(vovworld)- ໂດຍປະຕິບັດຕາມຄຳເຫັນຊີ້ນຳຂອງນາຍົກລັດຖະມົນຕີກ່ຽວກັບແຜນຮ່າງສັບຊ້ອນ, ປ່ຽນໃຫມ່ວິສາຫະກິດທີ່ມີ ທຶນຂອງລັດ100% ຂຶ້ນກັບກະຊວງປ້ອງກັນປະເທດຫວຽດນາມ ໄລຍະ 2013-2015, ບໍລິສັດໃຫຍ່ 36 ແມ່ນຫນຶ່ງໃນວິສາຫະກິດ 2 ແຫ່ງຂອງກະຊວງປ້ອງກັນປະເທດຫວຽດນາມ ໄດ້ດຳເນີນການຫັນເປັນຫຸ້ນສ່ວນ ພວມຕັ້ງຫນ້າຜັນຂະຫຍາຍການປະຕິບັດວິວັດການຫັນວິສາຫະກິດເປັນຫຸ້ນສ່ວນ. ເນື່ອງໃນໂອກາດນີ້, ນັກຂ່າວວິທະຍຸກະຈາຍສຽງຫວຽດນາມ ໄດ້ສຳພາດ ພັນເອກ ຫງວຽນດັງຢາບ, ປະທານສະພາບໍລິຫານ, ທັງເປັນຜູ້ອຳນວຍການໃຫຍ່ ບໍລິສັດໃຫຍ່ 36- ກະຊວງປ້ອງກັນປະເທດຫວຽດນາມ ກ່ຽວກັບຄວາມສະດວກ ກໍຄືສິ່ງທ້າທາຍໃນວິວັດການຫັນເປັນຫຸ້ນສ່ວນ.
ພັນເອກ ຫງວຽນດັງຢາບ
|
ນັກຂ່າວ: ຂໍຮຽນສະຫາຍ! ໃນທ່າອ່ຽງເຊື່ອມໂຍງເຂົ້າກັບສາກົນ, ບໍລິສັດໃຫຍ່ 36 ໄດ້ມີບັນດາບາດກ້າວກະກຽມຄືແນວໃດເພື່ອຫັນປ່ຽນຮູບແບບ, ຕອບສະຫນອງຄວາມຕ້ອງການຂອງຕະຫລາດ ແລະ ແກ້ງແຍ້ງຢ່າງສະເຫມີພາບ?
ພັນເອກ ຫງວຽນດັງຢາບ: ໃນໄລຍະເຊື່ອມໂຍງເຂົ້າກັບສາກົນຢ່າງເລິກເຊິ່ງ ແລະ ກວ້າງຂວາງ, ວິສາຫະກິດບໍ່ອາດຢືນຢູ່ນອກໄດ້. ບໍ່ວ່າພື້ນຖານເສດຖະກິດຂອງປະເທດໃດ, ວິສາຫະກິດ ຍັງຄົງສວມບົດບາດສຳຄັນໃນການພັດທະນາເສດຖະກິດປະເທດຊາດ. ບໍລິສັດໃຫຍ່ 36 ໄດ້ກະກຽມໃຫ້ແກ່ຕົນເອງວິວັດການເຊື່ອມໂຍງ. ໃນຮອບເວລາ 7 ປີ, ບໍລິສັດໄດ້ກາຍເປັນຮູບແບບທຳອິດຂອງ
ທົ່ວກອງທັບກ່ຽວກັບຮູບແບບລັດວິສາຫະກິດຈຳກັດຜູ້ດຽວ. ໃນໄລຍະວິກິດການເສດຖະກິດທົ່ວໂລກ, ພວກຂ້າພະເຈົ້າໄດ້ຫັນສິ່ງທ້າທາຍກາຍເປັນກາລະໂອກາດ ແລະ ສ້າງລາຍຮັບຈາກສິບໆຕື້ດົ່ງ ຂຶ້ນເຖິງ 3000 ຕື້ດົ່ງໃນ ປະຈຸບັນ. ນີ້ແມ່ນບາດກ້າວພັດທະນາຢ່າງໝັ້ນທ່ຽງ ແລະ ຮອບດ້ານ.
ນັກຂ່າວ: ໂດຍແມ່ນຫົວຫນ່ວຍສ້າງເສດຖະກິດຕິດພັນກັບການຮັບປະກັນການປ້ອງກັນຊາດປ້ອງກັນຄວາມສະຫງົບ, ເຄື່ອງໝາຍການຄ້າ 36 ໄດ້ຮັບການຢັ້ງຢືນ ຕິດພັນກັບການເຕີບໂຕ. ສະນັ້ນເມື່ອຫັນບໍລິສັດເປັນຫຸ້ນສ່ວນ, ບໍລິສັດໃຫຍ່ 36 ມີຄວາມສະດວກ ແລະ ປະສົບກັບຄວາມຫຍຸ້ງຍາກແນວໃດ?.
