សារមន្ទីបាល់ទាត់វិសេសវិសាលរបស់អតីតកីឡាករបាល់ទាត់ឆ្នើម Ha Bon (Image: vietnamnet.vn)

(VOVworld) – ទោះបីជាមានអាយុ ៨០ ឆ្នាំទៅហើយក្តី ប៉ុន្តែ អតីតកីឡាករបាល់ទាត់
ល្បីឈ្មោះ Ha Bon នៅសង្វាតស្វែងរកវត្ថុអនុស្សាវរីយ៍របស់កីឡាទាត់បាល់វៀតណាម
និង ពិភពលោក។ ក្នុងផ្ទះតូចលើវិថី Nui Truc​ នៅទីក្រុងហាណូយ ដែលមនុស្សម្នា
តែងតែហៅ ថា «សារមន្ទីបាល់ទាត់» វត្ថុអនុស្សាវរីយ៍កម្រវិសេសវិសាលរាប់រយគ្រឿង
អំពីប្រវត្តិសាស្ត្រនៃកីឡាបាល់ទាត់របស់វៀតណាមនិងពិភពលោកត្រូវបានលោក
Ha Bon រក្សាដ៏ផ្ចិតផ្ចង់។ ប្រសិនបើ មានឱកាសទៅទស្សនានៅ «សារមន្ទីបាល់ទាត់»
 លោកអ្នកនាងនឹងឃើញនូវ សេចក្តីស្រឡាញ់កីឡាបាល់ទាត់របស់លោក Ha Bon។

        ផ្ទះតូចរបស់អតីតកីឡាករឆ្នើម Ha Bon ដែលមានផ្ទីដី ៤០ ម៉ែត្រក្រឡាតែ
ប៉ុណ្ណោះ​ ជានិច្ចកាលមានភ្ញៀវទៅទស្សនាជាច្រើនកុះករ។ ភាគច្រើនគឺអតីត
កីឡាករបាល់ទាត់ កីឡាករបាល់ទាត់ ឬ អ្នកស្រឡាញ់ប្រភេទកីឡានេះ។ ស្គាល់ដល់
លោក Ha Bon គឺជាអ្នកចូលចិត្តប្រមូលវត្ថុអនុស្សវរីយ៍បាល់ទាត់ មនុស្សជាច្រើន
នាក់បាន ប្រគល់ជូនលោកវត្ថុអនុស្សាវរីយ៍របស់ខ្លួន។ លោក Dang Van Phuong
ប្រធានក្លឹបបាល់ទាត់ Honda វៀតណាម បានឲ្យដឹងថា៖  

        «មកដល់ផ្ទះរបស់លោក Bon ខ្ញុំមានឱកាសគយគន់សារៈមន្ទីរបស់គាត់
បន្ទាប់នោះគឺឃើញជាក់នឹងភ្នែកវត្ថុអនុស្សាវរីយ៍ដែលមិនងាយប្រមូលទេ។ ខ្ញុំ
មានអាវប្រកួតមួយសំរាប់ ដែលត្រូវបានរក្សានៅទីនេះដើម្បីជំនាន់ក្រោយៗ
ដឹងថា៖ នៅសារមន្ទីរបស់លោក Ha Bon មានវត្ថុអនុស្សាវរីយ៍មួយនៃការ
ប្រកួតរង្វាន់កីឡាបាល់ទាត់រវាងវៀតណាមនិងជប៉ុន ឆ្នាំ ១៩៩៩»។

        មិនត្រឹមតែមានបណ្ដាវត្ថុអនុស្សវរីយ៍នៃខឿនកីឡាបាល់ទាត់វៀតណាម
ប៉ុណ្ណោះទេ ថែមទាំង មានការចុះហត្ថលេខានិងអាវក្រកួតរបស់កីឡាករបាល់
ទាត់ល្បីឈ្មោះលើពិភព លោកដូចជា៖ Ronaldo Ronaldinho Petr Cech និង
Oliver Kahn ទៀតផង។ លោកនៅ ប្រមូលបានស្បែកជើងមួយគូរបស់តារា
បាល់ទាត់ David Bechkham រូបថតរួមមានការ ចុះហត្ថលេខារបស់អ្នកចាំទី
អាល្លឺម៉ង់ល្បីល្បាញ  Schumacher និងរូបថតនៃក្រុមកីឡាករ បាល់ទាត់អាល្លឺម៉ង់
ដែលដណ្តើមបានថ្នាក់ជើងឯកក្នុងការប្រកួតបាល់ទាត់ពិភពលោកឆ្នាំ ១៩៩០
 រួមជាមួយការចុះហត្ថលេខារបស់សមាជិកក្រុមទាំងអស់។ គឺជាអ្នកចាំទីមូយរូប
លោក Ha Bon ត្រូវបានប្រគល់ជូនស្រោមដៃនិងបាល់ជាច្រើន។ វត្ថុអនុស្សាវរីយ៍
ទាំងឡាយសុទ្ធតែត្រូវបានលោករៀបចំមានសណ្តាប់ធ្នាប់និងរស់រវើក។ បញ្ចប់
ការប្រកួតបាល់ទាត់និមួយៗ មនុស្សម្នាតែងតែយកចិត្តទុកដាក់ដល់លទ្ធផល ឬ
 កីឡាករ រីឯចំពោះ លោក Ha Bon បាល់និមួយៗនឹករលឹកអំពីអនុស្សាវរីយ៍មិន
អាចបំភ្លេចបានឡើយ។

