(vovworld)- ປີທ່ອງທ່ຽວແຫ່ງຊາດເຂດທົ່ງພຽງແມ່ນ້ຳແດງ 2013 ໂດຍນະຄອນຫາຍຟ່ອງ ເປັນເຈົ້າພາບຈັດຕັ້ງຂຶ້ນ. ນີ້ແມ່ນເງື່ອນໄຂເພື່ອໃຫ້ ຫາຍຟ່ອງ ສ້າງຜະລິດຕະພັນທ່ອງທ່ຽວໃຫມ່ຫລາຍຢ່າງ, ທັງແມ່ນໂອກາດເພື່ອພັດທະນາ ແລະ ສ້າງບາດກ້າວບຸກທະລຸ ຍົກສູງຄຸນນະພາບການບໍລິການ. ຢູ່ ຫາຍຟ່ອງ, ບັນດາການເຄື່ອນໄຫວທີ່ພົ້ນເດັ່ນໃນປີທ່ອງທ່ຽວແຫ່ງຊາດເຂດທົ່ງພຽງແມ່ນ້ຳແດງ 2013 ແມ່ນສຸມໃສ່ຢູ່ເຂດໃຈກາງນະຄອນ ແລະ ເທດສະບານ ໂດເຊີນ ແລະ ກາດບ່າ ຊື່ງແມ່ນສະຖານທີ່ທ່ອງທ່ຽວຈຸດສຸມສອງແຫ່ງ. ໃນລາຍການທ່ອງທ່ຽວພາກນີ້ ພວກເຮົາຂໍແນະນຳສະຖານທີ່ທ່ອງທ່ຽວສອງແຫ່ງຢູ່ນະຄອນ ຫາຍຟ່ອງ ຜ່ານບົດຂຽນຂອງນັກຂ່າວ ລານແອງ.
ເກາະ ກາດບ່າ
ພາບ:internet
|
ໂດຍຫ່າງຈາກນະຄອນຫລວງ ຮ່າໂນ້ຍ ປະມານ 100 ກິໂລແມັດ, ຫາຍຟ່ອງ ແມ່ນສະຖານທີ່ທ່ອງທ່ຽວດູດດື່ມສຳລັບນັກທ່ອງທ່ຽວພາຍໃນ ແລະ ຕ່າງປະເທດ. ມາຢ້ຽມຢາມ ຫາຍຟ່ອງໃນລະດູບານໃຫມ່, ນັກທ່ອງທ່ຽວສາມາດເຂົ້າຮ່ວມງານບຸນຕ່າງໆຢູ່ທ້ອງຖິ່ນ, ຢ້ຽມຢາມວັດວາອາຮາມ, ບັນດາປູຊະນີຍະສະຖານປະຫວັດສາດ. ໃນລະດູຮ້ອນ, ນັກທ່ອງທ່ຽວສາມາດເຂົ້າຮ່ວມລາຍການທ່ອງທ່ຽວຕ່າງໆ ແລະ ການລະຫລິ້ນຢູ່ແຄມທະເລ ໂດເຊີນ, ເກາະ ກາດບ່າ, ອ່າວບາຍຕືລອງ ແລະ ອ່າວຮ້າລອງ. ສ່ວນໃນລະດູໃບໄມ້ຫລົ່ນ, ນັກທ່ອງທ່ຽວສາມາດເຂົ້າຮ່ວມງານບຸນແທງຄວາຍ ແລະ ການເຄື່ອນໄຫວວັດທະນະທຳພື້ນເມືອງຕ່າງໆ. ໃນລະດູຫນາວ, ນັກທ່ອງທ່ຽວສາມາດເຂົ້າຮ່ວມລາຍການທ່ອງທ່ຽວປີນພູ, ຢ້ຽມຊົມຖ້ຳຢູ່ ກາດບ່າ, ພູວອຍ(ຊ້າງ). ເສັ້ນທາງໄປຍັງກາດບ່າແມ່ນສະດວກສະບາຍ ນັ້ນກໍແມ່ນສະຖານທີ່ດຶງດູດນັກທ່ອງທ່ຽວ. ທ່ານ ດວານຢີລີງ, ຫົວຫນ້າພະແນກວັດທະນະທຳ ກິລາ ແລະ ທ່ອງທ່ຽວ ຫາຍຟ່ອງ ໃຫ້ຮູ້ວ່າ:
“ນະຄອນ ຫາຍຟ່ອງ ແມ່ນປະຕູອອກສູ່ທະເລຂອງບັນດາແຂວງພາກເຫນືອ ຫວຽດນາມ. ມີທາງນ້ຳ, ທາງທະເລ, ລົດໄຟ, ທາງອາກາດ ເປັນຄວາມສະດວກໃຫ້ແກ່ການພັດທະນາການທ່ອງທ່ຽວ. ຫາຍຟ່ອງ ມີສະຫນາມບິນ ກາດບີ ນັບແຕ່ປີ 2007 ດ້ວຍບົດບາດແມ່ນສະຫນາມບິນສາກົນສຳຮອງໃຫ້ແກ່ສະຫນາມບິນ ໂນ້ຍບາຍ. ເດືອນ 11/2012, ນາຍົກລັດຖະມົນຕີໄດ້ອະນຸຍາດໃຫ້ຍົກລະດັບສະຫນາມບິນ ກາດບີ ເພື່ອສາມາດຕ້ອນຮັບບັນດາເຮືອບິນຂະຫນາດໃຫຍ່ ທັນສະໄຫມໄດ້ ແລະ ເປີດບັນດາສາຍການບິນເຖິງປະເທດຕ່າງໆໃນໂລກ.”
ໂດເຊີນ ແມ່ນຫນຶ່ງໃນບັນດາສະຖານທີ່ດຶງດູດນັກທ່ອງທ່ຽວມາຢ້ຽມຢາມ ຫາຍຟ່ອງ ພິເສດໃນໂອກາດທ້າຍປີ. ໂດຍຫ່າງຈາກໃຈກາງນະຄອນ ຫາຍຟ່ອງ ໄປທາງທິດຕາເວັນອອກສຽງໃຕ້ປະມານ 22 ກິໂລແມັດ, ແຫລມ ໂດເຊີນ …ທະເລປະມານ 5 ກິໂລແມັດ. ນີ້ແມ່ນແຫ່ງດູດດື່ມນັກທ່ອງທ່ຽວ ບໍ່ພຽງແຕ່ຍ້ອນອາກາດປອດໂປ່ງເທົ່ານັ້ນ ຫາກຍັງຍ້ອນທິວທັດທຳມະຊາດທີ່ສວຍສົດງົດງາມອີກດ້ວຍ. ຫາດຊາຍທະເລ ໂດເຊີນໄດ້ແບ່ງອອກເປັນ 3 ເຂດ, ຢູ່ເຂດໃດກໍ່ມີພູຜາປ່າໄມ້ທີ່ຂຽວອຸ່ມທູ່ມ ແລະ ສະຫງົບງຽບ.
