(vovworld) - ພ້ອມກັບປະຊາຊົນໃນທົ່ວປະເທດ, ນະຄອນຮ່າໂນ້ຍ ພວມຕັ້ງໜ້າເຂົ້າຮ່ວມສັນຍາຄູຸ່ຮ່ວມມືຂ້າມປາຊີຟິກ (TPP). ດ້ວຍບັນດາທ່າແຮງທີ່ມີຢູ່ແລ້ວ, ທັງຮ່າໂນ້ຍ ແມ່ນໜຶ່ງໃນ 2 ນະຄອນທີ່ມີຈຳນວນວິສາຫະກິດຫຼາຍກວ່າໝູ່ໃນທົ່ວປະເທດ, ນະຄອນຮ່າໂນ້ຍ ພວມຮີບເຮັ່ງກະກຽມບັນດາມາດຕະການດຶງດູດການລົງທຶນ, ຍູ້ແຮງການສົ່ງອອກ, ເປີດກວ້າງຕະຫຼາດພາຍຫຼັງທີ່ສັນຍາ TPP ມີຜົນສັກສິດຢ່າງເປັນທາງການ. ບົດຂຽນຂອງນັກຂ່າວ ແອ໋ງຮວຽນ “ນະຄອນຫຼວງຮ່າໂນ້ຍ ແລະ ຄວາມມານະພະຍາຍາມຮັບເອົາບັນດາກາລະໂອກາດຈາກ TPP”.
%20(5).jpg)
ທ່ານ ຫງວຽນດຶກຈຸງ, ປະທານຄະນະກຳມະການປະຊາຊົນນະຄອນຮ່າໂນ້ຍ
(ພາບປະກອບ: dantri)
ດ້ວຍບັນດາທ່າແຮງທີ່ມີຢູ່ແລ້ວຄື ແຫຼ່ງຊັບພະຍາກອນມະນຸດທີ່ມີຄຸນນະພາບສູງ ເມື່ອທຽບໃສ່ບັນດາທ້ອງຖິ່ນອື່ນໆ, ມີວັດຖຸດິບຜະລິດຢູ່ກັບທີ່, ມີພື້ນຖານໂຄງລ່າງພັດທະນາ, ເສດຖະກິດມີສະຖຽນລະພາບ, ຮ່າໂນ້ຍ ໄດ້ມີການກະກ່ຽມກຽມພ້ອມໝູນໃຊ້ບັນດາທ່າໄດ້ບຽບໂດຍສັນຍາ TPP ນຳມາໃຫ້ຢ່າງເຖິງຖອງ. ທ່ານ ຫງວຽນດຶກຈຸງ, ປະທານຄະນະກຳມະການປະຊາຊົນນະຄອນຮ່າໂນ້ຍ ໃຫ້ຮູ້ວ່າ.
“ນະຄອນຮ່າໂນ້ຍ ໄດ້ມີການຫັນປ່ຽນທີ່ຕັ້ງໜ້າຫຼາຍຢ່າງໃນການບໍລິຫານເສດຖະກິດມະຫາພາກ, ການກໍ່ສ້າງພື້ນຖານໂຄງລ່າງຕົວເມືອງ, ປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດ, ຍູ້ແຮງການປະຕິຮູບດ້ານລະບຽບການບໍລິຫານ. ອຳນາດການປົກຄອງນະຄອນຮ່າໂນ້ຍ ໃຫ້ຄຳໝັ້ນສັນຍາ ຈະສ້າງທຸກເງື່ອນໄຂດີທີ່ສຸດ ເພື່ອໜູນຊ່ວຍບັນດາວິສາຫະກິດໃນບັນດາຂົງເຂດລົງທຶນ, ການຄ້າ ແລະ ການທ່ອງທ່ຽວ”.
