លោក Luong Van Xien (អាវខៀវ) - នាយកសហករណ៍ទេសចរណ៍សហគមន៍ Ngoc Chien ផ្សព្វផ្សាយម្ហូបអាហារតាមរយៈកម្មវិធី “តំបន់ជនបទក្នុងរឿងនិទាន" ។ រូបថត៖ VOV

បន្ទាប់ពីរយៈពេល ៣ ឆ្នាំ មក គោលគំនិតនិងវិធីសាស្រ្តប្រកបដោយភាពច្នៃប្រឌិតទាំងនោះបានរួមចំណែកនាំរូបភាពនៃ “តំបន់ជនបទក្នុងរឿងនិទាន" Ngoc Chien កាន់តែខិតទៅជិតភ្ញៀវទេសចរ នៅពេលដែលគ្រួសារណាមួយក៏ត្រៀមខ្លួនទទួលស្វាគមន៍ភ្ញៀវនិងភ្ញៀវទេសចរណាមួយក៏អាចធ្វើជាមគ្គុទ្ទេសក៍ទេសចរណ៍បានដែរ។ ចាប់តាំងពីដើមឆ្នាំកន្លងទៅ សហករណ៍ទេសចរណ៍សហគមន៍ Ngoc Chien បានទទួលស្វាគមន៍ភ្ញៀវទេសចរណ៍ជាង ៣ ម៉ឺននាក់ បង្កើតប្រាក់ចំណូលជិត ១០ ពាន់លានដុង (ជាង ៤០០.០០០ ដុល្លារអាមេរិក) បង្កើតការងារឱ្យពលករក្នុងស្រុកជាង ១០០ នាក់ដែលមានប្រាក់ចំណូលពី ៥ ទៅ ៦ លានដុង (ជិត ២១០-២៥០ ដុល្លារ)/ខែ)។ លោក Lo Van Thoa អនុប្រធានគណៈកម្មាធិការប្រជាជនឃុំ Ngoc Chien ស្រុក Muong La ខេត្ត Son La បានឲ្យដឹងថា៖ “គំរូទេសចរណ៍សហគមន៍របស់សហករណ៍បានចូលរួមចំណែកក្នុងការបង្កើតជីវភាព និងការងារសម្រាប់ប្រជាជន។ ក្នុងរយៈពេលកន្លងមក សហករណ៍ធ្វើបានល្អក្នុងការផ្សព្វផ្សាយ និងណែនាំផលិតផលទេសចរណ៍សហគមន៍ ជាពិសេសរួមចំណែកផ្លាស់ប្តូរការគិតរបស់ប្រជាជន Ngoc Chien ក្នុងការអភិវឌ្ឍទេសចរណ៍”។

ចំណែកលោក Dang Ngoc Trung នៅស្រុក Phu Yen (ខេត្ត Son La) ចំណង់ចំណូលចិត្តជាមួយគ្រឿងសង្ហារិមធ្វើពីឈើបានជំរុញឲ្យលោក ចាកចេញពីទីក្រុង ហើយវិលត្រឡប់មកស្រុកកំណើតវិញ ដើម្បីបង្កើតកន្លែងផលិតសិប្បកម្ម និងគ្រឿងសង្ហារឹមធ្វើពីឈើ។ នៅឆ្នាំ ២០១៧ លោក Trung បានចាប់ផ្តើមផលិតចេញនូវផលិតផលសាមញ្ញៗដូចជា ចាន ចង្កឹះ ស្លាបព្រា និងក្តារពីដើមមៀលោកបាន គាត់សម្រេចចិត្តវិនិយោគប្រាក់ចំនួន ៥០០ លានដុង (ប្រហែល ២២.០០០ ដុល្លារ) សម្រាប់ពង្រីករោងចក្រ ទិញគ្រឿងចក្រទំនើបៗ និងវត្ថុធាតុដើមបន្ថែមទៀត ដើម្បីបម្រើតម្រូវការផលិតកម្ម។ លោកក៏បានភ្ជាប់ជាមួយសមាជិក៧នាក់ដោយបង្កើតសហករណ៍ផលិតគ្រឿងសង្ហារិមឈើលក្ខណៈគ្រួសារដែលមានឈ្មោះថា “ON” ដែលលោកជានាយក។ បច្ចុប្បន្ននេះ ក្នុងមួយខែៗ សហករណ៍ផលិតគ្រឿងឈើបានជាង ៥.០០០ មុខ ជាគ្រឿងសម្រាប់រក្សាទុកអាហារ និងឧបករណ៍ចម្អិនអាហារ ដូចជា ចង្កឹះ ក្តារបន្ទះ ថាស ចានឆ្នាំង ពែងផឹក ចានតូច ចានធំ... ពីឈើ។ លោក Trung បាន ចែករំលែកថា៖ ផលិតផលឈើរបស់សហករណ៍មានក្លិនក្រអូប និងមិនប៉ះពាល់ដល់រសជាតិអាហារពេលចម្អិនអាហារ ឬពេលផ្ទុកអាហារ ភេសជ្ជៈ...ឡើយ។ ដូច្នេះហើយវាទទួលបានការពេញនិយមពីទីផ្សារប្រើប្រាស់”។

“មុខរបរនេះពិតជាថ្មីនៅក្នុងតំបន់ ហើយកម្មករមិនមានជំនាញក្នុងការងារនោះទេ។ បន្ទាប់ពីរយៈពេលបានខិតខំប្រឹងប្រែង និងទទួលបានការគាំទ្រពីភ្នាក់ងារឯកទេស អង្គភាពមានដំណើរការស្តង់ដារដើម្បីបង្កើតផលិតផលល្អ ចាប់ពីដំណាក់កាលដំបូងរហូតដល់ការបង្កើតផលិតផលទៅកាន់ទីផ្សារ។ កន្លែងលក់ផលិតផលរបស់កម្មវិធី ឃុំមួយផលិតផលមួយ   (OCOP) និងផ្សារទំនើបបានទាក់ទងជាមួយអង្គភាពដើម្បីធ្វើការកម្ម៉ង់។ នោះក៏ជាសញ្ញាល្អសម្រាប់អង្គភាពនៅពេលចូលរួមក្នុង OCOP គុណភាពផលិតផលមានភាពប្រសើរឡើង និងផ្សព្វផ្សាយផលិតផលទៅកាន់ទីផ្សាផ្សេងៗ”។

ចំណង់ចំណូលចិត្តជាមួយគ្រឿងសង្ហារិមធ្វើពីឈើ ជំរុញឱ្យលោក Dang Ngoc Trung ចាកចេញពីទីក្រុង ហើយត្រឡប់ទៅស្រុកកំណើតវិញ ដើម្បីចាប់ផ្តើមអាជីវកម្ម។ រូបថត៖ VOV

រួមដំណើរជាមួយចលនាសហគ្រិនភាពយុវជន នៅចុងឆ្នាំ២០២២ គណៈកម្មាធិការប្រជាជនខេត្ត Son La បានអនុវត្ត “ផែនការជំរុញការចាប់ផ្តើមអាជីវកម្ម ភាពជាសហគ្រិន និងទាក់ទាញការវិនិយោគនៅតំបន់ជនជាតិភាគតិច និងតំបន់ព្រៃភ្នំ” រួមជាមួយនឹងសកម្មភាពជាច្រើនដើម្បីគាំទ្រការចាប់ផ្តើមសហគ្រិនភាព។ លោក Nguyen Duy Hoang អនុប្រធានមន្ទីរវិទ្យាសាស្ត្រ និងបច្ចេកវិទ្យាខេត្ត Son La បានឲ្យដឹងថា៖ “ដើម្បីគាំទ្រដល់សហគមន៍ចាប់ផ្តើមអាជីវកម្មក្នុងខេត្ត ជាពិសេសការបំផុសគំនិត និងគាំទ្រការផ្តួចផ្តើមគំនិតឱ្យក្លាយជាការពិត ខេត្ត Son La បានចាប់អារម្មណ៍យ៉ាងខ្លាំងក្នុងការគាំទ្រប្រភពទុន ដោយខេត្តបានចេញសេចក្តីសម្រេចចិត្តលេខ ១៤៣ របស់ក្រុមប្រឹក្សាប្រជាជនខេត្ត កំណត់កម្រិតចំណាយដល់ការគាំទ្រប្រព័ន្ធអេកូឡូស៊ីនៃការចាប់ផ្តើម អាជីវកម្មនិងនវានុវត្តន៍”។