នៅក្នុងសន្និសីទសារព័ត៌មានរបស់រដ្ឋាភិបាល ដែលប្រព្រឹត្តទៅនាថ្ងៃទី ១៥ ខែកញ្ញា នៅទីក្រុងហាណូយ អនុរដ្ឋមន្រ្តីក្រសួងគមនាគមន៍ដឹកជញ្ជូនលោក Nguyen Ngoc Dong បានឲ្យដឹងថា៖ “ចាប់ពីថ្ងៃទី ១៥ ខែកញ្ញា វៀតណាមនឹងបើកដំណើរការជើងហោះហើរអន្តរជាតិឡើងវិញ ជាមួយប្រទេសកូរ៉េខាងត្បូង ជប៉ុន ចិន និងនៅថ្ងៃទី ២២ ខែកញ្ញា គ្រោងនឹងបើកជើងហោះហើរឡើងវិញទៅកាន់កោះតៃវ៉ាន់ (ចិន) ឡាវនិងកម្ពុជា។ អ្នកបានឆ្លងដែនរួមមាន អ្នកការទូត សកម្មជនមន្ត្រីរដ្ឋការ ពលរដ្ឋវៀតណាមដែលកំពុងរស់នៅនិងធ្វើការនៅក្រៅប្រទេសដែលមានបំណងវិលត្រឡប់មកស្រុកកំណើតឬពលរដ្ឋវៀតណាមទៅធ្វើការនៅបរទេស អ្នកជំនាញបរទេសកំពុងអនុវត្តគម្រោងការនានានៅវៀតណាម”។

ដោយផ្អែកលើសមត្ថភាពសម្រាប់ដាក់នៅដាច់ដោយឡែក ក្រសួងគមនាគមន៍ដឹកជញ្ជូនបានលើកឡើងសំណើរថា ការហោះហើរនឹងអនុវត្តន៍ ១ សប្តាហ៍ មួយជើងទៅកាន់ប្រទេសមួយនិងជើងហោះហើរត្រឡប់មកវិញក៏ដូចគ្នាដែរ។  ជាមួយនឹងដំណើរនេះ មនុស្សប្រហែល ៥.០០០ នាក់ត្រូវបានគេរំពឹងថានឹងចូលប្រទេស វៀតណាមនៅខែកញ្ញានេះជាពុំខាន៕