ពិព័ណសម័យជប៉ុនមានឈ្មោះ សួនច្បាររដូវត្រជាក់ដែលកំពុងប្រព្រឹត្តទៅនៅទីក្រុងហាណូយ។ (songtre.tv)

        VOV-ក្នុងអាកាសធាតុក្តៅនៃរដូវក្តៅនៅរដ្ឋធានីហាណូយ សួនច្បាររដូវ​
ត្រជាក់ បាន​បើកចេញនូវបរិយាកាសត្រជាក់ដើម្បីទស្សនិកជនកំសាន្តនូវភាព
​វិសេសវិសាល​របស់​សិល្បៈសម័យជប៉ុន។ សួនច្បាររដូវត្រជាក់បានតាំងបង្ហាញ​វណ្ណកម្មចំនួន៣៥ជា​មួយ​ប្រភេទជាច្រើនដូចជាគំនូរព័រ និងវីដេអូសិល្បៈរបស់​សិល្បករវ័យក្មេងចំនួន១៤នាក់​ជាសមាជិករបស់ក្រុម Micropop សម័យជប៉ុន។
លោក Yoshida នាយករង​មជ្ឈមណ្ឌល​ជួប​ប្រាស្រ័យវប្បធម៍ជប៉ុនបានឲ្យដឹងថា៖

        “នេះជាប្រភេទសិល្បៈពិសេសរបស់ជប៉ុនដែលមិនរងឥទ្ធិពលពី​ប្រភេទ​សិល្បៈណាលើពិភពលោក។ បណ្ដាវិចិត្រករវ័យក្មេងបានរួមផ្សំដ៏ប៉ិន​ប្រសព្វផ្នែក
មេម័រ​ជាមួយផ្នែកលំអិតក្នុងជីវភាពរស់នៅក្លាយទៅជារចនាបទដ៏​ច្នៃប្រឌិតមួយ
ដែលហៅថា Micropop។”

        វណ្ណកម្មទាំង៣៥ក្នុង សួនច្បាររដូវត្រជាក់ជាទស្សនវិស័យចំនួន៣៥អំពី​
ជីវភាពរស់​នៅក្នុងសម័យកាលនេះបង្កើតឡើងនូវរចនាបទថ្មីដែលហៅថា
Micropop។ វិចិត្រការិនី Ryoko aoki បានរំលឹកនូវការចាប់អារម្មណ៍របស់​ទស្សនិកជន
ក្នុងវណ្ណកម្មរបស់​ខ្លួនពី​ផ្នែកមេម័រប្រមូលផ្ដុំក្លាយទៅជាសុប៉ិនល្អរបស់កុមារវ័យ
នោះគឺបណ្ដាសួនច្បារជនបទ​មានកុមារីនិងសត្វកំពុងលេងកំសាន្ត។ ជា​ពិសេស
វណ្ណកម្មវីដេអូរបស់សិល្បករ​ Koki Tanaka បានថតឡើងវិញបណ្ដារូបភាព​លំអិត
នៃសកម្មភាពប្រចាំថ្ងៃ​ប៉ាតុភូតធម្មជាតិ​ដូច​ជាកង្ហា ចាក់ទឹក ភ្លៀងខ្យល់។ មិត្ត​វ័យ
ក្មេងជាច្រើននាក់និយមចូលចិត្តសិល្បៈ​សម័យ​មាន​វត្តមាននៅពិព័ណនេះគឺដើម្បី​ស្វែងយល់និងរកឃើញរចនាបទដ៏ថ្មីថ្មោងនេះ។ Nguyen Thi Minh Anh និស្សិតនារី
​មួយ​រូប​នៅទីក្រុងហាណូយបានឲ្យដឹងថា៖

        “ខ្ញុំមានអារម្មណ៍និយមចូលចិត្តណាស់ក្នុងពេលដែលបានទស្សនាពិព័ណ
គំនូរ​ជប៉ុន។​ ពិព័ណដ៏រស់រវើសពោពេញទៅដោយព័រចម្រុះជួយឲ្យខ្ញុំយល់បន្ថែម
អំពីវប្បធម៍​ជប៉ុន។ នា​បច្ចុប្បន្នវប្បធម៍ជប៉ុនក៏បានឆ្លងចូលវៀតណាមជាច្រើន។
ប្រការនេះក៏​រួម​ចំណែកបង្កើន​ទំនាក់ទំនងរវាងវៀតណាមនិងជប៉ុន។”

        រីឯ Ishizaki Shinichi ភ្ញៀវទេសចរណ៍ជប៉ុនមួយនាក់បានចាត់ទុកថា​ លោក​មាន​
ភ័ព​សំណាងក្នុងពេលបានកំសាន្តបណ្ដាវណ្ណកម្មដ៏វិសេសវិសាលរបស់​សិល្បករ​​
មាន​ស្រុក​កំណើតរួមជាមួយលោក។

        “ភាពត្រជាក់របស់រដូវត្រជាក់ជប៉ុនត្រូវបានបន្ធូស្រាលដោយកំដៅរដូវក្តៅ​
វៀត​ណាម។ ខ្ញុំបានចាប់អារម្មណ៍ដូច្នេះក្នុងពេលទស្សនាកំសាន្តគំនូររបស់វិចិត្រករ
​មាន​ស្រុក​កំណើតរួមនៅទីក្រុងហាណូយ។ មកដល់ទីក្រុងហាណូយ មិនត្រឹមតែ​
បាន​កំសាន្ត​សិល្បៈ​របស់វៀតណាមប៉ុណ្ណោះទេថែមទាំងបានទស្សនាកំសាន្តគំនូរ
​ស្រុកកំណើត​គឺ​មាន​អត្ថន័យណាស់។”

        បណ្ដាវណ្ណកម្មក្នុងពិព័ណ សួនច្បាររដូវត្រជាក់ បាននាំមកឲ្យមហាជន​ស្នេហា​​
សិល្បៈ​​វៀតណាមការចាប់អារម្មណ៍ដ៏ស្រស់ថ្មីអំពីសិល្បៈសម័យជប៉ុន។ ពិព័ណ
បាន​បើក​ទ្វាដល់ថ្ងៃទី២៣មិថុនាហើយនឹងរៀបចំនៅទីក្រុងហូជីមិញនា​ខែ​កក្កដាឆ្នាំ​២០១៣ខាងមុខនេះ៕