(vovworld) - ການທ່ອງທ່ຽວສົມທົບກັບການປົກປັກຮັກສາສິ່ງແວດລ້ອມ ພວມກາຍເປັນຫນຶ່ງໃນບັນດາທ່າອ່ຽງໃຫມ່, ພິເສດແມ່ນສຳລັບລຸ້ນຫນຸ່ມ. ຜ່ານໄລຍະທາງທີ່ຍາວໄກບໍ່ພຽງແຕ່ເພື່ອປ່ຽນບັນຍາກາດເທົ່ານັ້ນ ຫາກຍັງຊ່ວຍໃຫ້ນັກທ່ອງທ່ຽວມີໂອກາດຄົ້ນຫາຄວາມໝາຍ ແລະ ຄຸນຄ່າຂອງຊີວິດອີກດ້ວຍ. ໂດຍກຳແຫນ້ນຄວາມຕ້ອງການດັ່ງກ່າວ, ບັນດາບໍລິສັດທ່ອງທ່ຽວຫວຽດນາມ ໄດ້ຈັດລາຍການທ່ອງທ່ຽວສົບທົບກັບການປົກປັກຮັກສາສິ່ງແວດລ້ອມຄື: ປູກຕົ້ນໄມ້, ເກັບຂີ້ເຫຍື້ອ…
ຂະບວນການເກັບຂີ້ເຫຍື້ອຢູ່ຫາດຊາຍທະເລ
ພາບ:internet
|
ໄປທ່ອງທ່ຽວສົມທົບກັບວຽກງານປົກປັກຮັກສາສິ່ງແວດລ້ອມ, ເພື່ອແນໃສ່ແບ່ງປັນເລື່ອງປົກປັກຮັກສາສິ່ງແວດລ້ອມກັບປະຊາຊົນ ພວມກາຍເປັນທ່າອ່ຽງສຳລັບຜູ້ນິຍົມໄປທ່ອງທ່ຽວ ແລະ ປະຈຸບັນ ມີບໍລິສັດທ່ອງທ່ຽວຫລາຍແຫ່ງພວມຂຸດຄົ້ນຮູບການທ່ອງທ່ຽວທີ່ມີຄວາມໝາຍວັດທະນະທຳມະນຸດນີ້. ບໍລິສັດທ່ອງທ່ຽວ Vietravel ຈັດຕັ້ງຫລາຍລາຍການທ່ອງທ່ຽວມຸ່ງໄປເຖິງສິ່ງແວດລ້ອມຂຽວ. ບໍລິສັດໄດ້ຜັນຂະຫຍາຍລາຍການນີ້ນັບແຕ່ເດືອນ 7 - 9/2012. ທ້າຍລະດູການທ່ອງທ່ຽວ, Vietravel ໄດ້ຈັດລາຍການທ່ອງທ່ຽວສິ່ງແວດລ້ອມໂດຍບໍ່ເສຍຄ່າໃຫ້ແກ່ນັກທ່ອງທ່ຽວທີ່ເຂົ້າຮ່ວມການເຄື່ອນໄຫວຕິດຕັ້ງຖັງເກັບຂີ້ເຫຍື້ອ, ເຮັດອະນາໄມ ແລະ ຂົນຂວາຍປະຊາຊົນພ້ອມກັນປະຕິບັດ. ການທ່ອງທ່ຽວສົມທົບກັບການປົກປັກຮັກສາສິ່ງແວດລ້ອມກໍແມ່ນທ່າອ່ຽງ ຊຶ່ງສູນຈັດຕັ້ງກອງປະຊຸມ ແລະ ການທ່ອງທ່ຽວຄຸນນະພາບສູງ Golden Tour ເອົາໃຈໃສ່ຜັນຂະຫຍາຍໃນຫລາຍປີມານີ້. ທ່ານ ຟ້າມຕຽນຢູ໋ງ ຜູ້ອຳນວຍການ ບໍລິສັດ Golden Tour ໃຫ້ຮູ້ວ່າ:
“ປະຈຸບັນ ພວກຂ້າພະເຈົ້າພວມສຸມໃສ່ຂຸດຄົ້ນລາຍການສະຫງວນໃຫ້ແກ່ນັກທ່ອງທ່ຽວທີ່ເຂົ້າຮ່ວມການປົກປັກຮັກສາສິ່ງແວດລ້ອມ, ເພື່ອໃຫ້ເຂົາເຈົ້າເຈືອຈານເຂົ້າກັບຊີວິດຂອງວົງຄະນາຍາດ. ລາຍການທ່ອງທ່ຽວສິ່ງແວດລ້ອມຂອງພວກຂ້າພະເຈົ້າໄດ້ຜັນຂະຫຍາຍຢູ່ບັນດາວິສາຫະກິດໃຫຍ່, ບໍລິສັດຮ່ວມທຸລະກິດຢູ່ ຫວຽດນາມ. ບັນດາຫົວຫນ່ວຍເຂົ້າຮ່ວມລາຍການນີ້ ລ້ວນແຕ່ມີເງື່ອນໄຂເພື່ອໃຫ້ພາລະກອນຂອງຕົນເຂົ້າຮ່ວມວຽກງານປົກປັກຮັກສາສິ່ງແວດລ້ອມ, ຮັກສາຫາດຊາຍທະເລ, ເຂົ້າຮ່ວມວັນບຸນສີຂຽວຢູ່ແຂວງຕ່າງໆ. ຜ່ານລາຍການທ່ອງທ່ຽວ ພວກເຮົາຢາກສົ່ງສານເຖິງນັກທ່ອງທ່ຽວທີ່ວ່າເຂົ້າຮ່ວມລາຍການເພື່ອເຮັດໃຫ້ປະເທດຊາດຂຽວ, ສະອາດ ແລະ ສວຍງາມກວ່າ.”
