ຫວຽດນາມສະໜັບສະຫນູນເລື່ອງແກ້ໄຂບັນດາຄວາມຂັດແຍ້ງກັນຢູ່ທະເລຕາເວັນອອກດ້ວຍສັນຕິວິທີ
ໂຄສົກກະຊວງການຕ່າງປະເທດ ຫວຽດນາມ
(vovworld) - ວັນທີ 12/7, ເມື່ອຕອບຄຳຖາມຂອງນັກຂ່າວຕໍ່ເລື່ອງສານກຳມະການໄດ້ຮັບການສ້າງຕັ້ງຕາມສ່ວນເພີ່ມທີ 7 ຂອງສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982, ບົນພື້ນຖານຂໍ້ສະເໜີຂອງ ຟີລິບປິນ, ໄດ້ຍົກອອກຄຳຕັດສິນສຸດທ້າຍນັ້ນ. ໂຄສົກກະຊວງການຕ່າງປະເທດ ຫວຽດນາມ ຊີ້ແຈ້ງວ່າ: ຫວຽດນາມຊົມເຊີຍເລື່ອງສານກຳມະການໄດ້ຍົກອອກຄຳຕັດສິນສຸດທ້າຍໃນວັນທີ 12/7/2016. ຫວຽດນາມຈະມີຖະແຫຼງການກ່ຽວກັບເນື້ອໃນຄຳຕັດສິນນີ້. ຫວຽດນາມຢັ້ງຢືນຫຼັກໝັ້ນສະເໝີຕົ້ນສະເໝີປາຍຂອງຕົນອີກເທື່ອໜຶ່ງ ກ່ຽວກັບກໍລະນີຟ້ອງຮ້ອງນີ້, ຄືດັ່ງໄດ້ສະແດງຢ່າງຄົບຖ້ວນໃນຖະແຫຼງການວັນທີ 5/12/2014 ຂອງກະຊວງການຕ່າງປະເທດ ຫວຽດນາມ ທີ່ສົ່ງເຖິງສານກຳມະການ. ບົນຈິດໃຈນັ້ນ, ຫວຽດນາມສະໜັບສະໜູນເລື່ອງແກ້ໄຂບັນດາຄວາມຂັດແຍ້ງກັນຢູ່ທະເລຕາເວັນອອກດ້ວຍສັນຕິວິທີ, ໃນນັ້ນມີສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982, ຮັກສາສັນຕິພາບ, ສະຖຽນລະພາບໃນພາກພື້ນ, ຄວາມສະຫງົບປອດໄພ, ຄວາມເສລີໃນການເດີນທະເລ ແລະ ການບິນຢູ່ທະເລຕາເວັນອອກ, ເຄົາລົບຫຼັກການນັບຖືກົດໝາຍໃນບັນດາເຂດທະເລ ແລະ ມະຫາສະໝຸດ.
ເນື່ອງໃນໂອກາດນີ້ ຫວຽດນາມສືບຕໍ່ຢືນຢັນອະທິປະໄຕຂອງຕົນທີ່ມີຕໍ່ໝູ່ເກາະ ຮ່ວາງຊາ ແລະ ເຈື່ອງຊາ, ອະທິປະໄຕສຳລັບເຂດນ່ານນຳ້, ເຂດທະເລ ແລະ ສິດພິພາກສາສຳລັບເຂດເສດຖະກິດຈຳເພາະ ແລະ ໄຫຼ່ທະວີບຂອງ ຫວຽດນາມ ເຊິ່ງໄດ້ຮັບກຳນົດເໝາະສົມກັບສົນທິສັນຍາ ສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982, ກໍ່ຄືສິດຕ່າງໆ ແລະ ຜົນປະໂຫຍດດ້ານກົດໝາຍຂອງຫວຽດນາມ ທີ່ກ່ຽວຂ້ອງເຖິງໂຄງປະກອບພູມສາດທີ່ຂຶ້ນກັບໝູ່ເກາະຮ່ວາງຊາ ແລະ ເຈື່ອງຊາ.