(vovworld) – ຕອນຄ່ຳວັນທີ 11/01, ໄດ້ເກີດເຫດວາງລະເບີດ 2 ຄັ້ງຢ່າງລຽນຕິດຢູ່ຮ້ານກາເຟ ຢູ່ເທດສະບານເມືອງ Maqdadiyah, ແຂວງ Diyala, ທາງທິດຕາເວັນອອກອີຣັກ, ເຮັດໃຫ້ 23 ຄົນເສຍຊີວິດ ແລະ 44 ຄົນໄດ້ຮັບບາດເຈັບ. ເຫດວາງລະເບີດຄັ້ງທຳອິດ, ລະເບີດຖືກວາງຢູ່ແຄມທາງ ແລະ ລະເບີດຂຶ້ນໃກ້ກັບຮ້ານກາເຟຢູ່ Maqdadiyah, ຫ່າງຈາກນະຄອນຫຼວງແບກແດດ ໄປທາງທິດຕາເວັນອອກສ່ຽງເໜືອ ປະມານ 100 ກ.ມ. ຫຼັງຈາກນັ້ນ, ລົດໂອໂຕຄັນໜຶ່ງທີ່ວາງລະເບີດ ກໍຖືກລະເບີດຂຶ້ນຢູ່ສະຖານທີເກີດເຫດທຳອິດ ເຮັດໃຫ້ສ່ວນໜຶ່ງຂອງຮ້ານກາເຟ ແລະ ບາງຮ້ານຂາຍເຄື່ອງມໍ່ໆນັ້ນຖືກເປເພເສຍຫາຍ.
ໃນວັນເກີດເຫດ, ອົງການລັດອິດສະລາມ (IS) ອ້າງຊື່ເອງ ຍອມຮັບວ່າ ໄດ້ດຳເນີນການບຸກໂຈມຕີ ແລະ ຈັບຕົວປະກັນຢູ່ສູນການຄ້າ ຢູ່ທາງທິດຕາເວັນອອກສ່ຽງເໜືອ ແບກແດດ, ເຮັດໃຫ້ຢ່າງໜ້ອຍສຸດມີ 12 ຄົນເສຍຊີວິດ.