ພັນເອກ ຫງວຽນດັງຢາບ: ໃນໄລຍະເຊື່ອມໂຍງເຂົ້າກັບສາກົນຢ່າງເລິກເຊິ່ງ, ພວກເຮົາບໍ່ອາດເຊື່ອມໂຍງເມື່ອປະຕິບັດຕາມຮູບແບບເກົ່າ ຫາກຕ້ອງມີບາດກ້າວເຊື່ອມໂຍງຢ່າງເໝາະສົມ. ເມື່ອເຂົ້າຮ່ວມສັນຍາຄູ່ຮ່ວມມືເສດຖະກິດເຂດ ປາຊີຟີກ (TPP), ຫວຽດນາມ ຕ້ອງມີການປັບປຸງໃດຫນຶ່ງ. ຂ້າພະເຈົ້າຄິດວ່າ ພື້ນຖານເສດຖະກິດຂອງປະເທດຊາດ ຄວນມີບາດກ້າວບຸກທະລຸ. ທີສອງ ທັດສະນະກ່ຽວກັບການຄຸ້ມຄອງບໍລິຫານ ຕ້ອງປ່ຽນແປງໃຫ້ສອດຄ່ອງກັບຄວາມຕ້ອງການພັດທະນາຂອງຫວຽດນາມໃນສະພາບການໃຫມ່ ກໍຄື ທ່າອ່ຽງພັດທະນາຂອງເສດຖະກິດທົ່ວໂລກ.
ໄລຍະຜ່ານມາ, ບໍລິສັດໃຫຍ່ 36 ໂດຍນາຍົກລັດຖະມົນຕີກໍຄືກະຊວງປ້ອງກັນປະເທດເຫັນດີອະນຸຍາດຫັນເປັນຫຸ້ນສ່ວນ, ວິວັດການນີ້ ຈະປະຕິບັດແຕ່ນີ້ຮອດທ້າຍປີ 2015. ຂ້າພະເຈົ້າຄິດວ່າ ນີ້ແມ່ນບາດກ້າວບຸກທະລຸ. ເມື່ອຫັນເປັນຫຸ້ນສ່ວນ ແນ່ນອນວ່າຈະປະສົບກັບສິ່ງທ້າທາຍ ແລະ ຄວາມຫຍຸ້ງຍາກ. ສິ່ງທ້າທາຍທີຫນຶ່ງ, ເມື່ອຫັນບໍລິສັດແມ່ເປັນຫຸ້ນສ່ວນ ແມ່ນສິ່ງບໍ່ເຄີຍມີມາກ່ອນ ແລະ ເລື່ອງຂາຍຫຸ້ນກໍບໍ່ແມ່ນເລື່ອງງ່າຍ. ເພື່ອຊອກຫາຜູ້ຖືຫຸ້ນຍຸດທະສາດ, ຊອກບັນດານັກລົງທຶນຊື້ຫຸ້ນສ່ວນຂອງບັນດາລັດວິສາຫະກິດຂາຍຫຸ້ນຢູ່ຕະຫລາດໃຫຍ່ ນີ້ກໍແມ່ນສິ່ງທ້າທາຍສຳລັບລິສັດໃຫຍ່ 36. ສະນັ້ນ ພວກຂ້າພະເຈົ້າຕ້ອງເຊີນບັນດາຜູ້ຊ່ຽວຊານຊັ້ນນຳ ມາເຜີຍແຜ່ຂໍ້ມູນຂ່າວສານ ເພື່ອໃຫ້ສະມາຊິກແຕ່ລະຄົນໃນບໍລິສັດໃຫຍ່ເຂົ້າໃຈກ່ຽວກັບຈຸດປະສົງດ້ານການເມືອງ ກໍຄືວິວັດການພັດທະນາຂອງບໍລິສັດ. ເຖິງແນວໃດກໍຕາມ, ບັນດາວິສາຫະກິດຫວຽດນາມ ຕ້ອງປະຕິບັດຕາມວິວັດການຫັນເປັນຫຸ້ນສ່ວນ ແລະ ລັດພຽງຖືຫຸ້ນຈຳນວນຫນ້ອຍ ແລະ ຢູ່ບັນດາຫົວຫນ່ວຍພິເສດ. ຂ້າພະເຈົ້າຖືວ່າ: ບໍລິສັດໃຫຍ່ 36 ນຳຫນ້າໃນການຫັນເປັນຫຸ້ນສ່ວນ ແລະ ໄດ້ຮັບແຫລ່ງກຳລັງຫນູນຈາກທ່ານນາຍົກລັດຖະມົນຕີ, ນີ້ແມ່ນ ຈີນຕະນາການທີ່ກ້າວຫນ້າ,ແມ່ນທິດທາງອັນຖືກຕ້ອງ ແລະ ຕັ້ງຫນ້າ, ຕ້ອງປະຕິບັດຍິ່ງໄວກໍຍິ່ງດີ, ເພື່ອຮັກສາ ແລະ ເສີມຂະຫຍາຍແຫລ່ງທຶນຂອງລັດໄດ້. ຍິ່ງກວ່ານັ້ນ ເພື່ອໃຫ້ຫວຽດນາມ ສ້າງຮູບແບບການຄຸ້ມຄອງທີ່ກ້າວຫນ້າ, ວິທະຍາສາດ, ເໝາະສົມກັບຈິດໃຈຂອງປະຊາຊົນ, ພິເສດ ແມ່ນສ້າງຄວາມໂປ່ງໃສ.