.jpg)
ທຸກຄົນພ້ອມກັນເຮັດອະນາໄມປົກປັກຮັກສາສິ່ງແວດລ້ອມ
ພາບ:vietnam.vn
|
ທ່ານ ຟາ້ມຕຽນຢູ໋ງ ໃຫ້ຮູ້ວ່າ: ປະຈຸບັນ, ມີວິສາຫະກິດຈຳນວນຫນຶ່ງໄດ້ຈັດ ລາຍການທ່ອງທ່ຽວສົມທົບກັບການຮັກສາສິ່ງແວດລ້ອມ. ແຕ່ວ່າພຽງແຕ່ຈັດເປັນກຸ່ມ, ຕັດຕາມຄຳສະເຫນີ ບໍ່ເປັນປະຈຳ. ສະນັ້ນ ເພື່ອສ້າງຄວາມຊິນເຄີຍປົກປັກຮັກສາສິ່ງແວດລ້ອມໃຫ້ແກ່ນັກທ່ອງທ່ຽວຫວຽດນາມ ເມື່ອເຂົາເຈົ້າລະຫລິ້ນຢູ່ບັນດາສະຖານທີ່ທ່ອງທ່ຽວ. ລາຍການທ່ອງທ່ຽວມຸ່ງໄປເຖິງສິ່ງແວດລ້ອມຂອງ Golden Tour ເຄີຍສົມທົບກັບຊາວທ້ອງຖິ່ນ.
“ປະຈຸບັນ ພວກຂ້າພະເຈົ້າມີຫລາຍລາຍການທ່ອງທ່ຽວສະຫງວນໃຫ້ແກ່ນັກທ່ອງທ່ຽວທີ່ເຂົ້າຮ່ວມການປົກປັກຮັກສາສິ່ງແວດລ້ອມຄື: ພ້ອມກັບຊາວກະສິກອນເຮັດໄຮ່ໄຖນາໃນເວລາມື້ຫນຶ່ງ, ພ້ອມກັບອຳນາດການປົກຄອງທ້ອງຖິ່ນ ຫລື ຄະນະຊາວຫນຸ່ມ ເຊີ່ມເຊີນ ແຂວງ ແທນຮ່ວາ, ໂຮ້ຍອານ ແຂວງ ກວ໋າງນາມ ເກັບຂີ້ເຫຍື້ອຢູ່ຫາດຊາຍທະເລ, ພ້ອມກັບນະຄອນໂຮ້ຍອານ ເກັບຖົງຢາງໃນເວລາມື້ຫນຶ່ງ. ສ່ວນໃນລະດຸູບານໃຫມ່, ນັກທ່ອງທ່ຽວໄດ້ເຂົ້າຮ່ວມລາຍການປູກຕົ້ນໄມ້. ຜ່ານບັນດາລາຍການນັ້ນ, ນັກທ່ອງທ່ຽວໄດ້ເຈືອຈານເຂົ້າກັບທຳມະຊາດ ນຳມາເຊິ່ງຜົນປະໂຫຍດໃຫ້ແກ່ວົງຄະນາຍາດ.”
ຮູບການທ່ອງທ່ຽວດັ່ງກ່າວຍັງໃຫມ່ອ່ຽມສຳລັບນັກທ່ອງທ່ຽວ ແຕ່ເມື່ອເຂົ້າຮ່ວມລາຍການທ່ອງທ່ຽວຄືແນວນັ້ນ, ເຂົາເຈົ້າໄດ້ຮັບສິ່ງທີ່ມີປະໂຫຍດຫລາຍຢ່າງ. ນາງ ດັ້ງເຫ້ວ ພະນັກງານການບັນຊີຢູ່ວິສາຫະກິດຕ່າງປະເທດໃຫ້ຮູ້ວ່າ: ປີຜ່ານມາ ນາງໄດ້ເຂົ້າຮ່ວມລາຍການທ່ອງທ່ຽວສົມທົບກັບການເກັບຂີ້ເຫຍື້ອຢູ່ຫາດຊາຍທະເລ. ລາຍການຖືກຈັດໃນເວລາ 4 ວັນ 3 ຄືນ ຢູ່ ເຊີ່ມເຊີນ ແຂວງ ແທນຮ່ວາ, ນອກຈາກໄດ້ໄປຢ້ຽມຢາມບັນດາທັດສະນີຍະພາບ, ໄປອາບນ້ຳທະເລແລ້ວ, ທາງບໍລິສັດຍັງສະຫງວນເວລາເຄິ່ງມື້ເພື່ອໃຫ້ພະນັກງານພ້ອມກັບຊາວທ້ອງຖິ່ນເກັບຂີ້ເຫຍື້ອ ເຮັດອະນາໄມຢູ່ຫາດຊາຍທະເລອີກດ້ວຍ.
