(VOV)_ស្ថិតនៅស្រុក Thach That ជាយទីក្រុងហាណូយ ភូមិ Chang Son មានមុខ
របរធ្វើផ្លិតដ៏ល្បីឈ្មោះដោយភាពបិនប្រសបរបស់សិប្បករតាមរយៈឆ្អឹងឬស្សី ក្បាច់គំនូរ
និងចំណុចផ្សេងៗ ពោពេញទៅដោយអត្តសញ្ញាណវប្បធម៌វៀតណាម។ ផ្លិតទាំងអស់
ដែលបានសិប្បករភូមិ Chang Son ធ្វើឡើងនេះ បានទៅដល់គ្រប់ទិសទីលើទូទាំងពិភព
លោក ហើយត្រូវបានគេស្គាល់ជានិមិត្តរូបវប្បធម៌ជនបទរបស់វៀតណាម។
 |
| ផ្លិត Chang Son - សិល្បះក្នុងជីវភាពរស់នៅប្រចាំថ្ងៃ |
តាមសំដីរបស់លោកតា លោកយាយនៅភូមិ Chang Son ថា៖ ភូមិនេះមានមុខ
របរធ្វើផ្លិតតាំងពីយូរណាស់មកហើយ គ្មានអ្នកណាដឹងថាមុខរបរនេះមានតាំងពីពេល
ណាមកទេ គ្រាន់តែដឹងថា៖ចាប់ពីពេលកើតមក បានឃើញជីដូនជីតាធ្វើផ្លិតហើយ។
សិប្បករ Nguyen Kien សិប្បករជើងចាស់មួយរូបក្នុងភូមិ Chang Son បានអោយដឹងថា៖
“ ខ្ញុំបានដឹងថា៖គ្រួសារខ្ញុំធ្វើផ្លិតអស់៤ជំនាន់ហើយ។ ចាប់ពីពេលបង្កើតមក ខ្ញុំ
បានឃើញជីទួត ជីតា ឪពុកខ្ញុំធ្វើផ្លិតហើយ ដល់ឥឡូវនេះ ខ្ញុំនៅបន្តធ្វើផ្លិត។ ខ្ញុំគិតថា៖
នេះគឺជាមុខរបរមួយភាពជីតស្និទ្ធិ ងាយស្រួលធ្វើ។”
មិនគ្រាន់តែធ្វើអោយត្រជាក់ស្រួលក្នុងធាតុអាកាសក្តៅប៉ុណ្ណោះទេ ផ្លិត Chang
Son នៅមានចរិតលក្ខណះសិល្បះខ្ពស់ទៀតផង។ ផ្លិតជាមធ្យោបាយពិសេសដោយឡែក
ហើយមិនអាចខ្វះបានក្នុងពិធីបុណ្យ និងព្រឹត្តិការណ៍ផ្សព្វផ្សាយរូបភាព និងវប្បធម៌
វៀតណាមចំពោះមិត្តភក្តិអន្តរជាតិ។ ទន្ទឹមនឹងនោះ ផ្លិត Chang Son ក៏ជាវណ្ណកម្ម
សិល្បះដ៏វិសេសវិសាលផងដែរ។ លោក បញ្ញា ភ្ញៀវទេសចរពីកម្ពុជាបានអោយដឹងថា៖
“ ខ្ញុំចាប់អារម្មណ៍យ៉ាងខ្លាំងចំពោះផ្លិតនេះ។ ផ្លិតនេះមានគុណភាពល្អ ហើយឆ្អឹង
ផ្លិតនេះបានធ្វើពីឬស្សី បានឆ្លាក់ប្រណិត និងរូបភាពនៅលើផ្លិតក៏អស្ចារ្យដែរ។ខ្ញុំនឹង
ទិញផ្លិតនេះជាអនុស្សាវរីយ៍ជូនមិត្តភក្តិនិងគ្រួសារ។ ”
ភាគច្រើន ប្រជាជនភូមិ៍ CHANG SON ទាំងចាស់ទាំងក្មេងសុទ្ធតែផ្សារភ្ជាប់ជាមួយ
នឹងមុខរបរធ្វើផ្លិតនេះ។ ផ្លិត CHANG SON មានច្រើនប្រភេទ ដូចជា៖ ផ្លិតក្រដាស
ផ្លិតឬស្សី ផ្លិតព្រែ…ជាដើម។
