(vovworld)- ເຂດທົ່ງພຽງແມ່ນຳ້ຂອງທາງພາກໃຕ້ຫວຽດນາມ ລວມມີ 13 ແຂວງ, ນະຄອນ ແລະ ມີທີ່ຕັ້ງສຳຄັນພິເສດໃນຍຸດທະສາດພັດທະນາເສດຖະກິດສັງຄົມຢູ່ ຫວຽດນາມ. ນີ້ແມ່ນເຂດຜະລິດກະສິກຳ, ສິນໃນນຳ້ຫລາຍກວ່າໝູ່ໃນທົ່ວປະເທດ. ເພື່ອເສີມຂະຫຍາຍບັນດາຄວາມສາມາດບົ່ມຊ້ອນ ແລະ ທ່າໄດ້ປຽບຂອງເຂດກໍຄືຍົກສູງປະສິດທິຜົນ, ຄຸນນະພາບການເຕີບໂຕ ແລະ ດຶງດູດການລົງທຶນຕ່າງປະເທດ, ບັນດາແຂວງຂຶ້ນກັບເຂດທົ່ງພຽງແມ່ນຳ້ຂອງ ຄວນມີທິດກ້າວເດີນໃຫມ່ເພື່ອຮັບປະກັນການພັດທະນາເສດຖະກິດຂອງເຂດ, ກາຍເປັນສະຖານທີ່ດູດດືມສຳລັບບັນດານັກລົງທຶນ.
ເຂດທົ່ງພຽງແມ່ນຳ້ຂອງ
ພາບ:internet
|
ເປີດທິດພັດທະນາໃຫມ່ໃຫ້ແກ່ເຂດທ່ົງພຽງແມ່ນຳ້ຂອງທາງພາກໃຕ້ຫວຽດນາມ
ໃນວິວັດການພັດທະນາ ແລະ ເຊື່ອມໂຍງເຂົ້າກັບເສດຖະກິດໂລກ, ບັນຫາຫລັກແຫລ່ງທີ່ວາງອອກ ນັ້ນແມ່ນຕ້ອງຮັກສາການເຕີບໂຕເສດຖະກິດ, ພັດທະນາສັງຄົມ, ເຊື່ອມໂຍງຢ່າງເລິກເຊິ່ງ ແລະ ກວ້າງຂວາງກັບພື້ນຖານເສດຖະກິດໂລກ ແຕ່ບໍ່ທຳລາຍຊີວະພາບ ຕິດພັນການອະນຸລັກຮັກສາທຳມະຊາດ ແລະ ພັດທະນາແບບຍືນຍົງ. ສະນັ້ນ ຫົວຂໍ້ຂອງເວທີປາໄສການຮ່ວມມືເສດຖະກິດເຂດທົ່ງພຽງແມ່ນຳ້ຂອງທາງພາກໃຕ້ຫວຽດນາມ(MDEC) ປີ 2013 ໄດ້ຮັບເລືອກເຟັ້ນວ່າແມ່ນ“ເຂດທົ່ງພຽງແມ່ນຳ້ຂອງມູ່ງໄປເຖິງພື້ນຖານເສດຖະກິດຂຽວ”. ນີ້ແມ່ນທິດທີ່ຖືກຕ້ອງເພື່ອໃຫ້ເຂດທົ່ງພຽງແມ່ນຳ້ຂອງຂຸດຄົ້ນບັນດາຄວາມສາມາດບົ່ມຊ້ອນ, ທ່າໄດ້ປຽບຂອງເຂດຕາມທິດພັດທະນາເສດຖະກິດແບບຍືນຍົງ, ບໍ່ກໍ່ມົນລະພິດເຖິງສິ່ງແວດລ້ອມ.
