ພາບປະກອບ:internet
|
(vovworld)- ທີ່ການປະຊຸມຂ່າວໃນຕອນເຊົ້າວັນທີ10/7 ຢູ່ ຮ່າໂນ້ຍ, ຜູ້ຕາງຫນ້າກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມໃຫ້ຮູ້ວ່າ: ການເຄື່ອນໄຫວທີ່ພົ້ນເດັ່ນໃນໂອກາດສະເຫລີມສະຫລອງ 67 ປີແຫ່ງວັນທະຫານເສຍອົງຄະ, ນັກຮົບເສຍສະຫລະຊີວິດເພື່ອຊາດແມ່ນກອງປະຊຸມຍ້ອງຍໍຜູ້ມີຄຸນງາມຄວາມດີຕໍ່ການປະຕິວັດທົ່ວປະເທດປີ 2014 ຊື່ງຈະຈັດຂຶ້ນຢູ່ແຂວງກວ໋າງນາມ ແຕ່ວັນທີ 17-18/7. ນອກນັ້ນ ຍັງມີການເຄ່ືອນໄຫວຕອບບູນແທນຄຸນຫລາຍຢ່າງ ກໍຈະຖືກຈັດຂຶ້ນຢູ່ຫລາຍທ້ອງຖິ່ນ. ທ່ານ ເຢືອງມີງໂດ, ຮອງຫົວຫນ້າກົມຜູ້ມີຄຸນງາມຄວາມດີຕໍ່ການປະຕິວັດ, ສັງກັດກະຊວງແຮງງານທະຫານເສຍອົງຄະ ແລະ ສັງຄົມຫວຽດນາມໃຫ້ຮູ້ວ່າ:
“ໃນໂອກາດນີ້ຈະຈັດການເຄ່ືອນໄຫວຢື້ຢາມຖາມຂ່າວ,ມອບຂອງຂວັນໃຫ້ແກ່ບັນດາຄອບຄົວໃນເປົ້າໝາຍນະໂຍບາຍຢູ່ບັນດາທ້ອງຖິ່ນໃນທົ່ວປະເທດ, ຢູ່ສູນເບິ່ງແຍງທະຫານເສຍອົງຄະ, ນັກຮົບເຈັບປວຍ. ນອກນັ້ນ ບັນດາທ້ອງຖິ່ນຫັກເງິນຈາກງົບປະມານ, ຂົນຂວາຍວິສາຫະກິດຢື້ຢາມຖາມຂ່າວ, ມອບຂອງຂວັນໃຫ້ແກ່ບັນດາຄອບຄົວໃນເປົ້າໝາຍນະໂຍບາຍ.”