កិច្ចប្រជុំលើកទី៤រដ្ឋសភាវៀតណាមនីតិកាលទី១៣ (រូបថតៈ Internet)

(VOVWorld)_បញ្ហាធំៗចំនួន៤ក្នុងពង្រាងច្បាប់ទុកបំរុងជាតិគឺគោលដៅទុកបំរុង
ជាតិកំរិត​ទុកបំរុងជាតិសរុប តារាងទំនិញទុកបំរុងជាតិនិងថវិការរដ្ឋសំរាប់ទុកបំរុង
ជាតិត្រូវបានបណ្ដាសមាជិកសភាប្រមូលផ្ដុំពិភាគ្សានៅសាលប្រជុំនារសៀលថ្ងៃទី
២៤​តុលា។ ច្បាប់ទុកបំរុងជាតិនឹងបានដាក់ជូនរដ្ឋសភាពិនិត្យអនុម័តនៅសម័យ
ប្រជុំរដ្ឋ​សភាលើកនេះ។ អំពីកំរិតទុកបំរុងជាតិសរុប លោក Nguyen Van Tuyet
សមាជិកសភាមណ្ឌល Ba Ria-Vung Tau បានលើកមតិថា៖

        “ខ្ញុំយល់ព្រមជាមួយគណៈកម្មាធិការអចិន្ត្រៃយ៍រដ្ឋសភាដែលបាន
ទទួលយកមតិរបស់សមាជិកសភាគឺលប់ចោលការកំណត់ការទុកបំរុង
ជាតិសរុបនឹងបង្កើនជាប្រចាំឆ្នាំ។​ តាមពង្រាងថ្មី ការកំណត់គឺបរិមាណ
ទុកបំរុងជាតិសរុបត្រូវបានធានាអនុវត្ត​គោលដៅទុកបំរុងជាតិនិងរដ្ឋាភិ
បាលដាក់ជូនរដ្ឋសភាដើម្បីសំរេចចិត្តលើកំរិតបែងចែកថវិការរដ្ឋសំរាប់
ទុកបំរុងជាតិប្រចាំឆ្នាំ។ ខ្ញុំឃើញថាការកំណត់នេះសមស្រប​និងធានា
ចរិតលក្ខណអនុវត្ត។”

រដ្ឋសភាពិភាគ្សាអំពីច្បាប់ទុកបំរុងជាតិនិងសេដ្ឋកិច្ចសង្គម។

       មុននោះនាព្រឹកថ្ងៃទី២៤តុលា សមាជិកសភាវៀតណាមបានពិភាគ្សាអំពី
ស្ថានភាពអនុវត្តផែនការអភិវឌ្ឍន៍សេដ្ឋកិច្ច សង្គម ឆ្នាំ២០១២ផែនការអភិវឌ្ឍន៍
សេដ្ឋកិច្ច-សង្គម ឆ្នាំ ២០១៣ ជាខ្លឹម​សារស្នូល​ចំនួន២ ដែលត្រូវបានសមាជិក សភានានា ពិភាក្សាតាមក្រុម នាព្រឹកថ្ងៃទី ​២៤ តុលា។ ​ក្នុងរយះពេលកន្លងទៅ
ទោះបីជាជួបការលំបាកសាកល្បង​ជាច្រើនក្ដី ប៉ុន្តែការងារដឹកនាំ បញ្ជាណែនាំ អនុវត្តរាល់ភារកិច្ចអភិវឌ្ឍន៍សេដ្ឋ​កិច្ច សង្គមឆ្នាំ២០១២បានក្ដាប់ជាប់គោល
ដៅ ភារកិច្ចដែលបានដាក់ចេញ ក្នុងរាល់សេចក្ដីសម្រេចចិត្តរបស់បក្ស និងរដ្ឋ
សភា។ បណ្ដាចំណុខភ្លឺ អំពីសេដ្ឋកិច្ច សង្គម​ក្នុងឆ្នាំ២០១២នេះគឺ ៖​ស្ថិរភាពម៉ាក្រូ
សេដ្ឋកិច្ច ​សុខុមាល​ភាព​សង្គមត្រូវបានធានា នយោបាយស្ថិរភាព។ ចំពោះឆ្នាំ
២០១៣ រដ្ឋា​ភិបាលបានស្នើរដ្ឋសភាពិនិត្យមើល កំណត់គោលដៅទូទៅគឺ៖ 
បង្កើនស្ថិរ​ភាពម៉ក្រូសេដ្ឋកិច្ច រាំងស្កាត់អតិផរណា កំណើនសេដ្ឋកិច្ចខ្ពស់ជាង
ឆ្នាំ២០១២ លើកំពស់ប្រសិទ្ធភាពកិច្ចការបរទេស និងធ្វើសមាហរណកម្មអន្តរ
ជាតិ បង្កើនការការពារប្រទេស សន្តិសុខ និងស្ថិរភាពនយោបាយ សង្គម។
ស្ដីអំពីបញ្ហានេះ លោក Vu Viet Ngoan សមាជិកសភា មណ្ឌល Khanh Hoa (ភាគកណ្ដាលវៀតណាម) បានផ្តល់មតិថា៖

       “ ក្រៅពីដំណោះស្រាយចំនួន៩ របស់រដ្ឋាភិបាល ក៏ដូចជាដំណោះ​ស្រាយចំនួន ៨ របស់គណះកម្មាធិការសេដ្ឋកិច្ចរដ្ឋដែលបានលើកឡើង
ខ្ញុំសូមស្នើ​ជំរុញការលើកទឹកចិត្តទិញទំនិញ។ ប្រសិនបើ មិនជំរុញបែបនេះ
ទេ គឺទំនិញ​សេសសល់ក្នុងឃ្លាំងមិនអាចចែកចាយបានឡើយ។ ទីពីរគឺ
ត្រូវប្តេជ្ញាចិត្ត ខំប្រឹងប្រែងជាងទៀតក្នុងការរៀបចំរចនាសម្ព័ន្ធធនាគារ
ឡើងវិញ តភ្ជាប់ជាមួយការដោះស្រាយបំណុលអាក្រក់ផងដែរ៕”