តំណាងគណៈប្រតិភូវៀតណាមថ្លែងមតិក្នុងសន្និសីទ អនុរដ្ឋមន្ត្រីក្រសួងការងារ យុទ្ធជនពិការ និងសង្គមកិច្ច លោកស្រី Nguyen Thi Ha បានអះអាងថា ក្នុងរយៈពេល ៣០ឆ្នាំកន្លងទៅ ជាពិសេសក្នុងដំណាក់កាល ២០១៩-២០២៤ រដ្ឋាភិបាលវៀតណាមបានប្តេជ្ញាអនុវត្តគោលដៅនៃវេទិកាសកម្មភាពទីក្រុងប៉េកាំង និងការសន្យាអន្តរជាតិផ្សេងទៀតស្តីពីសមភាពយេនឌ័រ ជាពិសេសក្នុងការកសាង ពង្រឹងច្បាប់និងគោលនយោបាយជាតិ ដើម្បីធានាសមភាពយេនឌ័រ។ អនុរដ្ឋមន្ត្រី លោកស្រី Nguyen Thi Ha បានសង្កត់ធ្ងន់ថា៖ “វៀតណាមប្ដេជ្ញាអនុវត្តន៍ដំណោះស្រាយដែលបានចែងក្នុងរបាយការណ៍ជាតិរយៈពេល៣០ឆ្នាំ ពិនិត្យការអនុវត្តកម្មវិធីនយោបាយ និងអនុវត្តន៍របៀបវារៈឆ្នាំ២០៣០ ដើម្បីការអភិវឌ្ឍប្រកបដោយចីរភាព ដោយមិនទុកចោលនរណាម្នាក់នៅពីក្រោយឡើយ។ វៀតណាមនឹងបន្តពង្រឹងភាពជាដៃគូរវាងរដ្ឋាភិបាល និងភាគីពាក់ព័ន្ធ រួមទាំងទីភ្នាក់ងារអង្គការសហប្រជាជាតិ ដើម្បីបង្កើនការគាំទ្រដល់សមភាពយេនឌ័រ និងវឌ្ឍនភាពរបស់ស្ត្រី”។

ពិធីបើកសន្និសីទថ្នាក់រដ្ឋមន្ត្រីអាស៊ី-ប៉ាស៊ីហ្វិក ដើម្បីវាយតម្លៃរយៈពេល ៣០ឆ្នាំនៃការអនុវត្តសេចក្តីប្រកាសនិងវេទិកាសកម្មភាពទីក្រុងប៉េកាំង (BPFA)។ រូបថត៖ UNESCAP

នៅក្នុងសន្និសីទ របាយការណ៍ប្រចាំតំបន់អាស៊ី-ប៉ាស៊ីហ្វិកបានវាយតម្លៃរយៈពេល ៣០ ឆ្នាំនៃការអនុវត្តសេចក្តីប្រកាសនិងវេទិកាសកម្មភាពទីក្រុងប៉េកាំង ដោយសង្កត់ធ្ងន់លើបញ្ហាប្រឈមនាពេលខាងមុខ ក៏ដូចជាយុទ្ធសាស្ត្រ និងដំណោះស្រាយសម្រាប់អនាគត ក្នុងវិស័យចំនួន៦ រួមមាន៖ ការកាត់បន្ថយភាពក្រីក្រ និងការអភិវឌ្ឍធនធានមនុស្ស; ចែករំលែកវិបុលភាព និងការងារសមរម្យ; សេរីភាពឃ្ថាតពីអំពើហិង្សាផ្អែកលើយេនឌ័រ; ការចូលរួមប្រកបដោយអត្ថន័យ និងអភិបាលកិច្ចរួមបញ្ចូលយេនឌ័រ; សង្គមសន្តិភាពនិងយុត្តិធម៌; យេនឌ័រ និងបរិស្ថាន៕