លោកអ្នកនាងជាទីមេត្រី!​​​​ ក្នុងសប្តាហ៍កន្លងទៅ កាណាល់ផ្សាយជាភាសា បរទេសវិទ្យុសម្លេងវៀតណាមទទួលបានសំបុត្រនិងទូរស័ព្ទជាច្រើនរបស់មិត្ត
អ្នកស្តាប់មកប្រទេសនានាលើសកលលោក។ ក្នុងនាទីប្រអប់សំបុត្រមិត្តអ្នក
ស្តាប់ពេលនេះ កាណាល់ផ្សាយជាភាសាខ្មែរនឹងឧទ្ទេសនាមជាមួយអស់
លោកអ្នកនាងអំពីពិធីបុណ្យវិសេសវិសាលមួយចំនួននាដើមឆ្នាំថ្មីរបស់
ប្រជាជនវៀតណាមតាមសំណើររបស់មិត្ត កូល ធីតា និស្សិតឆ្នាំទី ១
សកល វិទ្យាល័យវិទ្យាសាស្ត្រសង្គមនិងមនុស្សសាស្ត្រចំណុះសកល
វិទ្យាល័យជាតិ ទីក្រុងហាណូយ។

ពិធីបុណ្យទួល Dong Da។ (Image: baotintuc.vn)

មិត្ត កូល ធីតា និងលោកអ្នកនាងជាទីមេត្រី!

មានពិធីបុណ្យចំនួនជាង ៨ ពាន់ប្រព្រឹត្តទៅនានិទាឃរដូវលើទូទាំងប្រទេស
វៀតណាម។ ប៉ុន្តែ យើងខ្ញុំនឹងឧទ្ទេសនាមជាមួយអស់លោកអ្នកនាងអំពីពិធី បុណ្យវិសេសវិសាលបំផុតមួយចំនួនក្នុងចំណោមពិធីបុណ្យនៅវៀតណាម ។ពិធីបុណ្យដែលត្រូវបានរៀបចំឡើងដំបូងជាងគេនាដើមឆ្នាំថ្មីគឺពិធីបុណ្យទួល
Dong Da។ ពិធីបុណ្យនេះប្រព្រឹត្តនាថ្ងៃទី ៥ ខែទី ១ តាមច័ន្ទគៈតិជាប្រចាំឆ្នាំ។
នេះគឺជាពិធីបុណ្យត្រូវបានប្រារព្ធឡើងសំដៅរំលឹកឡើងវិញជ័យជំនះដ៏ត្រចេះ
ត្រចង់របស់ស្ដេច Quang Trung វាយកំទេចខ្មាំង Qing របស់ចិននៅនិទាឃរដូវឆ្នាំ
១៧៨៩។ ក្នុងពិធីបុណ្យនេះមានល្បែងកំសាន្តដែលបង្ហាញនូវស្មារតីការពារមាតុ
ប្រទេសត្រូវបានរៀបចំឡើងដូចជា៖ បោះចំបាប់អុកមនុស្សជាដើម។ ក្នុងនោះ ការបង្ហែរនាក់ព្រួសភ្លើង Thang Long គឺជាល្បែងកំសាន្តវិសេសវិសាលបំផុតដែរ។
នាសព្វថ្ងៃ ការចូលរួមពិធីបុណ្យទួល Dong Da ចំពោះជន ហាណូយបានក្លាយ
ទៅជាសកម្មភាពចាំបាច់នាប៉ុន្មានថ្ងៃដើមនិទាឃរដូវ។

ពិធីបុណ្យវត្ត Huong (Image: baotintuc.vn)

ជាប្រចាំឆ្នាំក្នុងពេលនានិទាឃរដូវមកដល់ម្តងៗនិងផ្កាអែបព្រីខតរីកស្រស់សក្បុះ
លើព្រៃភ្នំ Huong Son ស្រុក My Duc ទីក្រុងហាណូយ ដែលធ្វើឲ្យពុទ្ធសាសនិក
រាប់លាននាក់រួមជាមួយភ្ញៀវទេសចរណ៍មកពីគ្រប់ទិសទីទៅចូលរួមពិធីបុណ្យវត្ត
Huong​ នាថ្ងៃទី ៦ ខែទី ១ តាមច័ន្ទគៈតិ។ នេះគឺជាពិធីបុណ្យដែលប្រព្រឹត្តទៅក្នុង
រយៈពេលវែងបំផុតនៅវៀតណាម​ (ចាប់ពីខែទី ១ ដល់ពាក់កណ្ដាលខែទី ៣ តាម
ច័ន្ទគៈតិ)។សកម្មភាពសំខាន់បំផុតក្នុងពិធីបុណ្យវត្ត Huong គឺ ពិធីបុណ្យបើកទ្វា
ព្រៃដែលប្រារព្ធឡើង នាថ្ងៃទី ១៨ ខែទី ២ តាមច័ន្ទគៈតិ។ ទៅដំណើរនៅតំបន់
ដីព្រះពុទ្ធ ពោធិសត្វបានត្រាស់ លោកស្រី Nguyen Phuong Nam ជនវៀតណាម
នៅកាណាដាមួយនាក់បានចែករំលែកថា៖

