(vovworld)-
ໃນອາກາດໜາວເຢັນ, ຖ້າຫາກໄດ້ນັ່ງອ້ອມໂຕະນ້ອຍ ແລະ ກິນປີ້ງປາມຶກ, ປີ້ງຊີ້ນສາມຊັ້ນ, ປີ້ງຊີ້ນງົວ ຫຼືປີ້ງກະເພາະໝູ, ປີ້ງນົມ… ພ້ອມກັບນ້ຳແຈ່ວເຜັດ ແລະ ເຂັ້ມນັ້ນແມ່ນສິ່ງທີ່ຈັບອົກຈັບໃຈທີ່ສຸດ… ໃນລາຍການອາຫານຫວຽດນາມພາກນີ້, ນັກຂ່າວ ມິງດຶກ ຈະແນະນຳກັບພວກທ່ານຮ້ານອານຫານປີ້ງຮ່ວຽນ ຊື່ງແມ່ນໜຶ່ງໃນບັນດາຮ້ານອາຫານໄດ້ຮັບຄວາມນິຍົມທີ່ສຸດຢູ່ຮ່າໂນ້ຍ.
.jpg)
(ພາບ:ມິງດຶກ)
ຮ້ານອາຫານປີ້ງຮ່ວຽນຕັ້ງຢູ່ເຮືອນເລກທີ 96 ທາງຮ່ອມ 107/188 ຫຼິ້ງນາມ-ຮ່າໂນ້ຍ ໃນເນື້ອທີ່ກ້ວາງປະມານ 30 ມ2, ໂຕະ, ຕັ່ງຖືກຈັດເປັນແຖວຢ່າງເປັນລະບຽບ. ຖ້າຂີ່ລົດຜ່ານຮ້ານອາຫານປີ້ງແຫ່ງນີ້, ຜູ້ຄົນທັງຫຼາຍຈະຖືກດຶງດູດດ້ວຍກິ່ນຫອມຂອງອາຫານກຳລັງປິ້ງຢູ່ເທິງເຕົາ. ເພື່ອນເຟືອງລິງ, ແຂກປະຈຳຂອງຮ້ານແບ່ງປັນວ່າ:
“ຂ້ອຍມັກອາຫານປີ້ງຢູ່ຮ້ານນີ້ທີ່ສຸດ, ຂ້ອຍມາກິນຢູ່ຮ້ານນີ້ 3-4 ເທື່ອຕໍ່ອາທິດໜຶ່ງ. ຢູ່ຮ້ານຮ່ວຽນ, ເຮົາສາມາດເຫັນປະຈັກຕາອາຫານຖືກປຸງແຕ່ງຄືແນວໃດ. ຮ້ານນີ້ໃຊ້ແຕ່ອາຫານສົດ, ປະລິມານຊີ້ນກໍ່ຫຼາຍກ່ວາຮ້ານອື່ນ, ບາງເທື່ອມາສວາຍກໍ່ບໍ່ມີຂອງກິນອີກແລ້ວ“.
