(VOVwolrd)-លោកអ្នកនាងជាទីមេត្រី! ក្នុងសប្តាហ៍កន្លងទៅ​ កាណាល់ផ្សាយជា
ភាសាខ្មែរនៃ វិទ្យុសម្លេងវៀតណាមទទួលបានសំបុត្រចំនួន១៩០មកពីប្រទេសនិង
តំបន់ដែនដី ចំនួន៣៦  ក្នុងនោះកម្មវិធីផ្សាយជាភាសាខ្មែរទទួលបានសំបុត្រចំនួន
៤របស់មិត្ត ស្រី លីន​ មិត្ត ប៊ុលថុនមកពីខេត្ត តាខ្មៅ មិត្តឆៃសុជាតិមកពីភ្នំពេញ
និងមិត្តចាន៉​ធីតាមកពីក្រុងហាណូយ។ អរគុណដែលមិត្តអ្នកស្តាប់ជាទីស្រឡាញ់
បានរួមដំ ណើរជាមួយកម្មវិធីផ្សាយសម្លេងរបស់យើងខ្ញុំ។ ក្នុងនាទីប្រអប់សំបុត្រ
នាសប្តាហ៍ នេះ តាមសំណូមពររបស់មិត្ត ចាន់ធីតា យើងខ្ញុំសូមឧទ្ទេសនាមត្រួសៗ
អំពី គំនូរ ប្រជាប្រិយ Dong Ho ។​

ផ្ទាំងគំនូរប្្រជាប្រិយ Dong Ho

        មិត្តចាន់ធីតានិងមិត្តអ្នកស្តាប់ជាទីមេត្រី!

        គំនូរប្រជាប្រិយ Dong Ho ជាប្រភេទគំនូរចម្លាក់លើឈើដែលស្ថិតក្នុងអំបូរ មុខរបរសប្បកម្មប្រពៃណី។ គំនូរនេះត្រូវបានប្រជាជនភូមិ Dong Ho ឃុំ Song Ho
ស្រុក Thuan Thanh ខេត្ត Bac Ninh ច្នៃប្រឌិតនិងអភិវឌ្ឍន៍រាប់រយឆ្នាំកន្លងទៅ ដែល
រហូតមកដល់បច្ចុប្បន្ននៅរក្សាបាននូវតម្លៃអំពីប្រវត្តិសាស្ត្រ វប្បធម៌និង សិល្បៈដ៏
វិសេសវិសាល។ នេះជាប្រភេទគំនូរបានផ្សាភ្ជាប់និងសម្តែងនូវសង្គម កសិកម្មដ៏
រស់រវើករបស់ប្រជាជនវៀតណាម រួមទាំងសម្តែងនូវទំនៀមទម្លាប់និងជីវ ភាពរស់
នៅប្រចាំថ្ងៃរបស់ប្រជាជនវៀតណាម។ ផ្អែកទៅលើខ្លឹមសារជាក់ស្តែង គំនូរប្រជា
ប្រិយ Dong Hoត្រូវបានបែងចែកជា៧ប្រភេទ នោះគឺគំនូរសម្រាប់ សែន គំនូរជូន
ពរគ្នា គំនូរប្រវត្តិសាស្ត្រ គំនូរឿង គំនូរសុភាសិត គំនូរទិដ្ឋភាពធម្ម ជាតិនិងគំនូរ
ឆ្លុះបញ្ចាំងនូវជីវភាពរស់នៅប្រចាំថ្ងៃ។ ពេលដែលបានសួរអំពីវត្ថុធាតុ​ សម្រាប់ធ្វើ
ឡើងគំនូរនេះ លោក Nguyen Dang Che សិប្បករល្បីឈ្មោះម្នាក់ នៃប្រភេទគំនូរប្រ
ជាប្រិយ Dong Ho បានឲ្យដឹងថា៖

