ກະຊວງຕຳຫຼວດຕັ້ງໜ້າ ນຳໃຊ້ຜົນງານໃໝ່ສຸດ ດ້ານວິທະຍາສາດ, ເຕັກໂນໂລຊີ
(ພາບ: cand.com.vn)
(vovworld)- ທີ່ກອງປະຊຸມວິທະຍາສາດຕຳຫຼວດຄັ້ງທີ 2 ຈັດຂຶ້ນໃນຕອນເຊົ້າວັນທີ 4/12, ຢູ່ຮ່າໂນ້ຍ ໂດຍມີການເຂົ້າຮ່ວມຂອງຜູ້ແທນ 600 ທ່ານຊື່ງແມ່ນບັນດານັກວິທະຍາສາດ, ນັກຄົ້ນຄ້ວາພາຍໃນ ແລະ ນອກກຳລັງຕຳຫຼວດ ປຊຊ ຫວຽດນາມ, ທ່ານຮອງນາຍົກລັດຖະມົນຕີຫວູ້ດຶກດາມ ຕີລາຄາສູງ ແລະ ຍ້ອງຍໍຊົມເຊີຍບັນດາຜົນງານອັນພົ້ນເດັ່ນຊື່ງຖັນແຖວບັນດານັກວິທະຍາສາດໃນກຳລັງຕຳຫຼວດ ປຊຊ ບັນລຸໄດ້ໃນຊຸມປີຜ່ານມາ, ປະກອບສ່ວນຍົກສູງປະສິດທິຜົນໃນການຄຸ້ມຄອງ, ບໍລິຫານຂອງລັດຖະບານ. ທ່ານຮອງນາຍົກລັດຖະມົນຕີຫວູ້ດຶກດາມ ເນັ້ນໜັກວ່າ: ໃນສະພາບການເຊື່ອມໂຍງປະຈຸບັນ, ກະຊວງຕຳຫຼວດຕ້ອງຕັ້ງໜ້າຄົ້ນຄ້ວາ, ນຳໃຊ້ບັນດາຜົນງານໃໝ່ສຸດດ້ານວິທະຍາສາດ, ເຕັກໂນໂລຊີ; ຂຸດຄົ້ນ ແລະ ນຳໃຊ້ບັນດາພາຫະນະໃໝ່ຢ່າງມີປະສິດທິຜົນ; ປ່ຽນໃໝ່ຫຼາຍດ້ານທັງວິທີຈິນຕະນາການ ແລະ ສິລະປະການສູ້ຮົບ. ທ່ານຮອງນາຍົກລັດຖະມົນຕີຫວູ້ດຶກດາມ ສະເໜີໃຫ້ກະຊວງຕຳຫຼວດຕ້ອງເອົາໃຈໃສ່ເປັນພິເສດເຖິງການລົງທຶນພັດທະນາແຫຼ່ງຊັບພະຍາ ກອນມະນຸດທີ່ປະຕິບັດວຽກງານຄົ້ນຄ້ວາ, ກຳນົດທິດພັດທະນາ ວິທະຍາສາດ, ເຕັກໂນໂລຊີຂອງຂະແໜງໂດຍໄວ./.