ជាក់ស្ដែងមិត្តគីមសំនាងបានផ្ញើសំបុត្រដោយសរសេរថា៖” ខ្ញុំមានអារម្មណ៍ក្រៀមក្រំនិងបារម្ភយ៉ាងខ្លាំងក្លា ខណៈដែលជ្រាប់ព័ត៌មានថា ជំន់ទឹកភ្លៀងអូសបន្លាយក្នុងរយៈពេលវែងកំពុងប៉ះពាល់ដល់ខេត្តនិងក្រុងជាច្រើននៅភាគកណ្តាលប្រទេសវៀតណាម។ ខ្ញុំសូមសម្តែងការអាណិតអាសូរយ៉ាងជ្រាលជ្រៅចំពោះប្រជាជនវៀតណាមចំពោះការបាត់បង់អាយុជីវិត នងរងរបួសរបស់ប្រជាជន ក៏ដូចជាការខូចខាតទ្រព្យសម្បត្តិ ផ្ទះសម្បែង ដោយសារជំនន់ទឹកភ្លៀងបណ្ដាលឡើងនៅតំបន់ភាគកណ្ដាលវៀតណាមផងដែរ”។

សកម្មភាពរៃអង្គាសទឹកប្រាក់ជួយឧបត្ថម្ភប្រជាជន ដែលរងផលប៉ះពាល់ដោយសារជំនន់ទឹកភ្លៀង (រូបថត៖ VGP)

លោកអ្នកនាងជាទីមេត្រី។ ក្នុងរយៈពេលប៉ុន្មានថ្ងៃថ្មីៗនេះ សង្គមទាំងមូលកំពុងឆ្ពោះទៅតំបន់ភាគកណ្ដាលវៀតណាម ។ក្នុងគ្រាដ៏លំបាក ដោយត្រូវប្រឈមនឹងអាកាសធាតុមិនអំណោយផលនោះ បណ្ដាសកម្មភាពចែករំលែក បានជួយលើកកម្ពស់ស្មារតីជាតិ។ ជាមួយនឹងស្មារតីជួយគ្នាទៅវិញទៅមកនោះ ប្រជាជនវៀតណាមទាំងមូល ចាប់ពីស្ថានប័នដឹកនាំ សារព័ត៌មាន ប្រព័ន្ធផ្សព្វផ្សាយ និងប្រជាជនសាមញ្ញ គឺសុទ្ធតែបានឆ្ពោះមកតំបន់ភាគកណ្ដាលវៀតណាម ជាមួយនឹងសកម្មភាពប្រកបដោយមានអត្ថន័យ និងជាក់ស្តែងបំផុត។ នោះគឺជារូបភាពរបស់កម្មាភិបាល យុទ្ធជននគរបាលបានជួយប្រជាជន ក្នុងគ្រាមានភ្លៀងព្យុះ។ នោះគឺជារូបភាពរបស់ថ្នាក់ដឹកនាំបានទៅសាកសួរសុខទុក្ខ និងលើកទឹកចិត្តប្រជាជនក្នុងគ្រាដ៏លំបាក។

ក្នុងសប្តាហ៍កន្លងទៅ យើងខ្ញុំក៏បានទទួលបានមតិយោបល់ជាច្រើនពីសំណាកប្រិយមិត្ត ក្នុងនោះ មានមតិយោបល់គួរឲ្យចាប់អារម្មណ៍របស់មិត្តអ្នកស្ដាប់គីមដារ៉េត មកពីរាជធានីភ្នំពេញ កម្ពុជា។ មិត្តបានសំណេះសំណាលថា៖ “តាមរយៈប្រព័ន្ធផ្សព្វផ្សាយ ខ្ញុំបានដឹងថាដងវិថីមួយចំនួននៅមជ្ឈមណ្ឌលទីក្រុងហូជីមិញត្រូវបានបំពាក់ ស្លាកលេខកូដ QR ដើម្បីប្រជាជនអាចស្វែងយល់អំពីឈ្មោះរបស់ឥស្សរជនប្រវត្តិសាស្ត្រ និងព្រឹត្តិការណ៍ប្រវត្តិសាស្ត្រ។ ខ្ញុំគិតថានេះគឺជាគំនិតផ្ដូចផ្ដើមដ៏ល្អ តើមិត្តអាចចែករំលែកព័ត៌មានបន្ថែមដល់ខ្ញុំបានទេ។ សូមអរគុណ”។

