(vovworld) - ຕອນເຊົ້າວັນທີ 2/3, ຢູ່ນະຄອນຫາຍຟ່ອງ, ກະຊວງສາທາລະນະສຸກສົມທົບກັບຄະນະກຳມະການປະຊາຊົນນະຄອນ ຫາຍຟ່ອງ ຈັດຕັ້ງພິທີປຸກລະດົມ ”ບັ້ນປ້ອງກັນ, ຕ້ານພະຍາດຕີນ, ມື, ປາກເປື່ອຍແຫ່ງຊາດ” ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ເຂົ້າຮ່ວມ. ພິທີປຸກລະດົມແມ່ນສຸມໃສ່ການເຄື່ອນໄຫວໂຄສະນາກ່ຽວກັບການເບິ່ງແຍງເດັກນ້ອຍທີ່ມີອາຍຸຕຳ່ກວ່າ 5 ປີ, ໂຄສະນາກ່ຽວກັບການຍົກສູງບົດບາດ, ຄວາມຮັບຜິດຊອບຂອງຜູ້ເປັນພໍ່ເປັນແມ່, ແລະບັນດາມາດຕະການປ້ອງກັນ, ຕ້ານພະຍາດດັ່ງກ່າວຢູ່ໃນໂຮງຮຽນ. ທ່ານ ຟານຈ້ອງເລີນ, ຮອງຫົວໜ້າກົມສາທາລະນະສຸກສຳຮອງ, ສັງກັດກະຊວງສາທາລະນະສຸກໃຫ້ຮູ້ວ່າ:
”ຈຸດປະສົງຂອງ ”ບັ້ນປ້ອງກັນ, ຕ້ານພະຍາດຕີນ, ມື, ປາກເປື່ອຍແຫ່ງຊາດ” ແມ່ນລະດົມທົ່ວລະບົບການເມືອງ, ອຳນາດການປົກຄອງທຸກຂັ້ນ, ຄະນະ, ຂະແໜງການ, ອົງການຈັດຕັ້ງມະຫາຊົນ ແລະປະຊາຊົນເຂົ້າຮ່ວມວຽກງານປ້ອງກັນ, ຕ້ານພະຍາດຕີນ, ມື, ປາກເປື່ອຍ. ແລະວຽກງານນີ້ໄດ້ຮັບການຜັນຂະຫຍາຍຢ່າງຮອບດ້ານ, ໃນນັ້ນການໂຄສະນາຕ້ອງປະຕິບັດກ່ອນ, ສ້າງຕັ້ງ 3 ຄະນະປະຕິບັດງານ ໂດຍການນຳກະຊວງສາທາລະນະສຸກເປັນຫົວໜ້າ ເຊິ່ງມີການເຂົ້າຮ່ວມຂອງຂະແໜງການສຶກສາ, ຖະແຫຼງຂ່າວ-ໂທລະຄົມ ເພື່ອກວດກາ, ຊີ້ນຳບັນດາທ້ອງຖີ່ນໂດຍກົງ”