ສັນຍາ TPP, ເມື່ອມີຜົນສັກສິດ, ບໍ່ພຽງແຕ່ສ້າງກາລະໂອກາດໃຫ້ຮ່າໂນ້ຍ ຮັບເອົາບັນດາແຫຼ່ງເງິນລົງທຶນ, ໂດຍສະເພາະແມ່ນການລົງທຶນໂດຍກົງເຂົ້າໃນບັນດາຂົງເຂດການບໍລິການທີ່ມີຄຸນນະພາບສູງ, ອຸດສາຫະກຳຕັດຫຍິບ, ອຸດສາຫະກຳສຳຮອງ, ພື້ນຖານໂຄງລ່າງເຂດອຸດສາຫະກຳ, ກະສິກຳເທົ່ານັ້ນ, ຫາກຍັງສ້າງກາລະໂອກາດເພື່ອໃຫ້ຮ່າໂນ້ຍ ດຶງດູດແຫຼ່ງທຶນໂດຍທາງອ້ອມ ຜ່ານການເຄື່ອນໄຫວຊື້ຂາຍ ແລະ ໂຮມວິສາຫະກິດເຂົ້າອີິກດ້ວຍ, ຍ້ອນວ່າ ຮ່າໂນ້ຍ ແມ່ນໜຶ່ງໃນ 2 ນະຄອນທີມີຈຳນວນວິສາຫະກິດຫຼາຍກວ່າໝູ່ໃນທົ່ວປະເທດ. ນອກນັ້ນ, ບັນດາກຸ່ມບໍລິສັດການເງິນໄດ້ມີໜ້າຢູ່ຫວຽດນາມ ພວມເພີ່ມທະວີເປີດກວ້າງການລົງທຶນ ແລະ ບັນດາກຸ່ມບໍລິສັດ ແລະ ກອງທຶນລົງທຶນໃໝ່ອື່ນໆ ກໍພວມວາງແຜນການລົງທຶນ. ຜ່ານແຫຼ່ງທຶນຈາກບັນດາປະເທດສະມາຊິກທີ່ມີລະດັບພັດທະນາສູງ, ຮ່າໂນ້ຍ ຈະໄດ້ຮັບຜົນປະໂຫຍດຫຼາຍພໍສົມຄວນ ກ່ຽວກັບດ້ານເຕັກໂນໂລຊີ ແລະ ທັກສະຄຸ້ມຄອງ, ສ້າງເປັນສິນຄ້າ, ການບໍລິການທີ່ມີມູນຄ່າເພີ່ມສູງກວ່າ. ໃນຂົງເຂດສົ່ງອອກ, ເມື່ອເຂົ້າເປັນສະມາຊິກ TPP, ດ້ວຍທ່າເຕີບໂຕວົງເງິນສົ່ງອອກຄືປະຈຸບັນ, ພ້ອມກັບການຫຼຸດພາສີລົງ 0%, ວົງເງິນສົ່ງອອກສິນຄ້າຫຼາຍປະເພດ ໃນນັ້ນພິເສດແມ່ນຂະແໜງຕຳແຜ່ນຕັດຫຍິບຂອງຮ່າໂນ້ຍ ໄດ້ຮັບການຕີລາຄາວ່າ ຈະເຕີບໂຕຢ່າງແຮງ. ຜະລິດຕະພັນກະເສດ, ສິນໃນນ້ຳ ກໍແມ່ນບັນດາຂະແໜງທີ່ໄດ້ຮັບຜົນປະໂຫຍດໃນທັນທີ ແລະ ເມື່ອ TPP ໄດ້ຮັບການປະຕິບັດ.
ເຖິງວ່າ TPP ໄດ້ສ້າງບັນດາກາລະໂອກາດຫຼາຍຢ່າງໃຫ້ແກ່ຫວຽດນາມ ເວົ້າລວມ, ຮ່າໂນ້ຍ ເວົ້າສະເພາະກໍ່ຕາມ, ແຕ່ TPP ກໍມີສິ່ງທ້າທາຍຫຼາຍຢ່າງ. ກ່ອນອື່ນໝົດແມ່ນຄວາມດັນຈາກການແກ່ງແຍ້ງຢ່າງຂ້ຽວຂາດ ແລະ ແຂງແຮງຢູ່ຕະຫຼາດພາຍໃນປະເທດ ກໍຄືຕ່າງປະເທດ. ຄຽງຂ້າງນັ້ນ, ແມ່ນຄວາມດັນຈາກການດຶງດູດແຫຼ່ງທຶນຕ່າງປະເທດ, ຍ້ອນກາລະໂອກາດດຶງດູດການລົງທຶນຜ່ານ TPP ບໍ່ພຽງແຕ່ສະຫງວນສະເພາະໃຫ້ແກ່ຫວຽດນາມເທົ່ານັ້ນ, ຫາກຍັງໃຫ້ທຸກໆປະເທດສະມາຊິກອີກດ້ວຍ. ຖ້າຫາກວ່າ, ສະພາບແວດລ້ອມແຫ່ງການລົງທຶນ ບໍ່ໄດ້ມີການປ່ຽນແປງໃໝ່ຍົກສູງລັກສະນະແກ່ງແຍ້ງ ແມ່ນບໍ່ສາມາດໝູນໃຊ້ກາລະໂອກາດດຶງດູດທຶນໂດຍ TPP ນຳມາໃຫ້ໄດ້. ຕໍ່ໜ້າບັນດາກາລະໂອກາດ ແລະ ສິ່ງທ້າທາຍນັ້ນ, ນະຄອນຮ່າໂນ້ຍ ໄດ້ກຳນົດທິດໃຫ້ໄລຍະ 5 ປີຈະມາເຖິງ. ທ່ານ ຫງວຽນຢວານຕວານ, ຮອບປະທານຄະນະກຳມະການປະຊາຊົນນະຄອນຮ່າໂນ້ຍ ຊີ້ແຈ້ງວ່າ.
“ປ່ຽນໃໝ່ນະໂຍບາຍດຶງດູດການລົງທຶນຕ່າງປະເທດ ຕາມທິດເລືອກເຟັ້ນ, ສຸມໃສ່ເຂົ້າໃນຄຸນນະພາບ ແທນທີ່ຈະສຸມໃສ່ດ້ານຈຳນວນ. ໜູນຊ່ວຍກ່ຽວກັບລະບຽບການບໍລິຫານຢ່າງສະດວກທີ່ສຸດໃຫ້ບັນດາວິສາຫະກິດທີ່ມີໂຄງການດ້ວຍຂອບຂະໜາດໃຫຍ່, ມີມູນຄ່າເພີ່ມສູງ, ນຳໃຊ້ເຕັກໂນໂລຊີທີ່ທັນສະໄໝ, ບໍ່ສົ່ງມົນລະຜິດເຖິງສິ່ງແວດລ້ອມ”.
