(VOV5) - ປະຈຸບັນ, ສະຖາປັດຕະຍະກຳວັດແກວທັງໝົດຍັງເຫຼືອພຽງ 17 ກິດຈະກຳດ້ວຍ 128 ຫ້ອງຕາມແບບບູຮານ ຊຶ່ງຖືກກໍ່ສ້າງບົນເນື້ອທີ່ 2022 m2 . ນັ້ນແມ່ນບັນດາ ສະຖາປັດຕະຍະກຳຫຼັກຄື : ປະຕູໂຂງ, ວັງບູຊາພະພຸດທະເຈົ້າ, ວັງພະອໍລະຫັນ, ຫໍລະຄັງ…
ວັດແກວແມ່ນຂຶ້ນກັບຕາແສງຢີເຍິດ, ເມືອງວູ້ທື, ແຂວງທ້າຍບີງ, ວັດແກວປະກອບດ້ວຍ 2 ກຸ່ມສະຖາປັດຕະຍະກຳເຊັ່ນ: ວັດແມ່ນບ່ອນບູຊາພະພຸດທະເຈົ້າ ແລະ ວິຫານບູຊາພະອໍລະຫັນ ແມ່ນເພື່ອບູຊາພະອໍລະຫັນ ເຢືອງຄົງໂລະ ຊຶ່ງຜູ້ໄດ້ມີຄຸນງາມຄວາມດີກໍ່ສ້າງວັດໃນສະໄໝລາດຊະວົງຫຼີ.
ຕາມເອກະສານປະຫວັດສາດ, ພະອາຈານມະຫາ ເຢືອງຄົງໂລະ ເປັນຊາວບ້ານຢາວຖີ, ເມືອງຮ່າແທງ, ເກີດເມື່ອປີ 1016. ຄາວອາຍຸ 29 ປີ ກໍເລີ່ມໄປບວດ. ປີ 1061, ພາຍຫຼັງກັບຄືນປະເທດຈາກ ໄຕຈຸກ, ພະອົງໄດ້ໃຫ້ປຸກສ້າງວັດນີ້.
ປີ 1611, ຍ້ອນສອງຟາກຝັ່ງແມ່ນ້ຳແດງຖືກເຊາະເຈື່ອນ, ວັດແກວກໍໄດ້ຖືກເພພັງ. ຊາວບ້ານຢຸ້ງເຍ້ວຈຳນວນເຄິ່ງໜຶ່ງໄດ້ຍົກຍ້າຍໄປຍັງຟາກຝັ່ງເບື້ອງຊ້າຍແມ່ນ້ຳແດງ. ຄາວນັ້ນ, ເຈົ້າເສນາ ຮ່ວາງເຍີນຢຸ້ງໄດ້ໄປຂໍ ນຳເຈົ້າພະຍາຈິ້ງໃຫ້ເຊື້ອເຊີນນັກສະຖາປານິກ ຫງວຽນວັນຈຸ ມາອອກແບບວັດ ແລະ ຂົນຂວາຍແຜ່ບໍລິຈາກເງິນໃນທົ່ວປະເທດເພື່ອກໍ່ສ້າງວັດ. ຜ່ານການກະກຽມເປັນເວລາ 19 ປີ ແລະ ດຳເນີນການກໍ່ສ້າງເປັນເວລາ 28 ເດືອນ, ມາຮອດເດືອນພະຈິກປີ 1632, ວັດນີ້ໄດ້ກໍ່ສ້າງຄືນໃໝ່.
ຮູບພາບວັດແກວຖືກປຸກສ້າງໃນຄາວນັ້ນຊຶ່ງປະກອບດ້ວຍ 21 ກິດຈະກຳດ້ວຍ 157 ຫ້ອງ, ບົນເນື້ອທີ່ 58.000 m2
ປະຈຸບັນ, ສະຖາປັດຕະຍະກຳວັດແກວທັງໝົດຍັງເຫຼືອພຽງ 17 ກິດຈະກຳດ້ວຍ 128 ຫ້ອງຕາມແບບບູຮານ ຊຶ່ງຖືກກໍ່ສ້າງບົນເນື້ອທີ່ 2022 m2 . ນັ້ນແມ່ນບັນດາ ສະຖາປັດຕະຍະກຳຫຼັກຄື : ວັດພະພຸດທະເຈົ້າ, ວັງພະອໍລະຫັນ, ຫໍລະຄັງ…
ໂດຍໄດ້ຄົງຕົວມາເປັນເວລາເກືອບ 400 ປີ, ຜ່ານການບູລະນະປະຕິສັງຂອນຫຼາຍຄັ້ງ, ວັດແກວຍັງຄົງສາມາດຮັກສາສີສັນເປັນເອກະລັກທາງດ້ານສະຖາປັດຕະຍະກຳແຕ່ສະໄໝລາດຊະວົງເລຄືໃນສະຕະວັດທີ 17. ເດືອນກັນຍາປີ 2012, ວັດແກວໄດ້ຮັບການຢັ້ງຢືນແມ່ນປູຊະນີຍະສະຖານແຫ່ງຊາດພິເສດ.
ໃນທ່າມກາງແສງແດດອ່ອນຍາມສາຍັນຂອງຊຸມວັນຕົ້ນລະດູຮ້ອນ, ຈົ່ງຮັບຊົມຄວາມງາມທາງດ້ານສະຖາປັດຕະຍະກຳທີ່ເປັນເອກະລັກຂອງວັດແກວພ້ອມກັບນັກຂ່າວລານແອງ: