សប្ដាហ៍មហាសាមគ្គីបណ្ដាជនជាតិ-បេតិកភ័ណ្ឌវប្បធម៍វៀតណាមរួមចំណែកពង្រីករាល់តំលៃវប្បធម៍ (VOV)

        Vovworld-ប្រព្រឹត្តទៅចាប់ពីថ្ងៃទី១៨ដល់២៤វិច្ឆិកា សប្ដាហ៍មហាសាមគ្គី​
បណ្ដា​ជនជាតិ-បេតិកភ័ណ្ឌវប្បធម៍វៀតណាមរួមមានសកម្មភាពវប្បធម៍ដ៏មាន​អត្ថន័យជាច្រើនដូចជាពិព័ណបេតិកភ័ណ្ឌវប្បធម៍ខ្លែងប្រពៃណីវៀតណាម កម្មវិធី​តូតន្ត្រីរបាំប្រជាប្រិយជាដើម។

       ចាប់ផ្ដើមឲ្យសប្ដាហ៍មហាសាមគ្គីបណ្ដាជនជាតិ-បេតិកភ័ណ្ឌវប្បធម៍វៀត​ណាម​
គឺជំរុំស្នាដៃចម្លាក់ Tay Nguyen ជាមួយការចូលរួមរបស់សិប្បករចំនួន៤៩​នាក់​​មកពី
បណ្ដាជនជាតិដំបន់ Tay Nguyen។ បណ្ដាបាតដៃប៉ិនប្រសបរបស់​សប្បករជនជាតិ
Xo Dang, Ba Na, Jrai, Gie Trieng, Brau, Ro Mam ជាដើមបាន​បង្ហាញស្នាដៃរូបចម្លាក់
Tay Nguyen ចំនួន១៨០វណ្ណកម្មក្នុងវិស័យវប្បធម៍សិល្បៈជីវភាព​រស់នៅជំនឿដូចជា
រូបចម្លាក់ព្រឹទ្ធាចារ្ស រូបចម្លាក់នារីបុកអង្ករត្បាញក្រណាត់​ជា​ដើម។ លោក Phan Van
Hoang ប្រធានការិយាល័យឯកទេសវប្បធម៍មន្ទីវប្បធម៍​កីឡានិងទេសចរណ៍ខេត្ត Kon
Tum បានឲ្យដឹងថា ជំរុំស្នាដៃចម្លាក់ Tay Nguyen ជាការកត់សម្គាល់សិល្បៈចម្លាក់ឈើ
ប្រជាប្រិយរបស់ជនជាតិភាគតិចខេត្ត Kon Tum និយាយដោយឡែក Tay Nguyen
និយាយរួម ទន្ទឹមនឹងនោះក៏ជាការកត់​សម្គាល់អំពីការអភិរក្សនិងពង្រីកភាពស្អាត
របស់វប្បធម៍ប្រពៃណីនៃបណ្ដាជនជាតិនៅទីនេះ។

         “ឥឡូវនេះគឺរក្សាការពារព្រៃដូច្នេះជនរួមជាតិបណ្ដាជនជាតិ Tay Nguyen ជំនួស
ពី​នោះដោយដើមឈើឧស្សាហកម្មនិងរក្សាទំនៀមទំលាប់នោះមិនឲ្យសាបសូន្យ​បាត់
ទៅ។ រូបចម្លាក់ឈើរបស់បណ្ដាជនជាតិ Kon Tum និយាយដោយឡែកនិង Tay Nguyen និយាយរួមផ្សាភ្ជាប់នឹងជីវភាពរស់នៅប្រចាំថ្ងៃរបស់ជនរួមជាតិជា​ជនជាតិភាគតិច។”

ការប្រណាំងគោ Bay Nui An Giang នៅសប្ដាហ៍មហាសាមគ្គីបណ្ដាជនជាតិ-បេតិកភ័ណ្ឌវប្បធម៍វៀតណាម។ (VOV)

        ជនរួមជាតិបណ្ដាជនជាតិនៅដំបន់ខុសពីគ្នាបាននាំមកឲ្យទិវាបុណ្យមហា​សាមគ្គី រាល់តំលៃវប្បធម៍ពិសេសដោយឡែករបស់ខ្លួន។ ពិធីបុណ្យ Nang Hai បួងសួងសុំភ្លៀង សុំសេចក្តីសុខសុភមង្គលបានឆ្លុះបញ្ជាងនូវជំនឿប្រជាប្រិយរបស់ជនជាតិ Tay នៅខេត្ត
Cao Bang។ ពិធីបុណ្យ Cam Muong ជាមួយល្បែងប្រជាប្រិយដ៏​វិសេសវិសាលរបស់ជន
ជាតិ Lu នៅខេត្ត Lai Chau។ បុណ្យតេត Xip Xi បាន​បង្ហាញនូវសេចក្តីស្នេហាស្រុក
កំណើតរក្សាអត្តសញ្ញាណជនជាតិខ្លួននិងដឹងគុណ​អ្នកត្រួតត្រាយបង្កើតភូមិកររបស់
ជនជាតិ Thai ដំបន់ពាយ័ព្យ។ បងស្រី Vang Thi Mai ជនជាតិ H’Mong នៅស្រុក Quang Ba
ខេត្ត Ha Giang បានចេករំលែកថា៖

