ການເຄື່ອນໄຫວຕ່າງໆສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດຊູແອດ-ຫວຽດນາມ
ການປະຊຸມຂ່າວຂອງສະຖານທູດ ຊູແອດ
(ພາບ: Thảo Nguyên)
(vovworld) – ກ່າວຄຳເຫັນໄຂລາຍການສະເຫຼີມສະຫຼອງ 45 ປີແຫ່ງວັນສ້າງຕັ້ງສາຍພົວພັນທາງການທູດ ຊູແອດ - ຫວຽດນາມ, ທີ່ຖືກຈັດຂຶ້ນໃນວັນທີ 21/1, ທ່ານນາງເອກອັກຄະລັດຖະທູດ ຊູແອດ ປະຈຳ ຫວຽດນາມ Camilla Mellander ເນັ້ນໜັກວ່າ: ກ່ອນນີ້ 45 ປີ, ຊູແອດ ແມ່ນປະເທດຝ່າຍຕາເວັນຕົກແຫ່ງທຳອິດສ້າງຕັ້ງການພົວພັນທາງການທູດ ກັບ ຫວຽດນາມ, ເລື່ອງເຊັນສັນຍາການພົວພັນທາງການທູດ 2 ຝ່າຍລະຫວ່າງ ຊູແອດ ແລະ ຫວຽດນາມ ໄດ້ສ້າງພື້ນຖານຢ່າງໝັ້ນຄົງໃຫ້ແກ່ການພົວພັນຄູ່ຮ່ວມມືໜ້າໄວ້ເນື້ອເຊື່ອໃຈ, ນຳມາເຊິ່ງຜົນປະໂຫຍດໃນທຸກຂົງເຂດໃຫ້ 2 ປະເທດ. ທ່ານນາງເອກອັກຄະລັດຖະທູດ Camilla Mellander ຢືນຢັນ ຊູແອດ ອາດຈະສືບຕໍ່ປະກອບສ່ວນມີຄວາມໝາຍເຂົ້າໃນການພັດທະນາເສດຖະກິດຂອງ ຫວຽດນາມ ດ້ວຍການເພີ່ມທະວີທາງດ້ານການຄ້າ, ແລກປ່ຽນບັນດາມາດຕະການດຳເນີນທຸລະກິດ ແລະ ຊຸກຍູ້ການມອບໂອນເຕັກໂນໂລຢີໃນຂົງເຂດ ສາທາລະນະສຸກ, ເຕັກໂນໂລຢີຂຽວ... ບັນດາຂະແໜງເໝາະສົມກັບຍຸດທະສາດຂອງ ຫວຽດນາມ ໃນການເຕີບໂຕຂຽວ ແລະ ພັດທະນາແບບຍືນຍົງ.
ກໍ່ທີ່ພິທີ, ທ່ານນາງເອກອັກຄະລັດຖະທູດ ຊູແອດ ປະຈຳ ຫວຽດນາມ ໃຫ້ຮູ້ວ່າ: ໃນປີ 2014 ນີ້, ສະຖານທຸດ ຊູແອດ ປະຈຳ ຫວຽດນາມ ຈະສົບທົບກັບບັນດາກະຊວງ, ຂະແໜງການ, ອົງການກ່ຽວຂ້ອງຂອງ ຫວຽດນາມ ຈັດຕັ້ງເຫດການກ່ຽວກັບບັນດາຫົວຂໍ້ຄື: ເສດຖະກິດ, ການຄ້າ, ວັດທະນະທຳ, ສີລະປະ, ການສຶກສາ... ເດືອນລະເທື່ອໜຶ່ງ ເພື່ອແນໃສ່ປະກອບສ່ວນເພີ່ມທະວີການພົວພັນຮ່ວມມື 2 ຝ່າຍລະຫວ່າງ ຊູແອດ ແລະ ຫວຽດນາມ.