(vovworld)-ດ້ວຍຄວາມປາດຖະຫນາຢາກບຳລຸງສ້າງນັກທຸລະກິດລຸ້ນຫນຸ່ມທີ່ຂະຫຍັນຂັນເຄື່ອນ, ສະຫະສະມາຄົມວິສາຫະກິດຂະຫນາດກາງ ແລະ ນ້ອຍ ນະຄອນ ດາຫນັງ ຫາກໍຜັນຂະຫຍາຍໂຄງການ “ບຳລຸງສ້າງນັກທຸລະກິດຫນຸ່ມທີ່ຂະຫຍັນຂັນເຄື່ອນ, ມີຫົວຄິດປະດິດສ້າງ 100 ຄົນ”. ນີ້ແມ່ນຫນຶ່ງໃນບັນດາໂຄງການຫນູນຊ່ວຍນັກສຶກສາເລີ່ມດຳເນີນອາຊີບນັບແຕ່ເວລາຍັງຮຽນຢູ່ມະຫາວິທະຍາໄລ.
ພິທີຮ່ວມສຳພັນລະຫວ່າງວິສາຫະກິດ ແລະ ໂຮງຮຽນ
ເພື່ອຊ່ວຍນັກຮຽນເລີ່ມດຳເນີນອາຊີບ
ພາບ:udn.vn
|
ໂຄງການ “ບຳລຸງສ້າງນັກທຸລະກິດຫນຸ່ມທີ່ຂະຫຍັນຂັນເຄື່ອນ, ມີຫົວຄິດປະດິດສ້າງ” ໂດຍສະຫະສະມາຄົມວິສາຫະກິດຂະຫນາດກາງ ແລະ ນ້ອຍ ນະຄອນດາຫນັງ ຈັດຕັ້ງ ໂດຍມີການເຂົ້າຮ່ວມຂອງວິສາຫະກິດ, ກອງທຶນສິນເຊື່ອ, ມະຫາວິທະຍາໄລຫລາຍແຫ່ງຢູ່ບໍລິເວນນະຄອນ ດາຫນັງ. ໂຄງການນີ້ແມ່ນສຸມໃສ່ຫນູນຊ່ວຍນັກສຶກສາເລີ່ມດຳເນີນອາຊີບນັບແຕ່ເວລາຍັງເປັນນັກສຶກສາ ແລະ ບັນດາເພື່ອນຫນຸ່ມມັກດຳເນີນທຸລະກິດ. ຈຸດໝາຍຂອງໂຄງການ ແມ່ນຫນູນຊ່ວຍ ນັກສຶກສາ 100 ຄົນ ມີແນວຄວາມຄິດດຳເນີນທຸລະກິດດີ, ຫນູນຊ່ວຍຢ່າງຫນ້ອຍສຸດ 10 ໂຄງການມີຜະລິດຕະພັນດີເດັ່ນ, ໄລຍະປະຕິບັດແມ່ນ 3-5 ປີ. ທ່ານ ຫງວຽນແທງງອກ, ຫົວຫນ້າຫ້ອງການຜູ້ຕາງຫນ້າສະຫະສະມາຄົມວິສາຫະກິດຂະຫນາດກາງ ແລະ ນ້ອຍ ສາຂາພາກກາງຫວຽດນາມ ແບ່ງປັນວ່າ:
“ໃນໂຄງການ“ບຳລຸງສ້າງນັກທຸລະກິດຫນຸ່ມຂະຫຍັນຂັນເຄື່ອນ, ມີຫົວຄິດປະດິດສ້າງ100 ຄົນ ” ຄັ້ງນີ້, ພວກຂ້າພະເຈົ້າຢາກຊຸກຍູ້ບັນດາຜູ້ເລີ່ມດຳເນີນອາຊີບສຸມໃສ່ບັນດາຂົງເຂດມີຫົວຄິດປະດິດສ້າງດ້ານວິທະຍາສາດເຕັກໂນໂລຊີ, ອາດຈະແມ່ນກະສິກຳ, ເຕັກໂນໂລຊີສູງ, ວິທະຍາສາດເຕັກໂນໂລຊີ, ການຜະລິດອຸດສາຫະກຳ ແລະ ເຕັກໂນໂລຊີຂໍ້ມູນຂ່າວສານດ້ວຍຂອບຂະຫນາດໃຫຍ່ພໍສົມຄວນ ແລະ ຈະຊອກຫາບັນດາແຫລ່ງອຸປະຖຳ, ການລົງທຶນຈາກບັນດາວິສາຫະກິດໃຫຍ່ ຫລື ບັນດາກອງທຶນປະກັນໄພເພື່ອໃຫ້ບັນດາແນວຄວາມຄິດດັ່ງກ່າວສາມາດຊຸກຍູ້ບັນດາວິສາຫະກິດໃຫຍ່, ວິສາຫະກິດວິທະຍາສາດເຕັກໂນໂລຊີສຳຄັນຂອງປະເທດຊາດໄດ້ຮັບການສ້າງຂຶ້ນ”
