(vovworld)- ດ້ວຍການພັດທະນາກະໂດດຂັ້ນ, ປະຈຸບັນ ຂະແຫນງອຸດສາຫະກຳອາຍແກສຫວຽດນາມ ບໍ່ພຽງແຕ່ສາມາດຕອບສະຫນອງຄວາມຕ້ອງການຂອງການນຳໃຊ້ອາຍແກສພາຍໃນປະເທດໃນຫລາຍຂົງເຂດອຸດສາຫະກຳ, ການຄ້າ, ຄົມມະນາຄົມຂົນສົ່ງ.. ເທົ່ານັ້ນ ຫາກຂະແຫນງອຸດສາຫະກຳອາຍແກສ ຫວຽດນາມ ຍັງມີຊື່ໃນແຜນທີ່ອຸດສາຫະກຳອາຍແກສຂອງໂລກອີກດ້ວຍ.
 |
ຜ່ານໄລຍະກວ່າ 50 ປີແຫ່ງການສ້າງສາ ແລະ ພັດທະນາ, ກຸ່ມບໍລິສັດນ້ຳມັນອາຍແກສຫວຽດນາມ (Petrovietnam) ໄດ້ເຕີບໃຫຍ່ຢ່າງບໍ່ຢຸດຢັ້ງໃນທຸກດ້ານ, ບືນຕົວຂຶ້ນກາຍເປັນກຸ່ມບໍລິສັດເສດຖະກິດນຳຫນ້າຂອງປະເທດຊາດ. ໃນນັ້ນ ອຸດສາຫະກຳອາຍແກສ ມີການປະກອບສ່ວນຫລາຍຢ່າງໃນການພັດທະນາຂອງຂະແຫນງອາຍແກສ. ປະຈຸບັນ ລາຍຮັບຂອງຂະແຫນງອາຍແກສໄດ້ລື່ນກາຍລະດັບກວ່າ 500.000 ຕື້ດົງ, ກວມເອົາປະມານ 23% GDP ຂອງທັງປະເທດ, ປະກອບເຖິງ 30% ຍອດລາຍຮັບງົບປະມານແຫ່ງລັດ. ໃນນັ້ນ ແຕ່ລະປີ ສະເພາະຂະແຫນງອຸດສາຫະກຳອາຍແກສໄດ້ປະກອບປະມານ 10% ລາຍຮັບຂອງທັງກຸ່ມບໍລິສັດ ແລະ 2,5% GDP ຂອງທັງປະເທດ. ເພື່ອບັນລຸໄດ້ໝາກຜົນດັ່ງກ່າວ, ໃນກວ່າເຄ່ິ່ງສັດຕະວັດຜ່ານມາ, ຂະແຫນງອາຍແກສເວົ້າລວມ ແລະ ອຸດສາຫະກຳອາຍແກສຫວຽດນາມເວົ້າສະເພາະ ໄດ້ຜ່ານຜ່າຄວາມຫຍຸ້ງຍາກຈາກພື້ນຖານປະຖົມປະຖານໄດ້ພັດທະນາກາຍເປັນຂະແຫນງອຸດສາຫະກຳທັນສະໄຫມຂອງປະເທດຊາດ. ນັບແຕ່ປີ 1975, ບໍ່ນຳ້ມັນ 61 ຢູ່ຕາແສງ ດົງເກີ, ເມືອງຕຽນຫາຍ ແຂວງ ທາຍບີ່ງ ພົບເຫັນກະແສອາຍແກສທຳມະຊາດ ເປີດສາກໃຫ້ແກ່ການຂຸດຄົ້ນຊັບພະຍາກອນອາຍແກສຢູ່ເຂດດິນແດນຫວຽດນາມ ສຳເລັດຜົນ. ທ່ານ ຮ່າວັນຕວນ, ຜູ້ອຳນວຍການບໍລິສັດນ້ຳມັນອາຍແກສ ຊົງຮົ່ງ ຊື່ງກ່ອນນີ້ແມ່ນໂຮງຜະລິດອາຍແກສ ຕຽນຫາຍ ແມ່ນບ່ອນຄົ້ນພົບກະແສອາຍແກສທຳອິດເລົ່າສູ່ຟັງວ່າ:
“ຢູ່ເຂດ ຕຽນຫາຍ ໄດ້ຮັບຖືວ່າແມ່ນອູ່ຂອງຂະແຫນງອາຍແກສ. ໃນຊຸມປີ 70 ສັດຕະວັດທີ 20 ວຽກງານສຳຫລວດ, ຊອກຫາອາຍແກສຂອງຫວຽດນາມໄດ້ຮັບການຜັນຂະຫຍາຍຢ່າງແຂງແຮງຢູ່ບໍລິເວນແຂວງ ທາຍບີ່ງ. ປີ 1975 ໄດ້ຄົ້ນພົບກະແສອາຍແກສທຳອິດຢູ່ບໍ່ນຳ້ມັນ 61 ປະຈຸບັນໄດ້ຮັບຖືວ່າແມ່ນບ່ອນຜະລິດຕົ້ນຕໍຂອງຂະແຫນງນ້ຳມັນອາຍແກສ. ຮອດປີ 1981, ກະແສ ອາຍແກສການຄ້າທຳອິດໄດ້ຮັບການຂຸດຄົ້ນຮັບໃຊ້ໃຫ້ Tuabin ຜະລິດໄຟຟ້າຢູ່ ຕຽນຫາຍ ແລະ ເຊື່ອມຕໍ່ກັບເຄືອຂ່າຍໄຟຟ້າແຫ່ງຊາດ.”
