(VOV)_នាពេលយប់មកដល់ លើវិថីទីក្រុងហាណូយបានក្លាយទៅជា​ស្ងៀមស្ងាត់នេះ
តែផ្ទុយទៅវិញ តំបន់ផ្សារផ្កា Quang Ba នៅសង្កាត់ Quang An ខ័ណ្ឌ Tay Ho បាន
បញ្ចេញពន្លឺភ្លឺចែងចាំងដោយមានអ្នកទិញអ្នកលក់ធ្វើឲ្យបរិយាកាសនៅទីនេះ កាន់
តែអ៊ូអរឡើងៗ។ មិនដឹងថាបានបង្កើតពីពេលណាមក ​ផ្សារផ្ការាត្រី Quang Ba ជាផ្សារ
លក់ដំ ជាកន្លែងប្រមូលផ្តុំផ្កាគ្រប់ប្រភេទ​ និងជា​ផ្សារផ្កាធំបំផុតនៅទីក្រុងហាណូយ។

         ផ្សារផ្ការាត្រីQuang Ba ស្ថិតនៅផ្លូវ Nghi Tam ជាកន្លែងលក់ដូរផ្កាស្រស់ធំ​បំផុត
នៅទីក្រុងហាណូយ និងជាទីផ្គត់ផ្គង់ផ្កាស្រស់សំរាប់ទីក្រុងទាំងមូល និង​តំបន់ជំវិញ
នានាទៀតផង។ ទោះបីជានៅក្នុងរដូវត្រជាក់ឬរដូវក្តៅក្តី  ពេលណាផ្សារក៏​មានមនុស្ស
មកលក់ដូច្រើនកុះករដែរ។ ឈានជើងចូលក្នុងផ្សារ ហាក់ដូចជាព្រៃផ្កាដ៏ស្រស់ស្អាត
 និងក្រអូបឈ្ងុយឈ្ងប់អញ្ជឹង។

ផ្កានៅផ្សារផ្កា Quang Ba

       ពិសេស ក្នុងឱកាសជិតfl'ថ្ងៃពេញបូរមី ថ្ងៃទី១គិតតាមច័ន្ទគតិ ឬពិធីបុណ្យធំៗ
 ផ្កាដឹកជញ្ចូនមកដល់ផ្សារនេះកាន់តែច្រើនជាង មនុស្សមកដល់ផ្សារនេះច្រើនជាង 
ទិដ្ឋភាពទិញលក់ដូនៅផ្សារផ្ការាត្រី Quang Ba កាន់តែអ៊ូអរជាង។ លោកស្រី Ha Thi
Thu អ្នកលក់នៅផ្សារផ្ការាត្រី Quang Ba បានអោយដឹងថា៖

         “ ពេលណាក៏ផ្កានៅផ្សារនេះស្អាត ដែរចំនឹងធាតុអាកាស រដូវ និងធានា​អំពី
គុណភាព។ ផ្សារនេះជាផ្សារលក់ដុំ បានជាយើងខ្ញុំត្រូវលក់ទំនិញល្អ និងមិនកាត់
ថ្លៃទេ។ ថ្ងៃអាអាទិត្យ ថ្ងៃបុណ្យ អតិថិជននឹងមកទិញផ្កាច្រើនជាង។”

         ផ្សារផ្ការាត្រី Quang Ba ត្រូវបានចែកជា២ពេល៖ ពីម៉ោង២ដល់ម៉ោង៤ ​គឺផ្សារ
លក់ដុំ និងពីម៉ោង៤ដល់ព្រឹកគឺផ្សារលក់រាយ។ នៅវេលាពេលព្រឹក ជាពេល​វេលា
ផ្សារចាប់ផ្តើមប្រមូលផ្តុំបណ្ដាឡាននិងកងដឹកផ្ការតៗគ្នាចូលក្នុងផ្សារ។ ផ្កានៅ
ផ្សារផ្ការាត្រី Quang Ba ត្រូវបានវាយតំលៃថា៖ស្អាតនិងស្រស់បំផុត​ ហើយបាន​ដឹក
ពីតំបន់ផ្កាក្នុងទូទាងប្រទេស ដូចជា៖ Tay Tuu, Dong Anh, Gia Lam, Phuc Yen  និង 
Da Lat ។ នៅទីនេះ អតិថិជនអាចជ្រើសរើសផ្កាគ្រប់ប្រភេទ​ ដូចជា៖កូឡាប ផ្កាលីលី
 ផ្កាស្បៃរឿង…លៗ មិត្ត Ngo Thu Hien នៅទីក្រុងហាណូយ ​បានចែករំលែកថា៖

“ នាងខ្ញុំតែងតែទៅផ្សារនាពេលព្រឹកព្រហាម ហើយថ្ងៃនេះជាថ្ងៃទីមួយគិតតាមច័ន្ទ​គតិ បានជាបរិយាកាសផ្សារអ៊ូអរជាងធម្មតា។ តាមផ្លូវគឺស្ងៀមស្ងាត់ណាស់ ប៉ុន្តែ 
ក្នុងផ្សារនេះវិញ អ៊ូអរណាស់។ ក្នុងផ្សារនេះមានផ្កាច្រើនប្រភេទបានជាខ្ញុំ
មិនដឹងជ្រើសរើសផ្កាណាទេ។”

       នាបច្ចុប្បន្ន ទៅផ្សារផ្កាដូចជាចំណងចំណូលចិត្តរបស់មនុស្សជាច្រើន។ ​សម្រាប់អ្នកដែលមិននិន្រ្ទាមួយរាត្រីវិញ គេទៅផ្សារនេះ មិនគ្រាន់តែទិញផ្កាប៉ុណ្ណោះ
ទេ ថែមទាំងជារបៀបមួយដើម្បីសម្របខ្លួនចូលក្នុងជីវភាពរស់នៅរបស់ទីក្រុង
ហាណូយទៀតផង។ លើកដំបូងបានមកដល់ផ្សារផ្ការាត្រី​​ Quang Ba មនុស្សជា
ច្រើនបានភ្ញាក់​ខ្លួនចំពោះផ្សារដ៏ពិសេសនេះ។ មិត្ត Bui Thuy Tien នៅខេត្ត Bac
Ninh បានអោយដឹងថា៖

“ នៅទីនេះមានផ្កាគ្រប់ប្រភេទ និងតំលៃសមរម្យ បានជាខ្ញុំអាចទិញផ្កា​ដែលខ្លួនចូលចិត្ត។ មកដល់ផ្សារនេះ ខ្ញុំចូលចិត្តណាស់ ហើយមានអារម្មណ៍
ដូចជាបានសម្របខ្លួនចូលក្នុងធម្មជាតិ។”

ឬឯអ្នកស្រី Anni Bell Miller មកពីអង់គ្លេសបានអោយដឹងថា៖

“ នេះគឺជាលើកដំបូងខ្ញុំមកដល់ផ្សារផ្កានេះ។ ផ្សារនេះស្អាតណាស់។ ​ខ្ញុំឃើញផ្កានៅគ្រប់ទីកន្លែង។ ផ្សារនេះដ៏ពិសេសដោយឡែក។”

ពេលដែលពអារុណរះ គឺពេលនោះ បរិមាណអតិថិជនបាន​ថយចុះជាបណ្ដើរៗ។
ពីនេះ ​ទងផ្កាទាំងនេះទៅដល់គ្រប់ទីកន្លែងគ្រប់ផ្លូវថ្នល់​ គ្រប់ផ្ទះ រួមចំណែកបង្កើតរូបភាពមួយដ៏ស្រស់ស្អាតរបស់ទីក្រុងហាណូយ៕