សន្និសីទស្ដីអំពី “តួនាទីរបស់រដ្ឋសភាសម្រាប់គោលដៅអភិវឌ្ឍន៍ប្រកបដោយចីរភាព” (រូបថត៖ VNA)

អញ្ជើញថ្លែងនៅក្នុងសន្និសីទនេះ អនុប្រធានប្រចាំការរដ្ឋសភាវៀតណាម លោក Tran Thanh Man បានឲ្យដឹងថា ការអភិវឌ្ឍយ៉ាងឆាប់រហ័ស និងប្រកបដោយនិរន្តរភាពគឺជាភារកិច្ចសំខាន់ ហើយជាគោលដៅក្នុងគោលនយោបាយ អភិវឌ្ឍន៍សេដ្ឋកិច្ចសង្គមរបស់វៀតណាមទាំងមូល។ ក្នុងដំណើរការអនុវត្តន៍ភារកិច្ចនេះ រដ្ឋសភាវៀតណាមដើរតួនាទីយ៉ាងសំខាន់ក្នុងការកសាង និងសុក្រិតរបរៀបរបប ដើម្បីអភិវឌ្ឍន៍សេដ្ឋកិច្ច នយោបាយ វប្បធម៌ សង្គម និងបរិស្ថានប្រកបដោយនិរន្តរភាព រួមចំណែកដោះស្រាយការលំបាកឲ្យបានទាន់ពេលវេលា បង្កើតកម្លាំងចលករថ្មីសម្រាប់ការអភិវឌ្ឍយ៉ាងឆាប់រហ័ស និងប្រកបដោយចីរភាព។ រដ្ឋសភាវៀតណាមក៏បានជំរុញខ្លាំងកិច្ចសហប្រតិបត្តិការអន្តរជាតិ ដើម្បីបង្កើនការផ្លាស់ប្តូរ និងចែករំលែកបទពិសោធន៍; ចូលរួមយ៉ាងសកម្ម ក្នុងយន្តការសហប្រតិបត្តិការសភាពហុភាគី និងតំបន់ ព្រមទាំងលើកសំណើរបង្កើនការធ្វើសកម្មភាពរបស់រដ្ឋសភានៃបណ្ដាប្រតេសលើវិស័យអភិវឌ្ឍន៍ប្រកបដោយចីរភាព។

ជាការឆ្លើយតប អគ្គលេខាធិការសហភាពអន្តរសភា (IPU) លោក Martin Chungong បានអះអាងថា បណ្ដាសភាបានដើរតួនាទីយ៉ាងសំខាន់ក្នុងការអនុវត្តគោលដៅអភិវឌ្ឍន៍ប្រកបដោយចីរភាព។ បរិបទបច្ចុប្បន្ននេះតម្រូវឱ្យសភាសុក្រិតគោលនយោបាយ ច្បាប់ ដើម្បីឆ្លើយតបតាមតម្រូវការក្នុងប្រទេស និងការសន្យាអន្តរជាតិ ព្រមទាំងតភ្ចាប់ជាមួយគោលដៅអភិវឌ្ឍន៍ប្រកបដោយចីរភាព សមភាពសម្រាប់មុខសញ្ញានានាផងដែរ៕