ចែករំលែកអត្ថប្រយោជន៍ចំនួន ៥១,៥ លានដុល្លារអាមេរិកពីការលក់ឥណទានកាបូនព្រៃឈើ
(VOVWORLD) - វៀតណាមទទួលបាន ទឹកប្រាក់ចំនួន ៥១,៥ លានដុល្លារអាមេរិកគ្រប់គ្រាន់ហើយ។ បច្ចុប្បន្ននេះ វៀតណាមបានបែងចែកទឹកប្រាក់ចំនួន ៨០% ទៅឱ្យខេត្តនៅភូមិភាគកណ្ដាលប៉ែកខាងកើតទាំង ៦ ហើយបន្ទាប់ពី ១ ទៅ ២ ខែ ប្រាក់ទាំងអស់នឹងត្រូវបែងចែកទៅឱ្យមូលដ្ឋាន ប្រជាជន និងសហគមន៍ចុះកិច្ចសន្យាការពារព្រៃឈើ។
 លោក Tran Quang Bao ប្រធាននាយកដ្ឋានរុក្ខកម្ម។ រូបថត៖ Bich Hong/bnews.vn/TTXVN |
ក្នុងសន្និសីទសារព័ត៌មានជាប្រចាំក្នុងត្រីមាសទី១ ឆ្នាំ២០២៤ របស់ក្រសួងកសិកម្ម និងអភិវឌ្ឍន៍ជនបទវៀតណាម ដែលបានប្រារព្ធឡើងកាលពីរសៀលថ្ងៃទី ១ មេសា នៅទីក្រុងហាណូយ លោក Tran Quang Bao ប្រធាននាយកដ្ឋានរុក្ខកម្មបានឲ្យដឹងថាមកដល់ពេលនេះ វៀតណាមបានសម្រេចរួចរាល់ការផ្ទេរកាបូនឌីអុកស៊ីត (CO2) ចំនួន ១០,៣ លានតោននៅក្នុងតំបន់ភូមិភាគកណ្ដាលប៉ែកខាងជើងដំណាក់កាល ២០១៨-២០២៤ ដល់ធនាគារពិភពលោក (WB) ។ ទន្ទឹមនឹងនេះ វៀតណាមទទួលបាន ទឹកប្រាក់ចំនួន ៥១,៥ លានដុល្លារអាមេរិកគ្រប់គ្រាន់ហើយ។ បច្ចុប្បន្ននេះ វៀតណាមបានបែងចែកទឹកប្រាក់ចំនួន ៨០% ទៅឱ្យខេត្តនៅភូមិភាគកណ្ដាលប៉ែកខាងកើតទាំង ៦ ហើយបន្ទាប់ពី ១ ទៅ ២ ខែ ប្រាក់ទាំងអស់នឹងត្រូវបែងចែកទៅឱ្យមូលដ្ឋាន ប្រជាជន និងសហគមន៍ចុះកិច្ចសន្យាការពារព្រៃឈើ។
យោងតាមនាយកដ្ឋានរុក្ខកម្មបានឲ្យដឹងថាកិច្ចព្រមព្រៀងទូទាត់ទឹកប្រាក់ស្ដីពីការកាត់បន្ថយការបំភាយឧស្ម័នផ្ទះកញ្ចក់នៅភូមិភាគកណ្ដាលប៉ែកខាងជើង (ERPA) ត្រូវបានចុះហត្ថលេខានាថ្ងៃទី ២២ ខែតុលា ឆ្នាំ២០២០ រវាងក្រសួងកសិកម្ម និងអភិវឌ្ឍន៍ជនបទ ជាមួយ WB ក្នុងនាមជាភាគីទទួលខុសត្រូវនៃមូលនិធិភាពជាដៃគូកាបូនរុក្ខកម្ម (FCPF) ។ ដើម្បីផ្ទេរបរិមាណ GPT ចំនួន ១០,៣ លានតោននៃកាបូនឌីអុកស៊ីត (CO2) នៅតំបន់ភូមិភាគកណ្ដាលប៉ែកខាងជើងដំណាក់កាល ២០១៨-២០២៤ ជាមួយនឹងតម្លៃ ៥ ដូល្លារអាមេរិក សម្រាប់ CO2ចំនួន ១ តោន ស្មើនឹង ៥១,៥ លានដុល្លារអាមេរិក។ ទោះបីជាយ៉ាងណាក៏ដោយ យោងតាមរបាយការណ៍លទ្ធផលកាត់បន្ថយការបំភាយឧស្ម័នសម្រាប់រយៈពេលដំបូង (ដំណាក់កាល ២០១៨-២០១៩) ដែលបានបញ្ជាក់ដោយ WB បានឲ្យដឹងថា លទ្ធផលកាត់បន្ថយការបំភាយឧស្ម័ននៅក្នុងតំបន់ភូមិភាគកណ្តាលប៉ែកខាងជើងសម្រេចបានជាង ១៦,២ លានតោន CO2 ផងដែរ៕