ປະທານາທິບໍດີ ຢູແກຼນ Petro Poroshenko
ພາບ:baomoi.com
|
(vovworld)-ວັນທີ 14/10 ການປະທະກັນໄດ້ເກີດຂຶ້ນຢູ່ຕໍ່ຫນ້າ ຫໍສະພາແຫ່ງຊາດ ຢູແກຼນ ລະຫວ່າງຜູ້ແຫ່ຂະບວນ ແລະ ກຳລັງຕຳຫລວດປ້ອງກັນຫໍສະພາແຫ່ງຊາດ. ການປະທະກັນເກີດຂຶ້ນ ພາຍຫລັງມີຜູ້ສະຫນັບສະຫນູນ ພັກ Svoboda ນັບພັນໆຄົນເຂົ້າຮ່ວມການແຫ່ຂະບວນເພື່ອສະເຫລີມສະຫລອງ ວັນກອງທັບລຸກຮຶ້ຂຶ້ນ ຢູແກຼນ. ໃນຂະນະພວມແຫ່ຂະບວນ, ມີຜູ້ຖືຫນ້າກາກຈຳນວນຫນຶ່ງ ໄດ້ບຸກໂຈມຕີກຳລັງຕຳຫລວດພວມປ້ອງກັນຢູ່ນອກຫໍສະພາແຫ່ງຊາດຂະນະທີ່ບັນດາສະມາຊິກສະພາແຫ່ງຊາດ ພວມປະຊຸມ. ສາຍເຫດພາໄປເຖິງການປະທະກັນ ຍ້ອນຜູ້ແຫ່ຂະບວນຂັດໃຈຕໍ່ເລື່ອງບັນດາສະມາຊິກສະພາແຫ່ງຊາດໄດ້ປ່ອນບັດເປັນຫລາຍຄັ້ງເພື່ອປະຕິເສດຂໍ້ສະເຫນີຮັບຮູ້ສະມາຊິກຈຳນວນຫນຶ່ງຂອງພັກ Svoboda ແມ່ນວິລະຊົນຂອງຊາດ. ໃນຖະແຫລງການທີ່ຍົກອອກຫລັງຈາກນັັ້ນ, ພັກ Svoboda ຖະແຫລງວ່າ ບໍ່ຮັບຜິດຊອບກ່ຽວກັບບັນດາການປະທະກັນດັ່ງກ່າວ ພ້ອມທັງເລັ່ງລັດ ຕຳຫລວດຕ້ອງມີມາດຕະການຈຳເປັນເພື່ອຫລິກລ້ຽງການບາດເຈັບລົ້ມຕາຍ.