“វត្ថុធាតុដើមសម្រាប់ធ្វើគំនូរ ទាំងក្រដាស់និងព័ណ៌គឺសុទ្ធតែយកពីធម្មជាតិ។ផ្ទាំង
គំនូរធ្វើពីក្រដាស់ Do ដែលក្រដាស់នេះក៏បានធ្វើពីសំបក់ដើម do ហើយត្រូវបាន ប៉ាតដោយសំបកគ្រំសមុទ្រ។​ ចំពោះព័ណ៌វិញ ព័ណ៌ខ្មៅគឺធ្វើពីផេះស្លឹកឬស្សី  ព័ណ៌ខៀវធ្វើពីសំបកស្លឹកដើម Tram  ព័ណ៌លឿងធ្វើពីផ្កា Hoe ព័ណ៌ក្រហមធ្វើពី
សំបក និងឬសដើម​Vang ហើយព័ណ៌សរគឺធ្វើពីសំបកគ្រំសមុទ្រ។ព័ណ៌នីមួយៗ ត្រូវបានលាយជាមួយម្សៅដំណើបមុននឹងផ្តិតដើម្បីបង្កើតជាបាយម៉ាន មួយស្រ
ទាប់ធ្វើឲ្យគំនូរស្អាតជាងពេលបានហាលស្ងួត”។

        ដូច្នេះអាចនិយាយបានថា ដើម្បីផលិតឡើងគំនូប្រជាប្រិយ Dong Ho មួយ
នោះ សិប្បករម្នាក់ៗត្រូវចំណាយកម្លាំងនិងពេលវេលាជាច្រើន ក៏ដូចជាទាមទារ នូវបច្ចេកទេសសិប្បកម្មយ៉ាងប៉ិនប្រសប់និងហ្មត់ចត់។ គំនូរបានផលិតឡើង ដោយរបៀបលាបព័ណ៌រទៅលើឈើពុម្ភ ដែលព័ណ៌មួយនៅពុម្ភមួយបន្ទាប់នោះ ផ្តិតទៅលើក្រដាស់គំនូរ។បន្ទាប់នោះគំនូរបានហាលថ្ងៃឲ្យស្ងួត។ ដោយតម្លៃពិ
សេស  អំពីវប្បធម៌នោះ មុខរបរផលិតគំនូប្រជាប្រិយ Dong Ho ត្រូវបានទទួល
ស្គាល់ជា បេតិកភ័ណ្ឌវប្បធម៌អរូបីថ្នាក់ជាតិនិងកំពុងបានរៀបចំសំណុំឯកសារ
សម្រាប់ដាក់ ជូនអង្គការ UNESCO ដើម្បីពិចារណាជាបេតិកភ័ណ្ឌវប្បធម៌អរូបី
ត្រូវការពារបន្ទាន់។

មិត្តចានធីតានិងមិត្តអ្នកស្តាប់ជាទីមេត្រី!

        តាមរយៈព័ត៌មានដែលយើងខ្ញុំទើបរៀបរាប់ខាងលើ សង្ឃឹមថាមិត្តនឹងយល់ បានខ្លះៗអំពីប្រភេទគំនូរប្រជាប្រិយ Dong HO ជាប្រភេទសិល្បៈវិសេសដោយឡែក របស់វៀតណាម។ ប្រសិនបើមានឱកាសទៅទស្សនា ខេត្ត Bac Ninh មិត្តនិងក្រុម គ្រួសារកុំរំលងទស្សនាស្វែងយល់និងទិញគំនូរធ្វើជាអនុស្សាវរីយ៍។ ជាពិសេស
មកដល់ទីនេះ មិត្តនឹងយល់អំពីកម្លាំងរស់របស់ប្រភេទគំនូរនេះនិងយល់ច្បាស់ថា ហេតុអ្វីមនុស្សគ្រប់រូបពេញនិយមប្រភេទគំនូរប្រជាប្រិយ Dong Ho នេះ។ បើចង់
ដឹងព័ត៌មានបន្ថែម មិត្តអាចផ្ញើរសំបុត្រមកអាស័យដ្ឋាន កម្មវិធីផ្សាយ ជាភាសាខ្មែរ កាណាល់ផ្សាយជាភាសាបរទេសវិទ្យុសម្លេងវៀតណាមលេខ ៤៥  វិថី Ba Trieu
ខ័ណ្ឌ Hoan​ Kiem​ រដ្ឋធានីហាណូយឬ email៖  vov5khmer@yahoo. com.vn៕