ស្លាក លេខកូដ QR នៅតាមដងវិថី

មិត្តខ្ញុំគឹមដារ៉េត និងមិត្តអ្នកស្ដាប់ជាទីមេត្រី។ កាលពីព្រឹកថ្ងៃទី ១៣ ខែតុលា ដងវិថី នៅមជ្ឈមណ្ឌលទីក្រុងហូជីមិញត្រូវបានបំពាក់ស្លាក លេខកូដ QR ដើម្បីជួយប្រជាជនស្វែងយល់អំពីឥស្សរជនប្រវត្តិសាស្ត្រ និងព្រឹត្តិការណ៍ប្រវត្តិសាស្ត្រ។ ។ លេខកូដ QR ត្រូវបានបំពាក់លើកម្ពស់ជាង ២ ម៉ែត្រដោយបែរមុខទៅដងវិថី។ ប្រជាជនអាច ប្រើប្រាស់ស្មាតហ្វូនស្កេនលេខកូដ ដើម្បីទទួលបានព័ត៌មានអំពីប្រវែងរបស់ផ្លូវ ក៏ដូចជាឥស្សរជន និងព្រឹត្តិការណ៍ ដែលត្រូវបានដាក់ឈ្មោះឲ្យវិថីនេះ។ មន្ទីរវប្បធម៌ កីឡា និងទេសចរណ៍បានផ្ដល់ ព័ត៌មានអំពីជីវប្រវត្តិឈ្មោះផ្លូវ ដល់មន្ទីគមនាគមន៍ និងដឹកជញ្ជូន ដើម្បីធ្វើបច្ចុប្បន្នភាពទៅក្នុងកម្មវិធីគ្រប់គ្រង និងជួសជុលផ្លូវគោក។ ប្រជាជននិងភ្ញៀវទេសចរជាច្រើនបានបង្ហាញចំណាប់អារម្មណ៍នៅពេលដែលទីក្រុងហូជីមិញបានបំពាក់ស្លាក់ ស្កេនលេខកូដ QR ជាលើកដំបូង ដើម្បីជួយឲ្យប្រជាជនយល់ដឹងបន្ថែមអំពីវិថី ឥស្សរជន និងព្រឹត្តិការណ៍ប្រវត្តិសាស្ត្រផងដែរ។

មិត្តអ្នកស្ដាប់ជាទីមេត្រី។ ជាបន្តទៅនេះ សូមអញ្ជើញប្រិយមិត្តទៅទស្សនាគោលដៅមួយនៅវៀតណាម នោះគឺ ស្វែងរករូងភ្នំ Cha Loi នៅ ស្រុក Le Thuy។ នេះគឺជាភូមិរបរដែលមិត្តអ្នកស្ដាប់ គីន សែនសុខ មកកម្ពុជា មានបំណងចង់ស្វែងយល់ផងដែរ។

រព័ន្ធល្អាងភ្នំ Cha Loi នៅស្រុក Le Thuy

លោកអ្នកនាងជាទីមេត្រី។ ប្រព័ន្ធល្អាងភ្នំ Cha Loi នៅស្រុក Le Thuy  មានទីតាំងនៅជាប់ឧទ្យានជាតិ Phong Nha-Ke Bang ដែលមានចម្ងាយប្រហែល ៤០ គីឡូម៉ែត្រពីកណ្តាលទីក្រុង Dong Hoi តាមទិសនិរតី។ ពីខាងក្រៅរូងភ្នំ Cha Loi ពិតជាមិនមានភាពទាក់ទាញប៉ុន្មានទេ ព្រោះថាច្រកចូលល្អាងមានទំហំតូចណាស់ ពោលគឺប្រហែល ៤ ម៉ែត្រការ៉េប៉ុណ្ណោះ។ ប៉ុន្តែកុំខកចិត្តព្រោះថា ខាងក្នុងល្អាងគឺ“ពាសពេញទៅដោយស្ដាឡាក់ទីត”ដ៏ស្រស់ស្អាត។នៅក្នុងល្អាង Cha Loi  ស្ដាឡាក់ទីតបានបង្កើតជារូបភាពប្លែកៗជាច្រើន ហើយក្នុងល្អាងនេះក៏មានទន្លេនៅក្រោមដី ឬបឹងតូច ដែលជាជម្រករបស់បង្កង និងត្រីដែលមានពណ៌ថ្លាដ៏ពិសេស។ នៅខាងក្រៅល្អាងភ្នំមានវាលស្មៅ ដ៏ធំល្វឹងល្វើយ។ បើបោះតង់សំរាក់មួយយប់នៅទីនេះ ភ្ញៀវទេសចរអាចស្រូបខ្យល់ធម្មជាតិនិងមានឱកាសស្វែងយល់ពីវប្បធម៌ដ៏វិសេសវិសាល ហើយបានទទួលទានមុខម្ហូបឆ្ងាញ់ពិសាររបស់ជនជាតិ Van Kieu នៅទីនេះផងដែរ។

មិត្តអ្នកស្តាប់ជាទីមេត្រី! នាទីប្រអប់សំបុត្ររបស់យើងខ្ញុំសូមបញ្ចប់នៅត្រឹមនេះ។ រាល់សំបុត្រ មតិ ឬសំណួររបស់អស់លោកអ្នក សូមផ្ញើរមកកាន់អាស័យដ្ឋាន៖ កម្មវិធីផ្សាយជាភាសាខ្មែរ វិទ្យុសម្លេងវៀតណាម លេខ ៤៥ វិថី Ba Trieu រដ្ឋធានីហាណូយ ឬ Email៖ vov5khmer@gmail.com។ លោកអ្នកនាងអាចទាក់ទងជាមួយយើងខ្ញុំតាមរយៈទំព័រវែបសាយ Www.vovworld.vn ផងដែរ។ នាទីប្រអប់ សំបុត្រមិត្តអ្នកស្ដាប់សូមបញ្ចប់នៅត្រឹមនេះ។ សូមជួបអស់លោក អ្នកនាងនាសប្ដាហ៍ខាងមុខ៕