ການເຕີບໂຕຂຽວແມ່ນເນື້ອໃນສຳຄັນຂອງການພັດທະນາແບບຍືນຍົງ, ຮັບປະກັນການພັດທະນາເສດຖະກິດຢ່າງວ່ອງໄວ, ມີປະສິດທິຜົນ ແລະ ປະກອບສ່ວນສຳຄັນໃຫ້ແກ່ການປະຕິບັດຍຸດທະສາດແຫ່ງຊາດກ່ຽວກັບການປ່ຽນແປງຂອງດິນຟ້າອາກາດ. ເປົ້າໝາຍຊ່ືງການເຕີບໂຕຂຽວມຸ່ງໄປເຖິງນັ້ນແມ່ນມະນຸດ ແລະ ເພື່ອມະນຸດ, ປະກອບສ່ວນສ້າງວຽກເຮັດງານທຳ, ລົບລ້າງຄວາມອຶດຫິວຫລຸດຜ່ອນຄວາມທຸກຍາກ, ຍົກສູງຊີວິດການເປັນຢູ່ທາງດ້ານວັດຖຸ ແລະ ຈິດໃຈໃຫ້ແກ່ປະຊາຊົນ. ທ່ານ ຫວູແທງທົງ, ຮອງປະທານຄະນະກຳມະການປະຊາຊົນນະຄອນ ເກີນເທີ ໃຫ້ຮູ້ວ່າ:
“ນະຄອນເກີນເທີ ສືບຕໍ່ປະຕິບັດການພັດທະນາເສດຖະກິດຂຽວໃນ 4 ຂົງເຂດ. ສະເພາະ ຂົງເຂດກະສິກຳ, ເກີນເທີ ສືບຕໍ່ປະຕິບັດໂຄງການຕິດພັນກັບທົ່ງນາຂະຫນາດໃຫຍ່ເພື່ອເປີດກວ້າງຂອບຂະຫນາດປະຕິບັດ. ຄຽງຄູ່ກັນນັ້ນ, ທາງແຂວງ ກໍຈັດຕັ້ງການດຶງດູດນັກລົງທຶນ, ຜັນຂະຫຍາຍ 3 ໂຄງການກະສິກຳເຕັກໂນໂລຊີສູງ. ດ້ານອື່ນ, ພວກຂ້າພະເຈົ້າຍັງຈັດຕັ້ງການຄົ້ນຄ້ວາໂຄງການພັດທະນາແນວພັນປູກໃຫ້ເໝາະສົມກັບການປ່ຽນແປງຂອງດິນຟ້າອາກາດ.”
ກ່ຽວກັບບັນຫາຮັບປະກັນຊີວິດສັງຄົມເຂດທົ່ງພຽງແມ່ນຳ້ຂອງປີ 2013 ແມ່ນເນື້ອໃນກໍໄດ້ຮັບການເຕື້ອງເຖິງທີ່ເວທີປາໄສປີນີ້. ນີ້ແມ່ນຈຸດໃຫມ່ຂອງ MDEC ຫວີງລອງປີ 2013 ໃນສະພາບທີ່ພື້ນຖານເສດຖະກິດຍັງປະສົບກັບຄວາມຫຍຸ້ງຍາກຫລາຍຢ່າງ ແຕ່ໄດ້ຂົນຂວາຍ, ຮຽກຮ້ອງທົ່ວສັງຄົມປະກອບສ່ວນໃຫ້ແກ່ວຽກງານນີ້. ທ່ານ ດາວມີງຕູ, ຮອງຜູ້ວ່າການທະນາຄານແຫ່ງລັດ ຊີ້ແຈ້ງວ່າ:
“ໃນສະພາບການຫຍຸ້ງຍາກຂອງປີ 2013 ແຕ່ບັນດາທະນາຄານຍັງຕັດສິນໃຈສະແດງຄວາມຮັບຜິດຊອບ ແລະ ສືບຕໍ່ປະກອບສ່ວນໃຫ້ແກ່ໂຄງການຮັບປະກັນຊີວິດສັງຄົມຢູ່ເຂດ ທົ່ງພຽງແມ່ນຳ້ຂອງ. ອາດຈະເວົ້າໄດ້ວ່າ ເຖິງວ່າແມ່ນທຶນເພື່ອຮັບປະກັນຊີວິດສັງຄົມ ແຕ່ ຕ້ອງຄຸ້ມຄອງຄືດັ່ງໂຄງການລົງທຶນເພື່ອຮັບປະກັນລັກສະນະປະສິດທິຜົນ, ຫລິກລ້ຽງການຟຸມເຟືອຍ, ປະກົດການຫຍໍ້ທໍ້, ການສວຍໃຊ້.”
