បឹង Ta Dung

ក្នុងសប្ដាហ៍កន្លងទៅ មិត្តអ្នកស្ដាប់ សាម សាលី មកពីកម្ពុជាបានផ្ញើសំបុត្រមកកាន់កម្មវិធី ដោយបានសម្ដែងចំណាប់អារម្មណ៍ ខណៈពេលដែល ស្ពានមាស Da Nang ត្រូវបានបោះឆ្នោតជ្រើសតាំងជា អច្ឆរិយៈវត្ថុថ្មីៗរបស់ពិភពលោក។ មិត្តមានបំណងចង់ស្វែងយល់បន្ថែមអំពីព្រឹត្តិការណ៍នេះ។ លោកអ្នកនាងជាទីមេត្រី។ សារព័ត៌មាន Daily Mail (ចក្រភពអង់គ្លេស) ទើបបានប្រកាសអំពីអច្ឆរិយៈវត្ថិថ្មីៗទាំង ១០ របស់ពិភពលោកយោងទៅតាមការបោះឆ្នោតជ្រើសរើសរបស់យុវជនជំនាន់ក្រោយ (កើតពីឆ្នាំ ១៩៨២ ដល់ ២០០០) ដើម្បីជ្រើសរើសអច្ឆរិយៈវត្ថុថ្មីៗរបស់ពិភពលោក។ ជាប់ចំណាត់ថ្នាក់លេខ ១ ក្នុងបញ្ជីរបស់កាសែត Daily Mail គឺជា ស្ពានមាស (Golden Bridge) ដែលជាសំណង់ស្ថាបត្យកម្ម របស់សម្ព័ន្ធក្រុមហ៊ុន  Sun Group នៅមណ្ឌលទេសចរណ៍ Ba Na ដែលបានដាក់ឲ្យដំណើរការនៅឆ្នាំ ២០១៨។ Daily Mail បានពិពណ៌នាថាស្ពានមាសបានប្រៀបប្រដូចជាបាតដៃយក្ស ដែលកំពុងទ្រទ្រង់ផ្លូវថ្នល់ ដែលមានប្រវែង ១៥០ ម៉ែត្រ សម្រាប់អ្នកដើរថ្នើរជើង ដោយបែរមុខទៅទីក្រុងសម្រាកលំហែកាយឆ្នេរសមុទ្រ Da Nang ផងដែរ។

ក្នុងសប្តាហ៍កន្លងទៅ យើងខ្ញុំក៏ទទួលបានមតិយោបល់របស់មិត្តអ្នកស្ដាប់ជាច្រើននាក់ ក្នុងនោះមានការចែករំលែកគួរឲ្យចាប់អារម្មណ៍របស់មិត្តអ្នកស្ដាប់សុខដារ៉េត។ ក្នុងសំបត្រដែលបានផ្ញើមកកាន់កម្មវិធី មិត្តអ្នកស្ដាប់បានសរសេរថា“ តាមរយៈប្រព័ន្ធផ្សព្វផ្សាយសាធារណៈ ខ្ញុំបានដឹងថាទីក្រុងហូជីមិញទើបបានដាក់ឱ្យដំណើរការម៉ាស៊ីន  ATM“ ទទួលនិងប្រគល់ឯកសារដោយស្វ័យប្រវត្តិ ២៤/៧” ។ ប៉ុន្តែខ្ញុំមិនដឹងច្បាស់ថាឧបករណ៍នេះដំណើរការយ៉ាងម៉េចទេ តើវាដំណើរការយ៉ាងលឿននិងងាយស្រួលដែរឬទេ? " មិត្តអ្នកស្ដាប់សុខដារ៉េតនិងប្រិយមិត្តជាទីមេត្រី នាពេលថ្មីៗនេះទីក្រុងហូជីមិញទើបបានដាក់ឱ្យដំណើរការម៉ាស៊ីន“ ទទួល និងប្រគល់ឯកសារដោយស្វ័យប្រវត្តិ២៤/៧” ដើម្បីជួយសម្រួល់ដល់ប្រជាជនក្នុងការដោះស្រាយបែបបទរដ្ឋបាល សន្សំសម្ចៃពេលវេលា ទឹកប្រាក់ និងកម្លាំង។ ម៉ាស៊ីននេះត្រូវបានរចនាឡើងស្រដៀងនឹងម៉ាស៊ីន ATM ដកប្រាក់របស់ធនាគារ ដោយមានកម្មវិធីផ្នែកទន់ដាច់ដោយឡែក ដើម្បីបម្រើប្រជាជន ក្នុងការទទួល និងប្រគល់ឯកសាររដ្ឋបាល។ ម៉ាស៊ីននេះមានអេក្រង់ធំមួយដែលបង្ហាញពីបែបបទរដ្ឋបាល កន្លែងទុកដាក់ឯកសារ កន្លែងទទួលថ្ងៃសេវាកម្ម កន្លែងទទួលនិងប្រគល់ឯកសារផងដែរ។