        «បាល់ចំនួន ៣ គ្រាប់របស់ក្រុមកីឡាបាល់ទាត់ Binh Duong ក្នុងការប្រកួត
ពាន់រង្វាន់ជើងឯកត្រូវបានគ្រូបង្វឹក Le Thuy Hai ប្រគល់ជូនខ្ញុំ។ នៅខាងនោះ
គឺបណ្ដា បាល់នៃក្រុមកីឡាការិនីបាល់ទាត់វៀតណាមក្នុងបណ្ដាការប្រកួតគីឡា
Seagames។ ក្រុម កីឡាបាល់ទាត់ប្រុសដែលដណ្តើមបានមេដៃសម្រិតឬមេដៃប្រាក់
សុទ្ធតែមានការចុះហត្ថលេខាក្នុងសារមន្ទីរបស់ខ្ញុំដែរ។ នេះគឺជាបាល់របស់កីឡាករ
 Cong Vinh ដែលគាត់វាយក្បាលចូលទីក្នុងការប្រកួតជាមួយក្រុមបាល់ទាត់ថៃ
ហើយនាំមកនូវជ័យជំនះជើងឯងជាលើកដំបូងសំរាប់ក្រុមកីឡាវៀតណាម។ ខ្ញុំមាន
បាល់ចំនួន ១០០ គ្រាប់ទាំងអស់។  តាំងពីពេលយុវវ័យ ខ្ញុំបានមានគំនិតបង្កើត
ឡើងបន្ទប់អនុស្សាវរីយ៍មួយដើម្បីមិត្តភ័ក្តមកទស្សនានិងរំលឹក ឡើងវិញអនុស្សារ
វរីយ៍នាអតីតកាល។»

        ក្នុងអំឡុង ២០ ឆ្នាំកន្លងទៅ លោក Ha Bon បានលៃទុកវេលាជារៀលរាល់
ថ្ងៃដើម្បី ថែទាំសារមន្ទី។ លោកចាត់ទុកខ្លួនជាអ្នកមានសំណាងដែលត្រូវបាន
មនុស្សជាច្រើន ប្រគល់វត្ថុអនុស្សាវរីយ៍។ ទន្ទឹមនឹងនោះ លោក Ha Bon ទទួល
បានការគាំទ្រនិងការលើកទឹក​ ចិត្តដ៏ធំធេងរបស់ប្រពន្ធក្នុងការប្រមូលវត្ថុ
អនុស្សាវរីយ៍បាល់ទាត់ផងដែរ។ លោកស្រី Nguyen Thi Huyen ប្រពន្ធរបស់លោក
 Ha Bon បានចែករំលែកថា៖

        «នាគ្រាដំបូង ខ្ញុំបានគិតថា៖ ប្តីខ្ញុំបង្កើតឡើងសារមន្ទីនៅជាន់ទី ៣ តែ
ប៉ុណ្ណោះ ហើយ មានវត្ថុអនុស្សាវរីយ៍ច្រើនណាស់ ដោយហេតុនេះ យើងខ្ញុំបាន
ដាក់តាំងនៅបន្ទប់ភ្ញៀវ។ ក្នុងពេលបន្ទប់ភ្ញៀវពេញណែនយើងខ្ញុំដាក់នៅផ្ទះ
បាយ។ ខ្ញុំមិនប្រឆាំងចំណូលចិត្តរបស់ប្តីទេ។ ដោយសារ ខ្ញុំបណ្តែតបណ្តោយឲ្យ
គាត់ធ្វើពីតាមចិត្តដែរ។ ប្រសិនបើមានប្រាក់គ្រប់ គ្រាន ខ្ញុំនឹងកសាងជាន់
មួយទៀតដើម្បីបង្ហាញវត្ថុអនុស្សាវរីយ៍ទាំងអស់របស់សាមី។»

សុបិនរបស់អតីតអ្នកចាំទីឆ្នើម Ha Bon គឺវៀតណាមនឹងកសាងសារមន្ទីបាល់
ទាត់មួយ ហើយលោកនឹងប្រគល់ជូនបណ្ដាវត្ថុអនុស្សាវរីយ៍របស់ខ្លួនសំរាប់
សារមន្ទីនេះ។ អស់មួយ ជីវិតតភ្ជាប់ជាមួយកីឡាបាល់ទាត់ លោក Ha Bon
ជានិច្ចកាលមោទនភាពអំពីបណ្ដាវត្ថុ អនុស្សវរីយ៍ដែលកត់សំគាល់ប្រវត្តិសាស្ត្រ
របស់ខ្លួន។ ចំពោះលោក វត្ថុអនុស្សាវរីយ៍នេះ គឺថ្លៃថ្លាណាស់៕