មិត្តអ្នកស្តាប់ជាទីមេត្រី! នាពេលឈប់សំរាកចុងសប្តាហ៍របស់គ្រួសារ យើងនឹងមិនបំភ្លេចកត់ចំណាំនូវគោលដៅទេសចរណ៍ដ៏គួរឱ្យទាក់ទាញបំផុតនៅជំវិញយើង ដើម្បីទទួលបានបទពិសោធន៍ក្នុងជីវិត។ មិត្តអ្នកស្តាប់ គឹម ច័ន្ទធូ (កម្ពុជា) ជាអ្នកចូលចិត្តទទួលបទពិសោធន៍ពីការធ្វើដំណើរកំសាន្តទេសចរណ៍មួយរូប ហើយមិត្តក៏មានបំណងចង់អោយកម្មវិធីណែនាំអំពីគោលដៅទេសចរណ៍មួយរបស់ខេត្ត Kien Giang ដែលមានឈ្មោះថាកោះ Hon Dam Ngang ដែលត្រូវបានគេចាត់ទុកថាជាកោះរហោស្ថានមួយក្នុងចំណោមកោះទាំង ៤ ដែលមានសម្រស់ស្រស់ស្អាតបំផុតនៅវៀតណាម។ តោះយើងរួមគ្នាស្វែងយល់អំពីកោះនេះណា៎!

កោះ Hon Dam Ngang នៅស្រុកកោះ Phu Quoc

លោកអ្នកនាងជាទីរាប់អាន! កោះ Hon Dam Ngang នៅស្រុកកោះ Phu Quoc គឺជាកោះមួយក្នុងចំណោមកោះទាំង៤ ដែលមានសម្រស់ស្រស់ស្អាតបំផុតនៅវៀតណាម ។ នេះត្រូវបានគេចាត់ទុកថាជាកោះដែលមានថ្មប៉ប្រះទឹកផ្កាថ្មជាច្រើនបំផុតនៅកោះ Phu Quoc។ កោះ Hon Dam Ngang ត្រូវបានគេទទួលស្គាល់តាំងពីយូរមកហើយ ហើយនេះក៏ជាកន្លែង ដែលមានប្រព័ន្ធអេកូឡូស៊ីផ្កាថ្មដ៏សម្បូរបែបបំផុតនៅវៀតណាមផងដែរ ។ ជាមួយនឹងប្រព័ន្ធអេកូឡូស៊ីសមុទ្រ និងប្រព័ន្ធផ្កាថ្មមានចម្រុះពណ៌ ភ្ញៀវទេសចរមានឱកាសស្វែងយល់ និងទទួលបទពិសោធន៍អំពីមហាសាគរដ៏ធំល្វឹងល្វើយផងដែរ។ លើសពីនេះទៅទៀត ជាមួយនឹងប្រព័ន្ធអេកូឡូស៊ីសមុទ្រដ៏សម្បូរបែបនេះ ភ្ញៀវទេសចរទៅទស្សនាកោះ Hon Dam Ngang ក៏មានឱកាសទទួលទានគ្រឿងសមុទ្រដ៏ស្រស់ៗជាច្រើនប្រភេទទៀតផង ឬក៏អាចទទួលបទពិសោធន៍ដោយទៅចាប់ខ្យងក្តាម បង្គារ និងស្ទួចត្រីដោយដៃផ្ទាល់របស់ខ្លួនផងដែរ។ ម្ហូបអាហារដែលចម្អិនដោយខ្លួនឯងគឺជាស្នាដៃដ៏អស្ចារ្យសម្រាប់ភ្ញៀវទេសចរ ព្រមទាំងមាអារម្មណ៍យ៉ាងកក់ក្តៅនិងមានអត្ថន័យនៅពេល ដែលទទួលទានម្ហូបអាហារដ៏សាមញ្ញ ប៉ុន្តែពោរពេញទៅដោយភក្តីភាព នៅទីនេះផងដែរ។ អាចនិយាយបានថា Hon Dam Ngang គឺកន្លែងទេសចរណ៍ដ៏ល្អមួយ ហេតុដូច្នេះភ្ញៀវទេសចរអាចរីករាយនឹងរយៈការសម្របខ្លួនទៅក្នុងសមុទ្រ និងធម្មជាតិព្រៃភ្នំគួរឲ្យទាក់ទាញនៅទីនេះ។

ពាក់ព័ន្ធនឹងវិស័យទេចរណ៍ផងដែរ ថ្ងៃនេះកម្មវិធីយើងខ្ញុំក៏សូមណែនាំដល់មិត្តអ្នកស្តាប់ទាំងអស់គ្នាអំពីគោលដៅទេសចរណ៍មួយដែលទាក់ទាញភ្ញៀវទេសចរគ្រប់ពេលដែលលោកអ្នកធ្វើដំណើរកំសាន្តនៅវៀតណាម។ នេះគឺជារមនីយដ្ឋាននានាដ៏ល្បីល្បាញរបស់ខេត្ត Lam Dong ។ តោះយើង! រួមគ្នាស្វែងរកតំបន់នេះណា៎!

ផលិត ផលតម្បាញសូត្រដែលមានគុណភាពខ្ពស់របស់ក្រុង Bao Loc ខេត្ត Lam Dong ត្រូវបាននាំចេញភាគច្រើនទៅកាន់បណ្តាប្រទេសអឺរ៉ុបនិងអាមេរិក

ប្រីយមិត្តជាទីគោរព!  ខេត្ត Lam Dong មានទីតាំងស្ថិតនៅខាងត្បូងនៃតំបន់ Tay Nguyen ដែលជាប់នឹងតំបន់សេដ្ឋកិច្ចសំខាន់ខាងត្បូងនៃប្រទេសវៀតណាម។ ខេត្ត Lam Dong គឺជាប្រភពដើមនៃប្រព័ន្ធទន្លេ Dong Nai ដែលជាទន្លេមួយមានប្រវែងបំផុតនៅប្រទេសវៀតណាម។ ទន្ទឹមនឹងនេះលក្ខណៈអំណោយផលពីធម្មជាតិបានធ្វើឱ្យខេត្ត Lam Dong ក្លាយទៅជាតំបន់មានដំណាំចិញ្ចឹមដង្កូវនាងនិងសូត្រត្បាញធំបំផុតនៅទូទាំងប្រទេសផងដែរ។ ផលិត ផលតម្បាញសូត្រដែលមានគុណភាពខ្ពស់របស់ក្រុង Bao Loc ខេត្ត Lam Dong ត្រូវបាននាំចេញភាគច្រើនទៅកាន់បណ្តាប្រទេសអឺរ៉ុបនិងអាមេរិក ។ ក្រៅពីនេះ ទីក្រុង Da Lat គឺជាគោលដៅទេសចរណ៍ដ៏ល្បីឈ្មោះ មួយ ដែលមិនគួរឱ្យរំលងនៅពេលដែលលោកអ្នកមកលេងកំសាន្តនៅខេត្ត Lam Dong ឡើយពីព្រោះថាអស់រយៈពេលជាយូរមកហើយ ទីនេះបានទាក់ទាញភ្ញៀវទេសចរជាច្រើនឱ្យមកលេងកំសាន្តនិងសម្រាកលំហែកាយផងដែរ។ ទីក្រុង Da Lat ត្រូវបានគេស្គាល់ថាជា“ ទីក្រុងនៃក្តីសុបិន្ត” ដោយសារតែមានទេសភាពស្រស់ស្អាតនិងមានភូមិគ្រឹះដែលស្ថាបត្យកម្មបែបបារាំងដ៏គួរចាប់អារម្មណ៍ផងដែរ។