ພິທີມອບຮູບປັ້ນເຄິ່ງຄີງອະດີດປະທານ ສຸພານຸວົງ

Minh Duc -

ວັນພະຫັດ ທີ 19 ມັງກອນ ຄ.ສ. 2017 | 12:28:32

(vovworld) - ໃນອາທິດຜ່ານມາ, ລະບົບກະຈາຍສຽງພາກພາສາຕ່າງປະເທດແຫ່ງຊາດ, ວິທະຍຸກະຈາຍສຽງຫວຽດນາມ ໄດ້ຮັບຈົດໝາຍ, ອີແມວ ໂທລະສັບ 252 ສະບັບຈາກທ່ານຜູ້ຝັງຫຼາຍປະເທດໃນໂລກ. ໃນນັ້ນລາຍກະຈາຍສຽງພາກພາສາລາວ ໄດ້ຮັບອີແມວ, ໂທລະສັບ 6 ສະບັບຈາກທ່ານຜູ້ຟັງລາວ. ໃນລາຍການໂອ້ລົມກັບເພື່ອນລາວ ມື້ນີ້, ພວກເຮົາຂໍຄັດສະເໜີເນື້ອໃນຈົດໝາຍ ແລະ ຕອບບາງຄຳຖາມເຊິ່ງທ່ານຜູ້ຟັງໄດ້ຝາກມາລາຍການ.

ພິທີມອບຮູບປັ້ນເຄິ່ງຄີງອະດີດປະທານ ສຸພານຸວົງ - ảnh 1

ທີ່ພິທີມອບຮູບປັ້ນເຄິ່ງຄີງອະດີດປະທານ ສຸພານຸວົງ
(ພາບ: vietnamplus.vn)

ເພື່ອນສຸກມະລີວົງ, ຢູ່ແຂວງ ໄຊຍະບຸລີ, ສົ່ງຈົດໝາຍມາຍັງລາຍການໂດຍຖາມວ່າ: ວັນທີ 16/01 ຜ່ານມາ, ຂ້າພະເຈົ້າໄດ້ຍິນຂ່າວວ່າ, ມີບໍລິສັດຫວຽດນາມ ແຫ່ງໜຶ່ງ ໄດ້ມອບຮູບປັ້ນເຄິ່ງຄີງອະດີດປະທານ ສຸພານຸວົງ. ຂ້າພະເຈົ້າບໍ່ຮູ້ວ່າ ຮູບປັ້ນນັ້ນໄດ້ຕັ້ງຢູ່ແຂວງໃດ? ແລະ ການມອບຮູບປັ້ນດັ່ງກ່າວມີຄວາມໝາຍຄືແນວໃດ?

ເພື່ອນສຸກມະລີວົງ ທີ່ຮັກແພງ, ວັນທີ 16/01 ຜ່ານມາ, ຢູ່ນະຄອນຫຼວງວຽງຈັນ, ໄດ້ດຳເນີນພິທີມອບຮູບປັ້ນເຄິ່ງຄີງອະດີດປະທານ ສຸພານຸວົງ. ໃຫ້ຫໍພິພິດຕະພັນ ໄກສອນ ພົບວິຫານ. ນີ້ແມ່ນນ້ຳໃຈຂອງພະນັກງານ, ກຳມະກອນຂອງບໍລິສັດພັດທະນາວິຈິດສິນ ແລະ ເຕັກໂນໂລຊີຫວຽດນາມ ຈຳກັດ, ທີ່ມີຕໍ່ບັນດາການປະກອບສ່ວນອັນໃຫຍ່ຫຼວງຂອງ ອະດີດປະທານ ສຸພານຸວົງ ໃນການສ້າງຕັ້ງພື້ນຖານ ແລະ ເພີ່ມພູນຄຸນສ້າງໃຫ້ສາຍພົວພັນລະຫວ່າງຫວຽດນາມ - ລາວ. ທ່ານ ຫງວຽນນາມໂມກ, ຜູ້ອຳນວຍການບໍລິສັດພັດທະນາວິຈິດສິນ ແລະ ເຕັກໂນໂລຊີຫວຽດນາມ ໃຫ້ຮູ້ວ່າ, ເນື່ອງໃນໂອກາດສະເຫຼີມສະຫຼອງວັນຄ້າຍວັນເກີດຄົບຮອບ 100 ປີ ແລະ ນິຍົມນັບຖືແບບແຜນ, ຄຸນສົມບັດ, ກໍ່ຄືບັນດາການປະກອບສ່ວນຂອງອະດີດປະທານ ສຸພານຸວົງ ທີ່ໄດ້ສະຫງວນໃຫ້ປະເທດລາວ, ກໍຄືໃຫ້ແກ່ການພົວພັນແບບພິເສດລະຫວ່າງລາວ - ຫວຽດນາມ, ບັນດານັກສິລະປິນ, ນັກແກະສະຫຼັກຂອງບໍລິສັດພວກຂ້າພະເຈົ້າໄດ້ແກະສະຫຼັກຮູບປັ້ນຂອງອະດີດປະທານ ສຸພານຸວົງ ເພື່ອມອບໃຫ້ພັກ, ລັດ ແລະ ປະຊາຊົນບັນດາເຜົ່າລາວ ອ້າຍນ້ອງ, ເນື່ອງໃນໂອກາດສະເຫຼີມສະຫຼອງ 55 ປີແຫ່ງວັນຫວຽດນາມ - ລາວ ສ້າງຕັ້ງການພົວພັນທາງການທູດ (05/09/1962 – 05/09/2017) ແລະ 40 ປີແຫ່ງວັນ 2 ປະເທດລົງນາມໃນສົນທະສັນຍາມິດຕະພາບ ແລະ ການຮ່ວມມື (18/07/1977 – 18/07/2047).

