វៀតណាមមានផែនការបើកជើងហោះហើរអន្តរជាតិដឹកអ្នកដំណើរឡើងវិញ

លើសពីនេះទៀត យើងខ្ញុំក៏ទទួលបានកាតប៉ុស្តាល់ជាច្រើនដោយមានពាក្យជូនពររបស់ប្រិយមិត្តនៅក្នុង និងក្រៅប្រទេសក្នុងឱកាសបុណ្យចូលឆ្នាំថ្មីសកល ២០២២ ផងដែរ។ ក្នុងនោះ មិត្តអ្នកស្ដាប់ យ៉ង រស្មីមកពីកម្ពុជាបានឆ្ញើសំបុត្រអប់អរសាទរឆ្នាំថ្មី និងថ្លែងអំណរគុណដល់កម្មវិធីភាសាខ្មែរ ដោយមានខ្លឹមសារព័ត៌មានគួរឲ្យទាក់ទាញ ដែលបានផ្សាយពេញមួយឆ្នាំកន្លងទៅ។ ចំណែកមិត្តអ្នកស្ដាប់ ឡាយ ទ្រីនទូ មកពីរាជធានីភ្នំពេញបានថ្លែងអំណរគុណដល់កម្មវិធី ដែលបាន ផ្ញើអំណោយចូលឆ្នាំថ្មី។ តាមរយៈអ៊ីមែល ដែលបានផ្ញើមកកាន់កម្មវិធី មិត្តអ្នកស្ដាប់មាសស្រីពៅ បានចែករំលែកថា“ នៅឆ្នាំ ២០២២ ខ្ញុំសង្ឃឹមថាវិទ្យុសម្លេងវៀតណាមនឹងបន្តផ្សាយអត្ថបទសរសរដ៏សំបូរបែប និងស៊ីជម្រៅជាច្រើន ដើម្បីផ្សាយសម្លេងវៀតណាមឲ្យកាន់តែវែងឆ្ងាយថែមទៀត ព្រមទាំងផ្សព្វផ្សាយយ៉ាងខ្លាំងក្លាថែមទៀត អំពីទឹកដី និងមនុស្សវៀតណាមជាមួយប្រិយមិត្ត និងមិត្តភក្តិនៅទ្វីពទាំង ៥ ផងដែរ។

សូមអរគុណចំពោះរាល់មតិយោបល់របស់ប្រិយមិត្ត។ ក្នុងនាមជាទីភ្នាក់ងារសារព័ត៌មានឈានមុខគេរបស់ប្រទេសជាតិនោះ ដោយមានសារព័ត៌មានគ្រប់ប្រភេទរបស់ប្រទេសជាតិ ដូចជា ការសែត ការផ្សាយសម្លេង ទូរទស្សន៍ កាសែតបោះពុម្ព និងកាសែតអេឡិចត្រូនិក។ ទន្ទឹមនឹងការផ្សាយសម្លេងជាភាសាជនជាតិភាគតិចចំនួន ១៣ និងភាសាបរទេសចំនួន ១៣ នោះ វិទ្យុសម្លេងវៀតណាមតែងតែខិតខំប្រឹងប្រែងធ្វើជាស្ពានតភ្ជាប់ទំនុកទុកចិត្ត សេចក្ដីស្រឡាញ់ ប្រកបដោយនិរន្តរភាព ដោយតភ្ជាប់ប្រទេសជាតិ ជាមួយជនរួមជាតិ ដែលរស់នៅឆ្ងាយពីស្រុកកំណើត តភ្ចាប់វៀតណាមជាមួយពិភពលោក ដើម្បីពិភពលោកមួយប្រកបដោយសុខសន្តិភាព មិត្តភាពកិច្ចសហប្រតិបត្តិការ និងអភិវឌ្ឍន៍ ដើម្បីប្រទេសវៀតណាមមួយ ប្រជាជនសម្បូរធូធារ ប្រទេសជាតិខ្លាំងមាំមួន ប្រជាធិបតេយ្យ សមភាព និងអរិយធម៌។ ក្នុងឱកាស ឆ្នាំថ្មី តាងនាមកម្មាភិបាល អ្នកយកព័ត៌មាន អ្នកនិពន្ធ និងអ្នកបច្ចេកទេសនៃវិទ្យុសម្លេងវៀតណាម សូមជូនពរមិត្តអ្នកស្ដាប់ ក្នុងឆ្នាំថ្មីនេះ មានសុខភាពល្អបរិបូរ វិបុលភាព និងសុភមង្គល។