ສະຫນາມບິນ ກາດບີ
ພາບ: internet
|
ເກາະງອກກາດບ່າ ແມ່ນຫນຶ່ງໃນບັນດາສະຖານທີ່ທ່ອງທ່ຽວສວຍງາມສອງແຫ່ງຂອງ ຫາຍຟ່ອງ. ທ່ານເລກວາງດ້າວ, ຜູ້ອຳນວຍການບໍລິສັດທ່ອງທ່ຽວ Vietvision Travel ໃຫ້ຮູ້ວ່າ:
“ ນັກທ່ອງທ່ຽວຢາກພັກຜ່ອນຢູ່ທີ່ນີ້ ຍ້ອນຄວາມສະຫງົບງຽບ, ນັ້ນກໍແມ່ນສິ່ງທີ່ນັກທ່ອງທ່ຽວສາກົນນິຍົມທີ່ສຸດ. ສຳລັບນັກທ່ອງທ່ຽວພາຍໃນປະເທດແລ້ວ, ບັນດາຫາດຊາຍທະເລ, ປ່າສະຫງວນແຫ່ງຊາດແມ່ນສິ່ງທ່ີດຶງດູດນັກທ່ອງທ່ຽວ ພິເສດນັກທ່ອງທ່ຽວມາຈາກພາກໃຕ້ຫວຽດນາມ. ການໄປມາລະຫວ່າງໃຈກາງນະຄອນຫາຍຝ່ອງເຖິງເກາະກາດບ່າແມ່ນສະດວກສະບາຍ. ນັກທ່ອງທ່ຽວສາມາດໄປດ້ວຍທາງບົກ ຫຼື ທາງທະເລ ກໍ່ໄດ້.”
ກາດບ່າ ແມ່ນສະຖານທີ່ທັງມີປ່າ ແລະ ທະເລ. ທະເລ ແລະ ປ່າປະສົມປະສານກັນສ້າງເປັນທິວທັດທຳມະຊາດທີ່ສວຍງາມດັ່ງໃນຝັນ. ປ່າໄມ້ຢູ່ກາດບ່າ ຍາມລະດູບານໃຫມ່ແມ່ນງາມຫລາຍ, ດ້ວຍຕົ້ນໄມ້ທີ່ຂຽວອຸ່ມທູ່ມ, ດອກໄມ້ບານພັ່ງດ້ວຍສີສັນຫລາກຫລາຍ. ນອກນັ້ນ ຍັງມີເກາະນ້ອຍໃຫຍ່ຫລາຍແຫ່ງ, ຫາດຊາຍທະເລຂຽວສະອາດພ້ອມດ້ວຍລະບົບຄົມມະນາຄົມສະດວກສະບາຍ. ສະນັ້ນ ນັບມື້ນັບມີ ນັກທ່ອງທ່ຽວຫຼາຍຄົນມາຢ້ຽມຢາມ ກາດບາ. ອ້າຍ ຫງວຽນຢາແຄງ, ສູນຖະແຫລງຂ່າວສົ່ງເສີມການທ່ອງທ່ຽວ ຫາຍຟ່ອງ ໃຫ້ຮູ້ວ່າ:
“ຈາກເທດສະບານກາດບ່າ ໄປເຖິງຫາດຊາຍທະເລແມ່ນໃກ້ທີ່ສຸດ, ນັກທ່ອງທ່ຽວສາມາດຍ່າງໄປ ຫລືຂ່ີລົດໄຟຟ້າກໍ່ໄດ້. ກາດບ່າມີຫາດຊາຍທະເລນ້ອຍໆຫລາຍແຫ່ງແຕ່ສວຍງາມ ແລະ ນ້ຳທະເລຂຽວສະອາດ”
ໃນຍາມນີ້ ນັກທ່ອງທ່ຽວມາຢ້ຽມຢາມ ກາດບ່າ, ຫາຍຟ່ອງ ສ່ວນຫລາຍແມ່ນນັກທ່ອງທ່ຽວສາກົນ. ສຳລັບຜູ້ນິຍົມທະເລ, ປ່າໄມ້, ກາດບ່າ ແມ່ນສະຖານທີ່ທ່ອງທ່ຽວຊີວະພາບທີ່ສ້າງຄວາມດູດດື່ມ. ມາຢ້ຽມຢາມກາດບ່າ ນັກທ່ອງທ່ຽວຈະຮູ້ສຶກວ່າຕົນເອງພວມເຈືອຈານກັບທຳມະຊາດ ແລະ ຈິດໃຈສະຫວາດສະເຫວີຍກວ່າ.