ໂຄງການດັ່ງກ່າວແມ່ນຊ່ວຍໃຫ້ບັນດາເພື່ອນຫນຸ່ມມີແນວຄວາມຄິດ, ມີຫົວຄິດປະດິດສ້າງມີທິດທາງເພືື່ອສ້າງແຜນການດຳເນີນທຸລະກິດຂອງຕົນ. ການເຄື່ອນໄຫວຂອງໂຄງການ ແມ່ນໄມ້ງັດເພື່ອໃຫ້ນັກສຶກສາມີກຳລັງຫນູນເພື່ອຜັນຂະຫຍາຍໂຄງການ, ແນວຄວາມຄິດຂອງຕົນເຂົ້າພຶດຕິກຳຕົວຈິງ. ເຂົ້າຮ່ວມໂຄງການ“ບຳລຸງສ້າງນັກທຸລະກິດຫນຸ່ມຂະຫຍັນຂັນເຄື່ອນ, ມີຫົວຄິດປະດິດສ້າງ 100 ຄົນ” ຈະຊ່ວຍໃຫ້ເຂົາເຈົ້າມີຄວາມເຊື່ອໝັ້ນມີກາລະໂອກາດໃຫຍ່ໃຫ້ພາລະກິດຕໍ່ຫນ້າ, ນອກນັ້ນ ເຂົາເຈົ້າຍັງມີໂອກາດສ້າງວິວັດການພັດທະນາວິສາຫະກິດຢ່າງລະອຽດ, ຮ່ຳຮຽນເອົາບົດຮຽນຈາກໝູ່ເພື່ອນ ແລະ ໄດ້ຮັບຟັງບັນດາຄຳເຫັນປະກອບ ເພື່ອສ້າງບັນດາແນວຄວາມຄິດດຳເນີນທຸລະກິດສະເພາະໃຫ້ແກ່ຕົນເອງ. ໂຄງການ“ບຳລຸງສ້າງນັກທຸລະກິດຫນຸ່ມຂະຫຍັນຂັນເຄື່ອນ, ມີຫົວຄິດປະດິດສ້າງ 100 ຄົນ” ກໍຈະປະກອບສ່ວນເພີ່ມທະວີການຮ່ວມມືລະຫວ່າງໂຮງຮຽນ ແລະ ວິສາຫະກິດ, ຊ່ວຍໃຫ້ບັນດາໂຮງຮຽນກຳໄດ້ຄວາມຕ້ອງການຂອງວິສາຫະກິດ, ຍົກສູງປະສິດທິຜົນການບຳລຸງສ້າງ. ດຣ ຫວໍແທງຫາຍ, ຮອງອະທິການບໍດີມະຫາວິທະຍາໄລ ຢີເຕີນ ໃຫ້ຮູ້ວ່າ:
“ກ່ອນນີ້ ພາຍຫລັງມີຄະແນນສອບເສັງແລ້ວ ພວກຂ້າພະເຈົ້າປະກາດ ແລະ ຍ້ອງຍໍພວກນ້ອງ. ປີນີ້ ມີໂຄງການດັ່ງກ່າວ, ບັນດາຄະແນນສອບເສັງຂອງນັກສຶກສາ ພວກຂ້າພະເຈົ້າຈະສົ່ງເຖິງວິສາຫະກິດ ເພື່ອໃຫ້ເຂົາພົບປະກັບບັນດານັກສຶກສາຫລືບັນດານັກສຶກສາທີ່ມີແນວຄວາມຄິດນີ້ຈະຊອກຫາໂຄງການນີ້ ເພື່ອຟາກຝັງແນວຄວາມຄິດຂອງຕົນ ເພື່ອມີກາລະໂອກາດລົງທຶນ ແນໃສ່ຫັນແນວຄວາມຄິດໃຫ້ປະສົບຜົນເປັນຈິງ.”