តទៅនេះ យើងខ្ញុំនឹងធ្វើការចែករំលែកខ្លឹមសារនៃសំបុត្ររបស់មិត្តអ្នកស្ដាប់ ដែលបានផ្ញើមកកម្មវិធីក្នុងសប្ដាហ៍កន្លងទៅ។ ក្នុងនោះមិត្តអ្នកស្តាប់ តឿង សុខឃាង មកពីរាជធានីភ្នំពេញ កម្ពុជា បានផ្ញើសំបុត្រដោយចែករំលែកក្ដីសប្បាយរីយរាយ ចំពោះព័ត៌មាន ដែលថាវៀតណាម មានផែនការបើកជើងហោះហើរពាណិជ្ជកម្មអន្តរជាតិចាប់ពីថ្ងៃទី ១ មករា ឆ្នាំ២០២១៖ “សកម្មភាពនេះនឹងជំរុញខ្លាំងដំណើរការស្ដារសេដ្ឋកិច្ច ទេសចរណ៍ឡើងវិញ ព្រមទាំងជួយបង្អូប្អូនជនរួមជាតិវៀតណាមវិលត្រឡប់មកស្រុកកំណើតក្នុងឱកាសបុណ្យចូលឆ្នាំថ្មីប្រពៃណីជាតិ ឆ្នាំ ២០២២ ខាងមុខផងដែរ”។

មិត្តទឿង សុខឃាង និងមិត្តភក្តិជាទីគោរព ខុទ្ធកាល័យ រដ្ឋាភិបាល ទើបតែបានចេញផ្សាយមតិយោបល់របស់ឧបនាយករដ្ឋមន្ត្រីអចិន្ត្រៃយ៍ លោក Pham Binh Minh ទាក់ទងនឹងការបើកជើងហោះហើរអន្តរជាតិឡើងវិញ។ ដូច្នេះហើយ ឧបនាយករដ្ឋមន្ត្រីអចិន្ត្រៃយ៍ លោក Pham Binh Minh បានយល់ព្រមចំពោះផែនការបើកជើងហោះហើរអន្តរជាតិដឹកអ្នកដំណើរឡើងវិញ ចំពោះប្រទេស ដែលមានអត្រាសុវត្ថិភាពខ្ពស់ ដូចជា ទីក្រុងប៉េកាំង/ក្វាងចូវ (ចិន), តូក្យូ (ជប៉ុន), សេអ៊ូល (កូរ៉េខាងត្បូង), តៃប៉ិ (តៃវ៉ាន់ - ចិន), បាងកក (ថៃ), សិង្ហបុរី, វៀងចន្ទន៍ (ឡាវ), ភ្នំពេញ (កម្ពុជា), សាន់ហ្វ្រាន់ស៊ីស្កូ/ឡូសអេនជឺលេស (សហរដ្ឋអាមេរិក) ដោយគោរពតាមការណែនាំរបស់ក្រសួងសុខាភិបាល ស្តីពីវិធានការប្រយុទ្ធប្រឆាំងជំងឺរាតត្បាតកូវីដ ១៩ ចាប់ពីថ្ងៃទី ១ ខែមករា ឆ្នាំ ២០២២ ផងដែរ។