        “ចូលរួមបណ្ដាពិធីបុណ្យធំៗដូច្នេះខ្ញុំមានអារម្មណ៍ថានៅតំបន់គ្រប់ទិសទីលើទូទាំង
ប្រទេសនិងជនជាតិភាតរៈទាំង៥៤សុទ្ធតែបានរៀនសូត្របទពិសោធន៍គ្នាទៅវិញទៅមក
ក្នុងដំបូលផ្ទះរួម។​ យើងខ្ញុំបាននាំយកមកជាមួយរាល់អត្តសញ្ញាណវប្បធម៍​វិសេស​វិសាល
ជូនដល់បណ្ដាដំបន់។ បណ្ដាមហាពិធីនេះគប្បីបានរៀបចំជាប្រចាំដើម្បីប​ណ្ដាជនជាតិ
នៅទូទាំងប្រទេសបានចូលរួមជាច្រើនថែមទៀត។”

        ក្នុងចំណោមបណ្ដាពិធីបុណ្យបានរៀបចំនៅទីនេះ ពិធីបុណ្យជាច្រើនបាន​ប្រព្រឹត្ត ទៅជាប្រចាំនៅសហគមន៍បណ្ដាជនជាតិភាគតិច ប៉ុន្តែក៏មានពិធីបុណ្យ​ជា​ច្រើនត្រូវបាត់ សាបសូន្យបាត់ទៅហើយនិងត្រូវបានស្ដាឡើងវិញនាពេលជិតៗនេះ។ នេះអាច​ចាត់ទុក ជាឱកាសដើម្បីជនជាច្រើននាក់ស្គាល់ដល់រាល់ទំនៀមទំលាប់ប្រពៃណីពោពេញទៅ
ដោយអត្តសញ្ញាណនិងក៏ជាឱកាសដើម្បីកំលាំងរស់របស់ពិធី​បុណ្យទំនៀមទំលាប់ ពង្រីកយ៉ាងខ្លាំងក្លាជាងទៀត។ លោក Lam Van Khang អនុប្រធាន​គណៈកម្មាធិការ គ្រប់គ្រងភូមិវប្បធម៍-ទេសចរណ៍បណ្ដាជន​ជាតិ​វៀត​ណាម ប្រធានគណៈចាត់តាំង ព្រឹត្តិការណ៍បានឲ្យដឹងថា៖

        “យើងខ្ញុំវាយតំលៃគឺបណ្ដាសកម្មភាពបានប្រព្រឹត្តទៅត្រូវតាមផែនការនិង​ជោគ
ជ័យ។ ព្រឹត្តិការណ៍មួយចំនួនអាចនិយាយបានថាទទួលបានជោគជ័យ​ដូច​ជា​ការ
រៀបចំឡើងវិញផ្សារបណ្ដែតទឹក Nam Bo ការប្រណាំងគោ Bay Nui An Giang។ ផ្សារ
បណ្តែតទឹក Nam Bo ក្នុងថ្ងៃដំបូងទំនិញទាំងអស់នៅផ្សារ​បានលក់​អស់។ ការប្រណាំង
គោ Bay Nui មានទស្សនិកជនជាង១ម៉ឺននាក់ចូលរួម។”

        សប្ដាហ៍មហាសាមគ្គីបណ្ដាជនជាតិ-បេតិកភ័ណ្ឌវប្បធម៍វៀតណាម ជា​ព្រឹត្តិការណ៍ ត្រូវបានរៀបចំប្រចាំឆ្នាំ សំដៅរួមចំណែកលើកដម្កើងស្មារតីមហា​សាមគ្គីភាពផ្សព្វផ្សាយ ទឹកដីនិងមនុស្សវៀតណាម ជាមួយភាពពហុបែប​អត្តសញ្ញាណវប្បធម៍របស់ជនជាតិ ភាតរៈទាំង៥៤ចំពោះមិត្តភក្តិអន្តរជាតិ។ អាច​បាន​ឃើញថា​ តាមរយៈការរៀបចំឡើងវិញ សកម្មភាពពិធីបុណ្យដ៏វិសេសវិសាល​របស់ដំបន់នានា ការចូលរួមយ៉ាងច្រើនកុះកររបស់ ជនរួមជាតិនិងភ្ញៀវទេសចរណ៍​ក្នុងប្រទេសបាននិងកំពុងរួមចំណែកសកម្មទៅក្នុងការ អភិរក្សនិងពង្រីករាល់តំលៃបេតិកភ័ណ្ឌវប្បធម៍វៀតណាម៕