ម្ហូប មីCao lau Hoi An ទាក់ទាញភ្ញៀវដោយសារវិធីសាស្ត្រចម្អិនដ៏វិសេសវិសាល និងរស់ជាតិដោយឡែករបស់ខ្លួន។ គ្រឿងផ្សំមុខមី Cao lau គឺ សសៃមី បង្កង សាច់ ជ្រូក xa xiu ជីក្រអូបគ្រប់មុខ រួមទាំងទឹកស៊ុប។

មី Cao lau តាមបែបបារាំង (រូបថតៈ Lan Anh/VOV5)

  មី Cao lau ម្ហូបពិសេសដោយឡែកនៅទីក្រុងបុរាណ Hoi An  ជាប្រធានបទស្នូល នៅមហោស្រពម្ហូបអាហារអន្តរជាតិ Hoi An លើកទី៣ ដែលបានរៀបចំឡើងនាខែ មិថុនាកន្លងទៅ។ ចុងភៅមកពីប្រទេសចំនួន១០ បានកែច្នៃមុខម្ហូបនេះតាមរស់ជាតិ របស់ប្រទេសខ្លួន។ ចុងភៅជនជាតិអាមេរិក លោក Peter Cuong Pranklin បានប្រើ មី Cao lau ពណ៌ខ្មៅ ហើយពណ៌ខ្មៅនេះបានធ្វើពីទឹកខ្មៅរបស់ត្រីយឺហឺ ផ្សំជាមួយ លៀសនិងទឹកជ្រលក់ប៉េងប៉ោះ បង្កើតឡើងម្ហូប មី Cao lau បែបអាមេរិក។ រីឯមី Cao lau អ៊ីតាលីវិញគឺដោយចុងភៅ Andrea Chetta ធ្វើ ដោយផ្សំរវាងមីអ៊ីតាលី សាច់ឆ្អើរនិង salat អឺរ៉ុប។ ចុងភៅ Andea Chetta បានចែករំលែកថា៖

        “ភាពខុសគ្នាធំបំផុតរវាងសសៃមី cao lau របស់វៀតណាមជាមួយមីអ៊ីតាលី របស់អ៊ីតាលីគឺជារស់ជាតិម្សៅអង្ករលាយជាមួយទឹក បង្កើតឡើងសសៃមីមានរស់ ជាតិឈ្ងុយឆ្ងាញ់ពិសេស។ គ្រាន់តែសាកល្បងភ្លក់មី cao lau លោកអ្នកនឹងមាន អារម្មណ៍ថា មានរស់ជាតិសាច់ឆ្អើរចំណែកណាស់។ ក្នុងពេលជាមួយនោះ សម្រាប់ មីអ៊ិតាលីវិញ យើងខ្ញុំប្រើគ្រឿងផ្សំគឺពងលាយជាមួយម្សៅតែប៉ុណ្ណោះ”។

មី Cao lau សម្បូវរបែប (រូបថតៈ Lan Anh/VOV5)

        មី cao lau Bulgogi របស់កូរ៉េខាងត្បូង ដោយចុងភៅ Steven Simyong ធ្វើ ជា ការរួមផ្សំរវាងសាច់គោជាមួយ Kim chi ។ រីឯចុងភៅជនជាតិ អូស្ត្រាលីលោក Mathew Donnellan គឺជ្រើសរើសសាច់ជ្រូក xa xiu បង្គាដើម្បីផ្សំជាម្ហូប cao lau។ សម្រាប់ចុងភៅជនជាតិជប៉ុន  Miyayawa Genta គឺនាងបានច្នៃម្ហូប cao lau ដោយ គ្រឿងផ្សំគឺសសៃមី Udon របស់ជុប៉ុន។ Miyayawa Genta សំណេះសំណាលថា៖

“ខ្ញុំបានប្រើមី ramen (ជាសសៃមីបែបជប៉ុន)ដើម្បីជំនួសឲ្យសសៃមី cao lau ។ ដោយសារខ្ញុំជាជនជាតិជប៉ុន បានជាក្រៅពីគ្រឿងផ្សំធម្មតា ខ្ញុំបានដាក់បន្ថែមម្ទេសនិង Sake mirrin (ជាប្រភេទស្រាមួយសម្រាប់ចម្អិន អាហាររបស់ជប៉ុន) សាច់ជ្រូក xa xiu និងបន្លែមួយចំនួនដូចជា ប៉េងប៉ោះ សាឡាត់ និងខ្ទឹមស្លឹកផងដែរ។ គួរឲ្យចាប់អារម្ម ណ៍ណាស់ ដោយសារ នេះជាលើកដំបូងដែលខ្ញុំធ្វើខ្លួនឯងបានម្ហូប cao lau បែប ជប៉ុនដែរ”។

