ກອງປະຊຸມພົບປະເຈລະຈາ ປະຈຳປີ 2019 ລະຫວ່າງ ຄະນະກຳມະການແນວໂຮມປະເທດຊາດຫວຽດນາມແຂວງກວ໋າງນາມແລະ ແນວລາວສ້າງຊາດແຂວງເຊກອງ (ພາບ: daidoanket.vn)

ໂດຍການເປັນປະທານຮ່ວມຂອງ ທ່ານຫວໍຊວັນກາປະທານຄະນະກຳມະການແນວໂຮມປະເທດຊາດຫວຽດນາມແຂວງກວ໋າງນາມ ແລະທ່ານນາງບຸນຮຽນບຸນຈິດປະທານແນວລາວສ້າງຊາດແຂວງເຊກອງ.

ທີ່ການພົບປະເຈລະຈາ, ສອງຝ່າຍໄດ້ປຶກສາຫາລືແລກປ່ຽນບາງເນື້ອໃນສຳຄັນຄື: ສືບຕໍ່ສົມທົບກັນໂຄສະນາເຜີຍແຜ່, ປະຕິບັດອະນຸສັນຍາວ່າດ້ວຍເສັ້ນຊາຍແດນແລະຫຼັກໝາຍຊາຍແດນ; ຂົນຂວາຍປະຊາຊົນຢູ່ບັນດາທ້ອງຖິ່ນທີ່ມີເສັ້ນຊາຍແດນຮ່ວມກັນ ຕັ້ງໜ້າພັດທະນາເສດຖະກິດ, ຫຼຸດຜ່ອນອັດຕາຄອບຄົວທຸກຍາກ; ສົມທົບກັນແກ້ໄຂບັນດາກໍລະນີສົມລົດທີ່ບໍ່ໄດ້ຈົດທະບຽນ, ປະຊາຊົນເຄື່ອນຍ້າຍແບບເສລີ ຢູ່ ເຂດຊາຍແດນ; ສົມທົບກັນໃນວຽກງານຊອກຄົ້ນຫາອັດຖິທະຫານ, ອາສາສະໝັກ ຫວຽດນາມທີ່ເສຍສະຫຼະຊີວິດເພື່ອຊາດຢູ່ ລາວແລະທະຫານລາວທີ່ເສຍສະຫຼະຊີວິດເພື່ອຊາດຢູ່ ຫວຽດນາມ.