ພິທີມອບຮູບປັ້ນເຄິ່ງຄີງອະດີດປະທານ ສຸພານຸວົງ - ảnh 2

(ວັດ ເຟີດຕິກ ທີ່ນະຄອນຫຼວງ ວຽງຈັນ)

ເພື່ອນ ຄຳສີ ອິນທະວົງ ທີ່ຮັກແພງ, ວັນທີ 15/01 ຜ່ານມາ, ພຸດທະສາສະນິກກະຊົນນັບຮ້ອຍໆຄົນໄດ້ເຕົ້າໂຮມກັນຢູ່ວັດ ເຟີດຕິກ ທີ່ນະຄອນຫຼວງ ວຽງຈັນ, ປະເທດລາວເພື່ອພ້ອມກັນເຂົ້າຮ່ວມບຸນລ້ຽງສົ່ງທ້າຍປີເກົ່າຕ້ອນຮັບປີໃໝ່ໂດຍວັດເປັນເຈົ້າພາບຈັດຕັ້ງ. ການເຄື່ອນໄຫວຕົ້ນຕໍ່ໃນບຸນລ້ຽງສົ່ງທ້າຍປີເກົ່າ ແມ່ນເພື່ອອາໄລຫາຍາດຕິພີນ້ອງຜູ້ທີ່ໄດ້ລ່ວງລັບໄປແລ້ວ ແລະ ວັດຍັງຈັດການເຄື່ອນໄຫວພິເສດອື່ນອີກນັ້ນແມ່ນ ເຕົ້າໂຮມພໍ່ແມ່ປະຊາຊົນຊາວຫວຽດນາມ ອາໄສຢູ່ວຽງຈັນ ແລະ ມີຂອງຂວັນມອບໃຫ້ຜູ້ທີ່ປະສົບກັບຄວາມຫຍຸ້ງຍາກ ກ່ອນບຸນປີໃໝ່ປະຈຳຊາດ ເພື່ອລະດົມກຳລັງໃຈພໍ່ແມ່ປະຊາຊົນ ກໍຄືສ້າງຄວາມສາມັກຄີລະຫວ່າງປະຊາຄົມຊາວຫວຽດນາມ ກວ່າອີກ. ປີນີ້ວັດກໍ່ໄດ້ຈັດຕັ້ງບັນດາການເຄື່ອນໄຫວປຸກລະດົມບໍລິຈາກເງິນເພື່ອຊ່ວຍພໍ່ແມ່ປະຊາຊົນຜູ້ທຸກຍາກໄດ້ຕ້ອນຮັບປີໃໝ່ ແລະ ມອບຂອງຂວັນ 100 ພູດໃຫ້ພໍ່ແມ່ປະຊາຊົນ ດ້ວຍຍອດມູນຄ່າກວ່າ 2.500 USD. ນີ້ແມ່ນການເຄື່ອນໄຫວໄຈກຸສົນຂອງບັນດາວິສາຫະກິດຫວຽດນາມ ທີ່ພວມຮ່ວມມື, ລົງທຶນຢູ່ລາວ ແລະ ບັນດາຜູ້ໃຈບຸນໃຈກຸສົນ

