ສະໂມສອນໄວຫນຸ່ມເພື່ອທະເລໝູ່ເກາະມອບແຜນທີ່ຮ່ວາງຊາ ແລະ
ເຈື່ອງຊາໃຫ້ແຂວງ ດ້ຽນບຽນ
ພາບ:internet
|
(vovworld)- ຕອນເຊົ້າວັນທີ 6/8 ຢູ່ ແຂວງ ດ້ຽນບຽນ, ສະໂມສອນ ໄວຫນຸ່ມເພື່ອທະເລໝູ່ເກາະບ້ານເກີດເມືອງນອນ, ສູນກາງຄະນະຊາວຫນຸ່ມ ສົມທົບກັນຈັດຕັ້ງລາຍການພົບປະແລກປ່ຽນ, ແຈ້ງຂໍ້ມູນຂ່າວກ່ຽວກັບທະເລໝູ່ເກາະຫວຽດນາມ. ນີ້ແມ່ນການເຄື່ອນໄຫວເພື່ອໂຄສະນາ, ສຶກສາໃຫ້ປະຊາຊົນທຸກຊັ້ນວັນນະ, ເປັນຕົ້ນແມ່ນໄວຫນຸ່ມແຂວງ ດ້ຽນບຽນ ມີຄວາມເຂົ້າໃຈແຈ້ງກວ່າກ່ຽວກັບບົດບາດ, ທີ່ຕັ້ງຍຸດທະສາດຂອງທະເລໝູ່ເກາະຫວຽດນາມ ໃນພາລະກິດສ້າງສາ ແລະ ປົກປັກຮັກສາປະເທດຊາດ, ພື້ນຖານ, ພະຍານຫລັກຖານນິຕິທຳ ຢັ້ງຢືນອະທິປະໄຕຂອງຫວຽດນາມ ສຳລັບ ໝູ່ເກາະຮ່ວາງຊາ ແລະ ເຈື່ອງຊາ. ທ່ານ ເຈີນຮວ່າງຕ້າວ, ກຳມະການ ຄະນະບໍລິຫານງານຄະນະຊາວຫນຸ່ມ ພະແນກກໍ່ສ້າງແຂວງ ດ້ຽນບຽນ ໃຫ້ຮູ້ວ່າ:
“ເຂົ້າຮ່ວມລາຍການແຈ້ງຂໍ້ມູນກ່ຽວກັບທະເລໝູ່ເກາະຫວຽດນາມ, ຂ້າພະເຈົ້າມີຄວາມເຂົ້າໃຈຕື່ມອີກກ່ຽວກັບທະເລໝູ່ເກາະຂອງປະເທດຊາດ ກໍຄືກຳແຫນ້ນໄດ້ບັນດາຂໍ້ມູນຂ່າວສານເພື່ອໂຄສະນາເຖິງຊາວຫນຸ່ມໃນພະແນກ ແລະ ຊາວຫນຸ່ມຢູ່ເຂດຫ່າງໄກສອກຫລີກ.”