(vovworld)- ການພົວພັນດ້ານການຄ້າລະຫວ່າງ ຫວຽດນາມ ແລະ ສເຊັກໂກ ນັບມື້ນັບໄດ້ຮັບການຍູ້ແຮງ, ເປັນຕົ້ນ ແຕ່ປີ 2012, ເມື່ອ ເຊັກ ເລືອກເຟັ້ນ ຫວຽດນາມ ເຂົ້າບັນຊີລາຍຊື່ 12 ຕະຫລາດບຸລິມະສິດໃນຍຸດທະສາດສົ່ງອອກແຫ່ງຊາດປີ 2012-2020. ວິສາຫະກິດ 2 ປະເທດ ພວມເພີ່ມທະວີການຮ່ວມມືດ້ານການຄ້າ, ການລົງທຶນ ເປັນຕົ້ນໃນຂົງເຂດສົ່ງອອກເຄື່ອງຕ່ຳແຜ່ນຕັດຫຍິບ ແລະ ເກີບຫນັງ.
ກອງປະຊຸມສຳມະນາສົ່ງເສີມວິສາຫະກິດເຊັກໂກລົງທຶນຢູ່ຫວຽດນາມ
ພາບ:TTXVN
|
ການພົວພັນຮ່ວມມືດ້ານເສດຖະກິດ ລະຫວ່າງຫວຽດນາມ ແລະ ສ ເຊັກໂກ ພັດທະນາຢ່າງແຮງ. ໃນໄລຍະ 5 ປີມໍ່ໆມານີ້, ວົງເງິນສົ່ງອອກນຳເຂົ້າສິນຄ້າ 2 ສົ້ນ ລະຫວ່າງສອງປະເທດ ແມ່ນເພີ່ມຂຶ້ນທົບສອງເທົ່າ ກ່ຽວກັບມູນຄ່າ. ປີ 2014, ຍອດວົງເງິນສົ່ງອອກນຳເຂົ້າສິນຄ້າລະຫວ່າງ ຫວຽດນາມ ແລະ ເຊັກໂກ ບັນລຸ 652 ລ້ານ USD, ໃນນັ້ນ ການສົ່ງອອກສິນຄ້າຂອງ ເຊັກໂກ ເຂົ້າ ຫວຽດນາມ ບັນລຸ 85 ລ້ານ USD ແລະ ການນຳເຂົ້າສິນຄ້າຂອງ ເຊັກໂກ ຈາກ ຫວຽດນາມ ແມ່ນ 567 ລ້ານ USD. ໄລ່ມາຮອດປະຈຸບັນ, ສເຊັກ ມີ 36 ໂຄງການລົງທຶນຢູ່ຫວຽດນາມ, ຢືນອັນດັບທີ 42 ໃນຍອດຈຳນວນ 101 ປະເທດ ແລະ ເຂດແຄ້ວນລົງທຶນຢູ່ຫວຽດນາມ. ເຊັກໂກ ເຄີຍເຂົ້າຮ່ວມບັນດາກອງປະຊຸມສາກົນອຸປະຖຳໃຫ້ຫວຽດນາມ ແລະ ແມ່ນປະເທດ ເອີລົບຕາເວັນອອກທຳອິດ ສະຫນອງທຶນ ODA ໃຫ້ຫວຽດນາມຢ່າງລຽນຕິດ. ເຖິງຢ່າງໃດກໍຕາມ, ໃນທ່າອ່ຽງເຊື່ອມໂຍງ ແລະ ການຮ່ວມມືນັບມື້ນັບແຂງແຮງ ບັນດາບາດກ້າວພັດທະນາໃນໄລຍະຜ່ານມາ ເປັນຕົ້ນໃນຂົງເຂດເສດຖະກິດການຄ້າ ຍັງບໍ່ທັນສົມກັບຄວາມສາມາດບົ່ມຊ້ອນ. ທ່ານ ເຈືອງແມ້ງເຊີນ, ເອກອັກຄະລັດຖະທູດ ຫວຽດນາມ ປະຈຳ ເຊັກໂກ ຖືວ່າ: ພື້ນຖານເສດຖະກິດສອງປະເທດ ມີຫລາຍຈຸດເພີ່ມເຕີມໃຫ້ກັນ ເພື່ອຊຸກຍູ້ການຮ່ວມມືໃນຫລາຍຂົງເຂດ. ເພື່ອຍູ້ແຮງການຮ່ວມມືຢ່າງແທ້ຈິງ, ກະຊວງອຸດສາຫະກຳ ແລະ ການຄ້າ ເຊັກ ແລະ ກະຊວງອຸດສາຫະກຳ ການຄ້າຫວຽດນາມ ຄວນເພີ່ມທະວີການສະຫນອງຂໍ້ມູນຂ່າວໃຫ້ບັນດາວິສາຫະກິດ, ຫນູນຊ່ວຍການເຊື່ອມຈອດວິສາຫະກິດສອງປະເທດ ຫລືຫນູນຊ່ວຍດ້ານການເງິນໃຫ້ບັນດາວິສາຫະກິດ ເຊັກໂກ ມາດຳເນີນທຸລະກິດ, ຮ່ວມທຸລະກິດ, ເປີດຫ້ອງການຜູ້ຕາງຫນ້າທຸລະກິດຂາອອກຂາເຂົ້າ ຫລື ຜັນຂະຫຍາຍໂຄງການ, ສ້າງຕັ້ງໂຮງງານຜະລິດຢູ່ຫວຽດນາມ. ດ້ານອື່ນ, ສຳລັບຫວຽດນາມ, ເຊັກໂກ ມີບົດບາດທີ່ຕັ້ງແມ່ນປະຕູສຳຄັນໃນປະຊາຄົມ ເອີລົບ, ເພາະສະນັ້ນ ເຊັກໂກ ແມ່ນການເລືອກເຟັ້ນຕົ້ນຕໍສຳລັບວິສາຫະກິດຂະຫນາດກາງ ແລະ ນ້ອຍຂອງຫວຽດນາມຫລາຍແຫ່ງ, ເປັນຕົ້ນແມ່ນບັນດາວິສາຫະກິດເກີບຫນັງ, ຕ່ຳແຜ່ນຕັດຫຍິບ, ສຳພັດກັບຕະຫລາດ ອີຢູ. ທ່ານ ເລຮົ່ງທັງ, ຫົວຫນ້າພະແນກອຸດສາຫະກຳ ແລະ ການຄ້າ ຮ່າໂນ້ຍ ຖືວ່າ:
“ສົ່ງເສີມດ້ານການຄ້າເຂົ້າຕະຫລາດເດີມຄື: ເອີລົບຕາເວັນອອກຄິດວ່າ ແມ່ນເກົ່າແລ້ວ ແຕ່ພັດແມ່ນໃຫມ່ອ່ຽມ ເພາະວ່າ ນີ້ແມ່ນປະຕູເພື່ອໃຫ້ພວກເຮົາແຊກຊືມເຂົ້າ ອີຢູ ຢ່າງໃກ້ສຸດ. ເພາະ ຢູ່ ເຊັກໂກ ດ້ວຍກຸ່ມຫນຶ່ງລວມມີ 4 ປະເທດ ແລະ ໄລຍະຈະມາເຖິງແມ່ນ 6 ປະເທດນອນໃນ ອີຢູ ຊື່ງແມ່ນຕະຫລາດມີພົນລະເມືອງ 90 ລ້ານຄົນ ແລະ ຕະຫລາດນີ້ແມ່ນເໝາະສົມກັບຄຸນນະພາບ, ລາຄາ ຂອງສິນຄ້າຫວຽດນາມ.”
