ផ្ទះរន្ទានីមួយៗត្រូវបានប្រើប្រាស់ ដើម្បីដាំបន្លៃបៃតង

អាស្រ័យហេតុនេះ ពេលបរិភោគអាហាររបស់កម្មាភិបាល និងយុទ្ធជននៅខ្សែត្រៀមជួរមុខនៃមាតុភូមិ មិនត្រឹមតែមានម្ហូបកំប៉ុងប៉ុណ្ណោះទេ ថែមទាំងមានបន្ថែបៃតង សាច់ជ្រូក សាច់ទា និងសាច់មាន់ផងដែរ។

មណ្ឌលផ្ទះរន្ទា DK1 បានស្ថិនៅថ្មប៉ប្រះទឹក Que Duong  Phuc Nguyen  Tu Chinh  Phuc Tan  និង Ba Ke ។ ដោយអាកាសធាតមិនអំណោយផលនោះ ការបង្កបង្កើនផល ដើម្បីផ្គត់ផ្គង់បន្ថែបៃតង សាច់ស្រស់ក្នុងពេលបរិភោគអាហារ សំដៅធានាសុខភាពជូនកម្មាភិបាល និងយុទ្ធជនកាន់តែជួបការលំបាកទ្វេដង។

ចាប់ពីឆ្នាំ ២០១៥ មក អង្គភាពនានានៅ ផ្ទះរន្ទា DK1 បានជំរុញខ្លាំងការ បង្កបង្កើនផល និងកែលម្អជីវភាពរស់នៅ។ ផ្ទះរន្ទានីមួយៗត្រូវបានប្រើប្រាស់ ដើម្បីដាំបន្លៃបៃតង ពង្រឹងសកម្មភាពនេសាទត្រី សង់ទ្រុងចិញ្ចឹមសត្វជ្រូក មាន់ និងទា សំដៅកែលម្អជីវភាពរស់នៅ និងលើកម្ពស់សុខភាពជូនកងទ័ព។

បន្លែគ្រប់ប្រភេទនៅផ្ទះរន្ទា DK1

លោកវរសេនីយ៍ទោ Nguyen Van Lam មេបញ្ជាការ ផ្ទះរន្ទា DK1/20 បានឲ្យដឹងថា៖“យើងខ្ញុំបានដាំបន្លែតាមរដូវកាលនីមួយៗ ពោលគឺចាប់ពីខែមិនា ដល់ខែ មេសា អាកាសធាតុអំណោយផល ទើបយើងខ្ញុំដាំបានបន្លែគ្រប់ប្រភេទ។ រីឯរដូវនាចុងឆ្នាំវិញ យើងខ្ញុំដាំបានដំឡូង ល្ពៅ ឬស្លឹកងប់តែប៉ុណ្ណោះ។ លើសពីនេះ

ទៅទៀត យើងខ្ញុំបានស្ទួចត្រីស្រស់ៗ ដើម្បីកែលម្អជីវភាពរស់នៅជូនបងប្អូនកងទ័ពផងដែរ”។

នាបច្ចុប្បន្ន នៅលើរផ្ទះរន្ទា កេះស្នោ និងកេះប្លាស្ទិចត្រូវបានប្រើប្រាស់ ដើម្បីដាំបន្ថែជាមួយបរិមាណដី ដែលបាននាំយកមកពីដីគោក។ តាមបទពិសោធន៍របស់យុទ្ធជននៅលើផ្ទះរន្ទានេះថា ប្រភេទបន្លែដូចជា៖ វល្លិ ស្ពៅ និងស្លឹកងប់ គឺអាចលូតលាស់យ៉ាងល្អចំពោះលក្ខណៈអាកាសធាតុនៅផ្ទះរន្ទា។ ហេតុដូច្នេះហើយ ទោះបីជាមានផ្ទៃដីត្រឹម ១០០ ម៉ែត្រការ៉េតែប៉ុណ្ណោះ ក៏ដោយ បន្តែសួនបន្លែនៅផ្ទះរន្ទា DK1/20 នៅកោះ Bai Ke បានផ្ដល់បរិមានបន្ថែ និងផ្លែឈើជាង ៨០ គីឡូក្រាម ជារៀងរាល់ខែដែរ។ លោកវរសេនីយ៍ឯក Pham Van Phung ប្រធានផ្នែកនយោបាយ នៃ ផ្ទះរន្ទា DK1/20 បានឲ្យដឹងថា៖