“ពេលបុណ្យតេតមកដល់ម្តងៗ ខ្ញុំវិលត្រឡប់មកវៀតណាមវិញដើម្បីជួបជុំគ្នា
ជាមួយគ្រួសារ។ នាឆ្នាំនេះ ខ្ញុំរួមជាមួយឪពុកម្តាយរបស់ប្តីទទួលបុណ្យតេតនៅ
វៀតណាមនិងនេះគឺជាលើកដំបូងដែលយើងខ្ញុំទៅទស្សនាវត្ត Huong​។ ខ្ញុំមាន
គោលបំណងឧទ្ទេសនាមជាមួយឪពុកម្តាយរបស់ប្តីអំពីទេសភាពទឹកដីនិង
មនុស្សវៀតណាមថែមទៀត។ ថ្ងៃស្អែត គ្រួសារខ្ញុំនឹងទៅទស្សនានៅទីក្រុង
Da Nang។”

ពិធីបុណ្យវិហារស្តេច Hung នៅខេត្ត Phu Tho (ភាគខាងជើងវៀតណាម)។ (Image: dulichvietnam)

ពិធីបុណ្យផ្សេងមួយទៀតដែលមិនអាចរំលងបានឡើយក្នុងឱកាសនេះគឺពិធី
បុណ្យវិហារស្តេច Hung​ នៅខេត្ត Phu Tho (ភាគខាងជើងវៀតណាម)។ ពិធី
បុណ្យវិហារស្តេច Hung ចាប់ផ្តើមពីថ្ងៃទី ៨ ដល់ទី ១១ ខែទី ៣ តាមច័ន្ទគៈតិ
ក្នុងនោះ ពិធីបុណ្យជាផ្លូវការត្រូវបានរៀបចំឡើងនាថ្ងៃទី ១០។ នេះគឺជាពិធី
បុណ្យជាតិដោយទ្រង់ទ្រាយធំសំដៅរំលឹកវិញ្ញាណក្ខន្ធបណ្ដា ស្តេច Hung​ ដែល
បានបង្កើតនិងការពារប្រទេសជាតិ។ ពិធីបុណ្យវិហារស្តេច Hung ទាក់ទាញការ
ចូលរួមរបស់ប្រជាជននៅក្នុងនិងក្រៅប្រទេសរាប់ សែននាក់ជាប្រចាំឆ្នាំ។

បុណ្យ Lim នៅខេត្ត Bac Ninh (ភាគខាងជើងវៀតណាម) (Image: dulichvietnam)

ប្រសិនបើ មិត្តចង់កំសាន្តចង្វាក់ចម្រៀងប្រជាប្រិយនៅតំបន់ Bac Bo ចំនួនជាង
២០០​ សូមមិត្តចូលរួមបុណ្យLimនៅខេត្ត Bac Ninh (ភាគខាងជើងវៀតណាម) នា
ថ្ងៃទី ១៣ ខែទី ១ តាមច័ន្ទគៈតិ។ នេះគឺជាពិធីបុណ្យសិល្បៈវប្បធម៌វិសេសវិសាល
នៃបណ្ដាភូមិ Quan ho នៅភាគខាងជើងវៀតណាមដែលបានបង្កើតពីយូរណាស់
មកហើយ។ នាថ្ងៃទី ៣០ កញ្ញា ឆ្នាំ ២០០៩ UNESCO​ បានទទួលស្គាល់ចម្រៀង
Quan ho ជាបេតិកភ័ណ្ឌវប្បធម៌អរូបី យវត្ថុរបស់មនុស្សលោក។

មិត្ត កូល ធីតា ជាទីមេត្រី! នៅមានពិធីបុណ្យដ៏វិសេសវិសាលជាច្រើននៅវៀតណាម
ដែលកំពុងរងចាំមិត្ត! សង្ឃឹមថាមិត្តពេញចិត្តជាមួយ ព័ត៌មានពោលខាងលើ។ ជាទី
បញ្ចប់ សូមអញ្ជើញលោកអ្នកនាងចូលរួមឆ្លើយសំនួរខែមិនានេះគឺ៖ នាបច្ចុប្បន្ន
វៀតណាមជាដៃគូពាណិជ្ជកម្មធំទីប៉ុន្មានរបស់កម្ពុជា?  រាល់ចំលើយ​សំបុត្រ  email​សូមផ្ញើមកអាស័យដ្ឋាន៖ កម្មវិធីផ្សាយជាភាសារខ្មែរ កាណាល់​​ផ្សាយជា​ភាសា
បរទេស វិទ្យុសម្លេង​វៀត​ណាម ​លេខ៤៥ វិថី Ba Trieuខ័ណ្ឌ Hoan Kiem ​រដ្ឋធានី​
ហាណូយ ឬ Email÷vov5khmer@​yahoo​.com.vn។  ចំលើយត្រូវនិមួយៗនឹង​ទទួល
​បាន​កាដូ​ពិសេសមួយពីកម្មវិធី​ផ្សាយ​ជាភាសារខ្មែរនៃវិទ្យុសម្លេង​វៀត​ណាម៕