(VOV)_កម្មវិធីជួបប្រាស្រ័យយុវជនវៀតណាម-ថៃ លើកទី៨ ឆ្នាំ ២០១៦ បានប្រ
ព្រឹត្តទៅចាប់ពីថ្ងៃទី១២ដល់ថ្ងៃទី២៧ កក្កដា នៅទីក្រុងហាណូយ និងខេត្តមួយចំនួន
នៅភូមិភាគខាងជើងវៀតណាម។ ក្នុងឱកាសនេះ និស្សិតថៃនិងវៀតណាមចំនួន២៤
នាក់ បានរួមគ្នាចូលរួមសកម្មភាពជាច្រើន ដូចជា៖ស្វែងយល់ ព័ត៍មានតាមក្រុម
សម្ដែងនូវចំណុចវប្បធម៌ ទំនៀមទំលាបរបស់វៀតណាម និងសកម្មភាព Homestay
នៅជាយទីក្រុងហាណូយ។ សកម្មភាពទាំងនេះបានធ្វើ អោយ មិត្តទាំងនេះជិតស្និទ្ធជា
មួយគ្នាដូចជាក្នុងគ្រួសារតែមួយ។
 |
| ជំនួបប្រាស្រ័យរវាងយុវជនវៀតណាម-ថៃរួមចំណែករឹតបណ្តឹងចំណងមិត្តភាពរវាងប្រជាជននៃប្រទេសទាំងពីរ |
ក្នុងរយៈពេល១១ថ្ងៃ មានសកម្មភាពជាច្រើន មិត្តយុវជនវៀតណាមនិងថៃបាន
ចូលរួមសកម្មភាពស្វែងយល់អំពីវប្បធម៌ និងភាសានៃប្រទេសទាំងពីរ ទៅទស្សនាតំ
បន់ទេសចរណ៍វៀតណាម ដូចជា៖ ប្រាង្គតំកល់សពលោកប្រធានហូជីមិញ ឈូងសមុទ្រ
ហាឡង់ និងទៅទស្សនារោងចក្រភាគហ៊ុនរបស់ថៃនៅខេត្ត Hai Duong ។សកម្មភាព
ទាំងនេះបានបណ្ដាលអោយមិត្ត Lan Anh មកពីប្រទេសវៀតណាម និងមិត្ត Pim មក
ពីប្រទេសថៃ មានអនុស្សាវរីយ៍ជាច្រើន ដែលមិនអាចបំភ្លេចបានឡើយ៖
“ មិត្តវៀតណាមរបស់ខ្ញុំគឺ Lan Anh ហើយមានឈ្មោះថៃគឺ Common Rac ។ មិត្តនេះ
ចូលចិត្តកំប្លែង និយាយលេងជាមួយមនុស្សគ្រប់រូប ដើម្បីកាត់បន្ថយការនឿយហត់
ក្នុងពេលធ្វើដំណើរ។”
“ ពីមុនមក Pim មិនអាចប្រើចង្កឹះបានទេ។ ប្រការនេះដើរផ្ទុយទៅនឹងទំនៀម
ទំលាបរបស់ប្រជាជនវៀតណាម គឺតែងតែប្រើចង្កឹះក្នុងពេលហូបបាយ។ Pim បានខំ
ប្រឹងប្រែងជាច្រើនដើម្បីប្រើបានចង្កឹះ ហើយខ្ញុំក៏បានណែនាំអោយមិត្តចេះប្រើចង្កឹះ
ដូចជាជនវៀតណាមដែរ។”
រីឯ ចំពោះ Mhoo និស្សិតមកពីទីក្រុងបាងកកថា៖ដំណើរទស្សនកិច្ចលើកនេះបាន
ជួយគាត់យល់ដឹងបន្ថែមប្រការជាច្រើនអំពីវៀតណាមនិងថៃ តាមរយៈក្រសែភ្នែកមិត្ត
វៀតណាម ជាពិសេសគឺមិត្តរួមដំណើរឈ្មោះ Linh ៖
“ Linh ជាមនុស្សតែងតែមានការខ្មាស់អៀន។ ប៉ុន្តែ បន្ទាប់ពីពេលធ្វើជាមិត្តជា
មួយខ្ញុំ គាត់បានខំប្រឹងប្រែងនិយាយជាមួយខ្ញុំជាច្រើន។ មិត្តយល់ដឹងអំពីថៃច្រើន
ណាស់។ យើងខ្ញុំបាននិយាយជាមួយគ្នាច្រើន។ខ្ញុំឃើញថា៖គាត់ជាមនុស្សល្អណាស់។”
ក្រៅពីបណ្ដាសកម្មភាពតាមក្រុមៗ និងធ្វើអធិប្បាយនៅទីក្រុងហាណូយ ចំណុច
លេចធ្លោមួយទៀត ក្នុងចំណោមសកម្មភាពឆ្នាំនេះគឺសកម្មភាព Homestay នៅជាយ
ទីក្រុងហាណូយ។ Long និស្សិតនៅមហាវិទ្យាល័យហាណូយ បានចែករំលែកថា៖
“ អនុស្សាវរីយ៍ល្អបំផុតរបស់ខ្ញុំគឺដំណើរទស្សនាស្រុក Ba Vi នៅជាយទីក្រុងហាណូយ ក្នុងរយៈបេល៣ថ្ងៃ ២យប់។ នៅទីនេះ យើងខ្ញុំមានសកម្មភាពជាច្រើន ដូច
ជា៖ធ្វើនំគុយទាវកាត់ ចាប់ត្រី ទស្សនាការសម្ដែងសិល្បះ វាយគង់ឃ្មោះរបស់ជនរួម
ជាតិ Muong។”
កម្មវិធីជួបប្រាស្រ័យយុវជនវៀតណាមនិងថៃជាសកម្មភាពប្រចាំឆ្នាំរបស់ស្ថាន
ទុតថៃនៅវៀតណាម ត្រូវបានអនុវត្តប្តូរវេណរវាងវៀតណាមនិងថៃ។ គិតដល់នាបច្ចុ
ប្បន្ន កម្មវិធីនេះបានរៀបចំឡើងបាន៨លើកហើយ និងមាននិស្សិតវៀតណាមនិង
ថៃចំនួន២០០នាក់ចូលរួម។ ឯកអគ្គរដ្ឋទូតថៃ ប្រចាំនៅវៀតណាម លោក Monopchai
Vongphakdi បានវាយតំលៃថា៖
“ ប្រការសំខាន់គឺយុវជននៃប្រទេសទាំងពីរបានយល់ដឹងបន្ថែមអំពី វប្បធម៌
ទំនៀមទំលាបនៃប្រទេសទាំងពីរ។ វៀតណាមនិងថៃមានចំណុចប្រហាក់ប្រហែល
ជាច្រើនអំពីវប្បធម៌ ទំនៀបទំលាប់ ជីវភាពរស់នៅ និងសកម្មភាពផលិតកម្មកសិ
កម្ម។ បណ្ដាចំណុចខុសប្លែកនេះ យើងអាចផ្លាសប្តូរបទពិសោធន៍ជាមួយគ្នា និង
អាចសហប្រតិបត្តិការជាមួយគ្នាក្នុងអនាគត៕”