(VOV)_ប្រជាជនម៉ាឡេស៊ីបានហៅ Sabah ជាតំបន់របស់ខ្យល់ពីព្រោះ Sabah
ស្ថិតនៅក្នុងតំបន់ខ្យល់ព្យុះ។ តំបន់ដីនេះមិនគ្រាន់តែទាក់ទាញភ្ញៀវទេសចរ មក
ដល់សំរាក់លំហែកាយប៉ុណ្ណោះទេ ថែមទាំងទាក់ទាញភ្ញៀវចូលចិត្តដំណើរប្រថុយ
ប្រថានទៀតផង។ ដូច្នេះ ក្នុងប៉ុន្មានឆ្នាំកន្លងទៅ Sabah បានក្លាយទៅជា ទីមកដល់
ពេញនិយមរបស់ភ្ញៀវទេសចរវៀតណាម ជាពិសេសគឺបណ្ដាមិត្តវ័យក្មេង។
 |
| SABAH តំបន់របស់ខ្យល់ |
នេះគឺជាលើកដំបូងដែល Thu Huong និងក្រុមមិត្តរបស់ខ្លួន បានមកដល់ Sabah ។
សុបិន្តរបស់នាងបានក្លាយទៅជាការពិត។ កញ្ញា Thu Huong បានអោយដឹងថា៖
“ នេះគឺជាលើកដំបូងដែលនាងខ្ញុំបានមកដល់Sabah។ អ្វីៗនៅទីនេះសុទ្ធតែ
អស្ចារ្យណាស់។ បណ្ដាសំណង់ស្ថាបត្យកម្ម នៅលើកោះ Sabah នេះសុទ្ធតែចំឡែក
ណាស់។ បណ្ដាព្រៃព្រឹក្សា កោះ ឆ្នេរសមុត្រដ៏ខៀវស្រងាត់ នឹងទាក់ទាញភ្ញៀវគ្រប់រូប មកដល់ Sabah នេះ ដូចជាខ្ញុំ។ ខ្ញុំក៏មានមនោសញ្ជេតនាចំពោះប្រជាជននៅទី
នេះ ពួកគេមានចិត្តរួសរាយរាក់ទាក់និងស្និទ្ថស្នាល។”
 |
| SABAH តំបន់របស់ខ្យល់ |
Sabah ជារដ្ឋធំទី២ នៅម៉ាឡេស៊ី ស្ថិតនៅភាគខាងជើងរបស់កោះ Borneo ដ៏
ស្រស់ស្អាត ហើយបានចាត់ទុកជាកោះធំទី៣លើពិភពលោក។ Sabah ទាក់ទាញ
ភ្ញៀវទេសចរមកដល់ ដោយសារមានឆ្នេរសមុទ្រវែងនិងស្អាត ភ្នំល្បីឈ្មោះ Kina
balu ព្រៃស្រោងក្នុងសួនឧទ្យានជាតិ Kinabalu សួនឧទ្យានសមុទ្រ …លៗ លោក
ស្រី Phan Vinh Hai មន្ត្រីការិយាល័យដំណាងទេសចរណ៍ម៉ាឡេស៊ីប្រចាំនៅទីក្រុង
ហូជីមិញ បានអោយដឹងថា៖
“ កោះ Sabah មិនទាន់បានទីផ្សារវៀតណាមស្គាល់ដល់ច្រើនទេ។ នេះគឺតំបន់
មានទិដ្ឋភាពស្អាត។ នាបច្ចុប្បន្ន នាយកដ្ឋានជំរុញទេសចរណ៍វៀតណាម កំពុង
សហប្រតិបត្តិការជាមួយនាយកដ្ឋានជំរុញទេសចរណ៍របស់ Sabah ដើម្បីបើកជើង
ហោះហើរត្រង់ពីទីក្រុងហូជីមិញសំដៅសន្សំសំចៃពេលវេលាសំរាប់ភ្ញៀវទេសចរ។
នាយកដ្ឋានជំរុញទេសចរណ៍ម៉ាឡេស៊ី នឹងជួបធ្វើការផ្ទាល់ជាមួយបណ្ដាអង្គភាព
អាជីវកម្មនៅ Sabah សណ្ឋាគារ ដើម្បីមានកញ្ចប់បញ្ចុះតំលៃសំរាប់ភ្ញៀវទេសចរ ”
ប្រសិនបើមិត្តជាអ្នកចូលចិត្តទេសចរណ៍ប្រថុយប្រថាន Sabah នឹងទាក់
ទាញភ្ញៀវទេសចរ ដោយភ្នំ Kinabalu មានកំពស់ ជាងបួនពាន់ម៉ែត្រ ដែលប្រៀប
បានដូចជាដំបូលរបស់អាស៊ីអាគ្នេយ៍។ ចំពោះប្រជាជននៅក្នុងតំបន់ Kinabalu ជា
ភ្នំពិសិដ្ឋ១ ហើយគេជឿជាក់ថា៖ ព្រលឹងរបស់ជីដូនជីតារបស់គេបានសំរាកនៅ
លើកំពូលភ្នំនេះ។ បង Nguyen Hai អ្នកថតរូប១នាក់បានអោយដឹងថា៖
“ ដើម្បីជំនះទៅលើភ្នំនេះ ខ្ញុំនឹងក្រុមមិត្តភក្តិរបស់ខ្លួន បានចេញដំណើរពីម៉ោង
៨ ដើម្បីមកដល់ជើងភ្នំនាម៉ោង១១និង៣០នាទី។ ទិដ្ឋភាពជុំវិញនោះគឺស្អាតណាស់។
កាន់តែឡើងខ្ពស់ កាន់តែពិបាកដកដង្ហើម ជម្រាលភ្នំកាន់តែចំណោត។ នេះគឺជា
ការជួបប្រទះលើកទី១នៅក្នុងជីវិត។”
Sabah មានឆ្នេរសមុទ្រប្រវែង ១ ៤០០ គីឡូម៉ែត្រ ដោយមានកោះជាច្រើន ជាប់នឹង
ឆ្នេរសមុទ្រ។ កោះទាំងនេះសុទ្ធតែបានរៀបចំដើម្បីបំរើទេសចរណ៍ និងអភិរក្សសត្វ
រុក្ខជាតិកម្រ។ មកដល់ទីនេះ ភ្ញៀវទេសចរមិនគ្រាន់តែបានហែលទឹក ដើរលេងនៅលើវាលខ្សាច់សប៉ុណ្ណោះទេ ថែមទាំងបានចូលរួមហែលទឹក ជិះទូក …លៗ
ទៀតផង។ លោកស្រី Phan Vinh Hai បានអោយដឹងថា៖
“ ខ្ញុំមកដល់ទីនេះជាលើកដំបូង។ ខ្ញុំសប្បាយរីករាយណាស់ ដោយបានចូល
រួមសកម្មភាពកីឡាសមុទ្រ ដូចជា៖មុជទឹកមើលត្រី មើលផ្កាថ្ម ។”
មកដល់ Sabah មិត្តអាចមកដល់កោះតូចៗមួយចំនួន ដើម្បីសម្របខ្លួនចូល
ក្នុងទិដ្ឋភាពដ៏ស្រស់ស្អាត សណ្ឋាប់ធ្នាប់ និងស្ងៀមស្ងាត់។ ប្រហាក់ដូចជាធម្មជាតិ
នៅទីនេះបានសម្របសម្រួលជាមួយមនុស្ស ហើយធ្វើអោយមនុស្សមិនចង់ចាក
ចេញពីនេះទៅហើយ៕