ໂດຍກຳນົດວ່າ ການກະກຽມທີ່ດີແມ່ນບັນລຸຜົນສຳເລັດໄດ້ເຄິ່ງໜຶ່ງ, ທັງກຳນົດວ່າ ວິສາຫະກິດທັງແມ່ນບັນດາຜູ້ນຳໜ້າ ທັງແມ່ນເປົ້າໝາຍຖືກຜົນສະທ້ອນຕົ້ນຕໍ່ຂອງ TPP, ໃນໄລຍະຜ່ານມາ, ນະຄອນຮ່າໂນ້ຍໄດ້ໂຄສະນາກ່ຽວກັບສັນຍາເປັນປະຈຳ ຜ່ານບັນດາອົງການສື່ມວນຊົນ, ການຈັດຕັ້ງບັນດາກອງປະຊຸມສຳມະນາຫົວເລື່ອງສະເພາະກ່ຽວກັບສັນຍາ TPP. ຜ່ານບັນດາການເຄື່ອນໄຫວນີ້, ບັນດາວິສາຫະກິດອາດຈະກຳໄດ້ກາລະໂອກາດ, ສິ່ງທ້າທາຍເມື່ອສັນຍາ TPP ມີຜົນສັກສິດ, ຈາກນັ້ນ ສ້າງແຜນການຜະລິດ, ດຳເນີນທຸລະກິດ, ຮັບປະກັນຜັນຂະຫຍາຍການປະຕິບັດສັນຍາ TPP ຢ່າງມີປະສິດທິຜົນ. ຄຽງຂ້າງຄວາມມານະພະຍາຍາມຂອງອຳນາດການປົກຄອງນະຄອນ, ປະຊາຄົມວິສາຫະກິດຮ່າໂນ້ຍ ກໍພວມຮີບເຮັ່ງກະກຽມທຸກຢ່າງເພື່ອເຊື່ອມໂຍງ, ຜ່ານຜ່າສິ່ງທ້າທາຍ, ນຳໃຊ້ກາລະໂອກາດເພື່ອໄດ້ຮັບຜົນປະໂຫຍດສູງສຸດຈາກສັນຍາ TPP. ທ່ານ ເລເຟື໋ອກວູ, ປະທານສະພາບໍລິຫານ, ບໍລິສັດຫຸ້ນສ່ວນກຸ່ມບໍລິສັດ ຮວາແຊນ, ແບ່ງປັນວ່າ.
“ກ່ອນອື່ນໝົດ, ປະຊາຄົມວິສາຫະກິດຕ້ອງມານະພະຍາຍາມ, ສ້າງມູນຄ້າເຄື່ອງໝາຍການຄ້າ, ສ້າງມູນຄ່າໃຫ້ພື້ນຖານເສດຖະກິດເພື່ອສາມາດແກ່ງແຍ້ງໄດ້, ຫຼັງຈາກນັ້ນຈຶງຄິດໄລ່ເຖິງກຳໄລ. ຖ້າຫາກສ້າງກຳໄລດ້ວຍທຸກວິທີຈະກໍ່ຄວາມເສຍຫາຍຢ່າງໜັກໜ່ວງ. ຖ້າຫາກປະຊາຄົມວິສາຫະກິດມີສະຕິສ້າງບັນດາຜະລິດຕະພັນທີ່ສາມາດແກ່ງແຍ້ງໄດ້ ຄວາມສາມາດແກ່ງແຍ້ງແຫ່ງຊາດອາດສາມາດຈະເພີ່ມຂຶ້ນ”.
ດ້ວຍຄວາມສາມາດບົ່ມຊ້ອນ ແລະ ທ່າແຮງຂອງຕົນ, ນະຄອນຮ່າໂນ້ຍ ພວມຢືນຢູ່ຕໍ່ໜ້າບັນດາກາລະໂອກາດທີ່ສະດວກ ເພື່ອສາມາດຂຸດຄົ້ນທ່າແຮງໂດຍສັນຍາ TPP ນຳມາໃຫ້. ຮ່າໂນ້ຍ ພວມມານະພະຍາຍາມສືບຕໍ່ປັບປຸງລະບອບ, ສ້າງສະພາບແວດລ້ອມແຫ່ງການດຳເນີນທຸລະກິດ ຕາມທິດສະດວກສະບາຍ, ກະຈາງແຈ້ງ, ຈາກນັ້ນດຶງດູດ ແຫຼ່ງເງິນລົງທຶນໂດຍກົງ (FDI) ຈາກບັນດາຄູ່ຮ່ວມມື TPP ໃຫ້ຫຼາຍກວ່າ, ເປີດກວ້າງຕະຫຼາດສົ່ງອອກ, ນຳເຂົ້າສິນຄ້າ.