ການພົບປະສັງສັນ ເນື່ອງໃນໂອກາດ ສະເຫຼີມສະຫຼອງ ວັນຊາດລາວຢູ່ ນະຄອນໂຮ່ຈິມິນ
ລາຍການສະແດງສິລະປະເນື່ອງໃນໂອກາດສະເຫຼີມສະຫຼອງ 37 ປີແຫ່ງວັນຊາດ ສ.ປ.ປ.ລາວ (ພາບ : baomoi.com )
|
Vovworld- ຕອນເຊົ້າວັນທີ 29/11, ຢູ່ນະຄອນໂຮ່ຈິມິນ, ສະຫະພັນບັນດາອົງການມິດຕະພາບ ແລະ ສະມາຄົມມິດຕະພາບຫວຽດນາມ-ລາວນະຄອນ ໄດ້ຈັດຕັ້ງການພົບປະສັງສັນເນື່ອງໃນໂອກາດສະເຫຼີມສະຫຼອງ 37 ປີແຫ່ງວັນຊາດ ສ.ປ.ປ.ລາວ. ທີ່ການພົບປະ, ບັນດາຜູ້ແທນໄດ້ພ້ອມກັນທົບທວນຄືນເຫດການປະຫວັດສາດກ່ອນນີ້ 37 ປີ ແລະ ເປັນເອກະສັນກັນຖືວ່າ ໂດຍຜ່ານການທົດສອບນາໆປະການ, ສາຍພົວພັນສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ-ລາວໄດ້ຮັບການພັດທະນາຢ່າງບໍ່ຢຸດຢັ້ງ, ແລະ ເພີ່ມພູນຄຸນສ້າງຜ່ານຫຼາຍລຸ່ນຄົນ ແລະ ກາຍເປັນຊັບສົມບັດອັນລ້ຳຄ່າຂອງ 2 ຊາດ . ກ່າວຄຳເຫັນທີ່ການພົບປະ, ສຸດທິເດດ ພົມມະລາດ, ຫົວໜ້າກົງສູນໃຫຍ່ແຫ່ງ ສ.ປ.ປ.ລາວ ປະຈຳນະຄອນໂຮ່ຈິມິນໃຫ້ຮູ້ວ່າ :
“ ພວກຂ້າພະເຈົ້າໄດ້ຮັບຮູ້ຢ່າງເລິກເຊິ່ງວ່າ ບັນດາຜົນງານທີ່ປະຊາຊົນລາວຍາດມາໄດ້ໃນຕະຫຼອດໄລຍະທີ່ຜ່ານມາ ແມ່ນບໍ່ອາດຕັດແຍກອອກຈາກການສະໜັບສະໜູນຢ່າງໃຫຍ່ຫຼວງ, ການຊ່ວຍເຫຼືອອັນລ້ຳຄ່າຂອງພັກ, ລັດ ແລະ ປະຊາຊົນຫວຽດນາມອ້າຍນ້ອງ. ພວກຂ້າພະເຈົ້າຫວັງພ້ອມກັບບັນດາເພື່ອນຫວຽດນາມຈະເຮັດຈົນສຸດຄວາມສາມາດຂອງຕົນ ແລະ ຖືວ່ານີ້ແມ່ນໜ້າທີ່ເພື່ອປົກປັກຮັກສາສາຍພົວພັນອັນຍິ່ງໃຫຍ່, ນ້ຳໃຈສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ-ລາວຈະຂຽວສົດງົດງາມຕະຫຼອດກາລະນານ ແລະ ນັບມື້ນັບມີປະສິດທິຜົນກ່ວາເກົ່າ ”