        ចុងភៅ Cesar Combe ម្ចាស់ភោជនីយដ្ឋានម្ហូបបារាំង Chez Cesar នៅទីក្រុង Hoi An ចូលរួមកម្មវិធីនេះ លោកបាននាំមកនូវរស់ជាតិអឺរ៉ុបទៅក្នុងចាន cao lau Hoi An ។ លោកឲ្យដឹងថា៖

        “ខ្ញុំបានផ្សែផ្សំលក្ខណៈវប្បធម៌វៀតណាម ជាមួយវប្បធម៌ម្ហូបអាហារអ៊ីតាលី ។ខ្ញុំបានប្រើដំឡូងបារាំងចៀន ដំឡូងឆ្វានិងសាច់។ ជាមួយគ្នានោះ ខ្ញុំបានប្រើ ជីនាងវងផ្សំជាមួយខ្ទឹមសរ ដែលនាំមករស់ជាតិពិសេសសម្រាប់មុខម្ហូបនេះ”។

មី Cao lau តាមបែបកូរ៉េខាងត្បូង (រូបថតៈ Lan Anh/VOV5)

        ទន្ទឹមនឹងការធ្វើម្ហូបមី  cao lau តាមរស់ជាតិរបស់ប្រទេសនីមួយៗនោះ ចុងភៅមកពីប្រទេសទាំង១០ដូចជា បារាំង អ៊ីតាលី អាមេរិក  អូស្ត្រាលី ចិន កូរ៉េខាងត្បូង ជប៉ុននិងថៃ បានរួមគ្នាធ្វើឆ្នាំង cao lau ធំមួមានទម្ងន់១០០គីឡូក្រាម។ បន្ទាប់មក ម្ហូប cao lau នេះ ត្រូវបានចែកដាក់ចានតូចសម្រាប់ប្រជាជន Hoi An ភ្ញៀវជាតិនិងអន្តរ ជាតិភ្លក់រស់ជាតិផងដែរ។ ដោយគោលគំនិតកែច្នៃមុខម្ហូបមី cao lau ឲ្យក្លាយទៅជា ម្ហូប Fast food លោក David Lacroix ចុងភៅសណ្ឋាគារ Victoria នៅទីក្រុង Hoi An ឈ្នះជើងឯកក្នុងមហោស្រពម្ហូបអាហារលើកនេះ៖

        “ដើមឡើយ ខ្ញុំមានគោលគំនិតធ្វើមុខម្ហូបនេះជាមួយសាច់មាន់។ ខ្ញុំចង់បង្កើត ភាពចំណែកមួយ ដោយគិតថា មី cao lau អាចផ្សំគ្រឿងជាមួយមុខម្ហូបខុសផ្សេង គ្នា។ ខ្ញុំបានសាកល្បងផ្សំមី cao lau ជាមួយឈីស ឃើញថាមានរស់ជាតិឆ្ងាញ់ ណាស់។ ខ្ញុំក៏បានផ្សំមីcao lauជាមួយសាច់ឆ្អើរនិងត្រី salmon ក៏ឆ្ងាញ់គ្រាន់បើដែរ”។

ភ្ញៀវទេសចរបរទេសភ្លក់ម្ហូប Cao lau (រូបថតៈ Lan Anh/VOV5)

        បង្កើនការផ្សព្វផ្សាយម្ហូបអាហារ Hoi An ទៅដល់មិត្តភក្តិអន្តរជាតិ ក៏ដូចជា ការ ច្នៃប្រឌិតរបស់ចុងភៅបរទេសសម្រាប់ម្ហូបមី cao lau នៅវិថីបុរាណ Hoi An ជាប្រការ ដែលគណៈចាត់តាំងមហោស្រពរឹងពឹងទុក ក្នុងបំណង នាំម្ហូបវៀត ណាមទៅកាន់ ពិភពលោក ព្រមទាំងតភ្ជាប់វប្បធម៌តាមរយៈរស់ជាតិដ៏វិសេសវិសាលរបស់ម្ហូប អាហារគ្រប់ប្រភេទ៕