ບັນດານັກສຶກສາເມື່ອໄດ້ຄັດເລືອກເຂົ້າຮ່ວມໂຄງການດັ່ງກ່າວ ຍັງໄດ້ເຂົ້າຮ່ວມຊຸດບຳລຸງສ້າງ, ຊຸດໃຫ້ຄຳປຶກສາກ່ຽວກັບການບໍລິຫານວິສາຫະກິດ ແລະ ບຳລຸງສ້າງທັກສະໂດຍບໍ່ເສຍຄ່າຈາກບັນດາຜູ້ຊ່ຽວຊານທີ່ມີອິດທິພົນຊື່ສຽງຢູ່ ດາຫນັງ. ພິເສດ ນັກທຸລະກິດ ຜູ້ຫນຶ່ງທີ່ມີອິດທິພົນຊື່ສຽງ, ມີປະສົບການ ຈະຝືກອົມຮົມໃຫ້ ນັກສຶກສາທີ່ໄດ້ຄັດເລືອກ ນັ້ນ ກ່ຽວກັບການບໍລິຫານວິສາຫະກິດ, ວິຊາສະເພາະ ແລະ ທັກສະກ່ຽວກັບຫລັກການໄດ້ຮັບຜົນສຳເລັດຂອງນັກທຸລະກິດຜູ້ຫນຶ່ງເພື່ອຕອບສະຫນອງແນວຄວາມຄິດເລີ່ມດຳເນີນອາຊີບ ໃນເວລາ 1 ປີ. ນອກນັ້ນ, ບັນດານັກສຶກສາຍັງໄດ້ສົ່ງເຖິງບັນດາວິສາຫະກິດໃຫຍ່ເພື່ອ ຝືກອົບຮົມ, ເຂົ້າຮ່ວມບັນດາຊຸດບຳລຸງສ້າງ, ສຳພັດກັບແຫລ່ງທຶນຈາກກອງເງິນລົງທຶນ, ກອງທຶນຄ້ຳປະກັນສິນເຊື່ອຂອງນະຄອນ ດາຫນັງ ເພື່ອກູ້ຢືມທຶນ. ທ່ານ ຫລີດີງກວັນ, ຫົວຫນ້າຄະນະຈັດຕັ້ງລາຍການໃຫ້ຮູ້ວ່າ:
“ລາຍການເລີ່ມດຳເນີນອາຊີບໄດ້ຮັບການສະຫນັບສະຫນູນຈາກວິສາຫະກິດຫລາຍແຫ່ງ, ຫລັງຈາກນັ້ນ ມີຫລາຍຫົວຫນ່ວຍ, ໂຮງຮຽນກໍຮ່ວມກັນປະຕິບັດ. ນອກນັ້ນ ຍັງໄດ້ຮັບຄວາມເຫັນດີເຫັນພ້ອມສູງຈາກບັນດາການນຳຕະຫລອດຮອດບັນດາຫົວຫນ່ວຍກ່ຽວຂ້ອງ. ປະຈຸບັນ ມີ 20 ກວ່າວິສາຫະກິດ ຈົດທະບຽນເຂົ້າຮ່ວມອຸປະຖຳກໍຄືປະກອບສ່ວນໃຫ້ແກ່ລາຍການນີ້. ເຂົາເຈົ້າປາດຖະຫນາຢາກຊອກຮູ້ບັນດາແນວຄວາມຄິດດີເດັ່ນເພື່ອພ້ອມກັນປະກອບທຶນກັບບັນດານັກທຸລະກິດຫນຸ່ມເພື່ອສ້າງຕັ້ງບັນດາວິສາຫະກິດ ແລະ ຮັບກາລະໂອກາດເຊື່ອມໂຍງເຂົ້າກັບສາກົນ.”
ລາຍການກໍເພີ່ມຄວາມສະຫນິດຕິດພັນ ແລະ ການຮ່ວມມືລະຫວ່າງໂຮງຮຽນ ແລະ ວິສາຫະກິດ ຕາມທິດລົງເລິກ, ຊ່ວຍໃຫ້ໂຮງຮຽນ ເຂົ້າໃຈບັນດາຄວາມຕ້ອງການຂອງວິສາຫະກິດ, ຍົກສູງປະສິດທິຜົນການບຳລຸງສ້າງ, ພ້ອມທັງຊ່ວຍວິສາຫະກິດມີກາລະໂອກາດຮັບສະໝັກບຸກຄະລາກອນມີຄຸນນະພາບ ແລະ ເໝາະສົມ. ລາຍການແມ່ນການລະດົມກຳລັງໃຈ, ເຊີດຊູບັນດາຄວາມເກັ່ງກ້າສາມາດເພື່ອໃຫ້ກາຍເປັນນັກທຸລະກິດໃນອະນາຄົດ, ປະກອບສ່ວນນຳວິສາຫະກິດ ດາຫນັງ ເວົ້າສະເພາະ, ຫວຽດນາມ ເວົ້າລວມ ເຊື່ອມໂຍງເຂົ້າກັບຕະຫລາດໂລກຢ່າງເລິກເຊິ່ງ ແລະ ໝັ້ນຄົງ.