ແຂກມາກິນຢູ່ຮ້ານອາຫານປີ້ງສ່ວນຫຼາຍແມ່ນພວກເພື່ອນໜຸ່ມ. ປະຈຸບັນ, ຢູ່ບັນດາສະຖານທີ່ໃນນະຄອນ, ອາຫານປີ້ງພວມໄດ້ຮັບຄວາມນິຍົມຊົມຊອບທີ່ສຸດ. ສຳລັບຮ້ານຮ່ວຽນແລ້ວ, ເພື່ອມີອາຫານປີ້ງທີ່ແຊບນົວນັ້ນ, ເຈົ້າຂອງຮ້ານໄດ້ເອົາໃຈໃສ່ເປັນພິເສດ, ນັບແຕ່ການເລືອກວັດຖຸດິບ ຕະຫຼອດຮອດການປຸງແຕ່ງ. ຕ້ອງແມ່ນອາຫານສົດ, ສະອາດ ແລະ ຮັບປະກັນຫຼັກອະນາໄມ. ເຮັດໄດ້ຄືແນວນັ້ນ, ເມື່ອປີ້ງແລ້ວ, ອາຫານຈະບໍ່ຫຍາບ, ບໍ່ເປື່ອຍ ແລະ ນຸ່ມ, .. ແລະ ແນ່ນອນແລ້ວ, ເຄື່ອງປຸງທີ່ຂາດບໍ່ໄດ້ສຳລັບອາຫານປີ້ງແມ່ນ: ນ້ຳປາ, ເກືອ, ໝາກພິກໄທ... ເພື່ອນຮ່ວາງຮ່າ ໃຫ້ຂໍ້ສັງເກດວ່າ:
“ປີ້ງຊີ້ນສາມຊັ້ນ ຫຼືປີ້ງຊີ້ນງົວຈານໜຶ່ງມີລາຄາພຽງປະມານ 30.000-40.000 ດົ່ງເທົ່ານັ້ນ, ເໝາະສົມກັບນັກສຶກສາຄືພວກນ້ອງ. ແຕ່ສຳຄັນແມ່ນເຂັດລັບໃນການປີ້ງແນວໃດໃຫ້ມີກິ່ນຫອມ, ປຸງເຄື່ອງໃຫ້ພໍດີຄືແນວນີ້ແມ່ນຍາກຫຼາຍ. ນ້ອງເຄີຍກິນ ອາຫານປີ້ງຢູ່ຫຼາຍຮ້ານແລ້ວ ແລະ ເຫັນວ່າອາຫານປີ້ງຢູ່ຮ້ານນີ້ແມ່ນແຊບກ່ວາໝູ່“.
.jpg)
(ພາບ:ມິງດຶກ)
ນອກຈາກອາຫານສົດປີ້ງແລ້ວ, ຍັງມີເຄື່ອງທີ່ກິນກັບຄື: ເກືອໝາກນາວ, ໝາກເຜັດ, ຊອັດໝາກຜັກ, ຜັກກັບຊະນິດຕ່າງໆ…ເພື່ອຫລຸດຜ່ອນຄວາມຕຸ້ຍ. ເອື້ອຍຟ້າມທູຮ່ວຽນ ເຈົ້າຂອງຮ້ານອາຫານປີ້ງຮ່ວຽນ ແບ່ງປັນວ່າ:
“ຢູ່ຮ່າໂນ້ຍມີຮ້ານອາຫານປີ້ງຄືແນວນີ້ຫຼາຍຮ້ານ, ແຕ່ລະຮ້ານມີລົດຊາດແຕກຕ່າງກັນ. ຊີ້ນປີ້ງຢູ່ຮ້ານຂອງຂ້ອຍໄດ້ເອືອບດ້ວຍເຄື່ອງປຸງພິເສດສະເພາະ. ສິ່ງສຳຄັນແມ່ນການເອືອບຄືແນວໃດ ແລະ ໃນເວລາປີ້ງຊີ້ນຈະສຸກ, ນຸ້ມ, ມີກິ່ນຫອມ, ລົດຊາດພໍດີ. ນອກຈາກນັ້ນຕ້ອງມີລາຄາຖືກ ແລະ ອາຫານຕອ້ງສົດ, ແຕ່ລະມື້, ຂ້ອຍຕ້ອງໄປເລືອກຊື້ອາຫານເພື່ອຮັບໃຊ້ແຂກ“.