និងដើម្បីមានបានផ្លិតល្អស្អាត យើងត្រូវចំណាយពេលវេលា និងកំលាំង កាយ
ចិត្តច្រើន ចាប់ពីពេលជ្រើសរើសវត្ថុធាតុដើមរហូតដល់ការកែច្នៃ។ សិប្បករ Nguyen
Kien បានអោយដឹងទៀតថា៖
“ ដំបូង យើងត្រូវជ្រើសរើសឬស្សីមានអាយុល្មមនៅតំបន់ខេត្ត Hoa Binh ហើយ
កាត់ឆ្អឹងឬស្សី ជាកំណាត់វែង ឬ ខ្លី អាស្រ័យទៅតាមប្រភេទផ្លិត និមួយៗ ។ ហើយពុះ
ជាចំរៀកស្ដើងៗ បន្ទាប់មកឈូសអោយរលោង ហើយពាសក្រដាសដោយទឹក Cậy
( ប្រភេទកាវមួយ ) ។
លោក Nguyen Kienក៏បានបន្តទៀតថា ៖ ពេលពាសក្រដាសលើ ឆ្អឹងផ្លិត ទាម
ទារអោយមានភាពប៉ិនប្រសប់ ធ្វើយ៉ាងណា អោយក្រដាសសន្ធឹងត្រង់ស្មើមិនមានខ្ចី
ខ្ងូវ ងាយស្រួលសំរាប់គូគំនូរ។
រូបភាពផ្លឹត Chang Son នាបច្ចុប្បន្ន កាន់តែមានភាពស្និទ្ធិស្នាលជា មួយអ្នកទេស
ចារណ៏ នៅក្នុងនិងក្រៅប្រទេស។ មិនត្រឹមតែដណ្ដើមបានទីផ្សារ នៅក្នុង ប្រទេស
ប៉ុណ្ណេះទេ ផ្លឹត Chang Son នៅមានលើទីផ្សាររបស់ប្រទេស ជប៉ុន កូរ៉េខាងត្បូង
និងប្រទេសអឺរ៉ូបនានាទៀតផង។ នេះក៏ជាមូលដ្ឋានដែលសិប្បករទាំងអស់នៅភូមិ
របរ Chang Son បន្តពង្រឹង ពង្រីករបរនេះ ពីព្រោះគេបានគិតថា គ្មានអ្វីសប្បាយ
រីករាយនិងសុភមង្គលជាង ពេលផ្លឹតនិមួយៗដែលបានធ្វើដោយដៃរបស់ខ្លួន ទទួល
បានការគោរពនិងស្រលាញ់របស់សាធារណះជន។ លោកស្រី Nguyen Lan Tuyet
សិប្បការិនីម្នាក់ ដែលបានគណៈកម្មាធិការប្រជាជនទីក្រុងហាណូយបញ្ជាក់ថា
សិល្បករមានបាតដៃមាស បានចែករំលែកថា៖
“ នាងខ្ញុំមានទស្សនះតែមួយក្នុងជីវភាពរស់នៅគឺជីវិតរបស់មនុស្សម្នាក់ៗ
អ្នក ណាចេះគោរព ថ្នាក់ថ្នមអ្វីមួយ ដែលខ្លួនមាន គឺនឹងធ្វើអស់ពីកម្លាំងកាយ
ចិត្ត។ ហើយការគោរពស្រឡាញ់របស់សាធារណជន ក៏ដូចជា ភ្ញៀវនៅក្នុងនិងក្រៅ
ប្រទេស បានគាំទ្រ ជួយឧបត្ថម្ភនាងខ្ញុំ បានតភ្ជាប់នាងខ្ញុំជាមួយមុខរបរនេះ។”
 |
| លោកស្រី Nguyen Lan Tuyet កំពុងធ្វើផ្លិត |
ចរិតលក្ខណះដ៏ល្អ ស្រស់ស្អាតរបស់ ផ្លិតប្រពៃណីChang Son នេះគឺដោយការ
ពង្រឹង និងពង្រីកអត្តសញ្ញាណពិសេសរបស់ភូមិ ក្នុងរយះពេលរាប់រយឆ្នាំ។ អាច
និយាយបានថា ផ្លិតChàng Sơn ជាការប្រមូលផ្ដុំចំណុចពិសេសដ៏ស្រស់ស្អាត របស់
ទឹកដី និងមនុស្សវៀតណាម ៕