បឹង Ta Dung

ជាបន្តទៅនេះ សូមអញ្ជើញប្រិយមិត្តទៅទស្សនាគោលដៅមួយនៅវៀតណាម នោះគឺ បឹង Ta Dung ចំណុះឃុំ Dak Plao និង Dak Som ស្រុក Dak Glong ខេត្ត Dak Nong។ នេះក៏ជាគោលដៅដែលមិត្តអ្នកស្ដាប់ គីមសែនសុខ មកពីកម្ពុជាមានបំណងចង់ស្វែងយល់ផងដែរ។ មិត្តអ្នកស្ដាប់ជាទីមេត្រី។ ក្នុងការធ្វើដំណើរទៅស្វែងយល់នៅតំបន់ Tay Nguyen ខាងត្បូង អញ្ជើញមកដល់ខេត្ត Dak Nong ទៅដល់បឹង Ta Dung ដែលជាទីកន្លែងកំពុងបានភ្ញៀវទេសចរស្រឡាញ់ចូលចិត្ត ដោយសារទេសភាពធំមហិមា ដែលនៅរក្សាបានលក្ខណៈរហោស្ថាន។ បឹង Ta Dung នៅចំណុះឃុំ Dak Plao និង Dak Som ស្រុក Dak Glong  ខេត្ត Dak Nong (ដែលមានចម្ងាយពីទីក្រុង Gia Nghia ខេត្ត Dak Nong  ៤៨គីឡូម៉ែត្រ) ជាបឹងទឹកសាបដែលមានផ្ទៃទឹកប្រហែល ២២.១០៣ ហិកតា។ ក្នុងដំណើរការសាងសង់ទំនប់វារីអគ្គិសនី Dong Nai  ទី៣ គេបានរាំងទប់ខ្សែទឹកហូរនៃដៃទន្លេ Dong Nai ដើម្បីបង្កើតបឹង Ta Dung ដ៏ធំមហិមា និងអស្ចារ្យ។ បឹងនេះមានជម្រៅជាមធ្យមលើលពី ២០ ម៉ែត្រ ហើយក្នុងបឹងមានកោះតូចធំរាប់ពាន់ ដើមឈើគ្របដណ្តប់យ៉ាងខៀវស្រងាត់។ ផ្តើមពីទេសភាពនោះ មនុស្សគ្រប់គ្នានៅប្រៀបប្រដូចបឹង Ta Dung ដូចជាឈូងសមុទ្រ Ha Long បម្រួញតូច ស្ថិតនៅលើតំបន់ខ្ពង់រាប។ ភ្ញៀវទេសចរតែងតែធ្វើដំណើរទៅកាន់បឹង Ta Dung នៅអំឡុងពេលខែវិច្ឆិកាឆ្នាំមុន រហូតដល់ខែមករា ខែកុម្ភៈ ឆ្នាំក្រោយ។ នៅចុងរដូវវស្សា ទឹកបឹងឡើងខ្ពស់ ដើមឈើនៅលើកោះរីយលូតលាស់យ់ាងខៀវស្រងាត់ ធ្វើឱ្យបឹង Ta Dung ដូចជាផ្ទាំងគំនូរធម្មជាតិរហោស្ថាននៅទឹកដីមនោរម្យផងដែរ។

មិត្តអ្នកស្តាប់ជាទីមេត្រី! នាទីប្រអប់សំបុត្ររបស់យើងខ្ញុំសូមបញ្ចប់នៅត្រឹមនេះ។ រាល់សំបុត្រ មតិ ឬសំណួររបស់អស់លោកអ្នក សូមផ្ញើរមកកាន់អាស័យដ្ឋាន៖ ,ផ្សាយជាភាសាខ្មែរ វិទ្យុសម្លេងវៀតណាម លេខ ៤៥ វិថី Ba Trieu រដ្ឋធានីហាណូយ ឬ Email៖ vov5khmer@gmail.com។ លោកអ្នកនាងអាចទាក់ទងជាមួយយើងខ្ញុំតាមរយៈទំព័រវែបសាយ Www.vovworld.vn ផងដែរ។ នាទីប្រអប់ សំបុត្រមិត្តអ្នកស្ដាប់សូមបញ្ចប់នៅត្រឹមនេះ។ សូមជួបអស់លោក អ្នកនាងនាសប្ដាហ៍ខាងមុខ។ សូមជំរាបលា៕