នាព្រឹកថ្ងៃទី៣០ឧសភា ឡានក្រុងពីរជាន់ គ្មានដំបូល ពណ៌ក្រហមសម្រាប់បម្រើសេវាកម្មទេសចរណ៍ បានបើកឲ្យដំណើរការជាផ្លូវការក្នុងការទន្ទឹងរងចាំរបស់អ្នករដ្ឋធានីច្រើននាក់។

ចាប់ពីថ្ងៃទី៣០ឧសភា ភ្ញៀវទេសចរពេលមកដល់ទីក្រុងហាណូយនឹងមានឱកាសទស្សនាទីក្រុងរាប់ពាន់ឆ្នាំតាមរយៈ city tour បែប hop on hop off ដែលទើបនឹងបានបើកឲ្យប្រើប្រាស់ជាផ្លូវការ។ Hop on hop off ជាប្រភេទទួរទេសចរណ៍ដោយឡានក្រុងដែលពេញនិយមនៅប្រទេសជាច្រើនលើពិភពលោក ។ សូម្បីតែប្រទេសអាស៊ីអាគ្នេយ៍ដូចជា ម៉ាឡេស៊ីនិងសិង្ហបុរីឬប្រទេសជិតខាងចិន គឺប្រភេទទេសចរណ៍នេះត្រូវបានគេពេញនិយមច្រើនដែរ។

ឡានក្រុងនេះផ្ទុកបានអ្នកដំណើរ៨០នាក់ (ទាំងពីរជាន់)ប្រើ ច្ចេកវិទ្យារុករកផ្លូវ GPS។ ឡាននេះទទួល បានស្តង់ដាបញ្ចេញឧស្ម័ន Euro 4 ជិតស្និទ្ធិជាមួយបរិស្ថាន។

ចូលរួមក្នុងទួរទេសចរណ៍នេះ ភ្ញៀវនឹងបានទៅទស្សនានូវរមណីដ្ឋានក្នុងទីក្រុង ដោយការស្វែងខ្លួនឯង មិនចាំបាច់អាស្រ័យលើមគ្គុទេសទេសចរណ៍ឡើយ។ បានចូលរួមដំណើរលើឡានក្រុងពីរជាន់នេះដោយចៃដន្យក្នុងថ្ងៃបើកសម្ពោធ ឌីណា និស្សិតកម្ពុជាកំពុងសិក្សានៅទីក្រុងហាណូយបានចែករំលែកថា៖ “ខ្ញុំបានសិក្សានៅទីក្រុងហាណូយរយះពេល៧ឆ្នាំមកហើយ ចៃដន្យបានទៅទស្សនានៅបឹង Ho Guom ថ្ងៃនេះខ្ញុំបានឆ្លងកាត់បទពិសោធន៍លើឡានក្រុងពីរជាន់តែគ្មានដំបូលសោះ។ ចំលែកណាស់នៅពេលអង្គុយលើឡានត្រជាក់និងមានអារម្មណ៍ជិតស្និទ្ធិជាមួយធម្មជាតិ។ ពេលសំលឹងមើលជាន់ទីពីរ និងជាន់ទី៣នូវបណ្តាអាគារគឺមានភាពស្អាតអស្ចារ្យណាស់។ ហើយរបៀបគយគន់ទីក្រុងហាណូយក៏ចម្លែកណាស់ដែរ”។

ឡានក្រុងនេះនឹងឆ្លងកាត់វិថីចំនួន២៥។ ប្រជាជននឹងមានឱកាសទស្សនាទីតាំងទេសចរណ៍ចំនួន ៣០របស់ទីក្រុងហាណូយ។

រីឯសម្រាប់ Malyvonn ជនជាតិឡាវដែលកំពុងរស់នៅទីក្រុងហាណូយ ក្នុងថ្ងៃសម្រាក អ្នកស្រីរួមជាមួយក្រុមគ្រួសារទៅទស្សនាទីក្រុងហាណូយតាមរយៈឡានក្រុងពីរជាន់៖ “នាងខ្ញុំមានអារម្មណ៍ថា ឡានក្រុងគ្មានដំបូលគឺជិតស្និទ្ធជាមួយធម្មជាតិណាស់ ព្រោះខ្ញុំបានដកដង្ហើមក្នុងខ្យល់ធម្មជាតិ ដែលមិនហប់ដូចនៅក្នុងឡានបិទជិតទេ។ ប៉ុន្តែ ពេលភ្លៀងយើងពិបាកបន្តិចដែរ”។

