វីឌីអូឃ្លីប « GHEN CO VY» របស់វៀតណាមបានទាក់ទាញយ៉ាងខ្លាំងសម្រាប់សំណាក់យុវជនវ័យក្មេងនាពេលបច្ចុប្បន្ន (រូបថត៖ nioeh.org.vn)

មិត្តអ្នកស្ដាប់ជាទីរាប់អាន! ពីរដ្ឋធានីហាណូយមិត្តអ្នកស្តាប់ Chay Vitou - និស្សិតកម្ពុជាកំពុងសិក្សានៅសាកលវិទ្យាល័យធារាសាស្រ្តហាណូយ បានផ្ញើសំបុត្រសំដែងក្តីសប្បាយរីករាយនៅពេលដែលវីឌីអូឃ្លីប « GHEN CO VY» របស់វៀតណាមត្រូវបានផ្សព្វផ្សាយលើកញ្ចក់ទូរទស្សន៍ HBO អាមេរិកនាពេលថ្មីៗនេះ ហើយក៏ក្លាយជាបទចម្រៀងមួយដែលទាក់ទាញយ៉ាងខ្លាំងសម្រាប់សំណាក់យុវជនវ័យក្មេងនាពេលបច្ចុប្បន្ន។ មិត្តអ្នកស្តាប់រូបនេះបានចែក រំលែកថា «ខ្ញុំពិតជាចូលចិត្តវីឌីអូឃ្លីប “ GHEN CO VY” នេះណាស់ ពីព្រោះនេះជាបទចម្រៀងមួយដែលលើកកម្ពស់ស្មារតីប្រយុទ្ធប្រឆាំងនឹងជម្ងឺរាតត្បាត Covid-19 របស់ក្រសួងសុខាភិបាលវៀតណាម។ បទចម្រៀងនេះមិនត្រឹមតែធ្វើឱ្យទស្សនិកជនក្នុងស្រុកចាប់អារម្មណ៍ប៉ុណ្ណោះទេ ថែមទាំងទស្សនិកជនអន្តរជាតិទៀតផង។ លើសពីនេះទៅទៀត បទចំរៀងនេះក៏ត្រូវបានចាត់ទុកថាជាទម្រង់មួយក្នុងការផ្សព្វផ្សាយព័ត៌មានអំពីការបង្ការនិងប្រឆាំងនឹងជំងឺដល់ប្រជាជនតាមរយៈតន្រ្តី ដើម្បីរួមចំណែកក្នុងការរួមដៃគ្នាអនុវត្តទម្លាប់បង្ការជម្ងឺឆ្លងនិងរីកសាយភាយអំពើរល្អដល់សហគមន៍សំដៅយកឈ្នះលើជំងឺរាតត្បាតនេះផងដែរ»។  មិត្តអ្នកស្តាប់ Chay Vitou ជាទីមេត្រី! កម្មវិធីសូមថ្លែងអំណរគុណយ៉ាងជ្រាលជ្រៅដល់មតិរបស់មិត្តដែលបានផ្ញើមកកាន់កម្មវិធី ហើយ យើងខ្ញុំនឹងបន្តធ្វើបច្ចុប្បន្នភាពនូវព័ត៌មានឲ្យទាន់ហេតុការណ៍ថែមទៀត ដើម្បីផ្តល់ជូនមិត្តអ្នកស្តាប់ទាំងអស់នាពេលខាងមុខ។

រូបថតឧទាហរណ៍ (ប្រភព៖ nvhtn.org.vn)