ພ້ອມກັບການຍູ້ແຮງວຽກງານສຳຫລວດຊອກຫານຳ້ມັນອາຍແກຢູ່ດິນຕໍ່ແຜ່ນ, ທ້າຍຊຸມປີ 80 ຕົ້ນທົດສະວັດ 90 ຂອງສັດຕະວັດກ່ອນ, ຫວຽດນາມ ໄດ້ຄົ້ນພົບບໍ່ນຳ້ມັນຫລາຍແຫ່ງຢູ່ນອກຝັ່ງ ແຕ່ໄລຍະຕົ້ນ ແຫລ່ງອາຍແກສທຳມະຊາດຢູ່ບັນດາບໍ່ດັ່ງກ່າວຍັງຄົງຕ້ອງຈູດເຜົາໄປ ໄດ້ກໍ່ຄວາມຟຸມເຟືອຍ. ແນວຄວາມຄິດກ່ຽວກັບຂະແຫນງອຸດສາຫະກຳອາຍແກສຢ່າງສົມບູນຢູ່ຫວຽດນາມ ຄ່ອຍໆໄດ້ຮັບການສ້າງຂຶ້ນ. ວັນທີ 20/9/1990, ກົມໃຫຍ່ອາຍແກສ ປະຈຸບັນແມ່ນກຸ່ມບໍລິສັດນ້ຳມັນອາຍແກສຫວຽດນາມ ໄດ້ສ້າງຕັ້ງບໍລິສັດອາຍແກສ ປະຈຸບັນແມ່ນບໍລິສັດໃຫຍ່ ອາຍແກສຫວຽດນາມ(PV GAS). ເຫດການນີ້ ໄດ້ສ້າງເປັນຂະແຫນງອຸດສາຫະກຳອາຍແກສ ຫວຽດນາມ ຢ່າງເປັນທາງການ. ເລື່ອງນຳກະແສອາຍແກສຈາກນອກຝັ່ງທະເລເຂົ້າຝັ່ງ ເພື່ອຮັບໃຊ້ການພັດທະນາອຸດສາຫະກຳເປັນຂີດໝາຍທີ່ຫນ້າຈື່ຈຳ, ປະກອບສ່ວນສ້າງບາດກ້າວບຸກທະລຸໃນການພັດທະນາອຸດສາຫະກຳນ້ຳມັນອາຍແກສຢູ່ຫວຽດນາມ ເວົ້າລວມ. ທ່ານ ຟຸ່ງດີງຖືກ, ປະທານສະພາສະມາຊິກກຸ່ມບໍລິສັດນ້ຳມັນອາຍແກສແຫ່ງຊາດຫວຽດນາມ ໃຫ້ຮູ້ວ່າ:
“ການຂຸດຄົ້ນນຳ້ມັນໂຕນທຳອິດຢູ່ບໍ່ ແບກໂຫ ເມື່ອປີ 1993 ແມ່ນບາດກ້າວກະໂດດຂັ້ນທຳອິດຂອງ ຫວຽດນາມ ຈາກປະເທດບໍ່ມີນ້ຳມັນມາຮອດປະຈຸບັນຫວຽດນາມກາຍເປັນປະເທດຜະລິດ, ສົ່ງອອກນ້ຳມັນດີບໃນໂລກ. ບາດກ້າວກະໂດດຂັ້ນທີ 2 ນັ້ມແມ່ນປີ 1995, ເມື່ອພວກເຮົາຂຸດຄົ້ນ, ຂົນສົ່ງ, ສ້າງຕັ້ງຂະແຫນງອຸດສາຫະກຳອາຍແກສ ແລະ ສົ່ງອຸດສາຫະກຳອາຍແກສພັດທະນາໄດ້ສ້າງເປັນຫລາຍຂະແຫນງອຸດສາຫະກຳອື່ນ. ຈາກນັ້ນໄດ້ຜະລິດອອກໄຟຟ້າອາຍແກສ. ບາດກ້າວກະໂດດຂັ້ນທີ 3 ນັ້ນແມ່ນ ທ້າຍປີ 2009 ຕົ້ນປີ 2010, ເມື່ອໂຮງງານກັ່ນນຳ້ມັນ ຢູງກວັດ ໄດ້ຮັບການສ້າງຕັ້ງຂຶ້ນ, ຈາກແຫລ່ງນຳ້ມັນດີບທີ່ມີຄວາມສາມາດບົ່ມຊ້ອນ, ພວກເຮົາໄດ້ປຸງແຕ່ງຜະລິດຕະພັນຮັບໃຊ້ຄວາມຕ້ອງການຂອງປະຊາຊົນ.”
ເຈາະຂຸດນ້ຳມັນແບກໂຫ
ພາບ:internet
|
ພາຍຫລັງ 23 ປີແຫ່ງການສ້າງຕັ້ງ ແລະ ພັດທະນາ, ຂະແຫນງອຸດສາຫະກຳອາຍແກສ ຫວຽດນາມ ໄດ້ສ້າງເປັນລະບົບພື້ນຖານໂຄງລ່າງຢ່າງຄົບຊຸດ, ຮັບປະກັນການພັດທະນາແບບຍືນຍົງ. ນັບແຕ່ວັນທີ 1/5/1995, ມື້ທີ່ກະແສອາຍແກທຳອິດໄດ້ນຳເຂົ້າຝັ່ງ ມາຮອດປະຈຸບັນ ຂະແຫນງອຸດສາຫະກຳອາຍແກສ ເຊິ່ງຕົ້ນຕໍແມ່ນບໍລິສັດໃຫຍ່ອາຍແກສ ຫວຽດນາມ ໄດ້ສະຫນອງອາຍແກສ ເກືອບ 80 ຕື້ ແມດກ້ອນ, ໃນນັ້ນ ບັນດາແຫລ່ງອາຍແກສຕົ້ນຕໍແມ່ນສະຫນອງໃຫ້ແກ່ບັນດາໂຮງງານໄຟຟ້າຫລາຍແຫ່ງ. ອຸດສາຫະກຳອາຍແກສ ໄດ້ສະຫນອງແຫລ່ງວັດຖຸດີບ, ເຊື້ອເພີງສົ້ນເຂົ້າເພື່ອຜະລິດ 36 ຕື້ kwh ໄຟຟ້າ/ປີ, ຜະລິດຝຸ່ນເຄມີ 1,6 ລ້ານໂຕນ/ປີ, ຜະລິດຊີມັງ 100.000ໂຕນ/ປີ ແລະ ສະຫນອງອາຍແກສ… ປະມານ 1 ລ້ານໂຕນ/ປີ, ຕອບສະຫນອງກວ່າ 70% ຄວາມຕ້ອງການອາຍແກສ… ໃນທົ່ວປະເທດ. ບັນດາຕົວເລກດັ່ງກ່າວບໍ່ພຽງແຕ່ສະແດງໃຫ້ເຫັນການປະກອບສຳຄັນຂອງຂະແຫນງອຸດສາຫະກຳອາຍແກສໃຫ້ແກ່ການພັດທະນາເສດຖະກິດເທົ່ານັ້ນ ຫາກຍັງປະກອບສ່ວນຄຳ້ປະກັນພະລັງງານໃຫ້ແກ່ປະເທດຊາດອີກດ້ວຍ.