(vovworld) - ໃນສະພາບການພື້ນຖານເສດຖະກິດບໍ່ສະດວກປານໃດ, ແຫລ່ງເງິນລົງທຶນໂດຍກົງຂອງຕ່າງປະເທດ (FDI) ຢູ່ ຫວຽດນາມຖືກຫລຸດລົງ, ແຕ່ປີ 2012, ແຂວງບີ່ງເຢືອງ ຍັງຄົງສືບຕໍ່ແມ່ນທ້ອງຖິ່ນນຳຫນ້າໃນທົ່ວປະເທດກ່ຽວກັບການດຶງດູດທຶນ FDI. ຕາມບັນດານັກລົງທຶນຕ່າງປະເທດແລ້ວ, ບີ່ງເຢືອງໄດ້ຮັບຖືວ່າ ແມ່ນສະຖານທີ່ລົງທຶນອັນດູດດື່ມ ຍ້ອນບັນດາປັດໄຈພື້ນຖານຄື: ລະບົບພື້ນຖານໂຄງລ່າງດີ, ລະບຽບການບໍລິຫານໄດ້ຮັບການປັບປຸງຢ່າງບໍ່ຢຸດຢັ້ງ, ທີ່ຕັ້ງພູມີປະເທດກໍສະດວກ.
ໂດຍນອນໃນເຂດເສດຖະກິດຈຸດສຸມທາງພາກໃຕ້ ຊື່ງລວມມີ: ແຂວງ ບີ່ງເຢືອງ, ນະຄອນ ໂຮ່ຈິມີນ, ດົ່ງນາຍ, ໃນຊຸມປີມໍ່ໆມານີ້, ຍາມໃດ ບີ່ງເຢືອງ ແມ່ນສະຖານທີ່ພົ້ນເດັ່ນໃນການດຶງດູດເງິນລົງທຶນໂດຍກົງຂອງຕ່າງປະເທດ ດ້ວຍຈຳນວນເງິນ 2,53 ຕື້ USD(ໃນຍອດຈຳນວນເງິນກວ່າ 13 ຕື້ USD ຂອງທັງປະເທດ). ນີ້ແມ່ນໝາກຜົນອັນຕັ້ງຫນ້າໃນສະພາບທີ່ພື້ນຖານເສດຖະກິດເວົ້າລວມປະສົບກັບຄວາມຫຍຸ້ງຍາກ, ເປັນຕົ້ນແມ່ນແຫລ່ງເງິນລົງທຶນໂດຍກົງຂອງຕ່າງປະເທດ ໃນຫລາຍທ້ອງຖິ່ນ ມີທ່າອ່ຽງຫລຸດລົງ. ສາຍເຫດພາໄປເຖິງຜົນສຳເລັດໃນການດຶງດູດທຶນ FDI ຂອງແຂວງ ບີ່ງເຢືອງໃນໄລຍະຜ່ານມາ ຍ້ອນຄວາມມານະພະຍາຍາມອັນໃຫຍ່ຫລວງຂອງແຂວງ ບີ່ງເຢືອງ ໃນການເສີມຂະຫຍາຍບັນດາປັດໄຈທີ່ສະດວກ. ບໍ່ລໍຖ້ານັກລົງທຶນຊອກຫາເຂົ້າມາລົງທຶນ, ການນຳແຂວງ ບີ່ງເຢືອງ ໄດ້ຍາດແຍ່ງປັດໄຈກ່ຽວກັບພູມີປະເທດທີ່ສະດວກ, ປ່ຽນໃຫມ່ລະບຽບການບໍລິຫານ, ສ້າງສະພາບແວດລ້ອມແຫ່ງການລົງທຶນຢ່າງສະດວກ, ສະນັ້ນ ບີ່ງເຢືອງ ໄດ້ສ້າງບາດກ້າວບຸກທະລຸໃນການດຶງດູດທຶນ FDI. ບີ່ງເຢືອງ ຍັງຍູ້ແຮງວຽກງານສົ່ງເສີມການລົງທຶນ, ສຸມໃສ່ເຂົ້າໃນບັນດາຕະຫລາດມີຄວາມສາມາດບົ່ມຊ້ອນຄື: ຍີ່ປຸ່່ນ, ສເກົາຫລີ.. ດ້ວຍທ່າໄດ້ປຽບກ່ຽວກັບລະບົບພື້ນຖານໂຄງລ່າງທີ່ໄດ້ຮັບການລົງທຶນຢ່າງຄົບຊຸດ, ທັນສະໄຫມ, ແຂວງ ບີ່ງເຢືອງ ບໍ່ພຽງແຕ່ດຶງດູດບັນດາໂຄງການລົງທຶນເຂົ້າໃນບັນດາຂົງເຂດອຸດສາຫະກຳເທົ່ານັ້ນ ຫາກຍັງດຶງດູດບັນດານັກລົງທຶນເຂົ້າໃນບັນດາຂົງເຂດບໍລິການ, ພັດທະນາຕົວເມືອງ ດ້ວຍບັນດາໂຄງການໃຫຍ່ຄື: ໂຄງການຂອງກຸ່ມບໍລິສັດ Tokyu ດ້ວຍຈຳນວນເງິນລົງທຶນ 1,2 ຕື້ USD; ໂຄງການຂອງກຸ່ມບໍລິສັດ Dai Nippon Printing (DNP) ດ້ວຍເງິນລົງທຶນ 35 ລ້ານ USD; ໂຄງການຂອງບໍລິສັດ Biomin ຫວຽດນາມ ຈຳກັດ ດ້ວຍເງິນລົງທຶນ 8 ລ້ານ USD. ປະຈຸບັນ ຍີ່ປຸ່ນ ແມ່ນນັກລົງທຶນຕ່າງປະເທດໃຫຍ່ສຸດ ຢູ່ ບີ່ງເຢືອງ ດ້ວຍ 167 ໂຄງການ, ຍອດຈຳນວນທຶນຈົດທະບຽນ 3,1 ຕື້ USD. ທ່ານ ຫງວຽນວັນຕວ່ານ, ຮອງປະທານສະຫະສະມາຄົມບັນດານັກລົງທຶນຕ່າງປະເທດ ໃຫ້ຮູ້ວ່າ:
“ບັນດານັກລົງທຶນຕ່າງປະເທດ ເຂົ້າຫວຽດນາມ, ກໍ່ສ້າງໂຮງຈັກໂຮງງານ, ຮາກຖານການຜະລິດ, ຍາມໃດເຂົາເຈົ້າກໍພິຈາລະນາສະພາບແວດລ້ອມແຫ່ງການລົງທຶນ, ລະບົບອຳນາດການປົກຄອງ, ຄົນງານຢູ່ທ້ອງຖິ່ນຈະອຳນວຍຄວາມສະດວກໃຫ້ແກ່ເຂົາເຈົ້າ ຫລືບໍ່. ແລະ ເມື່ອເຂົາເຈົ້າເຫັນວ່າ ສະພາບແວດລ້ອມແຫ່ງການລົງທຶນສະດວກ, ເຂົາເຈົ້າຈຶ່ວດຶງດູດນັກລົງທຶນອື່ນມາລົງທຶນຢູ່ ຫວຽດນາມ ຕື່ມອີກ. ບັນດາແຂວງ ຄື ບີ່ງເຢືອງ, ແຕ່ດົນນານມາແລ້ວໄດ້ມີບົດຮຽນໃນການດຶງດູດການລົງທຶນຂອງຕ່າງປະເທດ, ສະນັ້ນ ຍີ່ງມີສິ່ງສະດວກເພື່ອດຶງດູດນັກລົງທຶນອື່ນຕື່ມອີກ.”
ເຂດອຸດສາຫະກຳ ຫວຽດນາມ - ສິງກະໂປ
ພາບ:internet
|
ໃນຫລາຍປີຜ່ານມາ, ແຂວງ ບີ່ງເຢືອງ ກໍໄດ້ສຸມໃສ່ພັດທະນາບັນດາເຂດອຸດສາຫະກຳ. ນີ້ກໍແມ່ນປັດໄຈເຮັດໃຫ້ແຂວງປະສົບຜົນສຳເລັດໃນການດຶງດູດທຶນ FDI. ມາຮອດປະຈຸບັນ, ທົ່ວແຂວງ ມີເຂດອຸດສາຫະກຳ 28 ແຫ່ງ ແລະ ເຕົ້າໂຮມໃນເນື້ອທີ່ເກືອບ 9000 ເຮັກຕາ ທີ່ໄດ້ຮັບການວາງແຜນກຳນົດຢ່າງຄົບຊຸດ, ເໝາະສົມ ເພື່ອໃຫ້ບັນດາວິສາຫະກິດ FDI ເສີມຂະຫຍາຍການລົງທຶນຢ່າງມີປະສິດທິຜົນ. ຕາມທ່າອ່ຽງພັດທະນາ, ຮອດປີ 2020 ແຂວງ ບີ່ງເຢືອງ ຈະກາຍເປັນນະຄອນຖືກຈັດເຂົ້າໃນບັນດາຊີລາຍຊື່ນະຄອນອັນດັບຫນຶ່ງທີ່ຂຶ້ນກັບສູນກາງ, ສະນັ້ນ ການພັດທະນາເຂດຕົວເມືອງພວມໄດ້ຮັບການຍູ້ແຮງ ແລະ ພ້ອມກັບວິວັດການພັດທະນາທັງເຂດອຸດສາຫະກຳ. ປະຈຸບັນ ໂຄງການຕົວເມືອງໃຫມ່ຢູ່ ແຂວງບີ່ງເຢຶອງ ດ້ວຍເນື້ອທີ່ 1000 ເຮັກຕາ ໄດ້ຮັບການຜັນຂະຫຍາຍຈາກບໍລິສັດໃຫຍ່ Becamex ມາໄດ້ 2 ປີແລ້ວ. ຄຽງຄູ່ກັນນັ້ນ ແຂວງ ບີ່ງເຢືອງ ພວມພັດທະນາບັນດາໂຄງການຄົມມະນາຄົມຂົນສົ່ງເຊື່ອມຕໍ່ບັນດາແຂວງ, ນະຄອນ. ໃນນັ້ນ ພົ້ນເດັ່ນແມ່ນເສັ້ນທາງ ໝີເຟືອກ - ເຕີນວ້ານ ດ້ວຍຍອດຈຳນວນທຶນກວ່າ 3.500 ຕື້ດົ່ງ ພວມໄດ້ຮັບການຍູ້ໄວຄວາມຄືບຫນ້າເພື່ອນຳເຂົ້າເຄື່ອນໄຫວໃນປີຈະມາເຖິງ. ນີ້ແມ່ນເສັ້ນທາງເຊື່ອມຕໍ່ເຂດ, ເປີດກວ້າງກາລະໂອກາດໃຫມ່ໃນການດຶງດູດແຫລ່ງທຶນ FDI ຢູ່ ບີ່ງເຢືອງ. ປະຈຸບັນ ບີ່ງເຢືອງ ກໍມີຄວາມເອົາໃຈໃສ່ເປັນພິເສດເຖິງການສ້າງການບໍລິການໃຫ້ສົມບູນແບບ, ການຍົກສູງລະດັບຄວາມສາມາດແຫລ່ງຊັບພະຍາກອນມະນຸດ, ເພື່ອຈຸດປະສົງຕອບສະຫນອງຄວາມຮຽກຮ້ອງຕ້ອງການຂອງນັກລົງທຶນທັງໝົດໃນອະນາຄົດ. ທ່ານ ຫງວຽນວັນຮຸ່ງ, ຜູ້ອຳນວຍການໃຫຍ່ບໍລິສັດ Becamex ໃຫ້ຮູ້ວ່າ:
“ໃນໄລຍະໃຫມ່, ເພື່ອຕອບສະຫນອງຄວາມຮຽກຮ້ອງພັດທະນາ, ແຂວງ ບີ່ງເຢືອງກໍຄືບໍລິສັດໃຫຍ່ Becamex ໄດ້ລົງທຶນເຂົ້າພື້ນຖານໂຄງລ່າງ, ສ້າງເງື່ອນໄຂໃຫມ່ເພື່ອເຮັດໃຫ້ການພັດທະນາອຸດສາຫະກຳ ຕ້ອງກົມກຽວຕິດພັນກັບການດຶງດູດການລົງທຶນກໍ່ສ້າງບັນດາໂຮງຮຽນກາງຊ່າງ, ມະຫາວິທະຍາໄລ ເພື່ອຍົກສູງແຫລ່ງຊັບພະຍາກອນມະນຸດ ຕອບສະຫນອງຄວາມຕ້ອງການລົງທຶນ.”
ພິທີວາງສີລາລືກກໍ່ສ້າງໂຄງການຕົວເມືອງ Tokyu
ພາບ: internet
|
ໃນວິວັດການດຶງດູດເງິນລົງທຶນໂດຍກົງຂອງຕ່າງປະເທດ, ຍາມໃດ ການນຳແຂວງ ບີ່ງເຢືອງ ກໍມີຄວາມເອົາໃຈໃສ່, ແກ້ໄຂບັນດາຂໍ້ຕິດຂັດຢ່າງທັນການ ເພື່ອສ້າງເງື່ອນໄຂສະດວກທີ່ສຸດໃຫ້ແກ່ບັນດາວິສາຫະກິດໃນວິວັດການຜະລິດດຳເນີນທຸລະກິດ ແລະ ຜັນຂະຫຍາຍໂຄງການລົງທຶນ. ພ້ອມກັບການໃຫ້ບຸລິມະສິດລົງທຶນກໍ່ສ້າງບັນດາເຂດອຸດສາຫະກຳ ຈຸດສຸມ, ການດຶງດູດບັນດາໂຄງການລົງທຶນມີເຕັກໂນໂລຊີສູງ, ເລືອກເຟັ້ນໂຄງການບໍ່ກໍ່ມົນລະພິດສິ່ງແວດລ້ອມ ໄດ້ປະກອບສ່ວນສ້າງການພັດທະນາແບບຍືນຍົງໃນການດຶງດູດທຶນ FDI ຢູ່ ແຂວງ ບີ່ງເຢືອງ