មិត្តអ្នកស្តាប់  Sok Chanthorn និសិត្សកម្ពុជានៅសាកលវិទ្យាល័យ Kien Giang (វៀតណាម) មានបំណងចង់ស្វែងយល់អំពីសកម្មភាពដែលប្រព្រឹត្តទៅក្នុងខែយុវជននៅវៀតណាម។ លោកអ្នកនាងជាទីមេត្រី! ចាប់តាំងពីដើមឆ្នាំនេះរហូតមកដល់ពេលនេះ ការបំផុសចលនាខែខែយុវជននៅតែធ្វើឡើងក្នុងពេលដំណាលគ្នានៅតាមបណ្តាខេត្តនិងក្រុងនៃប្រទេសវៀតណាម។ ខ្លឹមសារសំខាន់នៃសកម្មភាពទាំងនេះគឺផ្តោតលើអប់រំប្រពៃណីបដិវត្តសម្រាប់សមាជិកយុវជន សួរសុខទុក្ខក្រុមគ្រួសារគោលនយោបាយ វីរអ្នកម្តាយវៀតណាម ព្រមទាំងរួមដំណើរនិងជួយគាំទ្រដល់យុវវ័យនិងលើកកម្ពស់គុណភាពនៃការងារចាត់ចែង    កសាងអង្គភាពសមាជិកយុវជនដ៏រឹងមាំនិងសកម្មភាពអបអរសារទរ មហាសន្និបាត បក្សគ្រប់ជាន់ថ្នាក់ផងដែរ។ ជាពិសេស ខែយុវជនឆ្នាំនេះបានប្រារព្វឡើងចំពេលដែលទូទាំងប្រទេសវៀតណាមផ្តោតសំខាន់លើការបង្ការនិងប្រយុទ្ធប្រឆាំងនឹងជំងឺរាតត្បាត Covid-19 ហេតុដូច្នេះ សមាជិកយុវជននានា ក៏បានរៀបចំសកម្មភាពឃោសនាជាច្រើនអំពីការបង្ការនិងប្រឆាំងឆឹងជំងឺឆ្លង ការពារបរិស្ថាន ការស្តារឡើងនូវទេសភាពតាមអូរព្រែកនិងច្រកផ្លូវតូចៗជាដើម។ សកម្មភាពទាំងនេះក្នុងខែយុវជន ទទួលបានការគាំទ្រយ៉ាងវិជ្ជមានពីប្រជាជនទាំងមូលផងដែរ។

ស៊ើន  Ke Ga (រូបថត៖ Travel)

ពីខេត្តរតនគីរី (កម្ពុជា) មិត្តអ្នកស្តាប់  Lin Chomreon មានបំណងចង់កម្មវិធី   ណែនាំអំពីទេសភាពនៅ Mui Ke Ga របស់ប្រទេសវៀតណាម។ លោកអ្នកនាងជាទីរាប់អាន!  Mui Ke Ga ជាកោះតូចមួយដែលមានចម្ងាយប្រមាណ ៥០០ ម៉ែត្រពីដីគោក និងស្ថិតនៅឃុំ Thuan Quy ស្រុក Ham Thuan Nam ខេត្ត Binh Thuan។ កោះនេះមិនត្រឹមតែជាកន្លែងគួរឱ្យចាប់អារម្មណ៍មួយដែលមិនគួរឲ្យរំលងបានឡើយសម្រាប់ភ្ញៀវទេសចរប៉ុណ្ណោះទេ ថែមទាំងមានឆ្នេរសមុទ្រដ៏សក្បោះជាមួយជាមួយនឹងដុំថ្មដ៏ស្រស់ស្អាតនិងប្លែកៗផងដែរ។ អ្វីដែលគួរឱ្យចាប់អារម្មណ៍បំផុតនោះគឺ ស៊ើន  Ke Ga ដែលជួយសម្រួលចរាចរណ៍សម្រាបនាវាធ្វើដំណើរយ៉ាងងាយស្រួលក្នុងតំបន់ ហើយត្រូវបានមជ្ឈ មណ្ឌលសៀវភៅកំណត់ត្រាវៀតណាមបញ្ជាក់សម្គាល់ថាជាស៊ើនខ្ពស់បំផុតនិងមានអាយុកាលចំណាស់ជាងគេនៅវៀតណាមក៏ដូចជាអាស៊ីអាគ្នេយ៍ផងដែរ។

មិត្តអ្នកស្តាប់ជាទីមេត្រី! នាទីប្រអប់សំបុត្ររបស់យើងខ្ញុំសូមបញ្ចប់នៅត្រឹមនេះ។ រាល់សំបុត្រ មតិ ឬសំណួររបស់អស់លោកអ្នក សូមផ្ញើរមកកាន់អាស័យដ្ឋាន៖ កម្មវិធីផ្សាយជាភាសាខ្មែរ វិទ្យុសម្លេងវៀតណាម លេខ ៤៥ វិថី Ba Trieu រដ្ឋធានីហាណូយ ឬ Email៖ vov5khmer@gmail.com។ លោកអ្នកនាងអាចទាក់ទងជាមួយយើងខ្ញុំតាមរយៈទំព័រវែបសាយ Www.vovworld.vn ផងដែរ។ នាទីប្រអប់ សំបុត្រមិត្តអ្នកស្ដាប់សូមបញ្ចប់នៅត្រឹមនេះ។ សូមជួបអស់លោក អ្នកនាងនាសប្ដាហ៍ខាងមុខ៕