ປະສິດທິຜົນຂອງເວທີປາໄສເສດຖະກິດຮ່ວມມືເຂດ ທົ່ງພຽງແມ່ນຳ້ຂອງທາງພາກໃຕ້ຫວຽດນາມ ໃນຫລາຍປີຜ່ານມາ, ບໍ່ພຽງແຕ່ສະແດງໃຫ້ເຫັນບັນດາຕົວເລກ, ບັນດາບ້ວງເງິນອຸປະຖຳໃນສະເພາະຫນ້າ ຫາກສຳຄັນຕົ້ນຕໍແມ່ນປະສິດທິຜົນຍາວນານຂອງບັນດາໂຄງການ, ບັນດາກິດຈະກຳຮຽກຮ້ອງການລົງທຶນສຳລັບການພັດທະນາແບບຍືນຍົງຂອງເຂດ. ເວທີປາໄສຮ່ວມມືເສດຖະກິດເຂດທົ່ງພຽງແມ່ນຳ້ຂອງຈັດຕັ້ງຜ່ານ 6 ຄັ້ງ ໄດ້ປະກອບສ່ວນສຳຄັນໃນການພັດທະນາລວມຂອງເຂດທົ່ງພຽງແມ່ນຳ້ຂອງ, ຈາກນັ້ນ ນາຍົກລັດຖະມົນຕີ ໄດ້ປະກາດໃຊ້ຫລາຍແຜນນະໂຍບາຍ, ມາດຕະການ, ແກ້ໄຂຄວາມຫຍຸ້ງຍາກ, ຂໍ້ຕິດຂັດຂອງເຂດ. ສະນັ້ນ ເວທີປາໄສການຮ່ວມມືເສດຖະກິດເຂດທົ່ງພຽງແມ່ນຳ້ຂອງ MDEC - ຫວີງລອງປີ 2013 ຈະປະກອບສ່ວນຍົກສູງຄວາມຮັບຮູ້ຂອງທຸກຂັ້ນ, ທຸກຂະແຫນງການ ແລະ ປະຊາຊົນໃນເຂດເພື່ອພັດທະນາແບບຍືນຍົງ, ຮັກສາສິ່ງແວດລ້ອມ, ອະນຸລັກຮັກສາຊີວະນາໆພັນ, ຂຸດຄົ້ນການນຳໃຊ້ຊັບພະຍາກອນທຳມະຊາດຢ່າງມີປະສິດທິຜົນ. ທ່ານ ບູ່ຍງອກເຊືອງ, ຮອງຫົວຫນ້າຄະນະຊີ້ນຳເຂດຕາເວັນຕົກພາກໃຕ້, ຮອງຫົວຫນ້າຄະນະຊີ້ນຳ MDEC ຫວີງລອງປີ 2013 ໃຫ້ຮູ້ວ່າ:
“ເວທີປາໄສຄັ້ງນີ້ເພື່ອຍົກສູງຄວາມຮັບຮູ້ ແລະ ການກະທຳຕາມຄຳຮຽກຮ້ອງຕ້ອງການການເຕີບໂຕຂຽວ, ດຶງດູດການລົງທຶນເຂົ້າບັນດາເຂດອຸດສາຫະກຳ, ບຸລິມະສິດການພັດທະນາບັນດາໂຄງການອຸດສາຫະກຳ, ກະສິກຳຂຽວ, ຈຳກັດມົນລະພິດສິ່ງແວດລ້ອມ. ຜ່ານນັ້ນ ປະກອບສ່ວນຫລຸດຜ່ອນການປ່ອຍອາດພິດເຮືອນແກ້ວ.”