“អាកាសធាតុនៅដែនសមុទ្រ DK មានរដូវចំនួន ២ គឺរដូវ វស្សានិងរដូវប្រាំង។អាកាសធាតុមិនអំណោយផល ក្តៅហួតហែង។ រដូវវស្សាបានចាប់ផ្ដើមពីខែវិច្ឆិកាដល់ខែកុម្ភៈ ពោលគឺមានខ្យល់ព្យុះបោកបក់ជាច្រើន ហើយប៉ះពាល់ដល់ជីវភាពរស់នៅ ក៏ដូចជាផលិតភាពបង្កបង្កើនផលរបស់ផ្ទះរន្ទាផងដែរ។ ទោះបីជាយើងខ្ញុំបានគ្របដណ្ដប់ការពារយ៉ាងណាក៏ដោយ ប៉ុន្តែទទួលបានបរិមាណផលត្រឹម ២០ -៣០% នៃបរិមាណដំណាំដាំដុះ ទាំង ១០០ % តែប៉ុណ្ណោះ“។

ទ្រុងជ្រូកនៅផ្ទះរន្ទា DK1

ដោយមានការខិតខំប្រឹងប្រែង ច្នៃប្រឌិត ជំនះពុះពារលើអាកាសធាតុមិនអំណោយផល កង្វះផ្ទៃដីស្នាក់នៅ និងដាំដុះ ទើបកម្មាភិបាល និងយុទ្ធជននៅផ្ទះរន្ទា DK1 មានចំណីអាហារស្រស់ៗបម្រើពេលបរិភោគអាហារជាប្រចាំថ្ងៃ។

ដោយស្ថិតនៅលើតំបន់ប៉ប្រះទឹក Phuc Tan ផ្ទះរន្ទា DK1/16 ដែលជាផ្ទះរន្ទាមួយក្នុងចំណោមផ្ទះរន្ទាពី បី ដែលទទួលបានជោគជ័យក្នុងការអភិវឌ្ឍន៍រូបសណ្ឋានចិញ្ចឹមប្រកបដោយអនាម័យ និងគ្មានជាតិគីមី។ ការជើសរើសយកពូជសត្វដើម្បីយកមកចិញ្ចឹមក្នុងបរិយាកាសអាកាសធាតុនៅសមុទ្រពិតជាពិបាកណាស់។ បើមិនប្រុងប្រយ័ត្នតែបន្តិចបន្តួច គឺសត្វចិញ្ចឹមទាំងឡាយនឹងស្លាប់អស់។ ហេតុដូច្នេះហើយ កម្មាភិបាល និងយុទ្ធជនបានសិក្សារៀនសូត្រចំណេះដឹងអំពីការចិញ្ចឹមសត្វពីកាសែត និងវិទ្យុ និងអនុវត្តន៍បទពិសោធន៍ប្រជាប្រិយក្នុងការចិញ្ចឹមសត្វ។ វរៈសេនីយ៍ត្រី Truong Anh Dao នៅ ផ្ទះរន្ទា DK1/16 បានចែករំលែកថា៖

“យើងខ្ញុំបានដកបទពិសោធន៍ជាច្រើនតាមរយៈវិធានការប្រជាប្រៃរបស់ដូនតា ដូចជា៖ បុកខ្ទឹមស បាចកំបោរនៅតាមទ្រុងសត្វ និងគ្របដណ្ដប់ការពារកុំឲ្យខ្យល់បោកបក់ចូល។ ក្រោយមក ការងារទាំងនេះបានក្លាយទៅជាទំលាប់ ពោលគឺមិនត្រឹមតែធានាការចិញ្ចឹមសត្វពាហនៈ បក្សា បក្សីប៉ុណ្ណោះទេ ថែមទាំងអភិវឌ្ឍហ្វុងពូជសត្វទៀតផង“។

ទោះជាផ្ទៃដីតូចចង្អៀត មិនអាចចិញ្ចឹម និងដាំដុះបានបរិមានច្រើនក៏ដោយ ប៉ុន្តែ យុទ្ធជនគ្រប់រូបនៅផ្ទះរន្ទាអាចបង្កបង្កើនផលដោយខ្លួនឯង ធានាអាហារូបត្ថម្ភគ្រប់គ្រាននៅពេលបរិភោគអាហារ។ នាបច្ចុប្បន្ននេះ នៅផ្ទះរន្ទា ពេលបរិភោគអាហារ ១០០  ភាគរយ គឺសុទ្ធតែមានបន្លែបៃតង និងសាច់ស្រស់ៗ។ ប្រការនេះបានរួមចំណែកកែលម្អពេលបរិភោគអាហារ លើកស្ទួតសុខភាព ជួយកម្មាភិបាល និងយុទ្ធជនជំនះពុះពារលើរាល់ការលំបាក់ និងកង្វះខាត ដើម្បីកាន់កាំភ្លើងយ៉ាងរឹងមាំ ការពារដែនសមុទ្រដ៏ពិសិដ្ឋរបស់មាតុភូមិ៕