຢູ່ແຂວງ ກວາງນິງ ມີຫາດຊາຍທະເລຫຼາຍແຫ່ງງາມທີ່ສຸດ, ໃນຈຳນວນນັ້ນມີຫາດຊາຍທະເລ ຈ່າໂກ. ຜ່ານລາຍການ, ຂ້າພະເຈົ້າຢາກໄດ້ຮັບການແນະນຳກ່ຽວກັບເຂດທ່ອງທ່ຽວດັ່ງກ່າວ.

ເພື່ອນ ພັນຄຳ ວິໄລຈິດ ທີ່ຮັກແພງ, ທະເລ ຈ່າໂກ໋ ແມ່ນສະຖານທີ່ທ່ອງທ່ຽວມີຊື່ສຽງຂອງແຂວງ ກວາງນິງ, ແມ່ນໜຶ່ງໃນບັນດາເຂດມີຫາດຊາຍທະເລຍາວ ແລະ ສວຍງາມຢູ່ ຫວຽດນາມ. ໂດຍມີເຂດປ່າຊາຍເລັນທຳມະຊາດອ້ອມຮອບ, ນ້ຳທະເລຂຽວ, ສະອາດ, ເມັກຂາວ, ສະນັ້ນ ທະເລ ຈ່າໂກ ແມ່ນເຂດສ້າງຄວາມດຶງດູດສຳລັບລຸ້ນໜຸ່ມຢ່າງແທດຈິງ. ເພື່ອຮັບຊົມຄວາມງາມຂອງທະເລ ຈ່າໂກ໋ ພວກເພື່ອນຕ້ອງມາທ່ຽວແຕ່ເດືອນ ເມສາ ຫາເດືອນ ກໍລະກົດ ແຕ່ລະປີ. ອາກາດໃນຊ່ວງເວລານີ້ແມ່ນສະບາຍທີ່ສຸດ, ນ້ຳທະເລຂຽວ. ຕໍ່ໄປນີ້ແມ່ນສະຖານທີ່ບາງແຫ່ງເຊິ່ງເພື່ອນສາມາດມາຢ້ຽມຢາມເມື່ອໄປທ່ອງທ່ຽວຢູ່ເຂດທະເລ ຈ່າໂກ:

1.ເຂດຫີນດຳ ນອນຢູ່ຫ່າງໄກກັບນະຄອນ, ມີຫີນດຳຫຼາຍແຜ່ນຕັ້ງຢູ່ເທິງຫາດຊາຍ ອັນໄດ້ສ້າງຄວາມງາມແຕກຕ່າງໃຫ້ແກ່ເຂດນີ້. ຍ້ອນສີດຳຂອງຫີນ ສະນັ້ນນ້ຳຢູ່ນີ້ພັດໃສແຈ້ງກວ່າ, ເຮັດໃຫ້ແຂກທ່ອງທ່ຽວເຫັນໄດ້ພື້ນດິນຂອງທະເລ.

2. ແຫຼມ ຊາວິ້ ແມ່ນເຂດດິນເໜືອສຸດຂອງ ຫວຽດນາມ. ຊາວິ້ ມີຫາດຊາຍທະເລພຽງ, ກວ້າງ ເໝາະສົມກັບທັງເລື່ອງອາບນ້ຳທະເລ ແລະ ບັນດາການເຄື່ອນໄຫວກິລາຫາດຊາຍທະເລ.

3. ຕະຫຼາດ ມອງກາຍ ແມ່ນຕະຫຼາດເຂດດ່ານຊາຍແດນທີ່ເຄື່ອນໄຫວຢ່າງຟົດຟື້ນທີ່ສຸດ ແລະ ແມ່ນເຂດດຶງດູດແຂກທ່ອງທ່ຽວເມື່ອມາທ່ອງທ່ຽວຢູ່ແຂວງ ກວາງນິງ. ຕະຫຼາດແຫ່ງນີ້ໄດ້ຂາຍເຄື່ອງຂອງຫຼາຍຢ່າງ, ຄື: ເຄື່ອງກົນຈັກ, ເຄື່ອງເອເລັກໂຕນິກ, ເຄື່ອງຕ່ຳແຜ່ນຕັດຫຍິບ, ເກີບໜັງ, ກະເປົາ…

4. ສາລາ ຈ່າໂກ ແມ່ນກິດຈະກຳບູຮານໃຫຍ່ໂຕມະໂຫຖານທີ່ສຸດຂອງແຂວງ ກວາງນິງ. ດ້ວຍສະຖາປັດຕະຍາກຳເປັນຮູບໂຕມັງກອນ, ສາລາ ຈ່າໂກ໋ ນຳມາເຊິ່ງຄຸນຄ່າດ້ານສະຖາປັດຕະຍາກຳຫຼາຍຢ່າງ ດຶງດູດແຂກທ່ອງທ່ຽວມາຈາກທຸກສາລະທິດມາຢ້ຽມຊົມ.