ເພື່ອນວຽງໄຊ, ຢູ່ແຂວງຊຽງຂວາງ ໃຫ້ຮູ້ວ່າ: ຂ້າພະເຈົ້າເອງເຄີຍເປັນນັກສຶກສາຮ່ຳຮຽນຢູ່ຮ່າໂນ້ຍ. ໃນຍາມບຸນປີໃໝ່ປະຈຳຊາດຂອງຫວຽດນາມ, ມີນັກສຶກສາຫຼາຍຄົນປະສົບກັບຄວາມຫຍຸ້ງຍາກໃນການກັບເມືອບ້ານຕ້ອນຮັບປີໃໝ່, ພິເສດແມ່ນບັນດານັກສຶກສາຜູ້ທຸກຍາກ. ຜ່ານລາຍການ, ຂ້າພະເຈົ້າຢາກຮູ້ວ່າ, ໃນໂອກາດບຸນປີໃໝ່ປະຈຳຊາດຫວຽດນາມ, ບັນດານັກສຶກສາທີ່ປະສົບກັບຄວາມຫຍຸ້ງຍາກນັ້ນ ຈະໄດ້ຮັບການໜູນຊ່ວຍຄືແນວໃດກ່ຽວກັບພາຫະນະໄປມາເພື່ອກັບເມືອບ້ານຕ້ອນຮັບບຸນປີໃໝ່?

ເພື່ອນວຽງໄຊ ທີ່ຮັກແພງ, ດ້ວຍຄວາມຫວັງຍາກໜູນຊ່ວຍ ແລະ ສ້າງເງື່ອນໄຂໃຫ້ບັນດານັກສຶກສາທີ່ປະສົບກັບຄວາມຫຍຸ້ງຍາກ ໄດ້ກັບເມືອບ້ານໃນໂອກາດບຸນປີໃໝ່ປີລະກາ. ໃນໄລຍະຜ່ານມາ, ຢູ່ຮ່າໂນ້ຍ, ສູນກາງສະມາຄົມນັກສຶກສາຫວຽດນາມ ແລະ ສູນໜູນຊ່ວຍ ແລະ ພັດທະນານັກສຶກສາຫວຽດນາມ ໄດ້ຈັດລາຍການ “ໜູນຊ່ວຍນັກສຶກສາກັບເມືອບ້ານຕ້ອນຮັບປີໃໝ່”. ປີນີ້, ລາຍການໄດ້ໜູນຊ່ວຍໃຫ້ນັກສຶກສາເກືອບ 1.500 ຄົນ, ດ້ວຍລົດຂົນສົ່ງ 34 ຖ້ຽວ ເລີ່ມເດີນທາງຈາກຮ່າໂນ້ຍ ໄປຍັງ 18 ແຂວງ, ນະຄອນຢູ່ເຂດພາກເໜືອ ແລະ ທາງທິດເໜືອພາກກາງ, ນັບແຕ່ແຂວງ ຮ່າຢາງ ເຖິງຂວາງ ກວາງບິ່ງ. ນອກຈາກໜູນຊ່ວຍການເດີນທາງກັບເມືອບ້ານໂດຍບໍ່ເສຍຄ່າແລ້ວ, ຄະນະຈັດຕັ້ງຍັງໄດ້ມອບຂອງຂວັນ, ເງິນອວຍພອນປີໃໝ່ອີກດ້ວຍ. ອ້າຍ ຫງວຽນມິງຈ໋ຽດ, ຜູ້ອຳນວຍການສູນໜູນຊ່ວຍ ແລະ ພັດທະນານັກສຶກສາຫວຽດນາມ, ສູນກາງສະມາຄົມນັກສຶກສາຫວຽດນາມ ໃຫ້ຮູ້ວ່າ: ນອກຈາກການໜູນຊ່ວຍໃຫ້ບັນດານັກສຶກສາກັບເມືອບ້ານຕ້ອນຮັບບຸນປີໃໝ່ແລ້ວ, ທາງສູນຍັງແນະນຳວຽກເຮັດງານທຳໃຫ້ນັກສຶກສາບໍ່ກັບເມືອບ້ານ ເພື່ອໃຫ້ເຂົາເຈົ້າຫາເງິນເພີ່ມ, ກໍຄືການເຄື່ອນໄຫວວັດທະນະທຳສິລະປະເພື່ອໃຫ້ເຂົາເຈົ້າຕ້ອນຮັບບຸນປີໃໝ່ປະຈຳຊາດພ້ອມກັບຄູອາຈານ ແລະ ເພື່ອນມິດຂອງຕົນ.

ນີ້ແມ່ນເນື້ອໃນຄຳເຫັນຂອງທ່ານຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ, ຫວັງວ່າ ທ່ານຜູ້ຝັງ, ຜູ້ອ່ານຈະສືບຕໍ່ຝາກຈົດໝາຍ, ອີແມວ ຫຼື ໂທລະສັບມາຫາລາຍການ ເພື່ອປະກອບຄຳເຫັນຊ່ວຍລາຍການຂອງພວກເຮົາໃຫ້ນັບມື້ນັບດີກວ່າເກົ່າ.

Minh Duc