ວິສາຫະກິດພາຍໃນປະເທດນັບຮ້ອຍແຫ່ງ ແລະ ບັນດານັກລົງທຶນຕ່າງປະເທດທີ່ເຂົ້າຮ່ວມເວທີປາໄສ MDEC ຫວີງລອງ 2013 ລ້ວນແຕ່ເຫັນດີວ່າ: ບັນດາແຂວງທີ່ຂຶ້ນກັບເຂດທົ່ງພຽງແມ່ນຳ້ຂອງ ຄວນສືບຕໍ່ສ້າງຮູບແບບຜະລິດໃຫມ່ສຳເລັດຜົນໃນການຮ່ວມສຳພັນການຜະລິດ, ຈຳຫນ່າຍຜະລິດຕະພັນ ແລະ ຍູ້ແຮງການໝູນໃຊ້ຄວາມກ້າວຫນ້າວິທະຍາສາດເຕັກນິກໃນການຜະລິດ, ເຮັດໃຫ້ສິນຄ້າມີກຳລັງແກ້ງແຍ້ງສູງຢູ່ຕະຫລາດໂລກ. ທ່ານ ເຈືອງວັນເຊົາ, ຮອງປະທານຄະນະກຳມະການປະຊາຊົນແຂວງ ຫວີງລອງ ຖືວ່າ:
“ນີ້ແມ່ນກາລະໂອກາດເພື່ອໃຫ້ບັນດາແຂວງຢູ່ເຂດ ທົ່ງພຽງແມ່ນຳ້ຂອງ, ໃນນັ້ນມີແຂວງ ຫວີງລອງ, ໂຄສະນາພາບພົດ ແລະ ຮຽກຮ້ອງບັນດານັກລົງທຶນເຂົ້າເຂດນີ້. ພິເສດ ຮຽກຮ້ອງບັນດານັກລົງທຶນມຸ່ງໄປເຖິງ ຫົວຂໍ້ພັດທະນາພື້ນຖານເສດຖະກິດຂຽວ. ແທນທີ່ດຶງດູດນັກລົງທຶນແບບລວມໆ, ເວທີປາໄສຄັ້ງນີ້ຈະດຶງດູດບັນດານັກລົງທຶນຢູ່ພາຍໃນ ແລະ ຕ່າງປະເທດ. ບັນດາກະຊວງ, ຂະແຫນງການສູນກາງກໍມຸ່ງໄປເຖິງການຮຽກຮ້ອງປະຕິບັດບັນດາຮູບແບບໃຫມ່.”
ເວທີປາໄສຮ່ວມມືລົງທຶນເຂດທົ່ງພຽງແມ່ນຳ້ຂອງ MDEC ຫວີງລອງ ປີ 2013 ໄດ້ອັດລົງຢ່າງສຳເລັດຜົນ ດ້ວຍເລື່ອງ ບັນດາແຂວງ,ນະຄອນ ຢູ່ ເຂດທົ່ງພຽງແມ່ນຳ້ຂອງ ມອບຫນັງສືອະນຸຍາດການລົງທຶນ 126 ສະບັບ ໃຫ້ແກ່ບັນດາໂຄງການດ້ວຍຈຳນວນເງິນເກືອບ 7.500 ຕື້ດົງ. ບັນດາໂຄງການທີ່ໄດ້ຮັບແຫລ່ງເງິນລົງທຶນດັ່ງກ່າວ ນັ້ນແມ່ນບັນດາຂົງເຂດຊື່ງ ເຂດທົ່ງພຽງແມ່ນຳ້ຂອງ ຄວນໄດ້ຮັບການອຸດຫນູນເພື່ອໃຫ້ເຂດນີ້ເສີມຂະຫຍາຍຄວາມສາມາດບົ່ມຊ້ອນ, ທ່າແຮງ, ສ້າງທ່ວງທ່າໃຫ້ແກ່ການພັດທະນາເສດຖະກິດສັງຄົມໃນອະນາຄົດ.