ນັກຂ່າວ: ຫນ້າທີ່ເສດຖະກິດໃນໄລຍະສັນຕິພາບ, ໂດຍແມ່ນວິສາຫະກິດກອງທັບເຮັດເສດຖະກິດ ສົມທົບກັບ ຮັບປະກັນການປ້ອງກັນຊາດປ້ອງກັນຄວາມສະຫງົບ, ພິເສດ ແມ່ນບັນດາສະຖານທີ່ຍຸດທະສາດ, ເຂດຫ່າງໄກສອກຫລີກ, ເຂດທະເລໝູ່ເກາະ. ບໍລິສັດໃຫຍ່ 36 ໄດ້ເສີມຂະຫຍາຍບົດບາດຫລັກແຫລ່ງ ສ້າງບັນດາລະບົບເຂດເສດຖະກິດປ້ອງກັນຊາດຢູ່ບັນດາບໍລິເວນຍຸດທະສາດນີ້ຄືແນວໃດ.
ພັນເອກ ຫງວຽນດັງຢາບ: ບັນດາກິດຈະກຳຂອງບໍລິສັດໃຫຍ່ 36 ແມ່ນຕັ້ງຢູ່ທົ່ວ 52 ແຂວງ, ນະຄອນຂອງຫວຽດນາມ ແລະ ຢູ່ປະເທດລາວ. ບໍລິສັດໃຫຍ່ 36 ມີຍຸດທະສາດພັດທະນາ ນັ້ນແມ່ນ ຢູ່ເຂດຫ່າງໄກສອກຫລີກ ຕ້ອງມີບັນດາພາຫະນະທັນສະໄຫມ, ພະນັກງານຕ້ອງແມ່ນຜູ້ມີສຸຂະພາບແຂງແຮງ, ມີພູມປັນຍາ. ທີສອງ ແມ່ນວັດທະນະທຳວິສາຫະກິດ, ບໍລິສັດໃຫຍ່ 36 ໄດ້ສ້າງວັດທະນະທຳຂອງຕົນຢູ່ບັນດາເຂດດັ່ງກ່າວ ດ້ວຍການສົມທົບກັບຊາວຫນຸ່ມທ້ອງຖິ່ນ, ກໍ່ສ້າງເຮືອນແຫ່ງສາຍຈິດມິດໃຈຢູ່ທ້ອງຖິ່ນຊ່ືງແມ່ນແຫ່ງທີ່ບໍລິສັດຕັ້ງທັບ ເພື່ອເພີ່ມການພົວພັນລະຫວ່າງທະຫານ ແລະ ປະຊາຊົນ. ພິເສດ ສິ່ງສຳຄັນນັ້ນແມ່ນ ນຳໃຊ້ແຫລ່ງຊັບພະຍາກອນມະນຸດຢູ່ກັບທີ່, ນຳໃຊ້ຄົນງານຊື່ງແມ່ນລູກຫລານຊາວຊົນເຜົ່າຢູ່ເຂດຫ່າງໄກສອກຫລີກ. ບັນດາກິດຈະກຳຂອງ ບໍລິສັດໃຫຍ່ 36 ໃນໄລຍະຜ່ານມາ ແມ່ນການພິສູດໃຫ້ເຫັນ ສິ່ງດັ່ງກ່າວ ແລະ ຂ້າພະເຈົ້າຖືວ່າ ພຽງແຕ່ມີກຳລັງແຮງ, ມີຄວາມສຸດຈິດສຸດໃຈເພື່ອຮັບໃຊ້ປະຊາຊົນຈຶ່ງເຮັດໄດ້ຄືແນວນັ້ນ. ໄລຍະຜ່ານມາ ຖ້າບໍ່ມີຄວາມເມົາມົວ, ຄວາມມານະພະຍາຍາມ ແລະ ພິເສດແມ່ນບໍ່ປະຕິບັດຕາມຮູບແບບເກົ່າຈາກບໍ່ວ່າວິສາຫະກິດໃດ ບໍລິສັດໃຫຍ່ 36 ຈື່ງໄດ້ຮັບຜົນສຳເລັດຄືປະຈຸບັນໄດ້.
ນັກຂ່າວ: ຂໍຂອບໃຈສະຫາຍ