សេវាកម្មទេសចរណ៍ស៊ីក្លូនៅទីក្រុងហ្វេ

ជាបន្តទៅនេះ សូមអញ្ជើញប្រិយមិត្តស្វែង  យល់អំពីសេវាកម្មទេសចរណ៍នៅវៀតណាម នោះគឺស៊ីក្លូនៅទីក្រុងហ្វេ។ នេះគឺជាសេវាកម្មទេសចរណ៍ដែលមិត្តអ្នកស្ដាប់ ធឿន រត្តនា មកពីកម្ពុជា មានបំណងចង់ស្វែងយល់ផងដែរ។ មិត្តអ្នកស្ដាប់ ធឿនរត្តនា និង លោកអ្នកនាងជាទីមេត្រី នៅពេល ភ្ញៀវទេសចរអញ្ជើញមកដល់ទីក្រុងហ្វេហើយ ធ្វើដំណើរទៅទស្សនាទីក្រុងបុរាណដោយមធ្យោបាយស៊ីក្លូ គឺជាចំណូលចិត្តដ៏សាមញ្ញ តែងតែនាំមកនូវចំណាប់អារម្មណ៍ដ៏រំភើបសប្បាយ ដែលមិនអាចពណ៌នាបានឡើយ។ ធ្វើដំណើរដោយស៊ីក្លូ នៅកណ្តាលវិថី ស្ងាត់ជ្រងុំ ដែលពោរពេញទៅដោយភាពបុរាណកាលនៃទីក្រុងហ្វេ ពេលណាក៏រមែងនាំមកនូវអារម្មណ៍អណ្តែតអណ្តូងផងដែរ។ ប្រសិនបើមិនជឿទេ លោកអ្នកអាចសាកល្បងអង្គុយលើស៊ីក្លូ ផ្អែកខ្នងលើពូកដ៏ស្រទន់ ហើយសាកធ្វើដំណើរកម្សាន្តជុំវិញទីក្រុងហ្វេ នឹងទទួលបានអារម្មណ៍ដ៏ប្លែកអស្ចារ្យ។ ធ្វើដំណើរដោយស៊ីក្លូតាមដងវិថីទីក្រុងហ្វេ ទោះបីភ្ញៀវទេសចរថ្មី ឬធ្លាប់ស្គាល់តាំងពីយូរ ក៏មានអារម្មណ៍ដូចជាទើបវិលត្រឡប់មកដល់ស្រុកកំណើត វិលត្រឡប់មកជាមួយនឹងក្រុងហ្វេជាទីស្រឡាញ់ និងជិតស្និទ្ធិ។ ក្នុងរដូវរងារធ្វើដំណើរដោយស៊ីក្លូនៅទីក្រុងហ្វេ ក៏មានចំណាប់អារម្មណ៍ដោយឡែកផងដែរ។ ។ នាបច្ចុប្បន្ននេះ នៅទីក្រុងហ្វេ មានស៊ីក្លូច្រើនណាស់ ហើយគេក៏បង្កើតក្រុមអ្នកធាក់ស៊ីក្លូ ដើម្បីបម្រើភ្ញៀវទេសចរយ៉ាងជំនាញទៀតផង។

មិត្តអ្នកស្តាប់ជាទីមេត្រី! នាទីប្រអប់សំបុត្ររបស់យើងខ្ញុំសូមបញ្ចប់នៅត្រឹមនេះ។ រាល់សំបុត្រ មតិ ឬសំណួររបស់អស់លោកអ្នក សូមផ្ញើរមកកាន់អាស័យដ្ឋាន៖ កម្មវិធីផ្សាយជាភាសាខ្មែរ វិទ្យុសម្លេងវៀតណាម លេខ ៤៥ វិថី Ba Trieu រដ្ឋធានីហាណូយ ឬ Email៖ vov5khmer@gmail.com។ លោកអ្នកនាងអាចទាក់ទងជាមួយយើងខ្ញុំតាមរយៈទំព័រវែបសាយ Www.vovworld.vn ផងដែរ។ នាទីប្រអប់ សំបុត្រមិត្តអ្នកស្ដាប់សូមបញ្ចប់នៅត្រឹមនេះ។ សូមជួបអស់លោក អ្នកនាងនាសប្ដាហ៍ខាងមុខ។ សូមជំរាបលា៕