ທ່ານ ເລຮົ່ງທັງ ກໍຖືວ່າ: ຫນຶ່ງໃນບັນດາຄວາມສະດວກສຳລັບວິສາຫະກິດ ຫວຽດນາມ ເມື່ອແຊກຊືມຕະຫລາດນີ້ ນັ້ນແມ່ນຜູ້ໃຊ້ສອຍຢູ່ ເຊັກໂກ, ຮຸງກາຣີ, ອົດຕະລິດ ຫລື ໂປໂລຍ ທີ່ເຄີຍນຳໃຊ້ເຄື່ອງໝາຍຕ່ຳແຜ່ນຕັດຫຍິບ ຫລື ເກີບຫນັງຂອງຫວຽດນາມ. ໄລຍະຜ່ານມາ, ບັນດາເຄື່ອງໝາຍການຄ້າດັ່ງກ່າວ ລ້ວນແຕ່ໄດ້ຮັບການຍົກລະດັບນັບທັງຄຸນນະພາບ, ຮູບແບບ ແລະ ລາຄາຢູ່ໃນລະດັບສູງກວ່າເມື່ອທຽບໃສ່ບັນດາຜະລິດຕະພັນປະເພດດຽວກັນຂອງປະເທດອື່ນຈຳນວນຫນຶ່ງໃນພາກພື້ນ. ເພາະສະນັ້ນ ບັນດາວິສາຫະກິດ ແລະ ສະຫະສະມາຄົມຂະແຫນງສິນຄ້າຫວຽດນາມ ເຊື່ອໝັ້ນວ່າ ສິນຄ້າຫວຽດນາມ ຈະຍາດໄດ້ທີ່ຕັ້ງຢ່າງໝັ້ນແກ່ນຢູ່ ສ ເຊັກໂກ. ທ່ານນາງ ເຈີນທິມີງທື, ກຳມະການຄະນະບໍລິຫານງານ ສະມາຄົມເກີບຫນັງ ຮ່າໂນ້ຍ ຢືນຢັນວ່າ: ບັນດາວິສາຫະກິດຫວຽດນາມ ສາມາດແກ້ງແຍ້ງ ແລະ ຍາດໄດ້ຄວາມໄວ້ເນື້ອເຊື່ອໃຈຂອງຜູ້ໃຊ້ສອຍ ສ ເຊັກໂກ.
“ສຳລັບວິສາຫະກິດຜະລິດເກີບຫນັງຂອງຫວຽດນາມ ເວົ້າລວມ ແລະ ຮ່າໂນ້ຍ ເວົ້າສະເພາະ ຄວາມສາມາດຜະລິດ, ຊື້ວັດຖຸເຄິ່ງສຳເລັດຮູບຍັງຈຳກັດຢູ່ ແລະ ເວລານັ້ນ ຕ້ອງແກ້ງແຍ້ງກັບຫລາຍຕະຫລາດກວ່າ. ຖ້າຫາກສັງເກດຜະລິດຕະພັນຂອງຄູ່ແຂງພວມເຮັດທຸລະກິດຢູ່ ສ ເຊັກໂກ ພວກຂ້າພະເຈົ້າມີຄວາມເຊື່ອໝັ້ນດ້ວຍຕົນເອງ ເພື່ອແຊກຊືມເຂົ້າຕະຫລາດ ສ ເຊັກໂກ ເພື່ອສາມາດແກ້ງແຍ້ງກັບເຂົາເຈົ້າ ກໍຄືດຳເນີນທຸລະກິດຢ່າງມີປະສິດທິຜົນ.”
ປະຈຸບັນ ຢູ່ ສ ເຊັກໂກ ມີຊາວຫວຽດນາມ ປະມານ 60.000 ຄົນ ພວມດຳລົງຊີວິດ ແລະ ວັນທີ 3/7/2013, ລັດຖະບານ ເຊັກໂກ ໄດ້ຕົກລົງເພີ່ມເຕີມ ຜູ້ຕາງຫນ້າຊາວ ເຊັກໂກ ເສື້ອຊາດຫວຽດນາມ ເຂົ້າສະພາຊົນເຜົ່າສ່ວນຫນ້ອຍ, ຜ່ານນັ້ນ ຮັບຮູ້ການຄົງຕົວຂອງຊາວ ເຊັກໂກ ເຊື້ອຊາດຫວຽດນາມ ຄືດັ່ງ ຊົນເຜົ່າສ່ວນຫນ້ອຍ ຢູ່ ເຊັກໂກ. ນີ້ກໍແມ່ນປັດໄຈສະດວກຊ່ວຍໃຫ້ບັນດາວິສາຫະກິດຫວຽດນາມ ເພີ່ມທະວີຄວາມສາມາດຊອກຫາ, ເປີດກວ້າງຕະຫລາດ, ບໍ່ພຽງແຕ່ສຳລັບ ເຊັກໂກ ເທົ່ານັ້ນ ຫາກຂະຫຍາຍອອກສູ່ຫລາຍປະເທດໃນເອີລົບ ອີກດ້ວຍ.