ឡានក្រុងនេះបានបើកដំបូលដើម្បីឲ្យអ្នកដំណើរគយគន់ទស្សនីយភាពរបស់ទីក្រុងហាណូយពីខាងលើ។ ហើយពណ៌ឆើតឆាយសម្រាប់ស្រួលសម្គាល់។

លោកអ្នកនាងជាទីមេត្រី! ឡានក្រុងនេះគឺមានពីរជាន់ ជាន់ទី១ដូចឡានក្រុងធម្មតា ប៉ុន្តែជាន់ទី២គឺគ្មានដំបូលដើម្បីភ្ញៀវអាចទស្សនាគយគន់ទីក្រុងគ្រប់ពេលវេលាក្នុងថ្ងៃ។ លើឡានបានបំពាក់កាសដោយប្រព័ន្ធបកប្រែជា៨ភាសា គឺវៀតណាម ចិន អង់គ្លេស រុស្ស៊ី អាល្លឺម៉ង់ បារាំង កូរ៉ខាងត្បូង និងអេស្ប៉ាញ។ ក្រៅពីនោះ ប្រព័ន្ធក៏បានបំពាក់កម្មវិធីកំសាន្តទំនើបដូចជា ស្តាប់ភ្លេងនិង Livestream ផងដែរ។

អ្នកដំណើរអាចជ្រើនរើសសំបុត្រក្នុងថ្ងៃ ដូចជាសំបុត្រក្នុងរយៈពេល៤ម៉ោង ២៤ម៉ោង និង៤៨ម៉ោងជាដើម ក្នុងតម្លៃពី៣០ម៉ឺនដុងដល់៦០ម៉ឺនដុង។

លោកអ្នកនាងជាទីមេត្រី! ពេលទស្សនាតាមរយៈឡានក្រុងពីរជាន់នេះ ភ្ញៀវទេសចរ អាចទទួលបានអារម្មណ៍ស្រស់ស្រាយ នឹងដូចបានឃើញនូវចង្វាក់រស់នៅនិងដង្ហើមនៃទីក្រុង និងកន្លែងស្អាតៗដែលថ្ងៃធម្មតាយើងកម្របានឃើញ។ ជាពិសេស គឺយើងបានទស្សនាជីវភាពរស់នៅរបស់ប្រជាជនតាមវិថិបុរាណ និងភាពស្រស់ស្អាតនៃជ្រុងនីមួយ២អំពីវីឡាស្ថាប័ត្យកម្ម បារំាងបុរាណនៅទីក្រុងហាណូយ។

ឡាននឹងឆ្លងកាត់រមណីដ្ឋានជាច្រើនរបស់រដ្ឋធានី។

លោកអ្នកនាងជាទីមេត្រី! ខាងលើនេះយើងខ្ញុំទើបឧទ្ទេសនាមជាមួយមិត្តអ្នកស្តាប់នូវរូបសណ្ឋានឡានក្រុងពីរជាន់គ្មានដំបូលដែលទើបនឹងបើកឲ្យប្រាស់ប្រាស់នៅទីក្រុងហាណូយ។ សង្ឃឹមថា មិត្តទាំងអស់នឹងពេញចិត្តនឹងព័ត៌មានដែលយើងខ្ញុំទើបនឹងផ្តល់ជូន។ សូមអស់លោកអ្នកនាងផ្ញើសំបុត្រមកយើងខ្ញុំតាមអាស័យដ្ឋាន៖ កម្មវិធីផ្សាយជាភាសាខ្មែរ គណកម្មការកិច្ចការបរទេស វិទ្យុសម្លេងវៀតណាមលេខ ៤៥ វិថី Ba Trieu ទីក្រុងហាណូយ ឬ email: vov5khmer@gmail.com។ លោកអ្នកនាងអាចស្តាប់និងអានឡើងវិញរាល់ខ្លឹមសាររបស់កម្មវិធីផ្សាយជាភាសាខ្មែរលើគេហទំព័រ www.vovworld.vn.។កម្មវិធីប្រអប់សំបុត្រយើងខ្ញុំសូមបញ្ចប់នៅត្រឹមនេះ។សូមជួបអស់លោកអ្នកនាងនាសប្តាហ៍ខាងមុខ៕