ກອງປະຊູມຮ່ວມສຳພັນພັດທະນາການທ່ອງທ່ຽວເຂດ ໄຕບັກ ປີ 2014 ແລະ ການພົບປະກັບຄະນະທູຕານຸທູດ
ກອງປະຊຸມຮ່ວມສຳພັນພັດທະນາການທ່ອງທ່ຽວ
ເຂດໄຕບັກປີ2014ແລະການພົບປະຄະນະທູຕານຸທູດ
(vovworld) - ຕອນເຊົ້າວັນທີ 6/5, ທີ່ນະຄອນ ດ້ຽນບຽນຝູ, ແຂວງ ດ້ຽນບຽນ, ໄດ້ດຳເນີນກອງປະຊູມຮ່ວມສຳພັນພັດທະນາການທ່ອງທ່ຽວເຂດ ໄຕບັກ (ໝາຍເຖິງທິດຕາເວັນຕົກສ່ຽງເໜືອຫວຽດນາມ) ປີ 2014 ແລະ ການພົບປະກັບຄະນະທູຕານຸທູດໂດຍກະຊວງວັດທະນະທຳ - ກິລາ ແລະ ທ່ອງທ່ຽວ, ຄະນະຊີ້ນຳ ໄຕບັກ, ກຳຊວງການຕ່າງປະເທດສົມທົບກັບແຂວງ ດ້ຽນບຽນ ຈັດຕັ້ງຂຶ້ນ. ກອງປະຊຸມແນໃສ່ຢືນຢັນບົດບາດທີ່ສຳຄັນຂອງການຮ່ວມສຳພັນລະຫວ່າງບັນດາແຂວງໃນເຂດ ໄຕບັກ ກັບບັນດາແຂວງ, ນະຄອນໃນທົ່ວປະເທດກ່ຽວກັບເລື່ອງພັດທະນາການທ່ອງທ່ຽວ. ນີ້ກໍແມ່ນເວທີປາໄສເພື່ອໃຫ້ບັນດາອົງການຈັດຕັ້ງ, ນັກລົງທຶນ, ວິສາຫະກິດ, ຄະນະທູຕານຸທຸດ, ອົງການຄຸ້ມຄອງການເຄື່ອນໄຫວທ່ອງທ່ຽວໄດ້ພົບປະ, ສົນທະນາຫາລື, ແລກປ່ຽນບົດຮຽນ, ສ້າງສາຍພົວພັນຮ່ວມມື, ຮ່ວມສຳພັນລົງທຶນ, ປະກອບສ່ວນພາເຂດ ໄຕບັກພັດທະນາຢ່າງໄວວາ ແລະ ໝັ້ນຄົງ. ກ່າວຄຳເຫັນທີ່ພິທີໄຂກອງປະຊຸມ, ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຝຸກ ເນັ້ນໜັກວ່າ:
“ການທ່ອງທ່ຽວແມ່ນຂະແໜງການມີທີ່ຕັ້ງບົດບາດອັນສຳຄັນໃນພື້ນຖານເສດຖະກິດແຫ່ງຊາດ. ສ້າງສະພາບແວດລ້ອມພັດທະນາການທ່ອງທ່ຽວ, ຊຸກຍູ້ບັນດາພາກສ່ວນອື່ນໆ ບໍ່ພຽງແຕ່ຊຸກຍູ້ການຮ່ວມມື, ລົງທຶນດຳເນີນທຸລະກິດເທົ່ານັ້ນ, ຫາກຍັງປະກອບສ່ວນພົວພັນແລກປ່ຽນກັບສາກົນອີກດ້ວຍ. ພິເສດທ່າແຮງບົມຊ້ອມທີ່ຍິ່ງໃຫຍ່ຂອງການທ່ອງທ່ຽວ ຫວຽດນາມ ຢູ່ເຂດ ໄຕບັກ ແມ່ນກວ້າງໃຫຍ່ທີ່ສຸດ, ແມ່ນຊັບສົມບັດອັນມະຫາສານຂອງຂະແໜງທ່ອງທ່ຽວ ຫວຽດນາມ. ເຖີງຢ່າງໃດກໍ່ຕາມ, ຢາກພັດທະນາການທ່ອງທ່ຽວຕ້ອງພັດທະນາໃນການຮ່ວມສຳພັນ, ຍ້ອນແນວນັ້ນບົດບາດຂອງບັນດາເອກອັກຄະລັດຖະທູດ, ບັນດາອົງການຈັດຕັ້ງສາກົນ, ບັນດາທ້ອງຖິ່ນແມ່ນສຳຄັນທີ່ສຸດໃນການພັດທະນາ.”