“ເມື່ອໄປ ທ່ອງທ່ຽວພ້ອມກັບຄອບຄົວ, ຂ້າພະເຈົ້າຄິດວ່າ ນັ້ນແມ່ນໄລຍະເວລາ ພັກຜ່ອນບຳລຸງສຸຂະພາບ, ແຕ່ເມື່ອເຂົ້າຮ່ວມລາຍການທ່ອງທ່ຽວສົບທົບກັບວຽກງານເຮັດອະນາໄມສິ່ງແວດລ້ອມຄືແນວນີ້ ແມ່ນມີຄວາມໝາຍແທ້ຈິງ. ບັນດາລາຍການທ່ອງທ່ຽວແບບນີ້ແມ່ນໄດ້ຮັບຄວາມສົນໃຈຈາກນັກທ່ອງທ່ຽວເປັນຈຳນວນຫລາຍ ເປັນຕົ້ນແມ່ນຊາວຫນຸ່ມ ເພາະວ່າ ເຂົາເຈົ້າເອງໄດ້ເຂົ້າຮ່ວມການເຄື່ອນໄຫວທີ່ມີຄວາມໝາຍນີ້.”
ພາຍຫຼັງໄປທ່ອງທ່ຽວເຂດພູດອຍ ໄຕບັກ, ສິ່ງທີ່ສ້າງຄວາມປະທັບໃຈທີ່ສຸດໃຫ້ ແກ່ ຢູຍຈີງ, ພະນັກງານບໍລິສັດ IT ຊຶ່ງແມ່ນບໍລິສັດຊອບແວຢູ່ ຮ່າໂນ້ຍ, ນັ້ນແມ່ນໄດ້ພ້ອມກັບຊາວທ້ອງຖິ່ນຮຽນວິທີປູກປ່າ. ຢູຍຈີງ ໃຫ້ຮູ້ວ່າ:
“ປີລະເທື່ອຫນຶ່ງໄດ້ໄປທ່ອງທ່ຽວຄືແນວນີ້ ພວກຂ້າພະເຈົ້າເຫັນວ່າ ຊີວິດແມ່ນດີກວ່າ. ໄປທ່ອງທ່ຽວຕາມຮູບການທຳມະດາ ພວກຂ້າພະເຈົ້າພຽງແຕ່ໄດ້ເຫັນຊີວິດການເປັນຢູ່ຂອງປະຊາຊົນເທົ່ານັ້ນ ແຕ່ເມ່ືອເຂົ້າຮ່ວມລາຍການທ່ອງທ່ຽວສົບທົບກັບການປູກປ່າ ພວກຂ້າພະເຈົ້າຈຶ່ງມີຄວາມເຂົ້າໃຈກວ່າອີກກ່ຽວກັບເຂດດິນທີ່ຕົນເອງພວມຢ້ຽມຢາມ ກໍ່ຄືເຂົ້າໃຈກ່ຽວກັບສິ່ງແວດລ້ອມ ແລະ ທິວທັດທຳມະຊາດຢູ່ທີ່ນີ້ກວ່າ.”
ປະຈຸບັນ ໄປທ່ອງທ່ຽວບໍ່ພຽງແຕ່ໄດ້ຢ້ຽມຢາມ, ພັກຜ່ອນບຳລຸງສຸຂະພາບເທົ່ານັ້ນ ຫາກຍັງມຸ່ງໄປເຖິງການປົກປັກຮັກສາສິ່ງແວດລ້ອມໃຫ້ແກ່ວົງຄະນາຍາດ, ໃຫ້ແກ່ສັງຄົມ ນັ້ນແມ່ນສິ່ງທີ່ບັນດາບໍລິສັດທ່ອງທ່ຽວພວມມຸ່ງໄປເຖິງ. ນັກທ່ອງທ່ຽວຄວນເຂົ້າຮ່ວມລາຍການທ່ອງທ່ຽວມຸ່ງໄປເຖິງສິ່ງແວດລ້ອມເພື່ອເຮັດໃຫ້ຊີວິດມີຄວາມໝາຍກວ່າ.