.jpg)
(ພາບ:ມິງດຶກ)
ອາຫານປີ້ງຢູ່ຮ້ານຮ່ວຽນ ແມ່ນມີຫຼາຍຊະນິດ, ເມື່ອມາຮ້ານນີ້ເພື່ອນສາມາດເລືອກອາຫານເຍື່ອງທີ່ຕົນມັນ. ເອື້ອຍຮ່ວຽນ ໃຫ້ຮູ້ຕື່ມອີກວ່າ:
“ຮ້ານຂອງຂ້ອຍມີອານຫານປີ້ງກ່ວາ 10 ເຍື່ອງຄື: ປີ້ງນົມ, ປີ້ງຊີ້ນໝູ, ປີ້ງປາມຶກ, ປີ້ງຊີ້ນງົວ… ແລະ ອາຫານຕົ້ນຕໍແມ່ນປີ້ງຊີ້ນສາມຊັ້ນ. ແຂກສ່ວນຫຼາຍມານີ້ມັກກິນປີ້ງຊີ້ນສາມຊັ້ນ ຍ້ອນວ່າມັນມີລົດຊາດແຊບນົວ, ມັນຫນ້ອຍໜຶ່ງ ແລະ ກິນງ່າຍ. ນອກນັ້ນປີ້ງປາມຶກຍັກກໍ່ໄດ້ຮັບຄວາມນິຍົມທີ່ສຸດ,“
ເມື່ອມາຮ້ານອາຫານປີ້ງຮ່ວຽນ ເພື່ອນຈະໄດ້ສຳພັດກັບການບໍລິການທີ່ວ່ອງໄວ, ລອບຄອບຖີ່ຖ້ວນທີ່ສຸດ. ເຖິງວ່າເພື່ອນຈະກິນຫນ້ອຍ ຫຼືຫຼາຍກໍ່ບໍ່ມີບັນຫາ. ຜູ້ບໍລິການຢູ່ທີ່ນີ້ຍັງຕ້ອນຮັບເພື່ອນດ້ວຍຄວາມຍີ້ມແຍ້ມແຈ່ມໃສ ແລະ ກະກຽມ ອາຫານທີ່ແຊບນົວ, ຄົບຖ້ວນ ແລະ ສະອາດທີ່ສຸດໃຫ້ເພື່ອນ ./.
****************
ຖ້າຫາກທ່ານຢາກປຸງແຕ່ງອາຫານປີ້ງທີ່ແຊບນົວ ໃຫ້ 4 ຄົນກິນຢູ່ບ້ານ, ທ່ານຕ້ອງກະກຽມວັດຖຸດິບດັ່ງນີ້ :
ຊີ້ນໝູສາມຊັ້ນ: 800 g; ນ້ຳໜ້າ 1 ແກ້ວ, ນ້ຳປາ, ຜັກບົ່ວແຫ້ງ 5 ຫົວ, ຜັກບົວສົດ 5 ຫົວ, ຫົວຂ່າ 50 g, ພິກໄທ, ຄະນໍ, ນ້ຳມັນຫອຍ, ນົມປ່ອງ, ໝາກນາວ 2 ໜ່ວຍ, ໝາກເຜັດ 3 ໜ່ວຍ, ນ້ຳຕານ, ຊອັດໝາກເຜັດ….ນອກຈາກນັ້ນຕ້ອງກະກຽມເຄື່ອງກິນພ້ອມຄື: ຜັກສະລັດ, ຜັກແພວ, ຜັກດອງ, ກາຣົດ..
ວິທີເອື້ອບຊີ້ນ:
ຊີ້ນໝູສາມຊັ້ນຕ້ອງລ້າງໃຫ້ສະອາດ, ຊອຍເປັນຕ່ອນເທົ່າກັບ 2 ນີ້ວມື, ແລ້ວເອືອບພ້ອມກັບຫົວຂ່າຕຳ, ເກືອ, ຫົວບົ່ວແຫ້ງທຸບ, ແປ້ງນົວ, ຄະນໍ, ນົມປ່ອງ, ພິກໄທ, ນ້ຳມັນຫອຍ…. ເອືອບປະມານ 30 ນາທີ, ໃນເວລາເອືອບຕ້ອງປິ້ນຊີ້ນໃຫ້ເຂົ້າກັບເຄື່ອງປຸງ.
ຫຼັງຈາກນັ້ນຈະປີ້ງດ້ວຍຖ່ານ, ໃນເວລາປີ້ງຕ້ອງປີ້ນຊີ້ນສະເໝີກັນເພື່ອໃຫ້ຊີ້ນມີສີເຫຼືອງ ແລະ ງາມຕາ. ສຸດທ້າຍ, ເພື່ອນສາມາດກິນອາຫານປີ້ງນີ້ຈຳ້ກັບຈານເກືອໃສ່ໝາກນາວ, ໝາກເຜັດ, ຊອັດໝາກເຜັດ, ຜັກກິນພ້ອມຊະນິດຕ່າງໆ, ຫົວຜັກດອງ./.